Dagur - 25.08.1954, Blaðsíða 2
2
DAGUR
Miðvikudaginn 25. ágúst 195$
Færeyskir íþróttamenn heim-
sækja Akureyri
Knattspyrnuflokkur frá Þórs-
höfn í Færeyjum er hér á landi
í boði ísfirðinga, er fóru til Fær-
eyja í fyrrasumar.
Hingað til Akureyrar kom
þessi flokkur sl. föstudag í boði
Knattspyrnuráðs Akureyrar, og
lék hér tvo leiki við úrvalslið
knattspyrnumanna úr félögunum
hér á föstudag og laugardag.
Færeyingarnir sýndu það strax
í föstudagsleiknum, að þeir eru
liprir og góðir knattspyrnumenn,
þrátt fyrir það, að þetta var í
fyrsta skipti sem þeir léku á gras-
velli. Þeir nota yfirleitt langar
spyrnur sín á milli, og öll fram-
línan leikdr framarlega, einnig
bakverðirnir, og er þvi erfitt að
koma við pressusókn, því að hún
strandar um vítateigslínuna, og
bakvörðunum er ekkert um að
fara inn fyrir hana. Þeir leika
mjög hreyfanlega knattspyrnu og
eru mjög vissir að taka á móti
sendingu, en skortir skotmenn.
Vinstri útherji er mjög skemmti-
legur leikmaður og gerir margt
vel (minnir stundum á Tryggva í
Brekku, þegar hann var upp á sitt
bezta). Einnig hægri bakvörður
sýndi góðan leik. Þrátt fyrir þetta
töpuðu Færeyingar föstudags-
leiknum með 2 : 0.
Góður íþróttaárangur
Á innanfélagsmóti KA, þ. 12.
þ. m., setti Hermann Sigtryggsson
nýtt Akureyrarmet í 200 m.
grindahlaupi, og hljóp hann á 28,3
sek. Eldi'a metið átti Hallgrímur
Ti-yggvason, Þór, og var það 32,5
sek. Á sama móti hljóp Höskuld-
ur Karlsson 100 m. á 11,3 sek. og
Hermann á 11,5 sek.
Á íþróttamóti UMSE á íþrótta-
vellinum hér á Akureyri sl.
sunnudag náðist góður árangur í
mörgum greinum. Ingimar Skjól-
dal kastaði spjótinu 50,12 m., sem
er nýtt Eyjafjarðarmet, Hörður
Jóhannesson stökk 1,70 í há-
stökki, sem einnig er Eyjafj.met,
og Stefán Árnason hljóp 1500 m.
á 4.26,5 mín. Þá varpaði Einar
Helgasoon, KA, utan keppni í
kúluvarpi, 13,77 m., sem er lengra
en gildandi Akureyrarmet í þeirri
grein. Með árangri þessum hefur
Einar snarast fram í fremstu röð
kúluvarpara hérlendis. Beztu
árangrar í kúluvarpi nú í ár eru
þessir:
1. Skúli Thorarensen, ÍR, 15,01.
2. Guðm. Hermannss., KR, 14,76.
3. Reynir Hálfdánars., UK, 13,82.
4. Friðrik Guðmundss, KR, 13,79.
5. Einar Helgason, KA, 13,77.
6. Vilhj. Einarss., ÚÍA, 13,62.
7. Jónatan Sveinss., Sn., 13,59.
8. Örn Clausen, ÍR, 13,56.
9. Sigurkarl Magnúss., Str., 13,55.
10. A.ðalst. Kristinss., Á, 13,52.
11. Gestur Guðmundss., Á, 13,34.
12. Ágúst Ásgrímsson, Sn, 13,34.
Akureyringar byrjuðu mjög vel,
léku stuttan, hnitmiðaðan samleik
og voru í stöðugri sókn fyrstu 10
mínúturnar, en Adam er ekki
alltaf í Paradís. Nú tóku hliðar-
framverðirnir upp á því að leika
í framlínu, þannig, að sjö menn
léku fram, og þar þvældu þeir
afturábak og áfram um vítateigs-
línuna án þess að fá mörk sett,
einu sinni slambraðsit boltinn þó
í netið í þessum glundroða. í
seinni hálfleik má segja, að
framverðirnir hafi heldur tekið
sig á og léku nú sínar stöður við
og við.
