Dagblaðið Vísir - DV - 29.01.1991, Side 15
ÞRIÐJUDAGUR 29. JANÚAR 1991.
15
Kúvæt:
í umboði Sameinuðu þjóðanna
...staöreyndin er sú að Sameinuðu þjóðirnar hafa veitt Kúvæt og
bandamönnum þess vald og umboð..
Styrjöld stendur nú yfir við
Persaflóa - styijöld sem hófst 2.
ágúst 1990 þegar hersveitir íraks,
stjómað af Saddam Hussein, réðust
inn í og hertóku Kúvæt. Þessi að-
gerð, að stroka Kúvæt út af landa-
kortinu, er brot af verstu gerð á
fullveldi þjóöar.
Utanríkis- og varnarmál
íslands
Utanríkis- og vamarmál hafa
verið mjög fyrirferðarmikil í ís-
lenskri stjómmálaumræðu undan-
fama áratugi. Hefur þjóðin oft á
tíðum skipst í tvær fylkingar með
htinn hóp inn á milli sem aldrei
hefur skoðun í erfiðum málum og
allra vinur vill vera.
Meirihlutinn hefur stutt NATO
og viðleitni vestrænna ríkja til þess
að spoma við heimsútþenslu
kommúnista, stýrðri af Sovétvald-
inu í Moskvu. Minnihlutinn, fylk-
ing vinstri manna á íslandi, hefur
haft allar aðgerðir vestrænna aðila
á homum sér og mótmælt, oftast í
takt við hagsmuni Sovétvaldsins,
af átakanlegri nákvæmni.
Afstaðan til Kúvæts
Afstaða meginþorra íslensku
þjóðarinnar til atburðanna í Kúvæt
er skýr. Þjóðin fordæmir hemám
Kúvæts og styður frelsun Kúvæts.
Það er hins vegar athyghsvert að
fylgjast með afstöðu þeirra manna,
sem vom og em í forustu fyrir
vinstri menn, til þessara atburða.
Hver er raunveruleg afstaða
þeirra til frelsunar Kúvæts? Er hún
sú sama í orði og á borði? Er enqþá
borið við að menn trúi ekki þeim
atburðum sem gerst hafa og að við
eigum að bíða eftir því að svart
verði hvítt og reynt að telja okkur
trú um að hvítt sé svart? .
KjaHaririn
Árni M. Mathiesen
dýralæknir
Fjármálaráðherra
'NÞví miður virðist fjármálaráð-
herra enn vera við sama heygarðs-
homið. Hann reynir hvað hann
getiu- að telja mönnum trú um að
Saddam Hussein sé maður sem
hægt sé að semja við. Hann þykist
ekki trúa því sem annar ritstjóri
DV hefur svo rækilega bent á að
Saddam Hussein hefur aldrei ætlaö
sér að semja um brotthvart herja
sinna frá Kúvæt.
Ejármálaráðherra reynir að
halda því fram að hernaðaraðgerð-
ir fjölþjóðahersins við Persaflóann
séu mnnar undan rifjum Banda-
ríkjamanna einna og aö Samein-
uðu þjóðirnar komi þar hvergi
nærri.
Umboð Sameinuðu
þjóðanna
Á meðan staðreyndin er sú að
Sameinuðu þjóðimar hafa veitt
Kúvæt og bandamönnum þess vald
og umboð (sbr. texta ályktunar S.Þ.
þar sem eftirfarandi orð er notað:
Authorize s. heimila, löghelga, lög-
gilda, to authorize a person to act
for one. Authority n. vald, valds-
umboð, heimild: Ur Ensk-íslenskri
orðahók eftir Sigurð Örn Bogason)
til þess að gera allt það sem nauð-
synlegt er til þess aö knýja írak til
þess að fara eftir 12 ályktunum
Sameinuðu þjóðanna um frelsun
Kúvæts og brottflutnings hers ír-
aks úr landinu.
