Dagur - 18.04.1968, Qupperneq 2

2
Margrét Lúthersdóttir fimmtug
Heimili þitt var svo hugnæmt
og hlýtt
er húsfreyja varst þú í Öxna-
dal forðum.
Enn er það blómum og unaði
prýtt
með angandi vistir á svignandi
borðum.
HINN 3. des. 1967 átti Margrét
Lúthersdóttir, Grænumýri 19 á
Akureyri, 50 ára afmæli. Þann
dag heimsóttu hana frændur og
vinir beggja megin Vaðlaheið-
ar. Margrét er fædd að Vatns-
le-ysu í Fnjóskadal 3. dag desem
bermánaðar 1917, dóttir hjón-
anna Þórunnar Pálsdóttur og
Lúthers Olgeirssonar bónda á
Vatnsleysu í Fnjóskadal. Þá
gengu í hönd erfiðir tímar hér
á landi og menn áttu alla af-
komu sína komna undir góðri
heilsu og dugnaði sinna eigin
handa. Lúther faðh’ Margrétar
stundaði sjóinn ásamt nokkrum
búskap; það kom því mjög til
kasta Þói unnar konu hans að
sjá um bú og börn. Þegar
Margrét var um 6 ára gömul
fórst skip það er faðir hennar
var á, og stóð móðir hennar þá
uppi með 4 börn, 2 drengi eldri
en Margréti og stúlkubarn
mjög ungt.
Það lætur að líkum að þarna
varð þröngt í búi og fljótt urðu
þau systkin að taka til höndum.
Þórunn giftist aftur, Ingimar
Kristjánssyni, ágætum manni
og eignaðist með honum 1
dreng. En varla hafði hann slit-
ið barnsskónum er Þórunn var
aftur oxðin ekkja, og nú eru
það börnin af fyrra hjónabandi
Þórunnar er styðja hana í raun
um hennar og þrengingum. —
Þannig var það, að Margrét
vandist því snemma að annast
yngri systkini sín og hjálpa móð
ur sinni á ýmsa lund með
heimilisverkin.
Sumarið 1938 ræðst Margrét
kaupakona að Bakka í Öxna-
dal, til Þórs Þorsteinssonar og
Bjargar konu hans. Það féll svo
vel á með Margréti og þessu
fólki að hún réðist þangað í
kaupavinnu sumarið eftir. En
veturinn eftir, 1938—39, er hún
í Kvennaskólanum á Laugum í
Reykjadal og útskrifaðist þaðan
um vorið með góðum vitnis-
burði. Þetta sama vor — 1939 —
gerðist það að Rútur bróðir
Þórs á Bakka fór að búa í
Bakkaseli. Hann var ógiftur og
bjó með ráðskonu þetta sumar,
en um haustið hurfu allar starfs
konur brátt úr Bakkaseli, en
aftur á móti réðist Margrét
kaupakona á Bakka til hans
sem ráðskona. Um vorið 1940
héldu þau brúðkaup sitt Rútur
og Margrét, en að hallandi
sumri fæddist þeim dóttir er
'hlaut nafnið Gunnþórunn.
í Bakkaseli bjuggu þau Rút-
ur og Margrét til ársins 1946. Á
þessum árum var rekið gistihús
í Bakkaseli og þótti vel á öllu
haldið hjá þessum ungu hjón-
um. Oft var gestkvæmt í Bakka
seli á þessum árum enda þurfti
þar mikið starfslið. Húsfreyjan
unga gekk um allt með þrifnaði
og reglusemi og varð brátt vin-
sæl bæði af gestum og heimilis-
fólki.
Margrét Lúthersdóttir.
Einhverntíma á þessum ár-
um bar að garði í Bakkaseli
Pétur Siguiðsson erindreka, og
man ég að hann skrifaði grein í
vikubláðið' „Dag“ á Akureyri
um hve gott væri þar að koma
og allt hreinlæti og umgengni
væri þar til fyrirmyndar, en sá
maður hafði oft vandað um við
þjóð sína hvað það snerti.
Eins og gefur að skilja var
og er oft erfitt að búa í Bakka-
seli, einkum á vetrum. Þar geta
menn oft einangrast þó við þjóð
braut sé, svo er vetrarhamur-
inn oft mikill á þessum slóðum.
Það þurfti því töluverða for-
sjálni til þess að vera við öllu
búin, en þó Margrét væri ung
að árum lét hún ekki sinn hlut
þar eftir liggja.