Einar varði það, sem verja
þurfti í markinu og komst vel frá
því. Þór og Einar voru bakverðir;
réði Þór ekkert við sinn mann, er
kom þó einna greinilegast í ljós
í laugardagsleiknum. Einar er
fremur seinn, en boltaheppinn.
Arngrímur var miðframvörður og
var greinilega bezti maður liðs-
ins. Hliðarframverðirnir þessir
makalausu, Baldur og Haukur,
eru duglegir, þó sérstaklega
Haukur, en enginn maður á vell-
inum passar þó verr sína stöðu en
hann, hann virðist hafa tak-
markalaust þol til að hlaupa
hornanna á milli á vellinum leik-
tímann út, og það er mesti mis-
skilningur hjá þessum piltum, að
það séu þeir hinir útvöldu, sem
eiga að skjóta á mark og engir
aðrir. Baldur var góður knatt-
spyrnumaður fyrir nokkrum ár-
um, en það er ekki hægt að segja
það um hann nú, hann virðist
hafa mjög gaman af því að dansa
í kringum boltann liggjandi kyrr-
an á vellinum, og sýna áhorfend-
um að hann geti „platað“ mót-
herjanna,en sendingar frá honum
eru ónákvæmar og lélegar.
Ólsen á vinstra kanti er prúður
og góður leikmaður og gerði
margt laglega, þá sjaldan að hann
fékk knöttinn, hann er stuttur og
háir það honum mjög, er hann
fær sendingu á lofti, reynir því
lítið að skalla. Ragnar hefur
beztu knattmeðferð liðsins, en er
of eigingjarn, og samleikur milli
hans og Tryggva miðframherja
mjög lítill, Tryggvi er líka mjög
eigingjarn og finnst sjálfsagt að
enginn eigi að skjóta á mark
nema hann. Hann, sem á að vera
leiðandi maður sóknarinnar, er
það alls ekki, stendur kyrr og
lætur ,dekka“ sig og er hvergi
nærri að því gagni sem hann
getur verið, því að efnið er gott.
Hreinn hefur aldrei náð sér á
strik í sumar, virðist skorta bæði
úthald og leikni á við það, sem
áður var. Hinrik á hægra kanti
kemst sæmilega frá sínum leik,
hættir til að vera of innarlega,
enda vanur innherjastöðu, mest
hefur honum farið fram í sumar
af þeim, sem eg hef séð sprikla
hér á vellinum.
Dómari var Ragnar Steinbergs-
son, fylgdist hann of lítið með, en
komst þó sæmilega frá því að
öðru leyti. Línuverðirnir voru
aftur á móti af lakasta tagi og
voru alls ekki starfi sínu vaxnir.
í laugardagsleiknum fór allt um
þverbak hjá heimamönnum.
Stutti samleikurinn, sem reyndur
var stöku sinnum, var svo mátt-
laus, að knötturinn komst aldrei
til næsta manns, og menn voru þá
yfirleitt ekki að hafa mikið fyrir
því að hreyfa sig um of til að
nálgast knöttinn. Skipt var um
tvo menn í liðinu og ekki til bóta.
Vignir lék í marki, var óákveð-
inn og hafði sýnilega ekki tiltrú
bakvarðanna.
Tryggvi lék bakvörð í stað
Einars og hafði því erfiða hlut-
verki að gegna , að passa tvo
menn, því að Haukur sást sjaldan
á sínum stað. Betra hefði eg talið
að láta Þór fara úr, í stað Einars,
Fréttir frá U.M.S.E.
Starfsíþróffir -
Þann 31. júlí sl. komu hingað
til Eyjafjarðar þeir Matthías Þor-
finnsson og Stefán Ólafur Jóns-
son, báðir í þeim erindagjörðum
að kynna starfsíþróttir.
