Dagur - 23.08.1978, Blaðsíða 5

Útgefandi: ÚTGÁFUFÉLAG DAGS
Skrifstofur Tryggvabraut 12, Akureyri
Ritstjórnarsimar: 24166 og 23207
Simi auglýsinga og afgreiðslu: 24167
Ritstjóri (ábm.). ERLINGUR DAVÍÐSSON
Blaöamaöur: ÁSKELL ÞÖRISSON
Augl og afgr.: JOHANN KARL SIGURÐSSON
Prentun: Prentverk Odds Björnssonar hf.
Brestur
þá kjark?
Nú stendur fimmta stjórnarmyndun-
artilraunin yfir. Liðnir eru tveir mán-
uðir frá alþingiskosningum og til-
raunir stjórnmálaforingjanna hafa
engan árangur borið til þessa.
Forseti tslands hefur nú falið for-
mönnum þriggja stjórnmálaflokka að
mynda meirihlutastjórn. Það féll fyrst
í hlut Benedikts Gröndals að reyna
stjórnarmyndun. Hann gerði til þess
tvær tilraunir, fyrst með Sjálfstæðis-
flokki og Alþýðubandalagi og síðan
með Alþýðubandalagi og Framsókn.
Endaði fyrri tilraunin skjótlega og hin
síðari með svæsnum deilum Alþýðu-
flokks og Alþýðubandalags. Næstur
reyndi Geir Hallgrímsson að mynda
þjóðstjórn, eða stjórn allra flokka,
sem hugsuð var skammtímastjórn, en
ekki virtist áhugi á þeirri hugmynd
hjá stjórnmálaflokkunum og bar til-
raunin ekki árangur. Hann reyndi þá
stjórnarmyndun með Framsóknar-
flokki og Alþýðuflokki, en sú tilraun
mistókst einnig.
Kom þá upp hlutur Lúðvíks Jós-
efssonar, sem þessa dagana reynir
myndun „vinstri stjórnar“, með þátt-
töku Alþýðuflokks og Framsóknar-
flokks.
Þeim mönnum, sem þjóðin kvaddi
til setu á Alþingi næstu fjögur ár í
almennum þingkosningum 25. júní,
var lögð sú skylda á herðar, að mynda
starfhæfa ríkisstjórn, og á það að vera
fyrsta starf nýkjörinna þingmanna.
Þjóðin hefur beðið þess með eftir-
væntingu, að þessi frumskylda væri af
hendi leyst og það því fremur, sem
sumum greinum atvinnulífsins hefur
þegar orðið biðin of löng og blasir þar
við lokun og atvinnuleysi.
En í þessum tilraunum stjórn-
málaforingja til stjórnarmyndunar
hefur þjóðin orðið margs vísari. Við
henni blasir svo flókið efnahagskerfi,
sem alþingismenn hafa á undanförn-
um árum ýmist haft forystu um eða
bera ábyrgð á að það er orðið þeim
ofvaxið að skilja það, hvað þá al-
menningi. Stafar þetta af endalausum
skammtímaúrræðum í efnahagsmál-
um á mörgum undanförnum árum,
sem óðaverðbólgan hefur sett merki
sitt á jafnóðum, og það hefur engri
frjálsri þjóð þótt neinn gæðastimpill.
En þótt sitt sýnist hverjum í valda-
tafli stjórnmálaflokka og hráskinna-
leik hinna ýmsu forystumanna þeirra,
verður að ætla þeim þann kjark, að
taka á sig vanda ábyrgðar í ríkis-
stjórn.
Gunnar Jónsson
f. 3/10 1960, d. 17. júní 1978
Kveðju og saknaðarstef
Skipt er um að skapadómi.
— Skelfir alla dómur sá.
Örlagavef á ævileiðum
atvik meiniblandin kljá.
Dapurleikans dimmu skuggar
deifa skin og kæla blæ.
Dauðans kaldi, harði hrammur
hefur lostið þennan bæ.
