Dagblaðið Vísir - DV - 07.02.1994, Blaðsíða 12

12
MÁNUDAGUR 7. FEBRÚAR 1994
Spumiiigin
Hvaö finnst þér um upp-
sögn Arthúrs Björgvins
Bollasonar?
Hrefna Guðjónsdóttir: Mér flnnst
hún fáránleg.
Emil Gústafsson: Mér finnst hún
mjög slæm.
Súsie Bachmann: Ég hef ekki kynnt
mér málið.
Hreinn Sigmarsson: Mér flnnst hún
forkastanleg. Mér finnst að það ætti
að ráða hann aftur.
Jens Jónsson: Ég veit ekki hvort um
annað var að ræða því hann hafði
bréfið ekki persónulegt.
Garðar Einarsson: Ég var ekki búinn
að heyra það.
Lesendur
Feröaþjónustan:
Raunhæfar hugmynd-
ir eða óraunhæf ar?
Jónas Guðmundsson skrifar:
í útvarpsþætti á Bylgjunni nýlega
ræddu menn sem fengið hafa heitið
ferðamálafrömuðir. Þeir lýstu nýjum
áætlunum og vonum sínum um að
hið opinbera létti sköttum og skyld-
um af þessari atvinnugrein svo aö
ferðamenn - og þjónustuaðilar í
greininni nytu góðs af. Alltaf á ríkið
að koma til, ekki hinir. Jæja, hvað
um það. Þarna voru samankomnir
einn ráðherra, einn ferðamálastjóri,
einn framkvæmdastjóri frá flugfélagi
og einn framkvæmdastjóri frá hótel-
og veitingahúsaeigendum. Þetta var
orðaskak við ráðherra um að láta af
skattheimtu á ferðaþjónustu.
Hugmyndin um að fá útlendinga til
landsins í þeim tilgangi að gamna sér
hér við vont veður varð mér næg
ástæða til að dæma svona umræðu-
þátt marklausan. Dettur einhverjum
í hug að útlendingar hafi ekki lent í
eða þekki ekki vont veður? Alls stað-
ar á jarðarkringlunni verða óveður,
ýmist vetrarhörkur, fellibyljir eða
flóð, og í svo ríkum mæli að við höf-
um aldrei kynnst ööru eins. Ég veit
ekki um nokkurn ferðamann sem
óskar að komast í kynni viö veður-
ofsa, snjókomu eða frosthörkur.
Ekki einu sinni íslending.
Það er aðeins eitt sem ferðamenn
vilja umfram alit. Það er lágt verðlag
á þjónustu sem þeir þurfa að nota.
Það er ekki til staðar hér og það verð-
ur að lagfæra fyrst af öllu. Annars
glötum við þeim tækifærum sem við
höfum þó byggt móttöku ferðamanna
á. Atvinnutækifærin í ferðaþjónustu
I landi veðurofsans. - Ferðamenn, njótið fárviörisins, aldrei lægra verð!
verða ekki miklu fleiri en við höfum
nú þegar. Þó mætti vel kaupa hingað
farþegaskip sem gæti sinnt ferðum
kringum landið að sumrinu og hafa
í forum suður í höf að vetrinum.
Flugið er að missa marks sem ferða-
máti nema frá einum íostum punkti
til annars. Flug er auk þess afar
hvimleiöur ferðamáti þegar menn
þurfa að vakna um miðja nótt til 2-3
stunda flugs til Evrópu.
■ Árið 1994 ætti að verða ár niður-
færslu í verðlagi á ferðaþjónustu.
Það verður ekki aftur tekið ef viö
eyðileggjum farþegastreymi til
landsins með græðgi og röngu mati
um óskir ferðamanna, eins og kemur
fram í hugmyndinni um veðurofsa
að vetrarlagi fyrir útlendinga.
