Dagblaðið Vísir - DV - 29.01.1991, Side 4

4
ÞRIÐJUDAGUR 29. JANÚAR 1991.
Fréttir
Flugleiðir auglýstu eftir flugfreyjum:
800 manns sóttu um
Um 800 manns sóttu um flugfreyju-
stöður sem Flugleiðir auglýstu
lausar til umsóknar á dögunum. Að
sögn Einars Sigurðssonar vita menn
ekki til þess að svo margir hafi sótt
um einstök störf hjá félaginu. Ekki
er búið að ráða í stöðumar og óvíst
er hve margar flugfreyjur, eða flug-
þjónar, verða endanlega ráðnar.
Geta þær orðið allt að 50 tals-
ins.
Umsækjendur voru allir á aldrin-
um 20-27 ára. Um 8 af hverjum 10
umsækjendum voru stúlkur. Einar
sagði að ef allir umsækjendur hefðu
verið stúlkur hefði það þýtt að 5-0
Rómantikin í kringum flugfreyjustörfin virðist blómstra sem aldrei tyrr.
DV-mynd GVA
prósent þessa aldurshóps hefðu sótt
um störfin.
375 umsækjendur voru teknir í við-
tal um helgina og vom 17 kennslu-
stofur í Verslunarskólanum fengnar
að láni til þess. Mikill áhugi var
merkjanlegur meðal umsækjenda.
Einar sagði menn velta því fyrir sér
hvers vegna viðbrögin við auglýsing-
unni hefðu verið svo mikil en væru
htlu nær. Sem fyrr virtust flugfreyju-
störf vera mjög eftirsótt. Flugleiðir
auglýstu eftir flugfreyjum fyrir
nokkrum árum en þá bárust ekki
svona margar umsóknir.
-hlh
Norðurland eystra:
Sigurður í 2.
sæti hjá krötum
Gylfi Kristjánsson, DV, Aknreyii
Framboðslisti Alþýðuflokksins í
Norðurlandskjördæmi eystra hefur
ekki verið tilkynntur, en ýmislegt
hefur gengið á við að koma saman
listanum frá því úrslit prófkjörs
kratanna sem fram fór í lok október
lágu fyrir.
Sigbjörn Gunnarsson, verslunar-
maður á Akureyri hlaut efsta sætið
í prófkjörinu og mun skipa það sæti
á listanum. Hinsvegar sagði Hreinn
Pálsson, bæjarlögmaður á Akureyri
sig frá 2. sætinu sem hann hlaut í
prófkjörinu, og Amór Benónýsson
sem hafnaði í 4. sæti lýsti því einnig
yfir að hann myndi ekki taka sæti á
listanum.
Þeir kratar sem DV hefur rætt viö
segja að engin óeining sé innan
flokksins í kjördæminu, en vissulega
hafi þessar „uppákomur“ skapaö
vandamál. Nú er talið fullvíst að Sig-
urður Amórsson, framkvæmda-
stjóri á Akureyri sem hafnaði í 3.
sæti í próflkjörinu taki 2. sæti listans,
og Pálmi Ólafsson skólastjóri á Þórs-
höfn 3. sætið, en hann varö í 5. sæti
prófkjörsins. Alþýðuflokkurinn á
einn þingmann í kjördæminu, Áma
Gunnarsson, en hann fer sem kunn-
ugt er fram fyrir flokkinn á Suður-
landi.
Harður árekstur varð við Stekkjarbakka í Breiðholti um hádegi á laugardag. Tveir bilar rákust saman og skemmd-
ust mikið. Nota varð klippur til þess að ná ökumanni annars bílsins úr flakinu. Ökumenn beggja bílanna voru fluttir
á slysadeild en meiðsli þeirra eru ekki talin alvarleg. -Pá/ DV-mynd S
Isafjarðardjúp:
Brú yf ir
Mjóafjörð
í athugun
Hlynur Þór Magnússon, DV, ísafirði:
Fram eru komnar hugmyndir um
brú yfir Mjóafjörð við ísafjarðardjúp.
Búið er að gera frumathugun á mál-
inu og bendir hún til þess að rétt sé
að kanna hugmyndina betur. Gert
er ráð fyrir hengibrú sem færi yfir í
Hrútey að sunnanverðu, en síðan
yrði fyllt upp að norðanverðu þar
sem einungis er um 5-6 metra dýpi.
Kristján Kristjánsson, umdæmis-
tæknifræðingur hjá Vegagerðinni á
ísafirði, sagði að samkvæmt frumút-
reikningum mundi þessi fram-
kvæmd kosta um 500 milljónir króna.
Er það svipað og kosta mundi að
byggja upp veginn inn fjörðinn og
yfir Fjall, um Hestakleif. Það mælir
hins vegar með brúnni að vegir niðri
við sjó eru ódýrari í rekstri. Að sum-
arlagi mundi brú lengja leiðina um
8.1 km, en að vetrarlagi, miðað við
ófæra heiði, mundi leiðin styttast um
26.1 km.
Hugmyndin gerir ráð fyrir að firð-
inum verði lokað fyrir bátum, þannig
að hún stendur og fellur með því
hvort slíkt er verjandi, m.a. vegna
rækjuveiða.