Hniginn er einn úr hópi sveina
hugumkær sem öllum var.
Réði yfir í ríkum mæli
reisn og stolti æskunnar.
Atorka og eljusemi
aldrei honum viku frá.
Volduga í vitund átti
vinnugleði og starfaþrá.
Öll við sendum heitum huga
harmaskýin yfir dökk
drengnum kæra, kærleiksríka
kveðju, vafða í ást og þökk.
Vandamönnum, vinaliði
vottum samúð klökkri lund.
Minningin um dáðadrenginn
djúpa mýki sorgarlund.
Frá Svanfríði og fjölskyldu.
Foreldrakveðja
í hljóðri einsemd hugsun okkar fer
er harmi slegin störum eftir þér
elsku Gunnar, farinn okkur frá,
og framar aldrei dvelur okkur hjá.
Vinur, þig við kveðjum klökkum hug,
þín kæra minning þokar sorg á bug.
Þú djúpa ást í tryggu brjósti barst,
og blíður og góður sonur jafnan varst.
Alla daga mæra myndin þín
á munanshimni ljós og fögur skín,
á meðan unum ævidagabið
hún okkur veitir styrk og sálarfrið.
Borgarf jarðarbrúin tengd 1979?
Ólína Sigurðardóttir 100 ára
Borgarfjarðarbrúin, hið mikla og
margrædda mannvirki, á að tcngjast
vcgakerfinu síðla árs 1979, cf allt
gengur samkvæmt áætlun. Nokkur
óvissa hefur ríkt um fjármagn og
framkvæmdahraða þessa
mannvirkis, svo hætta var á veru-
legum töfum. Nú mun fjármagn
fengið til að halda verkinu áfram og
er áætlað, að í ár verði 800 milljón-
um króna varið til verksins.
Steypu brúarbitanna var að
mestu lokið í vetur. Undanfarnar
vikur hefur verið unnið að því að
steypa brúargólfið og mun þeirri
vinnu lokið fyrir veturinn. En mjög
mikil uppfyllingarvinna, Borgar-
nesmegin, er þar eftir (Mynd E.D.)
Ólína Sigurðardóttir fyrrum hús-
freyja í Árgerði í Eyjafirði, elsti íbúi
Akureyrar, verður 100 ára 25. ágúst
næstkomandi. Hún er fædd að
Völlum í Saurbæjarhreppi dóttir
hjónanna Sigríðar Jóhannesdóttur
og Sigurðar Sigurðssonar.
Sigríður móðir Ólínu var kvistur
af sterkum stofni, bræður hennar
voru Jón bóndi í Hleiðargarði faðir
Hannesar fræðimanns og bónda
þar, annar bróðir Sigríðar var Jó-
hannes er kallaður var hinn sterki,
orðlagt þrekmenni, þá var Jóhann
afi þeirra bræðra Braga og Jóhanns
rithöfunda og frœðimanna er
kenndu sig við Flögu í Hörgárdal,
Bragi lést af slysförum fyrir aldur
fram.
Faðir Ólínu, Sigurður Sigurðs-
son, Gíslasonar bónda að Vatns-
enda og er margt manna þaðan
komið. Valdimar Pálsson hrepp-
stjóri á Möðruvöllum, og systur
hans voru dótturböm Sigurðar
Gíslasonar, Ólína og þau voru
systkinabörn. Sigurður faðir Ólínu
var tvíkvæntur, með fyrri konu
sinni átti hann tvo sonu Kristján er
lengi bjó á Nýjabæ, faðir Her-
manns bónda í Leyningi, föður
Kristjáns er þar býr nú og þeirra
systkina. Hinn sonurinn hét Sig-
urður, hann dó á besta aldri eftir
stuttan hjúskap, dóttir hans var
Sigrún kona Skafta Guðmunds-
sonar í Gerði í Hörgárdal þau eru
foreldrar Ólafs bónda þar, Guð-
nýjar húsmóður á Akureyri og
Guðmundar hæstaréttarlögmanns
í Reykjavík.
