Dagur - 04.08.1949, Side 8

8
Daguk
Fimmtudagiim 4. ágúst 1949
Skáldkonan Margif Ravn í heim-
sókn hér á landi
19 bækur hennar hafa komið út í íslenzkri þýð-
ingu, og hún hefir nú í hyggju að skrifa telpu-
sögu, er gerist á íslandi
Hin kunna norska skáldkona,
Margit Ravn, er nýlega komin
hingað til Iands á vegum forlags
Þorsteins M. Jónssonar og mun
hún dvelja hér á landi fram und-
ir mánaðamót.
Hingað til bæjarins kom
frú Ravn nú fyrir nokkrum
dögum. Hefir hún skoðað sig um
í bænum og nágrenni hans, og
hyggst fara austur til Mývatns í
dag og e. t. v. víðar um Þingeyj-
arsýslu.
Frú Margit Ravn er mjög kunn
í Noregi og á öðrum Norðurlönd-
um fyrir telpusögur sínar og hér
á íslandi þekkja flestar ungar
stúlkur hana af bókum hennar,
sem komið hafa út lijá forlagi
Þorsteins M. Jónssonar á undan-
förnum árum, en þær eru nú
orðnar 19 talsins og von á fleir-
um á næstunni.
Frú Ravn lét mjög vel af dvöl
sinni hér, er Dagur ræddi við
hana í gær. Þetta er fyrsta ferð
hennar til íslands. Kvað hún það
hafa verið sér skemmtilegt undr-
unarefni að bækur hennar skyldu
hljóta slíkar vinsældir hér á
landi, og það hefði glatt sig mjög,
að hún hefði fyrirhitt hér bæði
unga og aldna, sem hefði þakkað
henni sögurnar og kunnað á þeim
góð skil. Frú Ravn gaf út nú í
sumar í Noregi nýja telpubók,
sem hún skrifaði eftir ferðalag um
:ílí®- Holland og Þýzkaland í fyrra. Er
það ferðalýsing í skáldsöguformi,
ætluð ungum stúlkum. Frúin hef-
ir nú í hyggju að halda þessari
ferðalýsingu áfram, og láta sög-
una gerast m. a. hér á landi. Mun
hún viða að sér efni til sögunnar
í þessari ferð og vinna úr því, er
heim kemur. „Eg hefi alls ekki í
hyggju að skrifa neina íslands-
lýsingu," sagði frú Ravn. „Maður
hefir ekki leyfi til slíks eftir svo
stutta ferð. Þetta verður aðeins
ferðalýsing og áhrif íslandsdvalar
á unga stúlku, í söguformi."
Margit Ravn sagði, að lands-
lagið, tungan og fólkið á íslandi
minnti um margt á Noreg, norsk-
una og norsku þjóðina. Hér hefði
hún átt þess kost að hitta að máli
margt fólk, sem sér hefði fallið
sérlega vel við. ísland væri auð-
ugt af eftirtektarverðum per-
sónuleikum. Yfirleitt lét hún hið
bezta af dvöl sinni hér það sem
af er og kvaðst hlakka til þess að
sjá meira.
Þrjár bækur frúarinnar eru ný-
lega komnar út á foiiagi Þorst. M
Jónssonar, í þýðingu Helga Val-
týssonar. Heita þær: „Ein úr
hópnum“, „Týndi arfurinp“ og
„Ingiríður í Víkurnesi“.
Foringi stjórnar-
andstöðu
Forseti íslands
settur í embætti
Hinn 1. þ. m. tók forseti íslands,
herra Sveinn Björnsson, við for-
setaembætti á ný. Var forsetinn
sjálfkjörinn í embættið við lok
fyrra kjörtímabils. Innsetningin
fór fram við hátíðlega athöfn í
Dómkirkjunni í Reykjavík og Al-
þingishúsinu. Er forseti hafði tek-
ið við kjörbréfinu, ávarpaði hann
viðstadda, en mannfjöldi á Aust-
urvelli hyllti hann, er hann gekk
út á svalir Alþingishússins.