Guðmundur gefst upp
Þegar Guðmundur G. Þórarins-
son tapaði í prófkosningum fram-
sóknarmanna í Reykjavík fyrir
Finni Ingólfssyni lýsti hann yfir því
að sigurvegaramir væru bófa-
flokkur frá Chicago. Guðmundur
neitaði að taka mark á úrslitunum
og hótaði sérframboði. Óskaði
raunar eftir því að bjóða fram und;
ir BB og sagði frá því í blöðunum
aö hann hygði á framboð um land
allt. Var greinilegt að hér var ridd-
ari réttlætisins á ferðinni og fór
mikinn. Óttuðust framsóknar-
menn þetta upphlaup Guðmundar
og gerðu tilraun til að fá Steingrím
til að taka fyrsta sætið í Reykjavík
og Finnur Ingólfsson varð svo
hræddur aö hann gaf sætið eftir til
Steingríms.
Rjallið tók jóðsótt og fæddist lítil
mús. Guðmundur fékk ekki BB og
Framsókn fékk ekki Steingrím til
Reykjavíkur, af því hann var vin-
sælli í Reykjanesi en í Reykjavík
og Steingrímur getur bara verið í
framboöi í einu kjördæmi 1 einu'. i
staöinn fyrir Steingrím fór Fram-
sóknarflokkurinn í Reykjavík fram
á að Ásgeir Hannes Eiríksson tæki
sæti á listanum og hvort sem það
var bófaflokkurinn sjálfur eða Ás-
geir Hannes sem réði því, þá gaf
Guðmundur G. Þórarinsson loks
út yfirlýsingu nú um helgina þess
efnis að hann væri hættur við að
bjóða fram. Hann hefur dregið sig
í hlé frá pólitíkinni og segist ætla
að stunda verkfræði í framtíðinni.
Þetta er út af fyrir sig skynsamleg
niðurstaða hjá Guðmundi. Hann
er mikið betur kominn í verkfræði
heldur en pólitík án þess að Dag-
fari sé að halda því fram að verk-
fræðin sé betur sett með Guömund.
En pólitíkin er það áreiðanlega,
enda er ekkert pláss fyrir græn-
ingja eins og Guðmund G. Þórar-
insson í póhtík, þar sem bófaflokk-
ar frá Chicago ráða ferðinni. Að
minnsta kosti í Framsókn.
Guðmundur segir að ákvörðun
hans sé tekin vegna þess að gríðar-
legur fjöldi framsóknarmanna hafi
hringt í hann og beðið hann um að
fara ekki fram. Þetta er nýstárlegt
í pólitík. Venjulega halda frambjóð-
endur því fram að kjósendur hringi
unnvörpum í þá til að skora á þá
að fara fram. En í þetta skiptið fær
frambjóöandi upphringingar þar
sem hann er beðinn um að fara
ekki fram. Skilur maöur nú betur
en áður hvers vegna Guðmundur
fékk ekki kosningu hjá Framsókn.
Framsóknarmenn í Reykjavík
biðja til guðs um að Guðmundur
verði ekki í framboði og hringja
jafnvel í hann sjálfan til að komá í
veg fyrir það. Ekki er von að Guð-
mundur fái mörg atkvæði hjá þessu
fólki þegar enginn vill hann í fram-
boð og maður gengur undir manns
hönd til að biðja hann um að fara
ekki fram.
Guðmundur segist hafa orðið við
þessari beiðni vegna þess að hann
vill ekki eyðileggja tuttugu ára
uppbyggingarstarf sitt í Reykjavík
í þágu Framsóknarflokksins. Þetta
er göfugmannleg yfirlýsing í ljósi
þess að uppbyggingin leiddi til þess
aö Guðmundur féll fyrir bófaflokki
í þessum sama flokki og styrkur
hans er svo mikill að framsóknar-
fólkiö kemur til hans í hópum til
að vara hann við að bjóða sig fram!
Það má ekki hrófla við bófaflokkn-
um, það má ekki styrkja flokkinn
með BB framboði og það er betra
að fá Ásgeir Hannes Eiríksson á
framboðslista Framsóknar frekar
en að Guðmundur eyðileggi upp-
bygginguna í höfuðborginni með
því að gefa kost á sér.
Nú ætlar Guðmundur G. Þórar-
insson að snúa sér að verkfræðinni
og láta bófaflokkana um að taka
við uppbyggingunni og Framsókn-
arflokknum í Reykjavík. Þetta er
sem sagt niðurstaðan og árangur-
inn af tuttugu ára þrotlausu starfi
Guðmundar í þágu Framsóknar-
flokksins. Veröur ekki annað sagt
en að framlag þessa góða manns
hafi skilað nokkru í pólitíkinni og
ekki nema von að hann dragi sig í
hlé. Pólitíkin þarf ekki lengur á
Guðmundi að halda, Framsókn
þarf ekki lengur á honum að halda
og vinir Guðmundar þurfa ekki
lengur á honum að halda. Hans
mál eru í höfn.
Nú er vegurinn beinn og breiður
fyrir bófaflokkinn. Með bófaflokk-
inn hreinræktaðan í framboði er
Finnur Ingólfsson réttur maður á
réttum stað. Nú þurfa þeir ekki
lengur að villa á sér heimildir.
Þökk sé Guðmundi G.
Dagfari