Sigríður og Sigurður eignuðust
þrjár dætur Ólínu, sem hér er
minnst, Þórunni er um áratuga-
skeið vann við símaþjónustu á
Sauðárkróki, mikil sæmdarkona,
og Sigrúnu er dó á besta aldri.
Þær systur voru á æskuskeiði er
þær misstu föður sinn, reyndi þá á
þrek Sigríðar, hún mun hafa verið
dætrum sínum umhyggjusöm
móðir eftir því, sem ástæður henn-
ar framast leyfðu en ekki gat hún
haft þær allar hjá sér.
Ólína hafði mikla löngun til
náms, en á uppvaxtarárum hennar
voru lítil tök á því fyrir stúlkur, að-
eins var um einn skóla að ræða
skóla lífsins, þar mun Ólína hafa
numið sitt af hverju, sem hefur
komið sér ve! á heillrar aldar ferða-
lagi.
Olína er greind kona og fræddist
um margt af lestri góðra bóka.
Margt vann hún með sínum högu
höndum, útprjónuðu vettlingarnir
hennar hafa hlýjað ungum og
öldnum, alltaf var Ólína með ný
„mynstur", fram á tíunda tuginn
var hún að prjóna eða þar til slæmt
handleggsbrot kom í veg fyrir
frekari handavinnu.
Þann 26. júní giftist Ólína
frænda sínum, Hannesi Jónssyni,
miklum ágætismanni er ekki vildi
vamm sitt vita. Hannes var vel gef-
in, hagorður og hið mesta prúð-
menni.
Fyrstu árin höfðu þau hjón ekki
fast jarðnæði en fengu þá Ystagerði
í Saurbæjaíhreppi til ábúðar og
bjuggu þar snotru búi í 15 ár, þá
keyptu þau jörðina Árgerði og áttu
þar heima þar til þau fluttu til Ak-
ureyrar og fengu sér íbúð í Hafn-
arstræti 37. Hannes var þrotinn
heilsu og andaðist skömmu síðar,
en Ólína bjó áfram í íbúðinni þar til
hún fluttist á Elliheimilið Hlíð
1970.
Sérstök snyrtimennska ein-
kenndi búskap Ólínu og Hannesar
utanhúss sem innan, Hannes var
laginn smiður og byggði og bætti
húsakynni á jörðum sínum. Sam-
eiginlegt áhugamál þeirra hjóna
var ræktun landsins, þau komu upp
skrúðgörðum við bæi sína og
gluggana prýddu fallegar pela-
góníur, rósir og fleiri skrautjurtir.
Ólínu og Hannesi varð ekki
barna auðið en ólu upp tvær fóst-
urdætur, Laufeyju Kristjánsdóttur,
er hún látin fyrir mörgum árum, og
Aðalheiði Axelsdóttur, ekkja bú-
sett hér í bæ. Fósturdæturnar voru
þeim hjónum kærar og alltaf er
góðvild Ólínu sú sama til Aðal-
heiðar og barna hennar.
Ólína er félagslynd, hún starfaði
um áratugaskeið í kvenfélaginu
„Hjálpin" í Saurbæjarhreppi og
hefur ekki sagt sig úr félaginu þó
flestar samferðakonur hennar séu
löngu horfnar.
Olína Sigurðardóttir er einörð
kona og hreinskilin, hún segir
feimulaust hug sinn við hvern sem
er.
Nú er hún Ólína búin að leggja
öld að baki, öld sem er engum öðr-
um lík í allri þjóðarsögunni, hún
lifði daga allsleysis og harðinda
þegar allt skorti, hún hefur fagnað
margvíslegum framförum og al-
mennri velmegun og menntun, séð
fagrar byggingar rísa, rœktun
landsins, skógana vaxa, fagrar jurtir
prýða umhverfið. Ólínu er ljóst að
ekki má þjóðin kasta öllu fyrir
róða, henni er annt um að varð-
veittar séu minjar þess liðna.
