Dagur - 03.06.1976, Blaðsíða 1

Markmið
fyrr og uú
Eyfirskir bœndur mörkuðu
stefnu kaupfélagsins 19. júni
1886 á eftirfarandi hátt:
Að útvega félagsmönnum
góðar vörur og ná hagfelld-
um kaupum á þeim.
Að efla vöruvöndun og
koma innlendum vörum i
sem hcest verð.
Að sporna við skuldaversl-
un og óreiðu i viðskiptum.
Að safna fé i sjóði til trygg-
ingar fyrir framtið félagsins.
Að stuðla að útbreiðslu og
eflingu samskonar félaga hér
á landi og koma sér i sam-
vinnu við þau.
Að efla þekkingu manna á
samvinnufélagsskap og við-
skiptamálum.

■ ■

: V
z.;, ..■.; :■■■ ■ . ,'.'■
::■;,: ■■'.:.;

:

;;'
Verslunar. og skrifstofubygging KEA frá 1930, ásamt Vöruhúsinu lengra til hægri.
(Ljósm.: E. D.)
Avarp
Þann 19. júní n. k. verður Kaup
félag Eyfirðinga 90 ára. Þessara
tímamóta er minnst nú í tengsl-
um við aðalfund félagsins. Við
slík tímamót er eðlilegt, að
nokkuð sé staldrað við og litið
um öxl til þess, sem þegar hefur
áunnist, jafnframt því sem
skyggnst er fram á við til þeirra
mörgu óleystu verkefna, sem
varða veginn.
Fátt lýsir betur þeim árangri,
sem náðst hefur í starfi félags-
ins fram til þessa, en þær tölur,
sem birtar eru á aðalfundi
félagsins um þessar mundir.
Heildarvelta félagsins 1975 var
nærri 8 milljarðar króna, fast-
ráðið starfsfólk í árslok 1975
var 717 manns og félagið greiddi
yfir 900 milljónir króna í laun.
Endurgreiddur tekjuafgangur
fyrir sl. ár verður samkvæmt
ákvörðun aðalfundar u. þ. b. 22
milljónir króna og stofnsjóður
félagsmanna var í árslok 1975
nærri 140 milljónir króna, en
hann er allur myndaður af
endurgreiddum tekjuafgangi.
Niðurstöður efnahagsreiknings
félagsins við síðustu áramót
voru yfir 4 milljarðar króna og
félagið stendur traustum fótum
með verulegt eigið fjármagn að
bakhjarli.
Allar þessar tölur segja sína
sögu og þá fyrst og fremst
vegna þess, að hér er ekki um
að ræða dauðar tölur, heldur
tákn um þann sterka lífsstraum,
sem samvinnustarfið sendir um
æðar byggðarlaganna við Eyja-
fjörð. Þær eru tákn um þau
miklu afrek, sem samvinnu-
starfið í Eyjafirði hefur fengið
áorkað með samstilltum átök-
um þéttbýlis og dreifbýlis og
ólíkra atvinnustétta innan vé-
banda kaupfélagsins. Þó segja
tölur þessar ekki alla söguna
á 90 ára afmælishátíð KEA
um árangur samvinnustarfsins,
því fjölmörgum menningar- og
framfarafyrirtækjum hefur
kaupfélagið stuðlað að og
hleypt af stokkunum, sem síðan
hafa blómstrað og dafnað og
farið sínar eigin leiðir. Sú stað-
reynd blasir þó við, að miklir
sigrar hafa unnist, mikill árang-
ur hefur náðst, mikið starf hef-
ur verið innt af hendi af fjölda
góðra starfsmanna og allt þetta
er ljúft og skylt að þakka við
þessi tímamót.
Jafnframt ber að hafa það í
huga, að stórar og glæsilegar
tölur um viðskiptaveltu kaup-
félagsins eru umfram annað
tákn þess, að fólkið í byggðum
Eyjafjarðar hefur treyst sam-
vinnufélagi sínu til forystu um
Valur Arnþórsson,
kaupfélagsstjóri.
að bæta hag byggðarinnar og þá
gjarnan treyst kaupfélaginu
betur en öðrum rekstursform-
um í atvinnulífinu. Fólkið veit,
að allir fjármunir, sem myndast
í rekstri Kaupfélags Eyfirðinga,
ganga til áframhaldandi atvinnu
uppbyggingar og framfarasókn-
ar f héraðinu sjálfu, en þjóna
ekki skyndihagsmunum ein-
stakra manna. Þannig hefur
þetta verið og þannig mun það
áfram verða.
Kaupfélagið stendur nú í
stærri verklegum framkvæmd-
um og fjárfestingum en nokkru
sinni fyrr. Jafnframt bíða mörg
verkefni úrlausnar víðs vegar
um félagssvæðið og þeim þarf
að sinna svo fljótt sem auðið
verður. Ekki er að efa, að öll
þessi verkefni munu verða leyst
f tímans rás, en að það megi
takast byggist þó fyrst og fremst
á því, að starfsfólk félagsins og
samvinnufólkið allt standi sam-
an sem einn maður og veiti
félagi sínu öflugan stuðning og
brautargengi. Þessu ávarpi skal
því lokið með hvatningu til sam
vinnufólks um áframhaldandi
öflugt starf. Samvinnustarfið
hefur átt drjúgan þátt í því að
gera Eyjafjörð að einni far-
sælustu byggð þessa lands.
Oflugt samvinnústarf í fram-
tíðinni mun tryggja, að svo
verði áfram um ókomna tíma.
Með samvinnukveðju,
Valur Arnþórsson.
Núverandi stjóm
og varastjórn
Kaupfélags Eyfirðinga
ásamt kaupfélagsstjóra
og aðalfulltrúa.
Talið frá vinstri:
Jóhannes Sigvaldason,
Gísli Konráðsson,
Sigurður Óli
Brynjólfsson,
Amgrímur Bjamason
aðalfulltrúi,
Hjörtur E. Þórarinsson
formaður,
Valur Arnþórsson
kaupfélagsstjóri,
Jón Hjálmarsson,
Kristinn Sigmundsson,
Sigurður Jósefsson.