Dagblaðið Vísir - DV - 29.11.1990, Blaðsíða 4

4
FIMMTUDAGJJR 29. NÓVEMBER 1990.
Fréttir
Djúpstæður ágreiningur
innan Þjóðarflokksins
- deiluefnið hvort fara eigi í sameiginlegt framboð með Heimastjómarsamtökunum
Gylfy Knstjánsson, DV, Akureyri:
Djúpstæður ágreiningur er kominn
upp innan Þjóðarflokksins varðandi
það hvernig staðið skuli að í'ram-
boðsmálum flokksins í komandi
kosningum til Alþingis. Baráttan er
á milli þeirra sem vilja að flokkurinn
haldi sínu striki og bjóði fram einn
og sér í öllum kjördæmum og hinna
sem vilja láta á það reyna hvort
hægt er að ná samkomulagi við hin
nýju Heimastjórnarsamtök um sam-
eiginlegt framboð.
„Þetta gildir alls ekki fyrir Norður-
landskjördæmi eystra eingöngu
vegna þess að þessar þreifingar eiga
sér stað miklu víöar um landið. Hins
vegar finnst mér eðlilegt að vekja
þær upp hér á Norðurlandi eystra
vegna þess að einu formlegu samtök-
in, sem eru til sem grundvöllurinn
að Heimastjórnarsamtökunum, eru
Samtök um jafnrétti og félagshyggju
sem eru bara til hér í kjördæminu,"
segir Benedikt Sigurðarson, formað-
ur stjórnar kjördæmisfélags Þjóðar-
flokksins í Norðurlandskjördæmi
eystra.
Benedikt segir sína skoðun og
margra annarra vera þá að Þjóðar-
flokkurinn eigi ekki möguleika á
þingsæti gegn einu eða fleiri fram-
boðum sem vilja höfða til sama fólks-
ins. Því hafi þessar viðræður við
Heimastjórnarsamtökin verið teknar
upp og segir Benedikt að líta megi á
viðræðurnar sem framhald þeirra
viðræðna sem fóru fram um samein-
ingu Þjóðarflokksins og Samtaka um
jafnrétti og félagshyggju fyrir um
ári. Hins vegar sé nú einungis verið
að ræða um sameiginlegt framboð
en ekki sameiningu á þessu stigi.
„Ég hef alltaf viljað halda stefnu
flokksins hreinni og frá mínum bæj-
ardyrum séð er ekki grundvöllur fyr-
ir því að fara í samstarf," segir Árni
Steinar Jóhannsson, sem á sæti í
stjórn Þjóðarflokksins, en talið hefur
verið líklegt að Árni myndi skipa
efsta sæti á lista flokksins í Norður-
landskjördæmi eystra.
„Þessi mál voru rædd á síðasta
landsfundi Þjóðarflokksins og tillögu
um samvinnu við Samtök um jafn-
rétti og félagshyggju var þá vísað frá.
Það eiga allir möguleika í kosningum
ef fólki geðjast að málflutningi við-
komandi. Ég hef ekki á tilfmning-
unni að það verði mikil átök um
þetta. Það stendur fyrir dyrum fund-
ur í kjördæmisstjórninni og þar
verður þetta rætt.
Það fólk, sem hefur starfað lengst
innan Þjóðarflokksins, er á því að
við höldum okkar striki og ég trúi
því að það sé meirihluti fyrir því
þangað til annað kemur í ljós,“ sagði
Árni Steinar.
Þotuhreiðrið, listaverk Magnúsar Tómassonar, sem setja á upp fyrir utan flugstöðvarbygginguna á Keflavíkurflug-
velli, er ekki enn komið á sinn stað. Listaverkið var flutt á flugvöllinn í fyrradag en þegar setja átti eggið í hreið-
rið reyndist kraninn, sem það átti aðqera, ekki ráða við það. DV-mynd Ægir Már
Launaskrlfstofa ríkisins:
Vill lækka konu í launum
- Jafnréttisráðvillsömulaimfyrirsömuvinnu
Jafnréttisráð hefur fjallað um mál
karlmanns sem hann kærði til ráðs-
ins. Maðurinn starfar hjá Sjónvarp-
inu sem tölvugrafíker og fær borgað
samkvæmt kjarasamningi Starfs-
mannafélags Sjónvarpsins. Kona,
sem vinnur með honum við sama
starf, fær hins vegar greitt sam-
kvæmt kjarasamningi Rafiðnaðar-
sambandsins.
