Dagur - 20.05.1972, Blaðsíða 2

2
Sönqur Eiísebetar Er
TÓNLISTARFÉLAG Akureyr-
ar efndi á uppstigningardag 11.
maí til fjórðu og síðustu tón-
leika yfirstandandi starfsárs.
Elísabet Erlingsdóttir söng við
píanóundirleik Kristins Gests-
sonar verk eftir Mozart,
Brahms, Alban Berg, Pál ísólis-
son, Eyþór Stefánsson, Jón Þór-
arinsson og Fjölni Stefánsson.
Elísabet Erlingsdóttir: stund-
aði nám í Miinchen og lauk
prófi frá tónlistarháskóianum
þar í borg árið 1968. Hún hefur
síðan komið fram á tónleikum
og sungið í útvarp, en þetta eru
fyrstu sjálfstæðu tónleikar henn
ar. Elísabet starfar sem söng-
kennari við Tónlistarskóla Kópa
vogs og kennir einnig söng við
Kórskóla þjóðkirkjunnar.
Ekki leyndi sér við þessa
frumraun Elísabetar á tónleika-
palli nokkur óstyrkur, sem
hindraði, að hún nyti sín eins og
efni standa til, en engum gat
dulizt góð kunnátta og meðfædd
raddgæði.
Að vísu skorti nokkuð á eftir
þessum tónleikum að dæma, að
röddin sé jöfn í hljómi upp eftir
tónsviðinu, og e. t. v. nyti hún
sín öllu betur á mezzosviði en í
sópran hæð, ef söngkonan legði
sig meira eftir því.
Elísabet hefur með góðum
árangri gert nokkuð að því að
kynna verk eftir nútímahöfunda
íslenzka og erlenda, og voru lög
in eftir Alban Berg með því sem
bezt tókst til um á þessum tón-
leikum. Það er sannarlega ekki
á allra færi að koma þeim svo
vel til skila og hefði verið gam-
an að fá meira að heyra.
Elísabet er ágætlega tónvís og
gædd næmum smekk í flutningi.
Hún hefur ósvikið músíkblóð í
æðum. Henni eru hér með flutt-
ar beztu þakkir fyrir komuna
norður og óskað góðs gengis.
Það sakar ekki rétt einu sinni
að geta þess, að aðsókn var í
dræmara lagi. Eflaust má finna
ýmsar frambærilegar ástæður
fyrir því, en nú í lok þessa
starfsárs væri vel, ef mcnn vildu
koma með vinsamlegar ábend-
GEFUR GOÐAN ARÐ
GÓÐ AUGLÝSLNG -
ingar varðandi tilvist Tónlistar-
félags Akureyrar.
Á að leggja það niður og
hætta að efna til tónleika á þess
vegum eða telja menn rétt, að
haldið sé áfram að klóra í bakk-
Ennfremur, hvernig á að haga
starfseminni þannig, að grund-
völlur skapist fyrir sæmilegri
og stöðugri aðsókn? Við þessum
spurningum væri fróðlegt að fá
nokkur svör.
S. G.
NÆSTU daga munu margir
verða á ferðinni á þjóðvegum
landsins, ef vel viðrar, svo sem
nú lítur út fyrir. Vegir eru orðn-
ir þurrir og víða þegar heflaðir.
En hins vegar eru lausir steinar
hinna nýhefluðu vega jafnan
mjög hættulegir og hafa valdið
rúðubrotum og ótöldum alvar-
legum slysum.
Mikið er til af hraðskreiðum
farartækjum, sem gaman er að
aka hratt á, en margir verða
sárri reynslu ríkari af því að
aka óvarlega. Ætti það því að
vera umhugsunarefni akandi
vegfarenda, ásamt því að njóta
þess, sem notið verður í helgar-
ferðum, hve gott það er að aka
heilum vagni heim í ferðalokin.
NÝR tennisvöllur verður tekinn
í notkun við Sundlaug Akur-
eyrar þessa dagana, og af því
tilefni hafði blaðið samband við
formann Tennis- og badminton-
félags Akureyrar, Örn Inga
Gíslason, og lagði fyrir hann svo
hljóðandi spurningar:
Er þetta eini tennivöllurinn á
landinu?
Já, en við verðum að vona að
svo verði ekki til lengdar.
Tennis er mjög vinsæl íþrótt
erlendis og sú verður raunin
eflaust hér líka, það er hægt að
sjá það strax af aðsókninni á
völlinn, meiri hlutinn af þeim
tímum er félagið hefur til ráð-
stöfunar eru þegar pantaðir, og
ættu þeir eða þær sem áhuga
hefðu á að fá tíma, að snúa sér
nú þegar til formanns Tennis-
deildar, Harðar Þorleifssonar
tannlæknis.
Hvað um kennslu?
Kennslu og þjálfun á vegum
félagsins mun annast Tómas
Ingi Olrich, sem stundað hefur
SAMBANDSFRÉTTIR
(Framhald af blaðsíðu 8)
um 11.500 tonn árið 1971, en var
10.160 tonn árið áður.
Sala fiskrétta gekk vel á árinu
