Dagur - 04.01.1958, Blaðsíða 8
8
Bagijk
Laugardaginn 4. janúar 1958
Ungmennafélagið Reynir fimmfiu ára
Okeypis skíðanámskeið á Ak.
r
Veglegt afmælishóf að félagsheimilinu Arskógi
Ungmennafélagið Reynir á Arskógsströnd minntist hálfrar
aldar afmælis síns 28. des. sl. með myndarlegri veizlu og mann
fagnaði að Árskógi. Um 200 manns sátu liófið og fór það
hið bezta fram. Sérstaka athygli vakti það,að í aðalsalnum.þar
sem setið var að veizluborði og lilýtt á ræður og söng í þrjá
klukkutíma, var ekki reykt, þótt slíkt væri ekki bannað. Mun
þetta einsdæmi í stórum samkvæmum og mjög til fyrirmyndar
Ungmennafélagið Reynii' var
stofnað 3. marz 1907. Stofnfund-
urinn var haldinn í Stærra-Ár-
skógskirkju, eftir messu. Hlaut
það þegar kraftskírn, því að þá
gerði aftakaveður, svo að óttast
var um kirkjuna. Tveir ungm.fé.-
lagar frá Akureyri mættu á fund
inum, þeir Erlingur Friðjónsson
og Jóhannes Jósefsson, og fluttu
báðir ræður við það tækifæri. —
Með því báru þeir kyndil hinna
háleitu hugsjóna norður með
Eyjafirði. — Síðan hefur Reynir
verið heillaríkt félag og um
margt hið merkasta.
í stórum dráttum fór afmælis-
hátíðin þannig fram: Kristján
Vigfússon, formaður félagsins,
bauð gesti velkomna með snjallri
ræðu. Snorri Kristjánsson rakti
sögu félagsins, Þrestir sungu, en
þann kvartett skipa Jóhannes
Traustason, Sigurður Traustason,
Kristjón Þorvaldsson og Angan-
týr Jóhannsson, og undirleik
annaðist Kári Kárason. Þá flutti
héraðsstjórinn, Þóroddur Jó-
hannsson, ávarp og tilkynnti að
UMSE hefði ákveðið að færa
Reyni gjöf til minningar um af-
mælið og sem þakklætisvott, og
yrði hún afhent á héraðsþingi í
vetur. Ennfremur fluttu ræður
og ávörp: Árni Rögnvaldsson
skólastjóri, Egill Jóhannsson
skipstjóri, Jón Níelsson verzl-
unarmaður, Jóhannes Óli Sæ-
mundsson námsstjóri, Jón Stef-
ánsson framkvæmdastjóri, Val-
týr Þorsteinsson útgerðarmaður,
Kristján E. Kristjánsson hrepp-
stjóri og Kristján Vigfússon
flutti kvæði. Afmælisbarninu
bárust mörg heillaskeyti víðs
vegar að. Þá hlutu þau Kristín
Halldóra Jónsdóttir og Jón
Gíslason fagrar gjafir frá félag-
inu, sem Jóhannes Kristjánsson
afhenti með stuttri ræðu. Krist-
ínu var gefið hálsmen fyrir 40
ára óeigingjarnt og mikið starf í
íélagsmálum, en Jóni bikar fyrir
íþróttaafrek.
Veizlustjóri var Angantýr Jó-
hannsson útibússtjóri.
Þegar borðhaldi lauk voru
borð upp tekin og þá fór fram
skrautsýning, en síðan var stig-
inn dans. Húsið var fagurlega
skreytt og mun formaður félags-
ins hafa átt mestan þátt í þeirri
grein undirbúningsins. En hann
er kunnur fyrir listrænt hand-
bragð.
Tveir af stofnendum Reynis
sátu afmælisfagnaðinn, Egill Jó-
hannsson og Vigfús Kristjánsson.
En hvert er þá 50 ára starf
Ungmennafélagsins Reynis? Skal
hér drepið á nokkur atriði. —
Stefnuskráin var hin sama og
annarra ungmennafélaga, í stór-
um dráttum að minnsta kosti.
Hún var djörf og varð heillarík
vegna þess hvað hún var tekin
alvarlega. Ungmennafélagar fjöl-
menntu oft til hjálpar á bág-
stöddum heimilum, sérstaklega
við heyskap. Ennfremur öfluðu
þeir félaginu tekna með vega-
vinnu, kartöflurækt, heyöflun til
sölu o. fl. Snemma kom til um-
ræðu að félagið kæmi sér upp
eigin húsi. Flutti það mál Jóh.