Matthías Þorfinnsson jarðvegs-
fræðingur er Vestur-íslendingur
og kom hingað til lands 29. apríl
síðastl. Hann á heima í St. Paul
í Minnesota í Bandaríkjunum og
er hingað kominn á vegum Mars-
hallstofnunarinnar. Heima í
Minnesotafylki hefúr hann starf-
að mjög mikið á vegum 4 H félag-
anna, sem eru félög æskunnar í
sveitum Bandaríkjanna, er voru
í fyrstunni stofnuð til að laða
unga fólkið að sveitastörfunum og
hindra þannig flutning þess úr
sveitunum til borganna.
Stefán Ólafur Jónsson kennari
er á vegum U. M. F. í. Hann hef-
ur kynnt sér starfsíþróttir í Nor-
egi, þar sem þær eru í hávegum
hafðar og fjöldinn tekur þátt í
þeim. Síðastliðið sumar ferðaðist
Stefán ásamt íþróttakennara
sambandsins um Eyjafjörð og
kynnti hann þá starfsíþróttir og
kom á keppni í þeim. Kom þá
þegar í ljós áhugi ungmennafé-
laganna fyrir starfsíþróttum. Nú
kynnti Stefán þær greinar
starfsíþrótta, sem fyrirhugað er
að keppt verði í næsta sumar á
landsmóti ungmennafélaganna,
sem háð verður á Akureyri.
Þeir félagar hafa nú ferðazt um
Eyjafjörð og heimsótt öll ung-
mennafélög á svæðinu. Hafa þeir
haldið erindi og sýnt kvikmyndir
og skuggamyndir af starfi og leik
4 H félaganna. íþróttakennari
UMSE var í för meo þeim
Matthíasi og Stefáni um sam-
bandssvæðið.
reyrmgar:
Akur
SYNÐÍÐ 200 METRANA
Aðeins 3 vikur eftir af
keppmstímaniim.
því að Einar er þó stærri maður,
og meiri líkur til að knötturinn
komi í hann! í framlínunni (7
menn) var eiginhagsmunastefnan
allsráðandi og var hreint og beint
til skammar.
Færeyingar léku nú ennþá bet-
ur en fyrri leikinn, enda unnu
þeir þennan leik 4 : 2. Dómari var
Sveinn Kristjánsson. Staðsetn-
ingar hans á vellinum eru afleit-
ar, hann er sífellt að þvæla inni á
miðjum velli, dómurinn óákveð-
inn og fálmkenndur.
Knattspyrnuráðið sá um mót-
tökur, ferðir og uppihald flokks-
ins hér og sýndi gestunum það
markverðasta í bænum. Ekki er
þess getið, að bæjarstjórnin hafi
gert neitt fyrir hina erlendu gesti,
ekki einu sinni sagt við þá „svei
þér“.
Hafi knattspyrnuráðið þökk
fyrir framtakssemina að fá þessa
frændur vora hingað. S. B.
FrjálsíþróHamót
Stigakeppni í frjálsum íþrótt-
um milli félaga innan Akur-
eyrar og utan. Haklið á ÍBA-
vellinum á Akurevri sunnud.
15. ágúst 1954.
Uthéraðsmenn unnu með
49 : 39 stigum.
Úrslit:
100 m. lilaup.
1. Ingófur Jónsson U. 12,2 sek.
2. Benedikt Friðbjarnarsón I. 12,5
sek.
3. —4. Árni Ólafsson U. 12,6 sek.
3.—4. Árni Magnússön I. 12,6 sek.
1500 m. hlaup.
1. Stefán Árnason U. 4,26,5 mín.
2. Sveinn Jónssoon U. 4,29,1 mín.
3. Stefán Skagfjöi'ð I. 4,41,4 mín.
4. Stefán Magnúss. I. 4,57,5 mín.
Kúluvarp.
1. Þói'oddur Jóhannss. U. 12,59 m.
2. Eggert Jónsson U. 11,17 m.
3. Árni Magnússon I. 10,97 m.
4. Steingr. Valdimarss. I. 9,00 m.
Spjótkast.
1. Ingimar Skjóldal I. 50,12 m.
Eyfirzkt met.
2. Jóhann Daníelssoon U. 41,55 m.
3. Stefán Ái'nason U. 37,94 m.
4. Kristján Kárason I. 26,65 m.
Langstökk.