Ég held að Margrét hafi
aldrei kunnað vel við sig þarna
„inn milli fjallanna“. Hún vildi
færa sig neðar í dalinn, vera
meira í nábýli við fólkið, og vor
ið 1946 — að mig minnir —
fluttu þau Rútur og Margrét að
Engimýri, en sú jörð hafði farið
í eyði og keypti Rútur hana þá,
byggði þar upp öll útihús og
bráðabirgðaríbúð og stækkaði í
stórum stíl. Emnig komu þáu
upp vísi að skrúðgarði og átti
Margrét sinn þátt í því. Eftir að
þau Margrét pg Rútur fluttu frá
Bakkaseli fór heldur að halla
undan fæti með búskap þar, og
árið 1960 var Bakkasel komið í
eyði. En margur ferðamaðurinn
kvaddi dyra í Engimýri og var
þar leiddur í hús og veittur
beini þó um náttmál væri.
Hjálpsemi Margrétar átti sér
varla takmörk. Það var líka
gptt að koma til hennar með
margháttuð’ vandræði sín. Jafn-
vel áttu sængurkonur þar upp-
reidda hvílu ef þeim lá á, og
reyndist Margrét þeim sem
bezta móðir.
Börn þeirra Rúts og Margrét
ar eru 2: Gunnþórunn og Þor-
steinn, þau eru bæði búsett á
Akureyri. Einn fósturson eiga
þau Rútur og Margrét: Matt-
hías bónda á Fossi í Suður-
fjörðum.
Vorið 1964 fluttu þau Rútur
og Margrét frá Engimýri. Var
það sökum vanheilsu þeirra
beggja, er einkum stafaði frá
hinni illræmdu Akureyrar-
veiki, er svo margir eiga grátt
að gjalda. Sonur þeirra sem þá
var á þroskamótum var heldur
heilsuveill, svo þeim var nauð-
ugur sá einn kostur að flytja til
Akureyrar, bæði til þess að
vera nær læknishendi og svo ef
þau fengju léttari vinnu. Dóttir
þeirra var líka gift ágætum
manni á Akureyri en fóstur-
sonur víðsfjarri, sem fyrr segir.
í í'úman aldarfjórðung hefir
Margrét staðið við hlið bónda
síns, hjúkrað honum sjúkum á
stundum og létt undir með úti-
verk sveitabúskaparins eftir því
sem heilsa hennar leyfði. Þegar
ekki var af neinu að taka sem
heitir þrek og heilsa hjá þeim
hjónum neyddust þau til að
selja bú sitt og ganga frá jörð
sinni í eyði. Það voru ekki létt
spor, en þeim tókst að ganga að
vissu leyti inn í nýjan heim og
hafa nú byggt sér upp heimili
á „hinni fögru Akureyri" og
stunda nú vinnu í iðnfyrirtækj -
um „SÍS.“ Þarna geta þau líka
notið návistar barna sinna og
barnabarna, það hygg ég að sé
Margrétar mesta gleði. Ekki
stóð Engimýri, eignarjörð
þeirra, nema eitt ár í eyði.
Þangað fluttu hjón með 7 börn
og nýtur sú fjölskylda nú þeirra
miklu umbóta sem búið var að
gera á jörðinni í búskapartíð
Rúts og Margrétar. Það finnst
þeim ánægjulegt er þau á frí-
dögum sínum aka fram Öxna-
dalinn að sjá upprennandi ung-
menni kvika um sína fyrrver-
andi „helgu jörð.“ Það var okk-
ur vinum þeirra og venzlamönn
um í Öxnadal sjónarsviptir er
þau hurfu brott héðan og stund
um verður mér það á að líta í
suðurátt og finnast ég þurfa að
líta eftir smávöxnum manni á
fannbreiðunni, svo ég geti sagt
þér hve honum skilar vel áleið-
is heim til þín Margrét mín.
Þetta eru liðnir dagar en minn-
ing þeirra vakir ennþá mér í
huga. Þess vegna hefi ég verið
að dunda við það í allan vetur
að koma þessu hugarfóstri mínu
á blað, því ekki er skammt
milli okkar funda nú. Það er
víst farið aftan að mannasiðum
að skrifa afmælisgrein svo
löngu eftir daginn og afmælis-
fagnaðinn. Ég bið afmælisbarn-
ið fyrirgefningar á því.
Að endingu vil ég þakka þér
allt frá liðnum árum og biðja
þér og þínum allrar blessunar
á komandi dögum.
Skrifað á útmánuðum 1968.
A. M. Sigurjónsdóttir.
VIÐ VOTNIN STRONG
Á ANNAÐ hundrað manns í 30
bílum fóru frá Rvík til Homa-
fjarðar um páskana, svokallaða
skemmtiferð eða öræfaferð. All
ir bílarnir komust á leiðarenda,
en lentu í misjöfnu. Einkum
voru árnar óþægilegir farar-
tálmar. Urðu festur miklar hjá
sumum þeirra. Ferð þessi var
fai'in á vegum Guðmundar
Jónassonar og Ulfars Jakobsen.