og vann verksmiðjan úr mest-
um hluta þeirra fiskblokka sem
Sambandsfrystihúsin fram-
leiddu. Auk þess hefur reynzt
nauðsynlegt að kaupa vaxandi
■ magn ýmissa fiskblokka frá
■ öðrum löndum til að mæta þörf
■yerksmiðjunnar.
Ýmsar nýjar tegundir fisk-
:rétta bættust við í framleiðslu
verksmiðjunnar á árinu og nem
um fjöldi þeirra fisktegunda,
sem fyrirtækið hefur á boðstól-
um, langt á annað hundrað.
Á fyrstu 4 mánuðum þessa
árs hefur orðið óvenjumikil
aukning á framleiðslu og sölu
verksmiðjunnar, eða um 50%
miðað við sama tímabil árið
áður.
Frá Samvinnuskólanum,
Bifröst.
Samvinnuskólanum Bifröst
var slitið mánudaginn 1. maí sl.
íí vetur stunduðu þar nám í 1.
bekk 40 nemendur og 39 nem-
endur í 2. bekk. Allir nemendur
2. bekkjar luku burtfararprófi,
þar af tveir með ágætiseinkunn,
þeir Guðmundur Steinn Gunn-
laugsson frá Hafearfirði með
9.03 og Gunnar Magnússon frá
Akranesi með 9.00. Eólcfærslu-
bikarinn hlaut Friðrik Ágúst
Óskarsson frá Laugum í Reykja
dal, verðlaun Verzlunarmanna-
félags Reykjavíkur fyrir beztan
árangur í vélritun fékk Kristín
Ása Einarsdóttir frá Hafnarfirði
og viðurkenningu frá þýzka
sendiráðinu fyrir hæfni í þýzku
hlutu Áslaug Pétursdóttir frá
Reykjavík, Pétur Friðrik Péturs
son frá Hafnarfirði og Ólafur G.
Sigurðsson frá Hnífsdal.
Mokka-kápur frá Heklu
vinsæ’ar.
Nú í marzmánuði tók Iðnaðar
deild þátt í tveimur vörusýning
um í Kaupmannahöfn og
Múnchen, og í apríl í þeirri
þriðju í Frankfurt. Þar sýndi
deildin fyrst og fremst skinna-
vörur verksmiðja sinna, og að
því er Jón Arnþórsson sölustjóri
útflutnings sagði SF, náðist
mjög góður árangur á þessum
sýningum að því er varðar sölu
á Mokka-kápunum, sem fram-
leiddar eru í Fataverksmiðjunni
Heklu úr mokkaskinnum frá
Skinnaverksmiðjunni Iðunni.
Hafa þegar verið gerðir sölu-
samningar fyrir rúmar 15
milljónir króna.
þessa íþrótt um árabil í Frakk-
landi er hann var við nám þar.
Kennslu fá allir þeir er ganga í
félagið í fyrstu æfingatímum
sínum á tennisvellinum.
Hvað viltu segja um starf fé-
lagsins í vetur?
Um starf félagsins í vetur er
það að segja, að það hefur mót-
azt nokkuð af því hve slæma
æfingaaðstöðu við höfum átt við
að búa, þar sem badmintonmenn
fá alltof fáa tíma í íþróttaskemm
unni og hver maður fær aðeins
1 tíma á viku og segir það sína
sögu. Borðtennismenn höfðu
mjög slæma aðstöðu til æfinga
og verður að finna einhverja
lausn á þessum vandamálum
næsta vetur. Fyrir skömmu kom
landslið Færeyinga í badminton
hingað til Akureyrar og keppti
við T.B.A. í íþróttaskemmunni
og var það mjög skemmtileg og
jöfn keppni, en Færeyingar
voru þó öllu sterkari. Borðtenn-
ismenn fóru í fyrsta sinn á ís-
landsmót er háð var í Reykja-
vík 1. maí o gvar árangurinn
vel viðunandi. Áhugi er mjög
vaxandi á þessum íþróttum hér
í bæ og lítum vi ðþví með bjart-
sýni á framtíðina. □
Til sölu tvíburavagn á
kr.5000,00 og tvö burð-
arrúm á kr. 900,00 hvort.
Uppl. í Lundargötu 7.
NÝJAR TEGUNDIR.
P R J Ó N A G A R N
í barnaföt.
HEKLUGARN
í dúka.
Mjög fallegt.
Verzlun Ragnheiðar
0. BJÖRNSSON
Hef tekið upp mör.kin
Hvatt og biti aftan
hægra og sneitt framan
vinstra.
Hvatt og biti aftan
hægra og gat vinstra.
Brennimark er Þ—688.
Björn Gunnarsson
Illugastöðum
Fnjóskadal.
Bensínmiðstöð.
Vil kaupa 12 volta
bensínmiðstöð í bíl.
Sími 1-27-77.
Talstöð.
Vil leigja eða kaupa tal-
stöð.
Sími 1-27-77.
Vil kaupa góða
mjólkurkú.
Gylfi Baldvinsson,
Engihlíð sími um Dalvík

Ungan mann vantar her-
bergi í miðbænum.
Uppl. í síma 1-23-04.
Herbergi óskast til leigu.
Uppl. í síma 1-23-00.
Vantar lierbergi sem
fyrst.
Uppl. í síma 2-11-88.

H
u
N
t
H U D S O N
SOKKAR OG SOKKABUXUR
20 0» 30 den., 6 stærðir.
Sölnumboð á íslandi:
DAVÍÐ S. jÓNSSON og CO hf.
ÞINGHOLTSSTRÆTI 118 REYKJAVÍK.
SÍMI 91-2-43-33.