Dagblaðið Vísir - DV - 15.07.1991, Side 12

12
MÁNUDAGUR 15. JÚLÍ 1991.
Spumingin
Hefur veðrið áhrif
á skap þitt?
Dóra Kristín Traustadóttir og Arnór,
starfsmaður í Pitunni: Já, það hefur
áhrif á mig. Gott veður hefur mjög
góð áhrif á mig en rigningin slæm.
Anna Ragnarsdóttir, atvinnulaus:
Nei, það hefur ekki mikil áhrif á mig.
Marinó Sigmundsson sjómaður: Nei,
það hefur engin áhrif á mig.
Linda Ingvadóttir skrifstofumaður:
Já, ég mundi segja það, gott veður
hefur jákvæð áhrif á mig.
Jónas Pálsson, rektor Kennarahá-
skóla íslands: Já, já, maður verður
glaður og léttur í skapi í góðu veðri.
Þóranna Eiríksdóttir: Já, það hefur
það.
Lesendur
Sj ónvarpsumræður um EES og EB:
Góð byrjun með
Jóni og Bjarna
Helgi Guðmundsson skrifar:
Ég hélt að þær ætluðu aldrei að
hefjast, umræðurnar um aöild okkar
um evrópskt efnahagssvæði og hugs-
anlega aðild að EB. Ég meina umræð-
ur sem menn geta fylgst með t.d. í
sjónvarpi þar sem hægt er að henda
reiður á hvernig þessi mál standa
o.s.frv. - Þetta skeði þó í Sjónvarpinu
sl. þriðjudagskvöld. Öllum að óvör-
um, það var skaði. - í sjónvarpsdag-
skrá morgunblaðanna var þessa ekk-
ert getiö. Einungis í DV birtist „rétt“
dagskrá Sjónvarps samdægurs. Þetta
eru meiri háttar mistök Sjónvarpsins
eða þeirra sem senda út prentaða
dagskrá þessa fjölmiðils.
Þátturinn EES - Fullveldið í hættu?
- með þeim Jóni Baldvin Hannibals-
syni utanríkisráðherra og Bjarna
Einarssyni, aðstoðarforstjóra
Byggðastofnunar, var afar fróðlegur
fyrir þá sem lítið hafa fylgst með
þessari umræðu. Sjónvarpið á þakkir
skildar fyrir framtakið þótt það hafi
farið leynt framan af hvort þátturinn
væri á dagskrá. - Það sýnir líka ein-
muna aumingjaskap allra íslensku
morgunblaðanna að ekkert þeirra
ræddi efni þessa þáttar daginn eftir
(miðvikudaginn 10.). Það er eins og
morgunblöðin hér séu skrifuð og
prentuð daginn áður en þau koma
út. - Kannski er það líka þannig.
í þessum þætti kom greinilega fram
að mínu mati að utanríkisráðherra
er afskaplega vel inni í þessu máli
öllu, og útskýrði fyllilega, svo ekki
Tímabær umræða í Sjónvarpinu um EES og fullveldi þjóða. - Bjarni Einars-
son, aóstoðarforstj. Byggðastofnunar, og Jón Baldvin Hannibalsson utanrík-
isráöherra.
verður um villst, hvernig staðið er
að samningum um hiö evrópska
efnahagssvæði. Hann fullyrti, og það
réttilega því miður, að heppnaðist
okkur ekki að ná fram þeim samn-
ingum sem stefnt er að, myndi það
leiða til þrýstings margra hér um að
ganga til samninga við Evrópu-
bandalagið, þ.e. sækja um inngöngu
í EB. - Málflutningur Bjarna Einars-
sonar, talsmanns hóps fólks sem nú
berst gegn samningum um evrópskt
efnahagssvæði, var líka skýr. Þessi
hópur fólks vill halda íslandi utan
allra sérsamninga við Evrópurikin.
Hvort þetta er rétt stefna skal ég
ekki dæma um nú. Afar brýnt er að
halda áfram viðræðum og umræðum
um þessi mál, einmitt á opinberum
vettvangi og helst í sjónvarpi, til að
fólk geti betur gert sér grein fyrir því
hvorn flokkinn það á að fylla, þann
sem vill samninga við EB eða hinn
sem vill enga samninga. - Því um
þetta verður tekist á í atkvæða-
greiðslu á Alþingi eða í þjóðarat-
kvæðagreiðslu fyrr en síðar.
