Dagur - 03.06.1976, Blaðsíða 8

O.N.A. - Ofn fyrir hitaveitu og ketilkerfi
LEITIÐ TILBOÐA.
OFNASMIÐJA NORÐURLANDS HF.
Pósthólf 155. Sími (96)2-18-60. Akureyri.
Daguk
Akureyri, fimmtudaginn 3. júní 1976
FERMINGAR. f Í GULLSMIÐIR . •
GJAFIR 1
1 MIKLU \J( J \ SIGTRYGGUR-
ÚRVALI J & PÉTUR
f AKUREYRI
Heildarvelta KEA
nær átta milljarðar
Á aðalfundi Kaupfélags Eyfirð-
inga 31. maí og 1. júní kom
meðal annars fram, að heildar-
velta félagsins árið 1975 jókst
um 43,5% frá árinu áður og
varð nær 7.9 milljarðar króna.
Fastráðið starfsfólk er 717
manns, en allur launakostnaður
varð rúmar 900 milljónir króna.
í opinber gjöld greiddi félagið
72.5 milljónir króna.
Á árinu 1975 fjárfesti Kaup-
félag Eyfirðinga meira en
nokkru sinni fyrr eða fyrir
rúma 341 milljón króna. Fjár-
frekasta framkvæmd félagsins
er bygging mjólkurstöðvarinn-
ar nýju, en til hennar fóru 227
milljónir króna. Til byggingar
verslunarútibús á Lundstúni
fóru 18 milljónir kr. og 28.5
milljónir kr. til Kjötiðnaðar-
stöðvarinnar.
Rekstrarafgangur til ráðstöf-
unar á aðalfundi voru nær 30
milljónir króna og höfðu þá
verið afskrifaðar tæpar 58
milljónir kr. og varð fjármuna-
myndunin því nær 88 milljónir
króna. Samkvæmt tillögum
félagsstjórnar var samþykkt að
verja 22 milljónum kr. til arðs-
endurgreiðslu, í stofnsjóði fé-
lagsmanna nema apóteksarðinn.
Útibú KEA á félagssvæðinu
juku verslun sína verulega, eins
og aðrar verslunardeildir.
Stærsta útibúið er á Dalvík með
rúmar 348 milljón króna um-
setningu, þar næst kom Siglu-
fjörður með yfir 100 milljónir
kr., Grenivík með nær 80
milljónir kr., Hrísey með 55
milljónir kr._ Hauganes með 48
milljónir kr. og Grímsey með
nær 30 milljónir kr. En saman-
ÁRNAÐARÓSKIR
Mikið gæfa hefur fylgt sam-
vinnustarfinu við Eyjafjörð,
gæfa, sem af félagsþroska og
miklum félagsmálastörfum er
sprottin. Nú, á 90 ára afmæli
Kaupfélags Eyfirðinga, sendir
Dagur því árnaðaróskir og
þakkir fyrir samfylgd um Iang-
an veg. □
HÁTÍÐAFUNDURINN
Á hátíðafundi KEA, 1. júní, sem
hófst í Samkomuhúsinu um
klukkan 2.00, flutti Valur Arn-
þórsson kaupfélagsstjóri ávarp,
Hjörtur E. Þórarinsson stjórnar
formaður hátíðaræðuna og
Jakob Frímannsson fyrrv. kaup
félagsstjóri minntist Hallgríms
Kristinssonar. Til máls tóku
ennfremur Halldór E. Sigurðs-
son landbúnaðarráðherra, Er-
lendur Einarsson, Stefán Björns
son, Ingi Tryggvason, Bjarni
Einarsson, Sigríður Schiöth,
Sveinn Jónsson, Páll Leósson
og Áke Barhamn frá Svíþjóð.
Kristján Jóhannsson söng ein
söng, Agnes Baldursdóttir lék
einleik á píanó og tvísöng sungu
Helga Alfreðsdóttir og Kristján
Jóhannsson við undirleik
Thomas Jackman. Kristján
skáld frá Djúpalæk las frum-
samin Ijóð.
-----►
Á hátíðafundi í Samkomuhús-
inu. — (Ljósmyndastofa Páls)
lagt er þetta 662.259 milljónir
króna, sem er 44,3% aukning.