í Núpsvötnum valt einn jepp
inn á hliðina, en menn björg-
uðust og bíllinn var dreginn til
lands. í Hrútá björguðu ferða-
mennirnir jeppa, sem oltið hafði
á hliðina við það að ísjaki rakst
á hann. Bílstjórinn var rétt að
skríða upp úr ánni, er Reyk-
víkingana bar að, og drógu þeir
bílinn úr ánni. En jeppi þessi,
sem var úr Hornafirði, var nær
alveg á kafi. □
Almennur fundur um bindindismál
ALMENNUR FUNDUR um
bindindismál verður haldinn í
Borgai'bíói næstkomandi mánu
dag, 22. apríl, kl. 8,30.
Þar verður tekið til umræðu
eitt af okkar mestu vandamál-
um, hvort ekki sé kominn tími
til að beita einhverjum ráðum
til að draga úr hinni gífurlegu
áfengisnautn, sem hér á sér
stað.
Á fundinum verða ekki að-
eins til umræðu bindindismál,
heldur fara þar fram einnig góð
skemmtiatriði.
Séra Sigurður Haukur Guð-
jónsson flytur aðalræðuna, en
hann er einn af snjöllustu ræðu
mönnum þjóðarinar.
Ómar Ragnarsson skemmtir
með sínum snjöllu gamanþátt-
Ungan reglusaman mann
VANTAR HERliERGI
Uppl. í síma 1-25-55.
ÞRIGGJA HERB. IBUÐ
til leigu frá 1. júní
til 1. febrúar.
Uppl. miLli kl. 7 og 9
á kvöidin í Höfðahlíð 9.
Húseignin
KRINGLUMÝRI 14
er til sölu.
Skipti á minni íbúð
kemur til greina.
Upplýsingar á staðnum.
íbúð mín, efri hæð
BYGGÐAVEGAR 136
til sölu.
Getur orðið laus í júlí
næstk.
Viðar Helgason,
Byggðav. 136.
Uppl. ekki gefnar í síma.
HERBERGI VANTAR
fyrir eldri rnann
á rólegum stað.
Algjör reglusemi.
Uppl. í síma 1-14-43.
ÍBÚÐ ÓSKAST
til leigu, sem fyrst.
Tvennt fullorðið í
heimili.
Uppl. í síma 1-28-46
á kvöldin.
Húseignin
MÖÐRUVALLA-
STRÆTI 1 er til sölu
Seld í einu lagi eða livor
íbúð fyrir sig.
Uppl. í síma 1-19-80.
um, þar á meðal gamanþáttum
um skíðaferðir.
M.A.-kvartettinn er kunnur
fyrir ágætan söng ■ og hann
skemmtir þar einnig.
- Akureyrartogarar
(Framhald af blaðsíðu 8).
8192 sterlingspund. Átti þá 70
tonn óseld. Seldi þau í dag (17.
apríl) fyrir 3696 pund.
Kaldbakur landaði 265 tonn-
um á Akranesi 10. apríl. Er nú
á veiðum. □
MOSKVITHS til sölu
Árgerð 1966. Ekin 11 jiús.
km. Góðir greiðsluskil-
málar.
Sími 1-24-95.
Fyrir
sumardaginn 1.
B ARN APEYSUR
BARNA-
GOLFTREYJUR
BARNA-
STRETHSBUXUR
SPORTSOKKAR og
LEISTAR
VERZLUNIN DRÍFA
Denska landsliðið í körfuknattleik sigraði Þór
SL. ÞRIÐJUDAG kl. 8.15 lék
danska landsliðið í körfuknatt-
leik við 1. deildarlið Þórs í
íþróttaskemmunni á Akureyri
og fóru leikar svo að Danir
sigruðu með 79:54 stigum.
Danska liðið sýndi á köflum góð
an leik, en leikmennirnir voru
grófari en leikmenn 1. deildar-
liðanna íslenzku, sem hér hafa
leikið í vetur. Einar Bollason
var langbeztur af leikmönnum
Þórs og skoraði 22 stig í síðari
hálfleik.
Leikurinn var jafn framan af,
og um miðjan fyrri hálfleik var
staðan jöfn 14:14, en þá skoruðu
Danir 10 stig án þess Þórsurum
tækist að svara fyrir sig. í leik-
hléi var 15 stiga munur 38:23
fyrir Dani. Þórsarar byrjuðu
vel í síðari hálfleik og tókst að
minnka bilið niður í 6 stig 44:38,
en þá tóku Danir góðan sprett
og skoruðu 8 stig án þess. Þór
tækist að skora og var um tíma
27 stiga munur 69:42, en í lokin
héldu Þórsarar í við Dani og
lauk leiknum með 25 stiga sigri
danska landsliðsins 79:54.
Köflóttar vinniiskyrtur
karlmamia og drengja
SÍMI 21400,