Dagur - 12.06.1980, Blaðsíða 6

Frá afhendingunni f Hlíð. Mynd: M. Á.
Gáfu sjónvarp
Sunnudaginn 8. júní sl. færði
Eyfirðingafélagið í Reykjavík,
Dvalarheimilinu Hlíð á Akur-
eyri sjónvarpstæki að gjöf.
Guðrún Óskarsdóttir afhenti
tækið fyrir hönd félagsins og í
fjarveru Jóns Kristinssonar for-
stöðumanns, tók Guðrún Árna-
dóttir hjúkrunarkona við því.
Eyfirðingafélagið er með elstu
átthagafélögunum og í vetur átti
það 40 ára afmæii. Félagið er ekki
auðugt af peningum en þeim mun
auðugra af dugmiklu fólki sem
starfar svo til allt árið um kring og
afraksturinn fer allur heim í Eyja-
fjörð. Félagið hefur margt gott látið
af sér leiða og nú á síðasta starfsári
var ákveðið að gefa dvalarheimil-
inu á Akureyri sjónvarpstæki.
Formaður Eyfirðingafélagsins er
Ásbjörn Magnússon og formaður
kvennadeildar félagsins er Gunn-
iaug Kristjánsdóttir. Meðlimir
Eyfirðingafélagsins vona að vist-
menn megi vel njóta og að kvöldin
verði litauðugri í framtíðinni.
Úr fréttatilkynningu.
Tryggvi Aðalsteinsson
frá Jórunnarstöðum
F. 12. mars 1919 — D. 18. mars 1980
Leifturskilin lífs og dauða
löngum vekja furðu manns.
Söknuðýfir sætið auða,
ersazt með prýði, heimaranns.
Þó sé dökkur dauðans feldur
drúpir ekki himins sól.
Áfram lífið alltaf heldur
ekkert stöðvar tímans hjól.
Þig sem við með kveðjum klökkva,
kœri vinur, nú um sinn,
beriyfir djúpið dökkva
dýrð í framlífs himininn.
Tii ókannaðra œðri heima
einlœg blessun fylgir þér.
Astvinir þér aldrei gleyma,
œ þín minning gleði ber.
Hjartans þökk fyrir samvinnu og kynni á liðnum árum.
Sigtryggur Símonarson.
Hjartans þakkir til venslafólks míns og kunningja
með þökk fyrir gjafir, blóm og skeyti á sjötugs
afmæli mínu 6. júní sl. Lifið heil.
GUÐRÚN JÓNSDÓTTIR,
Ytra-Laugalandi.
Eiginmaður minn, faðir og tengdafaðir
GISLI J. GUÐMANN,
andaðist mánudaginn 9. júní. Jarðarförin fer fram mánudaginn
16. júníkl. 13.30.
Stefanía Guðmann,
Helga Guðmann, Baldvin Ólafsson,
Jóhanna Guðmann,
Elísabet Guðmann,
Einar Jón Guðmann.
6. DAGUR
17. júní
á Akur-
eyri
Undanfarin ár hafa hátíðahöld-
in á 17. júní verið í höndum
íþróttafélaganna Þórs og K.A.
og skátanna. Að þessu sinni
annast Þór þau, og er allur und-
irbúningur í höndum þriggja
manna nefndar sem skipuð er af
félaginu.
Skúli Lórenzson er formaður
nefndarinnar en aðrir í henni eru
María Daníelsdóttir og Sigurður
Pálmason. Skúli sagði í samtali við
DAG að þetta væri í fjórða skiptið
sem Þór sæi um hátíðahöldin, síð-
ast hefðu það verið skátarnir og
næst yrðu það KA-menn.
Dagskráin á 17. júní er með
hefðbundnu sniði, kl. 8 um morg-
uninn eru fánar dregnir að húni og
stuttu síðar ekur blómabíll um bæ-
inn. Kl. 10.30 verður skrautsigling á
Pollinum í umsjá Nökkvafélaga en
þeir sýna kúnstir sínar á hraðbát-
um, skútum og sjóskíðum.
Kl. 13.30 leikur lúðrasveit Akur-
eyrar á Ráðhústorgi og síðan verð-
ur farið í skrúðgöngu til íþrótta-
vallarins. Þar setur Arnar Einars-
son hátíðina og er hann jafnframt
kynnir. Séra Pétur Sigurgeirsson
flytur helgistund, Heiðdís Norð-
fjörð flytur ávarp fjallkonunnar,
Séra Pétur Þórarinsson á Hálsi
flytur ræðu dagsins og Svanbjörg
Sverrisdóttir ræðu nýstúdents.
Fimleika annast Anna Her-
mannsdóttir og Herbert Halldórs-
son og Alice verður með djass-
dansflokk. Síðan skemmtir Þjóð-
þrif með söng og spili og þrír fé-
lagar úr Fallhlífaklúbbi Akureyrar
stökkva niður á völlinn. Lúðrasveit
Akureyrar leikur milli atriða og á
svæðinu verða hestar fyrir börn.
Kl. 16.45 hefst barnaskemmtun á
Ráðhústorgi. Þar verða eftirherm-
urnar Kiss, Katla María syngur og
þau Birgir Marinósson og Anna
María Jóhannsdóttir syngja gam-
anvísur. Þeir sívinsælu Halli, Laddi
og Jörundur koma í heimsókn og
sprella fyrir áhorfendur. Kl. 18
verður diskódans í tjaldinu á
íþróttavellinum.