1. Ái-ni Magnússon I. 5,85 m.
2. Stefán Árnason U. 5,83 m.
3. Jóhann Daníelsson U. 5,69 m.
Hástökk.
1. Hörður Jóhannsson I. 1,70 m.
Eyfii’zkt met.
2. Þóroddur Jóhannss. U. 1,55 m.
3. Haukur Frímannsson U. 1,50 m.
400 m. hlaup.
1. Stefán Skagfjöi'ð I. 56,5 sek.
2. Jón Gíslason U. 61,7 sek.
3. Benedikt Friðbjarnars. U. 95.0
sek.
4x100 m. boðhlaup.
1. A-sveit U. 48.9 sek.
2. A-sveit I. 50.0 sek.
3. B-sv*éit U. 51.4'sek.
4. B-sveit I. 56.0 sek.
f GAMNÍ OG ALVÖRU
Pólitísk skrítla.
Stuttu eftir heimsstyi-jöldina
síðari var tekin 'skýrsla af rúss-
neskum hei'manni, sem verið
hafði í'fangabúðum Þjóðverja um
skeið. Var skýi'slan tekin í því
skyni, að unnt yi'ði að senda
manninn til síns rétta samastaðar
í Sovétríkjunum, því að þá var
enn ekkert „jái'ntjald“ komið til
skjalanna. — Samtalið við
manninn varðandi heimilisfang
hans var annars á þessa leið:
— Hvar ei-t þú fæddur?
— í St. Pétursborg.
— Hvar áttir þú heima eftir
byltinguna 1917?
— í Petrograd. ,
— Hvar áttir þú heima, áður en
þú varst kallaður í herinn í þess-
ari styrjöld?
— í Leningrad.
— Og hvar vildir þú helzt eiga
heima eftix-leiðis?
— í St. Pétursborg!
Einkum þegar hann hló!
Fyrir mörgum árum réðust
Indíánar á flutningalest í Vestur-
heimi, skutu kyndarann og gengu
frá honum í öngviti. Nokkru síðar
bar þar að lögreglumenn, sem
fundu vesalings manninn með
þrjár örvar, er sátu fastar milli
herðablaða hans, og enn var hann
meðvitundai'laus. Lögreglumenn-
irnir gripu til þess ráðs að hella
duglega í manninn víský, til þess
að koma honum til meðvitundai',
og strax og kyndax'inn gat hvíslað,
spurðu þeir, hvort það -væri
ekki hræðilega sárt að hafa allar
þessar örvar í bakinu. — Jú,
svaraði kyndarinn, — það getið
þið hengt ykkur upp á. Sérstak-
lega tekur mig illa í bakið,. þegar
eg hlæ!
Ö1 og efnagreining.
Þegar áfengisbann var í
Bandaríkjunum hér á árum áður,
og ómögulegt var að ná í sopann
með löglegum hætti, gi'ipu ýmsir
til þess fangaráðs að brugga
áfengt öl á heimilum sínum. —
Maður nokkur hafði lengi glímt
við þessa þraut, en ekki náð þeim
árangi-i, að hann væri ánægður
með drykkinn. Þar kom þó um
síðir, að honum heppnaðist að
brugga völcva, sem honum fannst
sæmilega di'ekkandi. en þótti þó
vissara að ganga úr skugga um
það, hvort allt væi'i með felldu
um gei'ðina, að hún væri, eftir at-
vikum, óskaðleg heilsu hans og
lífi. Setti hann því sýnishorn af
vökvanum á flösku og sendi það
heimilislækni sínum til efna-
greiningar. Þó láðist honum að
geta þess, að um öl væri að ræða.
— Eftir hálfan mánuð sendi
læknii-inn honum svohljóðandi
svar í bréfi: — Hr. N. N. Oss þyk-
ir leitt að verða að tilkynna yður,
að efnagreining sú, er vér höfum
framkvæmt á sýnishorninu, sem
þér sendið oss nú á dögunum,
hefur leitt í ljós, að þér eruð
slæmur í nýrunum og ættuð því
að koma til nánari skoðunar við
fyrsta tækifæri. Yðar einl. P. P.,
læknir.