Lánasjóður íslenskra námsmanna:
Vel rekið þjónustuf yrirtæki
311265-3189 skrifar:
Lánasjóður íslenskra námsmanna
hefur nú sem oft áður veriö til um-
ræðu. Oft hefur verið kvartað undan
því hve seint námslán væru afgreidd,
eða um hve illa gengi að fá þá þjón-
ustu sem svona stofnun eigi að inna
af hendi.
Ég vil bara fyrir hönd margra sem
ég þekki koma á framfæri miklu
þakklæti fyrir frábæra þjónustu og
nauðsynlega aðstoð á margan hátt á
undanfórnum árum. - Alltaf var
staðið við það sem lofað hafði verið.
LÍN er því á margan hátt vel rekið
þjónustufyrirtæki, sem mörg slík
gætu tekið til fyrirmyndar.
Lán hafa um alla tíð verið afgreidd
á réttum tíma hvað mig varðar og á
allan hátt finnst mér vel að þeirri
fyrirgreiðslu unnið. í dag er líka
hreint og beint gaman að koma á
skrifstofu LÍN og sjá hve allt er vel
skipulagt, afgreiðslutímar vel skil-
greindir, hvernig öll pappírsvinna og
skjöl, sem þarf að útfylla, hafa verið
einfölduö, og auðvelt að leggja fram
þær spurningar sem mörg þúsund
námsmenn þurfa að spyrja og fá
greinargóð svör við.
Allt tal um hlutverk LÍN, aðallega
af hálfu þeirra sem ekkert þekkja til
þeirrar stofnunar, eftir að sá er þetta
ritar og mjög margir aðrir hafa notið
góðrar og skilvísrar þjónustu LÍN í
nokkur ár, lítur maður á sem vott
um þekkingarleysi á svona mikil-
vægri stofnun sem LÍN er fyrir þús-
undir íslenskra námsmanna, hér
heima og erlendis.
G.J. skrifar:
Ómalbikaður smáspotti af Raf-
stöðvarvegi í Elliðaárdalnum er til
ama fyrir þá sem vilja nýta sér hið
stórkostlega útivistarsvæði sem dal-
urinn hefur upp á að bjóöa.
Fyrir skömmu fór ég ásamt tveim-
ur fjölskyldum á bílum til þess að
skoða Elliðaárdalinn. Við lögðum
bílunum á stæði rétt innan við veg-
vísi þar sem merkt er: Rafstöðvar-
vegur. - Viö gengum meðfram Raf-
stöðinni og dáðumst að hinni miklu
snyrtimennsku, sem prýðir allt um-
hverfið. Veðurblíðan var með ein-
dæmum, sól og hiti, og við nutum
þess að ganga þarna og virða fyrir
okkur Elliðaá, þar sem hún liðast í
gegn um undurfagurt og ósnortið
umhverfiö.
Síöan lögðum við leið okkar eftir
grasi grónum upphækkuðum kanti
meðfram Rafstöðvarvegi áleiðis að
trébrúnni sem farið er yfir til þess
að komast yfir í skóginn. Viö sáum
tvo bíla koma á móti okkur ofan af
hæðinni. Skipti það engum togum,
að skyndilega lagði yfir okkur ryk-
mökk af veginum, svo mikinn að við
.sáum ekki hvert til annars. - Þegar
|moldrykið var gengið yfir, og við
uretritari hötðar til Rafstöðvarmanna að sjá um lagfæringu á vegarspottan-
um ómalbikaða.
höíðum þurrkað úr augunum og
huggað börnin, sem voru farin að
gráta, gerðum við okkur ljóst hvers
kyns var.
Smáspotti af Rafstöðvarvegi er
ómalbikaður og uppi á hæðinni er
samkomuhús eða félagsheimili. Hin-
um megin götunnar er eitthvert at-
hafnasvæði sem tilheyrir borginni.
Umferð stórra og lítilla bifreiða
þarna um er því óhjákvæmileg. Gætu
Rafstöðvarmenn, sem hafa gert svo
mikið fyrir Elliöaárdal, látið malbika
þennan spotta, væri umhverfið
þarna í dalnum fullkomnað.