Fr. Kristjánsson. Svo einkenni-
lega vildi til að 30 árum síðar
teiknaði hann hið myndarlega
skólahús og félagsheimili að Ár-
Þóroddur Jóhannsson,
formaður U.M.S.E.
skógi. Mun vart leika á tveim
tuhgum, að ungmennafélagarnir
hafi átt mestan þátt í að hrinda
því máli í framkvæmd. Var það
stærsta skóla- og samkomuhús,
sem þá var til hér á landi utan
kaupstaða. En það hús var full-
búið 1942.
íþróttir hafa jafnan verið iðk-
aðar meira og minna. Fyrst
glíma og síðan aðrar íþróttir og
fimleikar. — Ungmennafélagar
héldu sundnámskeið við hina
góðu aðstöðu, sem skapaðist með
byggingu Sundskálans í Svarf-
aðardal um átta ára bil. En eftir
að sundskylda var lögleidd, féll
þetta verkefni félagsins niður. —
Síðan 1928 hafa íþróttanámskeið
verið haldin flest árin. Heimilis-
iðnaður hefur oft verið veiga-
mikill þáttur í starfi félagsins.
1912 var hannyrðasýning haldin
og vakli hún athygli. 1925 var sá
háttur upp tekinn að félagsmenn
gerðu muni, er síðan voru seldir
á uppboði og hélzt hann um tugi
ára. Varð þetta mikil hvatning
og góð tekjuöflunarleið. Nám-
skeið í útskurði o. fl. höfðu mjög
örfandi áhrif. Jafnan hefur verið
Kristján Vigfússon,
formaður Reynis.
unnið að bindindismálum og með
góðum árangri. Um það blandast
engum hugur, er til þekkir.
Sundnámskeið hélt félagið við
Móatjörn löngu áður en núver-
andi sundstaðir í nágrenninu
voru byggðir.
e
Meiri menningarbragur hefur
verið á skemmtisamkomum að
Árskógi en víðast annars staðar
í héraðinu. — Ungmennafélagar
Reynis hafa ekki látið undan
berast eða gefið alla hluti fala
fyrir peninga. Sem sönnun þess
má minna á það, sem áður segir,
•að þótt ekki væri bannað að
reykja í samkomusal á afmælis-
fagnaðinum, var þar enginn tó-
baksreykur og var þó lengi setið
undir borðum. Mun það eins-
dæmi í svo fjölmennu hófi. En
þetta gæti ekki átt sér stað nema
með sérstöku banni á flestum
öðrum skemmtistöðum. Sýnir
þetta glöggt hinn félagslega
þroska og virðingu fólksins sjálfs
fyrir félagsheimili sínu.
Reynir hefur gefið út blað flest
árin síðan 1910. Heitir það Helgi
magri. Málfundir og skemmtanir
hafa verið á dagskrá frá fyrstu
tíð.
__
Hér hefur auðvitað engin tæm-
andi skýrsla verið gjörð um störf
Reynis á hálfrar aldar skeiði.
Enda mun hitt meira virði, það
sem ekki verður vegið eða metið.
En það eru hin mannbætandi og
þroskandi áhrif ungmennafélags-
ins og yfirleitt allra ungmenna-
félaga, og sá hugsjónaeldur, sem
hæst bar á fyrstu áratugum ald-
arinnar og þokaöi þjóðinni veru-
lega í áttina til betra lífs.
Núverandi formaður Reynis er
Kristján Vigfússon, ritari er Rósa
Stefánsdóttir og gjaldkei’i Georg
Vigfússon.
Framboðslisti Alþýðu-
flokksiris
Efstu menn listans eru:
Bragi Sigurjónsson, ritstjóri.
Albert Sölvason, forstjóri.
Jón M. Árnason, vélstjóri.
Torfi Vilhjálmsson, verkam.
Þorsteinn Svanlaugss., bílstjóri
Guðmundur Ólafsson, sjóm.
Á mánudaginn kemur hefst
skíðanámskeið á vegum Skíða-
ráðs Akureyrar. Er það ókeypis
fyrir alla þátttakendur, yngri
sem eldri, og stendur til 11.
janúar.
Kennsla fer fram í brekkunni
austan Brekkugötu hér í bæ.
