Dagur - 27.01.1981, Page 1

TRÚLOFUNAR.
M Æjgtl HRINGAR AFGREIDDIR SAMDÆGURS 1 11 f 11 ]| I \j3 pappw

GULLSMIÐIR Lm SIGTRYGGUR & PÉTUR ^J' AKUREYRI j vsVj j \\jf
64. árgangur
Akureyri:
Ný þurrkunar-
og mengunar-
tæki í Krossa-
nes frá Noregi
Nú hafa verið ákveðin kaup á
nýjum þurrkunartækjum fyrir
Krossanesverksmiðjuna, og
jafnframt mengunartækjum sem
eiga að draga úr orkunotkun.
Fyrir valinu urðu norsk tæki, en
horfið var frá því að kaupa
bandarísku tækin, sem mjög
miklar vonir voru bundnar við,
einkum vegna þess að ekki hefur
enn fengist staðfest að þau henti
til fiskimjölsframleiðslu.
Þessi nýju tæki byggja á þurrkun
með heitu lofti, en ekki eldþurrkun
eins og hér hefur tíðkast og ekki
gufuþurrkun, eins og algengast er í
Noregi. Reykurinn verður allur
nýttur til frekari vinnslu í verk-
smiðjunni og koma þá til þessi
orkusparandi mengunartæki. Það
sem út úr því kemur er síðan brennt
aftur í þurrkaranum, þannig að
þetta er eins konar hringrás á lofti.
Reykur og lyktarmengun ættu því
að hverfa, að sögn Péturs Antons-
sonar, framkvæmdastjóra Krossa-
nesverksmiðjunnar. Pétur sagði að
nú væri væntanlegt vottorð, þar
sem segði að þessi tæki uppfylltu
norskar mengunarvarnarkröfur, en
þær eru mjög strangar, að sögn
Péturs.
Hann sagði að búið væri að festa
kaup á þurrkunartækjunum og
væri gert ráð fyrir að þau kostuðu
2,5-3 milljónir nýkr. Gert er ráð
fyrir að orkusparandi mengunar-
tækin kosti annað eins. Pétur sagði
að þurrkunartækin og breytingar á
verksmiðjunni, m. a. á raflögnum,
gætu kostað 6-7 milljónir nýkr.
samtals. Gert er ráð fyrir að meng-
unartækin kosti annað eins og
þurrkunartækin og aðspurður um
það, hvort þau yrðu ekki keypt og
sett upp um leið og þurrkunartæk-
in, sagði hann að það væri a.m.k.
stefnt að því að gera þetta allt í
einu. Þá er einnig stefnt að því að
koma þessu upp fyrir loðnuvertíð-
ina næsta haust, sem kann þó að
vera of mikil bjartsýni, að sögn
Péturs.
Þegar búið verður að koma
þessum nýju tækjum fyrir í verk-
smiðjunni verður ríflega helmingur
tækja hennar orðinn nýr. Mjölið
sem framleitt er með þessari aðferð
er ekki talið lakara en það sem fæst
með gufuþurrkun og betra en það
sem fæst með eldþurrkun.
Akureyri, þriðjudaginn 27. janúar 1981
7. tölublað
Krummi
krunkar
„Sigalda“
sígur enn
— Hefur sigið 30 cm á 4 árum!
Eins og menn minnast var mikið
rætt um það fyrir nokkrum árum
hve nýja uppfyllingin í fyrsta á-
fanga væntanlegrar vöruhafnar
sunnan á Oddeyrartanga sigi
mikið. Meðal manna hlaut
uppfyllingin nafngiftina „Sig-
alda“ og hún ber það nafn með
rentum enn þann dag í dag, því
enn heldur kanturinn áfram að
síga.
Að sögn Guðmundar Sigurbjörns-
sonar, hafnarstjóra á Akureyri, er
uppfyllingin alltaf mæld með tilliti
til sigs á þriggja mánaða fresti og
virðist lítið lát vera á siginu. Þannig
hefur vesturkanturinn sigið um 30
sentimetra á tæplega fjórum árum,
en á sama tíma hefur austurkant-
urinn sigið um 7-8 sentimetra.
Guðmundur sagði að kanturinn
hefði haldið áfram að síga mun
legur en menn hefðu átt von á. Nú
væri kominn óþægilegur halli á
uppfyllinguna og þyrfti að fara að
rétta hann af.
Eins og kunnugt er varð þetta
hafnarmannvirki mun dýrara en
áætlað hafði verið, ,auk þess sem
framkvæmdir frestuðust vegna
gallans. Guðmundur sagði að
„Sigalda“ hefði raunar staðið öll-
(Framhald á bls. 7).
