Dagur - 19.06.1980, Síða 8

DAGUR
Akureyri, fimmtudagur 19. júní 1980
EINANGRUNARBAND
Bæjarfulltrúi Alþýðubandalags-
ins á Húsavík, Jóhanna Aðal-
steinsdóttir, bar fyrir skömniu
fram einkennilega tillögu. Hún
lagði til að bæjarstjórn sam-
þykkti að fela bæjarstjóra að
kanna möguleika á að Húsavík-
urbær gerðist eignaraðili að
laxeldisstöð Norðurlax á Laxa-
mýri. Tillagan sem slík er góðra
gjalda verð, en hún kom bæjar-
stjórnarmönnum ákaflega á
óvart.
Síðast þegar hlutabréf voru föl
munu eigendurnir hafa skipt þeirn
á milli sín og að auki er það ekki á
stefnuskrá Húsavíkurbæjar að ger-
ast eignaraðili að fyrirtækjum sern
eru nú þegar í eigu einstaklinga. Til
þess að það komi ekki fram strax að
bærinn hefði ekki hug á að kanna
málið var ákveðið að vísa því til
bæjarráðs. Tillagan var ekki flutt í
neinu samráði við aðra fulltrúa
A.bl. og urðu þeir ekki síst hissa á
tillögunni.
Á aðalfundi Sölufélags Austur-
Húnvetninga, sem haldinn var fyrir
skömmu, var samþykkt heimild til
að byggja stórgripasláturhús. Und-
irbúningur er þegar hafinn og
fyrstu teikningar eru að sjá dagsins
Ijós. Að sögn Árna S. Jóhannsson-
ar, kaupfélagsstjóra, verður vart
farið í neinar byggingarfram-
kvæmdir fyrr en á næsta ári.
Rigning á 17. júní
„Miðað við aðstæður gekk þetta
þokkalega,“ sagði Arnar Ein-
arsson, formaður handknatt-
leiksdeildar Þórs, um hátíðar-
höldin á 17. júní, en það var Þór
sem annaðist framkvæmd þeirra
að þessu sinni. Veður var gott
fram að hádegi, en þá fór að
rigna, og var stöðug væta fram
að kvöldmat.
Rigningin raskaði dagskránni
töluvert og nauðsynlegt reyndist að
flytja hluta hálíðarinnar í Skemm-
una og í Dynheima. Felldar voru
niður skemmtanir á torginu og þar
var lítið um að vera þar til dans-
leikur hófst þar seint um kvöldið.
Arnar sagði að um 3000 manns
hefðu sótt skemmtanirnar í Dyn-
heimum og í Skemmunni. Ölvun
var lítt áberandi.
Stórgripaslátur-
hús á Blönduósi
Akureyringar fjölmenntu á bílasýningu Bílaklúbbs Akur-
eyrar á 17. júní, þrátt fyrir afleitt veður. Þetta var 6. sýning
klúbbsins og á sýningasvæðinu við Oddeyrarskólann var
sanian kominn mikill fjöldi margvíslegra farartækja, sem
komu frá Reykjavíkursvæðinu og Mývatnssveit, og auk þess
frá Akureyri og Eyjafirði. Undirbúningur hefur staðið nær
Það var betra að hafa með sér regnhlif á hátiðarhöldin á íþróttaveilinum. Mynd: á.þ.
Húsavík:
Furðuleg tillaga
eitt ár, en síðustu tvo mánuðina má segja að unnið hafi verið
dag og nótt við undirbúning farartækjanna fyrir þessa sýn-
ingu. Bilaklúbbsmenn hugsuðu einnig um að hafa ofan af
fyrir yngstu sýningargestunum og notuðu til þess litla raf-
drífna bíla. Mynd: á.þ.
Sorpið
flýtur
um Sigluf jörð
og fyllir f jörur
„Við skrifuðum bæjarráði bréf,
því okkur ofbauð ruslið í fjör-
unum. í haust var gert mikið
átak í hreinsun á fjörum en þeg-
ar snjóa leysti blasti við fólki
gífurlcgt ntagn af ýmiskonar
rusli. Ástandið hefur oft verið
slæmt, en nú keyrði um þverbak.
í bréfinu bentum við bæjarráði á
að til lítils væri að hreinsa fjör-
urnar fyrr en búið væri að koma í
veg fyrir uppspretturnar,“ sagði
Örlygur Kristfinnsson, sem býr
austan fjarðar í Siglufirði, and-
spænis kaupstaðnum. Örlygur
ritaði bæjarráði Siglufjarðar
bréf fyrir skömmu þar sem hann
og kona hans Valgerður Er-
lendsdóttir vöktu athygli bæjar-
ráðsmanna á sóðaskapnum.
Örlygur sagði í samtali við
Dag að ruslið bærist einkum frá
öskuhaugum bæjarins, sem eru
opnir. Þaðan hefur ruslið borist
um fjörðinn og er víða ófagurt
um að líta. í öðru lagi kemur
brak úr lasburða bryggjum á
fjörur og í þriðja lagi liggur
grútur frá S.r. á fjörum í Siglu-
firði.
Nú er í ráði að byggja sorp-
brennsluofn á Siglufirði og þá
og því aðeins að tryggilega sé
frá honum gengið, sagði Örlyg-
ur að hættan yrði fyrir hendi.