Hefur æfingarsvæðið verið lýst
og lagfært svo þar er hinn ákjós-
anlegasti staður. Aðal kennari og
forstöðumaður námsskeiðsins er
Magnús Guðmundsson lögreglu-
þjónn. En honum til aðstoðar við
kennsluna verða meðal annarra
Hjálmar Stefánsson. Börnum' til
12 ára aldurs verður kennt frá
klukkan 15—19 dag hvern, en
þeim sem eldri eru frá kl. 20—22.
Skíðasnjór er góður, aðstaðan
hin hentugasta og staðurinn er
nærtækur fyrir bæjarbúa og
ætti þetta, ásamt með góðum
kennurum, að verða mikil hvatn-
ing um góða aðsókn.
Þess má geta um kennarana,
sem áður voru nefndir, að Hjálm
ar er þekktur skíðamaður og fór
í keppnisför til Austurríkis og
víðar í fyrravetur. Magnús hefur
Kviknaði í mótorbát
Síðdegis á fimmtudaginn var
slökkviliðið kvatt á vettvang.
Hafði kviknað í Einari Þveræing,
er hér lá við bryggju. Tókst
fljótlega að slökkva eldinn og
varð lítið tjón.
Um nýju kosningalögin
Við næstu bæjarstjórnarkosn-
ingar verður í fyrsta skipti farið
eftir hinum nýju kosningalögum,
sem samþykkt voru á Alþingi
fyrir jólin. Breytingarnar voru
einkum í því fólgnar að bannað-
ur er hvers konar áróður á kjör-
stað og að skrifa upp á kjörstað
hverjir kjósa. Kjörfundi á að
ljúka ekki síðar en klukkan 23
að kveldi kosningadags. Verður
nú erfitt fyrir harðsvfraða kosn-
ingasmala að draga fólk hálf
nauðugt á kjörstað, svo sem hef-
ur viljað brenna við að undan-
förnu og er lýðræðinu til skamm
ar. Að sjálfsögðu munu stjórn-
endur hinna væntanlegu kosn-
inga vekja athygli á hinum nýju
lögum og láta framfylgja þeim.
tvo undanfarna vetur verið við
gæzlustörf á víðkunnum skíða-
stað í Bandaríkjunum og við
skíðakennslu og er með færustu
skíðamönnum landsins.
Líklegt má telja að margir
vilji njóta ókeypis leiðbeininga á
skíðum næstu viku hjá þessum
mönnum. Mun það ráð hollast
að athuga skíði sín um helgina
og venja þau næstu daga við snjó
í stað ryks.
Lyf jabúðum bæjarins
lokað um nætur
Eins og auglýsing frá lyfjabúð-
úm bæjarins í blaðinu í dag, svo>
og útvarpstilkynningar bera með
sér, verður lyfjabúðum bæjarins
lokað um nætur eftirleiðis frá kl.
10 að kveldi til kl. 9 að morgni.
Mun þetta spamaðarráðstöfun
þessara fyrirtækja. Læknafélagið
í bænum hefur samþykkt þessa
breytingu, svo og landlæknir og
er lokunin þegar komin til fram-
kvæmda til reynslu um óákveð-
inn tíma. Mælist þetta fremur
illa fyrir og þykir ekki í fram-
faraátt. Hins vegar telja lyfja-
búðirnar þessa næturvörzlu
óþarfa. Næturlæknir hefur ávallt
aðgang að lyfjafræðingi, ef nauð-
syn ber til og tryggir það borg-
urunum aðgang að lyfjum í
bráðri þörf.
Akureyringur á skák-
móti í Noregi
Ingimar Jónssyni Akureyri,
fyrrv. skákmeistari Norðlend-
inga, hefur vei’ið boðið til Nor-
egs nú um áramótin til að taka
þátt í skákmeistaramóti ungl-
inga. Skákkeppnin fer fram í
Osló og er teflt eftir hinu svo-
kallaða Monroekerfi.
Ingimar Jónsson.
Skáksamband íslands hafði fyr-
irgreiðslu um þetta boð og veitti
nokkurn styrk til fararinnar.
Sömuleiðis Skákfélag Akureyrar,
sem veitti kr. 1000.00 til þess að
Ingimar gæti tekið þátt í þessu
skákmóti. Ekki er vitað nú hvað
fjölmennt þing þetta er, eða hvað
þátttakendur eru frá mörgum
þjóðum, en búizt var við góðri
þátttöku.
Ingimar stundar nám í íþrótta-
kennaraskólanum að Laugarvatni
í vetur.