200 manns vinna við
manntalið á Akureyri
Eins og landsmönnum öllum er
nú orðið kunnugt fer fram
manntal á landinu n.k. laugar-
dag, 31. janúar. Framkvæmd
manntalsins annast sveitar-
stjórnir hver á sínum stað. Yfir-
umsjón með undirbúningi og
framkvæmd manntalsins á Ak-
ureyri hafa Valgarður Baldvins-
son, Ebba Ebenharðsdóttir
Úlfar Hauksson.
og
„Þörfin fyrir heitt vatn
á Akureyri ræður úrslitum
íí
— segir Stefán Valgeirsson um byggingu nýrrar brúar yfir Eyjafjarðará
„Brúargerð yfir Eyjafjarðará
hefur verið baráttumál hrepp-
anna hér framan við um árabil,
en nú er komin upp sú staða að
heitt vatn fannst á landamerkj-
um Hrafnagils og Botns í
Hrafnagilshreppi. Akureyringar
þurfa að nýta þetta vatn sem
fyrst og ég held að það verði
ekki komist hjá því að kanna
allar mögulegar leiðir til þess að
byggja þessa brú næsta sumar,“
sagði Stefán Valgeirsson, al-
þingismaður er DAGUR innti
hann eftir skoðun hans á brúar-
gerð i framanverðum Eyjafirði.
Stefán gat þess að með tilkomu
brúar yrði e.t.v. hægt að nota gamla
kvennaskólann á Laugalandi í
sambandi við Hrafnagilsskólann,
en að auki mætti nefna fjölmörg
atriði sem mæltu með því að brú
yrði gerð yfir ána.
„Ég tel að þörfin fyrir heitt vatn á
Akureyri ráði úrslitum um það aö
þessari framkvæmd má ekki
fresta," sagði Stefán, en bætti því
jafnframt við að raddir hefðu
heyrst að þarna væri búið að leysa
vandann í sambandi við brúargerð
neðar í firðinum. „Þetta er útaf
fyrir sig mikill misskilningur. Þessi
framkvæmd má alls ekki tefja brú-
argerð nær Akureyri," sagði Stefán
Valgeirsson, alþingismaður.
Akureyri hefur verið skipt í þrjú
manntalshverfi og í hverju hverfi
verða tveir hverfisstjórar og undir
þá heyra um eða yfir 60 teljarar í
hverju hverfi, eða samtals um 190
manns, Teljarar munu dreifa
eyðublöðum í allar íbúðir í bænum
milli kl. 19-22 n.k. miðvikudag og
er fólk hvatt til að vera heima til að
taka við þeim. Þeir sem ekki fá
eyðublöð einhverra orsaka vegna
eru beðnir að láta vita á bæjar-
skrifstofurnar.
Fyila skal út einstaklingsskýrslu
og hússkýrslu, auk þess sem teljarar
fylla út íbúðaskýrslu um leið og
þeir innheimta hinar skýrslurnar
næsta sunnudag, 1. febrúar. Nauð-
synlegt er að fylla út skýrslurnar
ekki síðar en á laugardag, en leið-
beiningaþáttur verður í sjónvarpi á
föstudagskvöld, sem endurtekinn
verður síðdegis á laugardag.
Sjá nánar um framkvæmd
manntulsins á Akureyri í opnu.
Kyndistöð Hitaveitunnar
tekin í notkun
Hér er horft í vestur í áttina tíl Hrafnagils. Rætt hefur verið um að ný brú gæti komið
á þessum slóðum. Mynd: á.þ.
Á laugardag var tekin í notkun
kyndistöð Hitaveitu Akureyrar
við Þórunnarstræti. Kemur sér
vel að fá hana í notkun því ekk-
ert umframvatn hefur verið til í
vetur og gengið hefur á vatns-
birgðir virkjunarsvæðanna og
þörf á að hvíla þau. Má raunar
segja að gangsetning kyndi-
stöðvarinnar hafi verið orðin
nauðsynleg, að sögn Vilhelms
Steindórssonar, hitaveitustjóra.
Nýja kyndistöðin afkastar því að
hita um 55 sekúndulítra af vatni um
50°C og afl hennar samsvarar um
12 megawöttum. Með öðrum orð-
um á að vera hægt að hita 80 sek-
úndulítra af 45° heitu affallsvatni
hitaveitunnar í 80°. Ofangreindar
tölur eru miðaðar við að kyndi-
stöðin sé keyrð á fullum afköstum,
en þá eyðir hún um einu tonni af
svartolíu á klukkustund, eða fyrir
tæplega 4 milljónir nýkr. á sólar-
hring. Því má segja að það sé eins
gott að þessi nýja kyndistöð verði
sem minnst notuð, enda er henni
aðeins ætlað að framleiða varaafl.
í kyndistöðinni er einn ketill, en
hægt er að koma fyrir öðrum
svartolíukatli auk tveggja raf-
skautskatla, sem hita vatnið með
rafmagni. Þannig er hægt að fá 50
Kyndistööin gangsett. Mynd: H.Sv.
megawatta aflstöð, en Vilhelm
sagðist vona að til þess þyrfti ekki
að koma. Ætlað er að Hitaveita
Akureyrar muni þurfa fullbyggð
um 60 megawött.