Ólína man aldamótahátíðina,
allar vonirnar er bundnar voru
nýju öldinni, hún minnist vígslu
Grundarkirkju, þess veglega
Guðshúss og ótal margra merkra
atburða og góðra samferða manna.
Sólarlag er fagurt við Eyjafjörð,
verði henni Ólínu dagarnir, sem
ófamir eru eins og sólarlag.
Ég held að henni hafi nú þótt
gaman að lifa svo langan dag.
Laufey Sigurðardóttir
frá Torfufelli
1DAGSINS ÖNN
Það fer mjög í vöxt að miða
verðskráningu við vísitölu. Bygg-
ingavísitala er talin einn gleggsti
verðmælirinn. Þegar ljóst er, að
það verðmætamat, sem grund-
vallar fasteignamatið veldur
ójöfnuður í álagningu fasteigna-
skatta, ef þeir eru skoðaðir sem
þjónustuskattar. í sjálfu sér er
auðvelt að ákveða fasteignaskatt-
inn, miðað við grunneiningu t.d.
rúmmetra í fasteign, með pró-
sentuþrepum fyrir sveitarfélög á
mismunandi þjónustustigum.
Hins vegar, ef skatturinn á að
fylgja verðlagsbreytingum er
nauðsynlegt að hann fylgi verð-
mætismati fasteigna. En þá er
einfaldast að miða við vísitölu-
rúmmetrann, sem grunneiningu í
álagningu? Ef miðað er við verð-
lag vísitölurúmmetra frá 1. júní
1976 kr. 18.776 gæti grundvallar-
skattur verið um 1% eða kr 189 á
rúmmetra. Síðan mætti gefa
sveitarfélögum heimild til að
beita álagi til lækkunar og hækk-
unar á skattinn miðað við síðustu
byggingavísitölu. Þetta er einfalt í
framkvæmd og skapaði eðlilegt
samræmi á milli sveitarfélaga án
þess að skerða frelsi þeirra til frá-
vika í álagningu.
Ekki sanngjarnt
að allir greiði
jafnháa skatta
Þá kemur einnig til greina að
fasteignaskatturinn verði ákveð-
inn í þrepum miðað við það
þjónustustig, sem sveitarfélagið
er á gagnvart þjónustu við hús-
eigendur. Notkun byggingavísi-
tölu miðað við rúmmetraverð-
mæti er beint framhald af þeirri
stofngjaldastefnu, sem nú ryður
sér rúms í sambandi við gatna-
gerðargjöldin. Til greina kemur
að ákveða upphæð álagningar-
prósentu eftir því hvað felst í
þjónustu sveitarfélagsins. Það
kemur því til greina að sameina
holræsagjöld og vatnsskatt í al-
mennum fasteignaskatti, þótt
vegna þessara verkefna séu
greidd sérstök stofngjöld. í þessu
sambandi kemur til álita að
flokka sveitarfélögin varðandi
skattstuðul, miðað við þjónustu-
stig þeirra. Það er ekki sanngjarnt
að greiddur sé jafnhár skattur af
eignum í sveitum, sem ekki njóta
verulegrar samfélagsþjónustu og
eign í kaupstað, þar sem fyllsta
samfélagsþjónusta er látin í té. í
þessu sambandi er nauðsynlegt
að gengið sé út frá þeirri stað-
reynd að hámark hundraðshluta
fasteignaskatts má ekki vera það
lágt, að sveitarfélagi.sé um megn
að bæta þjónustu sína. Því verður
að fara að fullri gætni að flokka
sveitarfélög eingöngu eftir þjón-
ustustigi þeirra. Ekki eru fyrir
hendi hér nægileg gögn til þess að
skoða niður í saumana, hvemig
hægt sé að framkvæma þess kon-
ar tilhögun. Margt bendir til þess,
ef menn verða ásáttir um raun-
hæfan álagningargrundvöll, þá
hljóti slíkt mál í stórum dráttum
að leysast af sjálfu sér. Þetta mun
einnig gerast af sjálfu sér með
hinni frjálsu leið. Margt bendir til
þess að einfaldast sé að hverfa frá
fasteignamatsleiðum við álagn-
ingu fasteignaskatta og miða við
rúmtak og vísitöluverðlag fast-
eigna á hverjum tíma.