Athugasemd vegna frettar 27. jan.:
Akranesbær borgadi sitt hlutafé
Sigurlín Sveinbjarnardóttir skrifar:
Norræna skólasetriö hf. er stofnað
í þeim tilgangi að byggja og reka
skólabúðir fyrir íslensk og norræn
ungmenni og hér er um nýsköpun í
ferðaútvegi landsmanna að ræða.
Kannanir, sem félagið hefur látið
gera, leiða í ljós að góðir möguleikar
eru í þessari grein ferðaþjónustu ef
rétt er að staðið. Úttekt á reksfrar-
grundvelli var gerð af þremur óháð-
um aöilum og bar þeim saman í meg-
inatriðum. Af hálfu forráðamanna
félagsins er nú unnið að markvissri
markaðssetningu en starfsemin
hefst 1. ágúst nk. og hefur skólasetr-
ið þegar verið bókað fyrstu vikurnar.
Það eru því ótrúlegar þær staðhæf-
ingar sem ofangreind frétt flutti, að
um sé að ræða einhverja verstu íjár-
festingu sem Akranesbær hefur lagt
í, og að mati aðila sem DV hefur
rætt við um yfirmáta mikla bjartsýni
okkar sem að máli þessu standa að
ræöa. Þetta getur vart talist góður
fréttaflutningur og þama eru birtar
rangar upplýsingar. Um tveir mán-
uðir eru liðnir síðan mál þetta kom
upp. Löngu er búið að leiðrétta þann
misskilning sem þessu olli og Ákra-
nesbær innborgaði sitt hlutafjárlof-
orð að fullu fyrir áramót eins og beð-
ið var um.
Uppbygging skólasetursins útveg-
ar fjölda manns á Vesturlandi at-
vinnu nú yfir vetrarmánuðina og
mun, þegar rekstur hefst í sumar,
veita tiu manns fasta vinnu, auk
þeirra margfeldisáhrifa sem felast í
þjónustu við 90-100 nýja ferðamenn
í hverri viku allan ársins hring. Úr-
tölur á við þær sem fréttin er byggð
á eru viðkomandi til vansa, sérstak-
lega fréttaritara, sem ekki hafði fyrir
því að kynna sér málið frá öllum
hliðum.
Til togarakaupa í Kanada
Verður lagst í víking og sjóræningjaveiðar hafnar?
Jóhann Oddur Gíslason skrifar:
Nú skal haldið til hafs og veitt í
öllum Smugum, hvar sem þær
finnast! - Nú ætla allir sem vettlingi
geta valdið til Kanada og kaupa þar
eins og einn togara, fá lánaðan fána
og heíjast handa í einhverri „Smug-
unni“.
En lítið heyrist frá bændum. Varla
ætla þeir að verða eftirbátar iðnaðar-
manna sem heyrst hefur að séu að
fara í verslunarferð líka. Er nú svo
komið fyrir þessari þjóð, sem barist
hefur með kjafti og klóm fyrir friðun
og skynsamlegri nýtingu allra fiski-
stofna, hvar sem er, en er nú búin
að koma öllu í kaldakol innan eigin
friðunarmarka, að hún ætlar að
leggjast í víking og hefja allsheijar
sjóræningjaveiöar hvað sem það
kostar?
DV áskilur sér rétt
til að stytta
aðsend lesendabréf.
Skítt með alla skynsemi. Stundar-
villan skal ráða feröinni, enda hefur
skynsemin kannski ekki alveg ráðið
ferðinni hjá okkur við friðun og við-
hald okkar veiðistofna.
Nú eru að hefjast enn nýjar viðræð-
ur við Norðmenn um Smugu og
loönu o.fl. Og þá heyrast þær háværu
raddir sem alla skynsemi yfirgnæfa,
að nú skuli ekkert gefiö eftir enda
vonin um stundargróða mikil.
Það er nú svo með suma að ef eitt-
hvað bjátar á og vanda ber aö hönd-
um þá sjá þeir ekkert nema vitleys-
inga í kringum sig. - Samanber þá
sem eru á móti sjóræningjaveiðun-
um svonefndu.