Það sem meira er, Sameinuðu
þjóðimar í sömu ályktun fara þess
á leit við öll þau lönd og þjóðir sem
þess em umkomnar að aðstoða við
þær aðgerðir sem nauðsynlegar
verða taldar.
Forsætisráðherra
Það má segja að viðbrögð fjár-
málaráðherra eigi ekki að koma á
óvart en viðbrögð forsætisráðherra
og að hann skuh taka undir rang-
færslur íjármálaráðherra hvað
varðar hlut Sameinuðu þjóðanna
koma á óvart.
Trúgirni forsætisráðherra á
samningsvilja Saddams Husseins
er afar sérstök og leiðir hugann að
félagsskap forsætisráðherra við
aðalstuðningsmann íraksforseta,
Yasser Arafat.
Hvers vegna?
Hvers vegna tala mennirnir
svona? Fá þeir ekki sömu fréttir
og ritstjóri DV? Þýða þeir erlendan
texta öðruvísi en orðabækur gefa
tilefni til? Þetta vekur furðu mína
og ég veit að svo er um fleiri. En
hvaða ályktun ber að draga af þess-
um viðbrögðum ráðherranna?
Staðreyndin viröist vera sú að
vinstrimenn eru enn svo fastir í
hugsunarhætti kalda stríðsins og
andstöðu við allt það sem Banda-
ríkjunum tengist að dómgreind
þeirra brestur í þessum efnum.
Árni M. Mathiesen
. vinstrimenn eru enn svo fastir í
hugsunarhætti kalda stríðsins og and-
stöðu við allt það sem Bandaríkjunum
tengist að dómgreind þeirra brestur 1
þessum efnum.“
Þriðjungur tímans fer í lítið
Fyrir tuttugu árum lauk tólfti
hver nemandi stúdentsprófi á ís-
landi. í dag er talan um 40%. Þrír
af hverjumfjórum nemendum, sem
ljúka grunnskólaprófi, halda rak-
leiðis í framhaldsskóla.
Ekkert vitað um árangur í
framhaldsskólum
Enginn veit hvernig skólaganga
þeirra er. Engar tölur eru til um
námsárangur yfir landið. Einstaka
skólar fylgjast með gengi nemenda
en Hagstofan hefur engar hald-
bærar tölur yfir „afköst" skóla-
kerfisins.
Brottfall nemenda úr skóla er
mikið. Af fátæklegum tölum, sem
eru til, má ráða að á hverju ári
heltist svo margir úr lestinni af
óskilgreindum ástæðum að nemi
nemendafjölda eins til tveggja
venjulegra framhaldsskóla.
Tvær annir í skóla - ein önn
í fríi
Flestir framhaldsskólar starfa
samkvæmt áfangakerfi og teljast
þá tvær annir í gamla skólaárinu.
Haustönn lýkur með prófum í des-
ember og vorönn í maí. Starfstími
skólanna er 36 vikur. Þriðjungur
af þeim tíma fer í próf, yfirferö
prófa og í undirbúning undir næstu
annir.
Með öörum orðum: Heil önn gæti
hæst við skólaárið. Það þekki ég
af eigin raun eftír 13 ára kennslu
og skólastjómun í menntaskóla og
fjölbrautaskóla.
Starfstími skóla miðaður við
að börn fari í sveit á vorin
Það er ljóst að milli skólakerfis-
ins sem slíks og kennara hefur um
árabil ríkt þegjandi samkomulag
um ríkjandi ástand. Laun kennara
þykja fremur rýr, en það er tahð
KjaHarinn
Þorlákur H. Helgason
kennari og blaðamaður.
Tekur þátt i prófkjöri
Alþýðuflokksins I Reykjavík
— til tekna að „frí“ em löng. Margir
kennarar eru lausir allra mála um
miðjan desember og hefja störf um
miðjan janúar.