Myndin er af hinum aldna for-
ingja stjórnarandstöðunnar í
Suður-Afríku, Jan Smuts mar-
skálki. Miklar viðsjár eru um
þessar mundir í stjómmálum
landsins vegna þjóðernisstefnu
Malans forsætisráðherra og
flokks hans. Eru vaxandi ýfingar
með hvítum mönnum og blökkum
vegna þess að stjómin hefir mjög
takmarkað rétt Indverja og
blökkumanna til þátttöku í stjórn
landsins. Smuts og flokkur hans
berjast fyrir frjálslyndari stefnu.
Hannes Magnússon
skólastj. kominn heim
Hannes J. Magnússon skóla-
sjtóri var meðal farþega með
Gullfaxa frá Kaupmannahöfn sl.
sunnudag og er nýkominn til
bæjarins. Hannes var í hópi
þeirra Akureyringa, sem leituðu
sér lækninga í Danmörku vegna
eftirstöðva mænuveikinnar í vet-
'iJf)
Ljósatími bifreiða
er hafinn
Ljósatími bifreiða og ökutækja
er nú kominn aftur, en sam-
kvæmt lögreglusamþykkt bæjar-
ins hefst hann 1. ágúst ár hvert.
Fyrstu viku ágústmánaðar er
ljósatíminn frá kl. 22.10—2.55 eít
ir miðnætti, en næsta tímabil er
frá kl. 21.50—3.15 eftir miðnætti.
Ættu bifreiðastjórar að hafa þetta
í huga er þeir aka bifreiðum sín
um að kvöld- eða næturlagi.
SÍS beitir sér fyrir að tekið verði
upp mat á heimagerðu smjöri
Lakari gæðaflokkur verður 25-30% verðminni
Greiðsla launauppbóta
ríkisstarfsmanna hafin
Fjármálaráðuneytið hefir nú
tekið ákvörðun um greiðslu
þeirra fjögurra millj. kr„ sem Al-
þingi heimilaði að greiddar
skyldu til uppbóta á laun ríkis-
starfsmanna á þessu ári. Hefir
ráðuneytið fyrir nokkrum dögum
tilkynnt Bandalagi starfsmanna
ríkis og bæja, að byrjað yrði að
greiða uppbætur þessar til starfs-
manna ríkisins 1. ágúst sl.
Stjórn Bandalags starfsmanna
ríkis og bæja, hafði farið fram á
það við fjármálaráðherra, að
þessar uppbætur á laun ríkis-
starfsmanna, væru greiddar með
fimm jöfnum afborgunum á mán-
aðarlaunin, á tímabilinu júlí til
nóvember.
Á þetta sjónarmið hefir fjár-
málaráðherra fallist og mun
greiðsla launauppbótarinnar fara
þannig fram, að 1/5 hluti hennar
verði greiddur mánaðarlega um
leið og grunnlaun eru greidd.
Samband ísl. samvinnufélaga
hefir ákveðið að beita sér fyrir
því, að mat verði tekið upp á öllu
heimatilbúnu smjöri, sem bænd-
ur senda Sambandsfélögunum til
sölumeðferðar. Er ætlast til að
smjörið verði flokkað í 1. og 2.
gæðaflokk, og 2. flokkur verði 25
—30% verðminni en 1. flokkur.
Þykir nauðsynlegt að koma þessu
mati á hið bráðasta vegna vax-
andi kvartana verzlana og neyt-
enda um misjafna vöru og gall-
aða.
Útflutningsdeild SÍS, sem þessi
mál hefir með höndum, telur, að
strax og rjómabússmjör verði
leyst undan skömmtun eða nið-
urgreiðslum á smjöri hætt, muni
sala á heimatilbúnu smjöri mjög
torveldast, nema gagngerð breyt-
ing til bóta verði á framleiðslu
smjörsins og meira til þess verks
vandað en verið hefir nú upp á
síðkastið.
Ætlunin er að hvert kaupfélag
hafi á að skipa hæfum matsmanni
sem annist mat, flokkun og merk-
ingu á öllu smjöri, er félögin veita
móttöku frá heimilunum. Smjörið
verði flokkað í 1. og 2. flokk, en
óhæfu smjöri vísað frá. Gæða-
flokkun og kaupfélagsmerki verði
sett með merkimiðum á hvern
pakka eða áprentað. Ætlast er til
að félögin útvegi heimilunum
smjörmót, sem taki % kg„ og
sendingar frá hverju heimili beri
ákveðið númer, eða séu merkt
með nafni og heimili framleið-
enda.