Hinósanngjörnu
STEF-gjöld
Rósa skrifar:
Það er meira en ósanngjarnt að
ætla að innheimta STEF-gjöld af
allri leikinni tónlist sem er leikin
í útvarpi eða af spólum eins og
t.d. á rakarastofum eða álíka
þjónustustöðum. Þetta er tví-
greiðsla til STEF og það vita all-
ir. Það væri ekki sanngirni að
imiheimta afnotagjald af bókum
sem lægju til aflestrar á lækna-
stofum eða biðstofum vítt og
breitt í þjóðfélaginu. Höfundar
efnis eru brnúr að fá greiðslu fyr-
ir sitt framlag og ekki hægt að
innheimta frekar. Sama gildir um
tónlist sem er leikin í útvarpi á
þjónustustöðum.
Zhírínovskí
hræðir
Kari Guðmundsson skrifar:
Ég er sammála þeim sem haíá
verið að líkja núverandi ástandi
í Evrópu við það sem þar var
árið 1938, rétt fyrir heimsstyrjöld-
ina síðari. Nú er það Zhírínovskí
sem hræðir Vesturlönd. Áður var
það Hitler. Nú eru Frakkar að
láta undan kröfu Serba og Króata
á hendur múslímum í Bosníu.
Það sama gerðu Frakkar og Bret-
ar 1938 gagnvart kröfu Hitiers á
hendur Tékkóslóvaldu. Og nú
hótar Zhírinovskí Vesturlöndum
fyrir hönd Rússa og segir þá
styöja Serba komi Vesturlönd
raúslíraum til aðstoöar. Er þá
Jeltsín valdalaus?
Óviðunandifisk-
veiðistjórnun
G.K.Ó. skrifar:
Sjá ekki ráðamemi að núver-
andi leiguliðakerfi i fiskveíði-
stjórnun er óhæft? Sú auölind
þjóöarinnar sem hafiö í kringum
landið er og eina auðlindin sem
við sækjum verðmæti í til út-
flutnings er eign þjóðarinnar,
ekki eins hóps í þjóðfélaginu.
Þessa auðlind er ekki hægt að
nýta endurgjaldslaust frekar en
aðrar auðlindir hvar sem er í
heiminum. - Núna verður að
linna spillingunni og óréttlætinu
sem viðgengst í fiskveiðistjórn-
uninni. Það veröur að láta á þetta
reyna með þjóðaratkvæða-
greiðslu.
Ilppmeðís-
lenskan iðnað
Torfi hringdi:
Það er ekki hægt að verja leng-
ur það hugsunarleysi og ég vil
meina skemmdarstarfsemi sem
rekja má til íslenskra ráðamanna
sem komu því svo fyrir að is-
lenskur iðnaður er svo gott sem
úr sögunni. Á tímabili var hér
allblómlegt umaö litast; húsgögn,
fatnaður og einnig járniðnaður.
Nú er aðeins unnið í matvælaiön-
aði og gott ef hann verður uppi-
standandi eftir svo sem 1-2 ár ef
innflutningur búvara verður
frjáls. Þetta er fáránlegt á tímum
atvinnuleysis. Reisum við is-
lenskan iðnað.
Óarðbær
erlend lán
Birgir Bjömsson hringdi:
Skyldu menn gera sér grein fyr-
ir öllum þeim skuldum sem við
íslendingar höfum orðið að taka
á okkur fyrir tilstilli stjómmála-
manna gegnum tiðina? Þessa
dagana og mánuðina eru íslensk
stjórnvöld að keppast við að taka
meiri erlend lán til þess eins að
greiða niður öimur eldri og vexti
af þeim. Það versta við þessi lán
er aö þau hafa að langmestu leyti
farið í óarðbærar framkvæmdir.
Aðeins eitt dæmi: Blönduvirkjun.
Sáu menn þetta ekki fyrir? Hvar
var framsýni stjómvalda?