Launaskrifstofa ríkisins hafnaði
þeirri beiðni mannsins að fá aö taka
laun samkvæmt samningi Rafíðnað-
arsambandsins. Þegar Jafnréttisráð
óskaði eftir ástæðum þeirrar neitun-
ar hjá Launaskrifstofunni fékk ráðið
þau svör að „hvorki starf það sem
hér um ræðir né menntun þessara
tveggja einstaklinga gefi tilefni til að
þau taki laun skv. umræddum kjara-
samningi." Jafnframt segir í bréfi
Launaskrifstofunnar til Jafnréttis-
ráðs að skrifstofan beini þeim til-
mælum til Ríkisútvarpsins að það
geri þær ráðstafanir sem leiði af
þessari niðurstöðu. „Ríkisútvarpið
hefur hins vegar ekki aðhafst neitt í
þessum efnum og mun Launaskrif-
stofa ríkisins því, að gefnu þessu til-
efni, ítreka fyrri tilmæli sín og fylgja
þeim þá eftir með þeim ráðum sem
tiltæk eru.“
í niðurstöðu Jafnréttisráðs segir
að Launaskrifstofa ríkisins hafí úr-
skurðað að báðir starfsmennirnir
skuli taka laun samkvæmt kjara-
samningi Starfsmannafélags Sjón-
varps. „Það þýðir að lækka skal kon-
una í launum til samræmis við laun
mannsins......Með þessu virðist
Launaskrifstofa ríkisins ætla að nota
kæru fyrir Jafnréttisráði sem tilefni
til að beita öllum tiltækum ráðum til
að kona í þjónustu ríkisins verði
lækkuð í launum.“
Jafnréttisráð úrskurðar hiris vegar
að ákvörðun Launaskrifstofu ríkis-
ins um laun mannsins brjóti í bága
við 1. tl. 5. gr. laga nr. 65 frá 1985 um
jafna stöðu og jafnan rétt kvenna og
karla og beinir þeim tilmælum til
Launaskrifstofunnar að launakjör
mannsins verði samræmd launa-
kjörum annarra starfsmanna Sjón-
varpsins fyrir sams konar eða sam-
bærileg störf hj á stofnuninni. -ns
í dag mælir Dagfari
Þú hýri Hafnarfjörður
Maður hefði haldið að bæjarfull-
trúar hvarvetna um landið hefðu
fengið nóg af kösningabaráttunni í
vor. Nú hefðu þeir slíðrað sverðin
og myndu lifa-í sátt og samlyndi
fram að næstu kosningum. En al-
deilis ekki. Að minnsta kosti ekki
í Hafnarfírði þar sem nú er háður
pólitískur skotgrafahernaður af
verstu tegund.
Handboltamaöurinn Þorgils Ótt-
ar stendur fyrir þessum látum og
ræðst gegn bæjarstjóranum Guð-
mundi Árna Stefánssyni. Þó hélt
Dagfari að Þorgils ætti nóg með sig
á línunni í handboltanum þótt
hann stæði ekki líka á línunni í
pólitíkinni. Og Dagfari hélt að Guð-
mundur Ámi fengi að sitja á friðar-
stóli eftir að hafa verið útnefndur
sem efnilegasti stjórnmálamaður
Alþýðuflokksins á síöasta krata-
þingi. Hann mun hafa verið línu-
maður líka í handboltanum forð-
um. Svona getur farið fyrir línu-
mönnum sem vilja fylgja ílokkslín-
unni og halda að það sé sama línan
og í handboltanum.