Söluaukning hinna ýmsu
verslunardeilda KEA varð
33,6%. Nýlenduvörudeildin með
10 útibú sín £ bænum seldi fyrir
893 milljónir kr., Byggingavöru
deild fyrir 425 milljónir kr. og
Kornvöruhúsið fyrir 243 milljón
ir kr. Járn- og glervörudeild
seldi fyrir 128 milljónir kr.,
Véladeildin fyrir 137 milljónir
kr. og lyfjabúðin fyrir 103
milljónir króna, og sýna þessar
tölur magn viðskiptanna árið
1975. Þá seldi Kjötiðnaðarstöðin
sína framleiðslu fyrir 307
milljónir kr., Efnaverksmiðjan
Sjöfn fyrir 333 milljónir kr. og
Smjörlíkisgerðin fyrir 115
milljónir kr. Þá seldi Hótel
KEA sína þjónustu fyrir 115
milljónir kr. og hin þjónustu-
fyrirtækin, Gúmmíviðgerð og
Þvottahúsið Mjöll, fyrir um tug
milljóna kr. hvort. □
Eyfirðingar stofnuðu fyrsta mjólkursamlag landsins árið 1928, Mjólkursamlag Kaupfélags Eyfirð-
inga. Ungur mjólkurfræðingur, Jónas Kristjánsson, skipulagði það frá grunni og stjómaði því til
1966, er núverandi samlagsstjóri, Vernharður Sveinsson, tók við. Mjólkursamlagið tók á móti nær
22 milljón lítrum á síðasta ári frá 348 framleiðendum. Gamla mjólkursamlagsbyggingin er orðin of
lítil, ný mjólkurvinnslustöð er í smíðum og voru fjárfestar þar 225 milljónir kr. á síðasta ári. Starfs-
fólk er um 50. Þessi mynd var tekin af nýbyggingunni í vor. (Ljósm. E. D.)
Halldór E. Sigurðsson lagði
hornstein að nýbyggingu mjólk
urvinnslustöðvarinnar nýju, á
þriðjudaginn, sem svo er nefnt
þegar innmúraðar eru í raka-
vörðum og traustum umbúðum
upplýsingar um viðkomandi
byggingu.
Þar segir m. a.:
„Hús það sem Kaupfélag Ey-
firðinga lætur reisa á þessum
stað er mjólkurvinnslustöð fyrir
Mjólkursamlag KEA. Hlutverk
hennar verður að taka við
mjólk frá mjólkurframleiðend-
um á félagssvæði Kaupfélags
Eyfirðinga, vinna úr henni og
senda hana svo á markað, ýmist
sem neyslumjólk eða mjólkur-
Haildór E. Sigurðsson,
landbúnaðarráðherra.
vörur. Mjólkurvinnslustöð þessi
leysir af hólmi húsnæði í Grófar
gili, sem tekið var í notkun 1939,
en fram til þess tíma hafði starf
semin verið í litlu húsi neðar í
gilinu frá því Mjólkursamlag
KEA tók til starfa 1928.
Byggingaframkvæmdir hóf-
ust 5. jún£ 1965. Stjórnarfor-
maður félagsins var þá Brynj-
ólfur Sveinsson menntaskóla-
kennari og kaupfélagsstjóri
Jakob Frímannsson. Var haldið
áfram við bygginguna það ár og
hið næsta, en í árslok 1966
stöðvuðust framkvæmdir vegna
lánsfjárskorts. Lágu nú fram-
kvæmdir niðri um hríð. Á árinu
1972 var tekið til við að endur-
skoða uppdrætti. 7. ágúst 1973
voru byggingaframkvæmdir
hafnar að nýju og hefur verið
haldið áfram óslitið síðan. Aðal-
húsnæðið er nú fullgert hið ytra
en allmiklu ólokið að innan.“
Síðan segir í þessum upplýs-
ingum frá hönnun og uppdrátt-
um og samvinnu við sænsk fyrir
tæki. frá verktökum og öðrum,
sem við hæfi þykir. En bygg-
ingastjóri er Gísli Magnússon.
Undir skjal þetta ritar stjórn
Kaupfélags Eyfirðinga, en hana
skipa: Hjörtur E. Þórarinsson
formaður, Sigurður Óli Brynj-
ólfsson, Kristinn Sigmundsson,
Jón Hjálmarsson, Gísli Konráðs
son og Valur Arnþórsson kaup-
félagsstjóri. Dagsetningin er
1. júní 1976. □
Hornsteinn lagfiur mefi viðhöfn