Þeir era síðan komnir á vit auka-
vinnunnar upp úr miðjum maí og
hefja skólastarf að nýju í byrjun
september. „Fríin“ geta því verið
um það bil fjórir og hálfur mánuð-
ur. Vitaskuld nýta margir tímann
til aö fræðast meira til að geta bet-
ur tekist á við uppfræðsluna, en
starfstími skóla er enn af gömlum
vana miðaður við að böm fari í
sveit í maí (sem þau gera þó fæst).
Tiliögur um úrbætur í fram-
haldsskólum
Ég fjalla í þessum.pistli einungis
um framhaldsskólann. Mig langar
að drepa í lokin á nokkrar tillögur
til úrbóta miðað við það sem hér
er sagt (og ekki sagt):
1) Samstarf skóla og heimila verði
miklu nánara. Með því móti aukast
kröfurnar til skólans og skilningur
eykst á því sem gert er innan veggja
hans.
2) Launakjör kennara verði stórum
bætt.
3) Ef a.m.k. heill skóh fer til ónýtis
á hverju ári vegna brottfalls nem-
enda, er það þess virði að eyða
nokkram ársverkum í aö kanna
hvað gert er, hvernig og hvað verði
af nemendum.
4) Einni kennsluönn verði þegar í
stað bætt við námstímann. Það
gæti þýtt smálengingu starfstíma
skólanna. Skýrslugerð eykst og
nemendur skrifa'sífellt fleiri rit-
gerðir, en þetta stöðuga „eftirlit"
með nemandanum allan námstím-
ann hefur sýnilega ekki slegið á
prófafarganið.
5) Námsráðgjöf verði efld til muna.
Bætt ráðgjöf í skólum skilar sér í
betri árangri nemenda.
6) Nemendur geti öðlast starfsrétt-
indi af mislöngum námsbrautum.
Tengsl við atvinnulíf verði efld.
Nemendur geti útskrifast jafnt úr
atvinnulífinu sem skólanum.
7) Skrúfað verði fyrir dekrið við
langskólanám. Fjölmargar starfs-
stéttir heimta stúdentspróf sem
nauðsynlegan undirbúning, þó að
sýnilegt sé að það sé í fjölmörgum
tilvikum úr lausu lofti gripið.
8) Kröfur til náms verði samræmd-
ar. í mörgum greinum er stelpum
gert að ljúka lengra aðfararnámi
að „kvennastörfum" en strákum
að „karlastörfum".
9) Utanaðkomandi aðilar kenni
meira í skólanum. Það er ómetan-
legt fyrir skóla að fá fólk úr at-
vinnulífi beint inn í'kennslustofu
til að fræöa um atvinnu- og menn-
ingarlíf utan veggja skólanna.
10) Fiölgað verði leiðum í skóla-
kerfinu og hugað meira aö verkleg-
um þáttum skólans og atvinnulífs.
Það er alls ekki gefið að ahir nem-
endur eigi að fara sömu leið að
sama marki. í reynd ætti hver nem-
andi að hafa sinn námspakka.
11) Gert verði að skyldunámsgrein
að læra á samfélagið. Nemendur
era þegar orðnir harðsvíraðir neyt-
endur (og þurfa ekki að bíða þess
að „verða eitthvað" síðar).
12) Skólar verði gerðir að sjálfstæð-
um stofnunum. Yfirvöld fræðslu-
mála eiga fyrst og fremst aö gæta
þess að gæðin séu í samræmi við
markmið.
Ég veit að sumt af þvi sem hér
er nefnt er þegar á dagskrá
fræðsluyfirvalda. En stundum er
byrjað á öfugum enda. Mikilvægt
er að gera sér það fullkomlega Ijóst
að enginn veit í dag í raun til hvers
skólinn er máttugur. Engar heild-
arapplýsingar eru til um gengi
nemenda í framhaldsskólanum.
Það veit því enginn hvaða gagn við
höfum af skólanum.
Þorlákur H. Helgason
„Engar heildarupplýsingar eru til um
gengi nemenda 1 framhaldsskólanum.
Það veit því enginn hvaða gagn við
höfum af skólanum.“