Er brunabóta-
matið raunhæfur
álagningar-
grundvöllur?
í mjög glöggu erindi, sem Haukur
Harðarson, bæjarstjóri á Húsavík
flutti á síðasta fulltrúaráðsfundi
Sambands ísl. sveitarfélaga, sem
haldinn var í maí byrjun 1978,
drap hann á annmarka núverandi
álagningargrundvallar. Hann
sagði orðrétt: „Stöðugur endur-
reikningur fasteigna til peninga-
verðs er kostnaðarsamur.... Eigi
þetta mat að vera nákvæmt í fullu
innbyrðis samræmi, þarf í raun-
inni að skoða hverja fasteign ár-
lega.... Allar fasteignir eru metnar
til brunabótamats. Það mál ereðli
sínu samkvæmt líklegast til að
vera raunhæft, þarsem eigendum
hlýtur að vera kappsmál að
hækka mat eigna sinna til sam-
ræmis við verðmætisaukandi
endurbætur hennar til að tryggja
sér raunhæfar bætur,ef tjón verð-
ur á eignum. Ég sé ekki nokkurn
skynsamlegan tilgang með því að
meta sömu fasteign tvívegis til
peningaverðs. Hér virðist aug-
ljóslega verið að kasta ómældri
fjárhæð í tvíverknað, sem litlum
eða engum tilgangi þjónar.
Tryggingafélögin annast bruna-
bótamatið og kosta gerð þess. Það
mat eitt sér er nægilegt til pen-
ingaverðs.... a.m.k. að því er
varðar sveitarfélögin."
Hér er á ferðinni ábcnding sem
er fyllilega þess virði að tekin sé
til skoðunar. Það er ekki fjarri
lagi að sveitarfélögin í samvinnu
við tryggingafélögin komi á föst-
um reglum um eignamat fast-
eigna. Eins og kom fram hjá fast-
eignamatsnefnd við endurskoðun
matsins 1970 var verðlag þess
miðað við staðgreiðsluverð hús-
eigna, sem á að vera 25% lægra en
gangverð þeirra. Það er því ekki
óeðlilegt að um 25% verðlags-
munur sé á fasteignamati nýrra
eigna og brunabótamati. Að
jafnaði má ganga út frá því að
brunabótamat sé 10-15% undir
gangverði eigna. Þetta sýnir Ijós-
lega að brunabótamatið er miklu
raunhæfari viðmiðunargrund-
völlur fasteignaskatts álagningar,
en matið, enda þótt það væri í
einhverju leiðrétt. Þó að hér séu
ekki tök á því að leggja efnismat á
brunabótamatskerfið, sem álagn-
ingargrundvöll, er ljóst að það
hefur augljósa kosti í fram-
kvæmd. Það er ljóst að bruna-
bótamatsleiðin, ásamt vísitölu-
rúmmetra leiðinni, og endur-
skoðuðum matsgrundvelli, hljóta
að koma til skoðunar, þegar
ákveðin verður raunhæfur álagn-
ingargrundvöllur fyrir fasteigna-
skatta í landinu.
Skagamenn sigra
í tvísýnum leik
Sl. miðvikudagskvöld fór fram
minningarleikur um Jakob Jak-
obsson knattspyrnumann. Voru
það Akumesingar sem komu
norður og léku við KA. Strax á
fyrstu mín. leiksins áttu KA
menn góðar sóknarlotur sem
þeim tókst ekki að skora úr. Á 9.
mín áttu norðanmenn gott færi
en góður markvörður Skaga-
manna bjargaði naumlega. Á
15. mín skapaðist hætta við
mark KA en hinn ungi og efni-
legi markvörður KA, Aðal-
steinn Jóhannsson varði örugg-
lega eins og svo oft í leiknum. Á
30. mín komust KAmenn í
dauðafæri en Gunnar Gunn-
arsson skaut naumlega framhjá.