Til ama í Elliðaárdal
Styð Davíð í
sparnaðinum
Eiríkur skrifar:
Nú á loks að ganga til sparnað-
ar og niðurskurðar af hörku, er
haft eftir Davíð Oddssyni forsæt-
isráðherra. Þessu eru margir ís-
lendingar i hjarta sínu fyllilega
sammála. - Auðvitað ekki þeir
sem hafa árum saman og áratug-
um stílað upp á spennu, fyrir-
greiðslu hjá opinberum sjóðum,
miðstýringu, jafnvel vaxandi
verðbólgu, þótt þeir tali flátt um
vanda hennar.
Það er löngu kominn tími til að
spyma gegn eyðslu ríkissjóðs. En
auðvitaö mun fólk finna fyrir
þessu á einhvern hátt. Það getur
þurft að fara að greiða fyrir opin-
bera þjónustu í meíri mæli en
áður. - Sparnaður hjá hinu opin-
bera hefur ekki verið á blaði hjá
neinni ríkisstjórn á síðustu ára-
tugum. Þeim má kenna yfirvof-
andi hrun rikiskerfisins nú. .
Ci aI/I/Í ,'CD
Ci GKKIICD)
hvaðþá?
Guðjón Sigurðsson skrifar:
í umræðuþætti i Sjónvarpinu
sl. þriðjudag með utanríkisráð-
herra og aðstforstj. Byggðastofn-
unar um EES og EB-málið var
lítið sem ekkert rætt um hvaöa
leiðir við íslendingar gætum farið
ef við tengdumst ekki efnahags-
svæðinu eöa síðar EB eins og tal-
aö er um að áhersla verði lögð á
síðar.
Stærsta spurningin finnst mér
vera þessi: Hvað skeður ef við
göngum ekki til neinna samn-
inga? Höfum við íslendingar
tryggt okkur framtíðar markaðs-
svæði, t.d. í Japan, Bandaríkjun-
um eða annars staöai-? Þurfum
við kannski engar áhyggjur að
hafa af þeim nokkurn tíma? Telur
fólk að allt verði okkur lagt upp
í hendur og að yeröldin snúist í
kringum okkur íslendinga eina?
Vitfirrtverðlag
á húsum
M.K. hringdi:
Ég rakst á grein í DV sl. mið-
vikudag (10. júlí) undir fyrirsögn-
inni „Svona byggja þeir í
Florida“. Þar vor sýnd dæmi um
einbýlishús, reglulega skemmti-
legar teikninar og útlit þeirra.
Húsin voru sögð kosta á bilinu
7,7 til 9,6 millj. kr. fullbúin með
gólfteppum, heimUistækjum og
frágenginni lóð. - Svona hús
myndu kosta hér 18-22 milljónir
króna!
Verð á húsum hér er beinlínis
vitfirrt. Auk þess sem hús hér eru
ekkert betur byggö en annars
staðar í heiminum, þótt einhverj-
ir vilji halda því fram. Húsin á
Florida eru byggð fyrir þarlent
loftslag og aðstæður og er því
verðiö fyllilega sambærilegt milli
landanna. - Hver vildi ekki kaupa
pg búa í slíku húsi, jafnvel hér á
íslandi?
Óþurftarnefndir
Óskar Jónsson skrifar;
Ég las nýlega um nefndir tvær
sem mér finnst vera með ólikind-
um aö skuli vera settar á stofn
hjá hinu opinbera. Annars vegar
flugeftirlitsnefhd, sem fjallar t.d.
um verð á flugfargjöldum, ogfuil-
yrðir að nóg sé komið af lækkun-
um á þeim gjöldum til almenn-
ings. - Og „tölvunefnd" sem hefur
það óendanlega verkefni, að því
er virðist, að kanna hvort sund-
urliða skuh símreikninga.
Ég bara spyr: Hveijír vilja eiga
sæti í svona óþurftarnefndum?
Skyldu vesahngs mennirnir ekki
finna fyrir óvild alls almennings
í garð þessara nefnda tveggja,
sem hafa það hlutverk aö vinna
gegn almennum hagsmunum? -
Vonandi fara þær undir niður-
skuröarhnifi Davíðs sem fyrst.