Samkvæmt upplýsingum, sem
blaðið hefir frá KEA, mun félagið
nú þegar taka upp þetta mat á
heimatilbúnu smjöri. Mun kjöt-
búð félagsins, sem veitir smjörinu
móttöku, annast um að útvega
bændum smjörmót og umbúðir
strax og það verður fáanlegt. Eins
og áður hefir verið auglýst verður
alit heimatilbúið smjör að vera
merkt með nafni.og heimili fram-
leiðanda og útvegar Kjötbúð
Síld í Faxaflóa
Nokkur síldveiði hefir að und
anförnu verið í Faxaflóa, þótt
ekki sé í stórum stíl og er áfram-
hald á þessari veiði. Akraness
bátar fá um 100 tunnur í reknet
yfir nóttina. Mestöll síldin er
fryst til beitu.
KEA nú þegar stimpla, sem eru
hentugir til að merkja smjör-
pakkana. Ennfremur mun kjöt-
búðin afgreiða til þeirra, sem þess
óska, bækling Sveins Ti-yggva-
sonar mjólkurfræðings „Smjör-
gerð í heimahúsum“, til leiðbein-
ingar um vöruvöndun og gæði.
Góðir gestir
Kínverski presturinn Liu Dao-
Seng og kona hans, ásamt kristni-
boðunum Herborgu og Ólafi
Ólafssyni, eru væntanleg hingað
til báajarins næstk. laugardag og
munu dvelja hér nokkra daga.
Þau halda samkomur í kristni-
boðshúsinu Zíon sunnudags-,
mánudag.- og þriðjudagskvöld kl.
8.30. Fólk ætti að nota þetta ein-
staka tækifæri til að heyra og sjá
lifandi ávöxt kristniboðsins, sem
rekið er í heiðnum löndum. Þessi
heimsókn verður mikið gleðiefni
þeim, sem hafa orðið þeirrar gæfu
aðnjótandi, að fá að vera með, að
leggja fram ofurlítinn skerf til
þessa rnikla málefnis kristniboðs-
ins. Það ættu fleiri að leggja hönd
á plóginn, því að „uppskeran er
mikil, en verkamennirnir fáir“. J.
Flugráð kynnir sér
flugvallarmál hér
Flugvallarstjóri ríkisins og
menn úr Flugráði hafa dvalið hér
að undanförnu og kynnt sér flug-
vallarmál héraðsins. Eins og
kunugt er hefir rannsókn farið
fram á möguleikum þess að
byggja flugvöll í Eyjafjarðarár-
hólmum, en engar niðurstöður
hafa verið birtar enn. Mun för
flugráðsmannanna standa í sam-
bandi við þessar athuganirogfýr-
irætlanir. Eins og kunnugt er
hefir Melgerðisflugvelli lítið ver-
ið viðhaldið og rekur að því áður
en langt um líður, að hann verði
ónothæfur, nema meira verði að
gert.
Bandaríkjðmenn gera víðtækar
lilraunir mé nylon-hotnvörpur
Segja þær mimi endast margfalt á við venjulegar
botnvörpur
Brezka blaðið Fishing News
skýrir frá því nú nýlega að
Bandaríkjamenn séu að gera
mjög athyglisverðar tilraunir með
nylon-botnvörpur og muni
brezkir útgerðarmenn gefa þess-
um tilraunum sérstakan gaum.
Samkvæmt frásögn blaðsins
hefir fyrirtækið The Linen
Thread Co. Inc. nýlega gert slíkar
tilraunir á 12 mismunandi fiski—
skipum og hafi vörpurnar verið
reyndar við mjög mismunandi
aðstæður og yfirleitt lagt á þær
allt, sem venja er að bjóða botn-
vörpu á þeim slóðum. Samkvæmt
skýrslum um tilraunir þessar,
hafa þær gefizt sérstaklega vel.
Engin slitmerki sáust á vörpunum
eftir allt að níu fiskitúrum og
telja sérfræðingar að nylon-vörp-
ur muni a. m. k. endast fjórum
sinnum lengur en venjulegar
vörpur og sé það varlega áætlað.
í þessari grein í Fishing News
er enginn samanburður gerður á
verði nylon-vörpunnar og hinnar
venjulegu vörpu.