Á næstu 10. mín átti Sigurbjörn
Gunnarsson tvö dauðafæri en
boltinn vildi ekki inn hjá Jóni
markverði ÍA. Það var ekki fyrr
en á 25.' mín síðari hálfleiks sem
KA fékk gott færi en þá stóð
Óskar Ingimundarson fyrir
opnu marki en skaut framhjá.
Aðeins mínútu síðar kom eina
mark leiksins en þá var þvaga
við mark KA og einum Skaga-
manninum tókst að skalla
knöttinn í netið. Á 43. marka-
mínútunni frægu átti Sigur-
björn Gunnarsson gullið tæki-
færi til að jafna en hann stóð
fyrir opnu marki en heppnin
var með Skagamönnum. Á síð-
ustu mínútu leiksins áttu
Skagamenn gott færi en Aðal-
steinn bjargaði örugglega.
Bikarkeppni
Frjálsíþróttasambands
Islands - Þriðja deild
Bikarkcppni FRÍ 1978 í þriðju deild fór fram á Akureyri laugardaginn 19 ágúst og hófst kl.
13.00 og lauk kl. 17.30. Veður var gott, 19 stiga hiti og sól af og til. 3-4 vindstig að SA til að
byrja með, en lægði er á daginn leið.
Til leiks voru mættir keppendur frá Ungmenna og íþróttasambandi Austurlands, Héraðs-
sambandi Snæfells- og Hnappadalssýslu, (Jngmennasambandi Austur Húnavatnssýslu og
Knattspymufélagi Akureyrar.
Það var fyrirfram búist við sigri ÚÍA en öllum á óvart sigraði KA 3 deildina og er þar með
komið í 2 deild í frjálsum íþróttum. Þegar aödns boðhlaupin voru eftir stóöu stigin jöfn milli
KA og UÍA en KA sigraði svo bæði boðhlaupin og varð tveim stigum á undan UÍA.
PUNKTAR
Haukar
sigruðu
Sl. laugardag kepptu á Hvaleyr-
arholtsvclli Haukar - Þór í II.
deild í knattspyrnu. Á fyrstu
mín. Iciksins áttu Þórsarar gott
færi þegar Óskar Gunnarsson
átti tvívegis hörkuskot að marki
Hauka. En fyrri hálfleikur
skiptist jafnt milli liðanna og
sköpuðu þau sér álíka tækifæri,
án þess að þeim tækist að skora.
Það var ekki fyrr en um miðjan
síðari hálfleik, sem eina mark
leiksins kom, en þá áttu Haukar
skyndisókn sem færði þeim
markið. Leiknum lauk með sigri
Hauka þeir skoruðu eina mark
leiksins. Jafntefli hefði verið
sanngjarnt.
ÍBV vinnur KA
Sl. sunnudag léku í Vestmanna-
eyjum ÍBV - KA í I. deild í knatt-
spyrnu. Leikurinn átti að vera á
laugardag en KAmenn komust
ekki til Eyja fyrr en um kvöldið.
Þá vantaði dómara og var leiknum
frestað til sunnudags. f fyrri hálf-
leik voru Eyjamenn stcrkari aðil-
inn og skoruðu tvívegis án þess að
KAmönnum tækist að svara fyrir
sig. f seinni hálfleik áttu bæði lið-
in góð færi en sá var munurinn að
Eyjamenn skoruðu úr sínum fær-
um en KA mistókst. Leiknum lauk
með sigri fBV sem skoraði sex
mörk en KA tvö.
Þór mætir KR
N.k. laugardag leika í II. deild
hér á Ákureyri Þór - KR. Hefst
leikurinn kl. 16.00. Þetta verð-
ur erfiður róður fyrir Þórsara
því að KR-ingar hafa verið að
mestu ósigraðir í II. deild í
sumar. Áhorfendur eru hvattir
til að fjölmenna á völlinn og
hvetja Þórsarana í baráttunni.