Endurskoðandi bæjarreikning-
anna í Hafnarfirði hefur fundið það
út að Guðmundur Ámi hafa greitt
sér 475 þúsund krónur í mánaðar-
laun. Hann hafi aö auki greitt sjálf-
um sér 205 þúsund krónur í orlof
sem hann ekki tók. Sú upphæð
fékkst með því að reikna orlof á
mánaðarlaun, yfirvinnu, bíl,
nefndarlaun og risnu.
Eftir því sem Guðmundur Árni
segir eru þetta ofsóknir og segir þar
að auki að þetta séu gamlar lumm-
ur hjá endurskoðandanum, sem
búið sé að rífast um fyrir kosning-
ar. Menn eiga ekki að rífast um
mál eftir kosningar sem búið er að
rífast um fyrir kosningar og vísaði
síðan frá tillögu Þorgils Óttars um
að hann, þ.e. Guðmundur Árni,
greiddi orlofið til baka.
Það er auðvitað til of mikils
mælst að menn borgi til baka laun
og orlof sem þeir eru búnir að fá.
Sérstaklega þegar hér er um orlofs-
greiðslur að ræða fyrir orlof sem
ekki var tekið. Ef bæjarstjórinn
hefur bíl og yfirvinnu og risnu
meðan hann er i vinnunni þá á
hann vitaskuld að fá borgað fyrir
að vera í -vinnunni þegar hann á
ekki að vera i vinnunni. Það er
furðulegt að Þorgils línumaður
skuli ekki skilja svona einfóld
reikningsdæmi.
Samkvæmt flokkslínu Guð-
mundar Árna eiga allir að vera
jafnir. Jafnrétti, frelsi og bræðralag
eru kjörorö þeirra jafnaðarmann-
anna. Líka í Hafnarfirði, þótt ótrú-
legt sé. Guðmundur Árni hefur
skilið þetta þannig aö hann eigi að
jafna tekjum sínum á alla mánuði,
hvort heldur hann er í orlofi eða
ekki orlofi. Og þegar hann er ekki
í orlofi þegar hann á að vera í or-
lofi jafnar hann auðvitað út launa-
greiðslum til sín i samræmi við
þann jöfnuð sem kemur út úr dæm-
inu þegar hann deilir út risnufé
sínu, bílapeningum og yfirvinnu á
þann tíma sem hann vinnur þegar
hann á ekki að vera að vinria. Það
kemur ofan á hin launin ef línan
er jöfnuð út. Guðmundur er greini-
lega betri línumaður en Þorgils
Óttar.
Guðmundur Árni vinnur myrkr-
anna á milli án þess að taka sér
orlof og nær því þess á milli að
vera kjörinn efnilegasti stjórn-
málamaður framtíðarinnar. Eða
kannske að hann hafi orðið svona
efnilegur á því að vinna í orlofmu?
Alla vega á hann það skilið að fá
tvö hundruð og fimm þúsund krón-
ur fyrir aö fara ekki í orlof heldur
en að fara í orlof því að þá hefði
endurskoðandinn ekki fengið tæk-
ifæri til að tíunda orlofslaunin og
þá hefði Þorgils Óttar ekki getað
fundið að þeim línudansi sem bæj-
arstjórinn stígur í orlofinu.
Menn fá ekki boltann á línuna
nema þeir hreyfi sig og skothríðin
dynji á varnarlausum jafnaðar-
mönnum sem vilja jafna kjörin
með því að bæta sér upp orlofs-
missinn.
Ó, þið hýru Hafnfirðingar. Ekki
fara í orlof og ekki hætta línuspil-
inu og ekki láta það á ykkur fá
þótt bæjarstjórinn skammi endur-
skoðandann og endurskoðandinn
bæjarstjórann. ÞorgilS Óttar er
hættur á línunni i landsliðinu og
farinn að stunda pólitískan línu-
dans í bæjarstjórn. En Guðmundur
Árni er og verður efnilegasti
stjórnmálamaður framtíðarinnar
meðan hann nýtur þeirra fríðinda
að fá borgað orlof fyrir að fara ekki
í orlof með þvi að reikna það út á
jafnaðarverði.
Dagfari