Grútarmengun lýkur vart í bráð
ogspýtur úrónýtum bryggjum á
Siglufirði munu eflaust „prýða"
fjörur þangað til búið er að rífa
þær bryggjur sem búið er að
dæma ónýtar.
NORÐURLANDSMÓT Á MELGERÐISMELUM:
NÝR
BÆJAR-
FÓGETI Á
AKUREYRI
Dómsmálaráðherra hefur nú
ákveðið hver verður sýslumaður
Eyjafjarðarsýslu og bæjarfógeti
á Akureyri og Dalvík. Það var
Elías I. Elíasson, bæjarfógeti á
Siglufirði, sem ráðinn var til
starfans. Elías hefur gegnt starfi
bæjarfógeta á Siglufirði um
árabil.
Kaupfélag Skagfirðinga:
Halla-
rekstur
Aðalfundur Kaupfélags Skag-
firðinga var haldinn á Sauðár-
króki 6. júní sl. Rétt til setu á
fundinum áttu 80 manns að
þessu sinni. í upphafi fundar
minntist formaður félagsins,
Jóhann Salberg Guðmundsson,
þeirra félagsmanna, er látist
höfðu frá því síðasti aðalfundur
var haldinn, og vottuðu fundar-
menn þeim virðingu sína með því
að rísa úr sætum.
í skýrslu formanns félagsins kom
m.a. fram, að félagsmenn voru í
árslok 1979 jafnmargir og í árs-
byrjun, eða 1447. Starfsmenn er
voru fastráðnir í árslok voru alls
290. Heildarlaunagreiðslur kaup-
félagsins og fyrirtækja þess námu
alls tæpum 1700 millj. króna. Fjár-
festingar á árinu urðu alls um 168
millj. króna.
I skýrslu kaupfélagsstjórans,
Helga Rafns Traustasonar kom
m.a. fram, að heildarvelta kaupfé-
lagsins og fyrirtækja þess varð alls
rúml. 10 milljarðar króna, og hafði
aukist um 53% frá 1978. Eftir að
eignir félagsins höfðu verið af-
skrifaðar um 230,4 millj. króna
sýnir rekstursreikningur halla, sem
nemur um 68 millj. króna. Skv.
nýjum skattalögum hækkuðu fyrn-
ingar verulega, eða um 383% frá
fyrra ári. Verðbreytingatekjur skv.
53. grein skattalaga námu um 75
millj. króna. Eigið fé félagsins
í árslok nam um 2,7 milljörðum
króna.
Jón Matthíasson var stigahæstur
Um helgina fór fram Norður-
landsmót í hestaíþróttum á
Mclgerðismelum. Þátttakendur
voru um 100, frá hestamannafé-
lögum á Norðurlandi. Mótið
tókst vel, enda var veður hið
ákjósanlegasta. Stigahæsti
knapi mótsins varð Jón Matt-
híasson og stigahæsti ungling-
urinn varð Ásgeir Herbertsson.
Sigurvegari í olympískri tví-
keppni varð Jón Matthíasson,
en sigurvegari í íslenskri tví-
keppni varð Albert Jónsson.
Islandsmeistarinn í hestaíþrótt-
um, Sigurbjörn Bárðarson sem var
á mótinu, sagði að skipulagning og
framkvæmd mótsins hefði verið
með ágætum og allar aðstæður eins
og best verður á kosið. „Keppnis-
svæðið er með því besta hér á landi
og í stöðugri framför," sagði Sigur-
bjöm.
Helstu úrslit eru sem hér segir:
Töltkeppni: Gylfi Gunnarsson
Létti, fjórgangur: Albert Jónsson
Hnng,fimmgangur: Albert Jónsson
Hring, gæöingaskeið: Ingimar
Ingimarsson Léttfeta, hiýðnikeppni
unglinga: Sonja Björk Grant Létti,
töhkeppni unglinga: Ásgeir Her-
bertsson Létti og fjórgangur ung-
linga: Matthías Jónsson Funa.
Jón Matthiasson á Gráskegg varð hlut-
skarpastur á mótinu. Hér má sjá Jón i
víðavangshlaupinu, þvf fvrsta sem haldið
er á landinu. Mynd: Jón G. Águstsson.
Ásgeir Herbertsson, sigurvegari í tví-
keppni unglinga. Mynd: Jón G. Ágústs
son.
Aðalfundur Mjólkursamlags
Skagfirðinga var haldinn að Ketil-
ási 29. maí sl. Innmæld mjólk hjá
samlaginu varð 1979 rúml. 8,8
millj. lítra og hafði dregist saman
um 5,55% frá fyrra ári. Meðalfita
mjólkurinnar varð 3,839% eða
0,092% rninna en árið á undan.
Neyslumjólkursala nam tæpl. einni
millj. lítra en afgangurinn fór til
vinnslu, og voru framleidd um 670
tonn af ostum og 112 tonn af smjöri
auk annarra vinnsluvara. Heildar-
greiðsla fyrir mjólkurlítra innlagð-
an hjá samlaginu á árinu varð
195,1060 krónur en meðalgrund-
vallarverð samlagsins var kr.
195,1016, þannig að grundvallar-
verð náðist hjá samlaginu. Er hér
meðtalin greiðsla i útflutningssjóð
kr. 5,00 á mjólkurlítra.