Kl. 20.30 leikur lúðrasveitin aft-
ur á Ráðhústorgi, Þjóðþrif
skemmtir og Karlakórinn Geysir
syngur. Birgir og Anna María
syngja gamanvísur og Halli, Laddi
og Jörundur koma aftur fram og
leika listir sínar. Síðan verður
dansað á Torginu til kl. 2 e.m. og er
það Astro tríóið sem leikur fyrir
dansi.
Ólafsfirðingar. Á samkomunni í
Betesda sunnudaginn n.k.
15. júní kl. 16 verður heim-
sókn frá Hjálpræðishernum
á Akureyri. Vitnisburðir og
mikill söngur. Allir vel-
komnir. Hjálpræðisherinn.
Filadelfía Lundargötu 12,
Fimmtudag 12. júní er sam-
koma kl. 20.30. Allir vel-
komnir. Sunnudag 15. júní.
Vakningarsamkoma kl.
20.30. Allir velkomnir.
Hótelin:
Sumarvertíðin hafin
Með sól og sumri fer fólk að
hugsa sér til hreyfings og fer
nú aðalferðamannastraum-
urinn að hefjast. Akureyri er
mikill ferðamannabær og er
ekki amalegt fyrir fólk að
heimsækja staðinn ef veðrið
helst svona gott eins og það
hefur verið undanfarið.
Á Hótel Varðborg fengust
þær upplýsingar að bókanir í
sumar væru alveg með ágætum
og eru sumarmánuðirnir allir
jafn vinsælir, júní, júlí og ágúst.
Af erlendum ferðamönnum eru
það helst Þjóðverjar, Banda-
ríkjamenn og Englendingar sem
ætla sér að gista á Varðborg.
Seinni hluta ágústmánaðar
verður haldið hér Kiwanisþing
og eru þátttakendur í því bók-
aðir á öllum hótelunum í bæn-
um.
Á Hótel Akureyri hafa frekar
fáir verið bókaðir ennþá. En
þeir sem það hafa gert eru bæði
erlendir og innlendir, af erlend-
um eru það helst Þjóðverjar,
Hollendingar, Danir og Eng-
lendingar.
Á Hótel KEA er allt í meðal-
lagi ennþá, ýmsar hóppantanir
eru ekki enn komnar á hreint en
þetta fer allt að skýrast núna
hvað úr hverju. „Við byggjum
miklu meira á einstökum
ferðamönnum heldur en hóp-
um, en í heildina lítur þetta allt
saman vel út og yfirleitt er ekki
bókað með mjög löngum fyrir-
vara,“ sagði Gunnar Karlsson
hótelstjóri. Hann sagði enn-
fremur að af erlendum ferða-
mönnum væru Þjóðverjarnir,
sem hingað til hafa verið einna
fjölmennastir, farnir að draga
saman seglin en hins vegar virt-
ust Bretarnir ætla að fjölmenna
hingað í sumar.
Þannig leit Smiðjan og næsta umhverfi út árið 1910.
Smiðjan:
Opið alla daga
„Þetta hús er víst orðið 70 ára
gamalt, en nú er fátt sem bendir
til þess. Við hófum rekstur
Smiðjunnar í apríl á síðasta ári,
og allt síðasta ár og fram til 1.
júní var einvörðungu opið fyrir
hópa sem pantað höfðu með
fyrirvara. Nú er hinsvegar opið
alla daga frá 11.30 til 14 og frá
18.30 og fram eftir kvöldi. Mat-
argestir verða helst að vera
komnir fyrir klukkan 21,“ sagði
Stefán Gunnlaugsson er hann
kynnti Degi veitingasal Baut-
ans, sem nefnist Smiðjan.
Hallgrímur Arason yfirmat-
reiðslumaður og Stefán Gunn-
laugsson, sem eru eigendur Baut-
áns, sögðu að í Smiðjunni væri
stefnt að því að hafa ódýra „rétti
dagsins", en einnig verður úrval
sérrétta. Verðið er ögn hærra en á
„grillum", enda er þjónað til borðs
og umhverfið vinalegra en gerist og
gengur í þeim. „Við höfum einnig
vínveitingaleyfi, en það er rétt að
það komi fram að aðrir en matar-
gestir fá ekki afgreitt vín í hádeginu
eða á kvöldin," sagði Hallgrímur.
Það vekur athygli þegar komið er
inn í Smiðjuna að gólfið er úr lerki,
sem fengið er í Vaglaskógi. Það var
Davíð Haraldsson sem átti hug-
myndina að því eins og öðrum
innréttingum í Smiðjunni og mun
þetta líklega vera eina gólfið sinnar
tegundar hér á landi. Alls geta
matast 50 til 70 manns í Smiðjunni í
einu. Þeir félagar Stefán og
Hallgrímur sögðu að þeir reiknuðu
fastlega með að Akureyringar
kynnu vel að meta stað eins og
Smiðjuna, þangað gæti fólk komið
og etið áður en það færi út á dans-
staði bæjarins „en að sjálfsögðu er
gestum okkar heimilt að taka lífinu
rólega og slappa af eftir matinn hjá
okkur.“
Fyrir framan arininn í Smiðjunni: F. v. Hallgrimur, Sigmar Pétursson yfirþjónn og
Stcfán. Mynd: á.þ.