100 m. hlaup karla: 1. Hjörtur Gíslason, KA ÚRSLIT 11.06 sck 4 stig
2. Ingibergur Guðmundsson, USAH 12.2 — 3 —
3. Egill Eiðsson, UÍA 12.2 — 2 —
4. Guðmundur Jóhannesson, HSH 12.6 — 1 —
400 m. hlaup karla:
1. Steindór Helgason. KA 53.3 sek 4 stig
2. Egill Eiðsson, UÍA 53.8 — 3 —
3. Óskar Guðmundsson, USAH 57.0 — 2 —
4. Halldór Halldórsson. HSH 65.2 — 1 —
1500 m. hlaup:
1. Steindór Tryggvason, UÍA 4.12.2 mín 4 stig
2. Jónas Clausen, KA 4.14.5 — 3 —
3. Pá 11 Jónsson, USAH 4.36.1 — 2
4. Pálmi Frímannsson. HSH 4.38.5 1 —
5000 m. hlaup:
1. Jónas Clausen. KA 17.44.6 min 4 stig
2. Sigurður Guðmundsson, USAH 18.09.4 — 3— .
3. Pétur Eiðsson, UÍA 18.10.4 — 2 —
4. Pálmi Frímannsson, HSH 18.21.0 — 1 —
100 m. hlaup kvenna:
I. Sigríður Kjartansdóttir. KA 12.5 sck 4 stig
1. Halldóra Jónsdóttir, UÍA 13.4 — 3 —
3. Lilja Stefánsdóttir, HSH 13.8 — 2
4. Hrönn Edvinsdóttir, USAH 14.3 — 1 —
800 m. hlaup kvenna:
1. Guðrún Sveinsdóttir, UÍA 2.27.4 min 4 stig
2. Valdís Hallgrimsdóttir. KA 2.29.6 — 3 —
3. Kristjana Hrafnkelsdóttir, HSH 2.33.1 — 2 —
4. Birna Sveinsdóttir, USAH 2.52.4 — 1 —
lOOOm. boðhlaup:
1. Sveit KA 2.06.3 min 4 stig
Baldvin Stefánsson (100 m) Jónas Clausen (200 m) Hjörtur Gislason (300 m) Steindór Helgason (400 m) 2. Sveit UÍA 2.06.5 mín 3 stig
Guðmundur Hallgrimsson (100 m)
Steindór Tryggvason (200 m)
Egill Eiðsson (300 m)
Pétur Pétursson (400 m )
3. Sveit USAH
Sigurður Guðmundsson (100 m)
Óskar Guðmundsson (200 m)
Jóhann Sigurðsson (300 m)
Ingibergur Guðmundsson (400 m)
4. Sveit HSH
Halldór Halldórsson (100 m)
Ingólfur Narfason (200 m)
Sigurður Hjörleifsson (300 m)
Björn Rafnsson (400 m)
4 x 100 m. boðhlaup kvenna:
1. Sveit KA
Ásta Ásmundsdóttir
Valdís Hallgrímsdóttir
Anna Eðvarðsdóttir
Sigríður Kjartandsdóttir
2. Sveit UlA
Arney Magnúsdóttir
Guðrún Sveinsdóttir
Anna Hannesdóttir
Halldóra Jónsdóttir
3. Sveit HSH
Ása Hinriksdóttir
Kristjana Hrafnkelsdóttir
María Guðnadóttir
Lilja Stefánsdóttir
4. Sveit USAH
Sigriður Friðriksdóttir
Sigríður Þorleifsdóttir
Brynja Hauksdóttir
Hrönn Edvinsdóttir
2.17.5 mín
2.23.4 min
2 stig
1 stig
52.9 sek 4 stig
53.2 sek 3 stig
54.3 sek 2 stig
57.3 sck 1 stig
(Framhald á bls. 3).
• ••
4.DAGUR
DAGUR.5