Dagur - 27.01.1981, Blaðsíða 6

Akureyrarkirkja messað kl. 2
e. h. n.k. sunnudag I. febrú-
ar. Bindindisdagur. Tökum
höndum saman í leit að
lækningu áfengisbölsins.
Biðjum fyrirsjúkum. Sálmar
nr. 361, 367, 292, 74, 35.
Kirkjukaffi kvenfélagsins er
í kapellunni að lokinni
messu. Allir hjartanlega
velkomnir. P.S.
Mörðuvallaklaustursprestakall.
Barnaguðsþjónusta í
Möðruvallakirkju n.k.
sunnudag I. febr. kl. 11.00
f. h. Sóknarprestur.
□ HULD 59811287 VI 2
I.O.O.F. Rb 2 = 1301288 'A =
Aðalfundur K.F.U.M. á Akur-
eyri verður haldinn mið-
vikudaginn 11. febrúar 1981
kl. 20.30 í kristniboðshúsinu
Zíon. Dagskrá: Venjuleg
aðalfundarstörf. Önnur mál.
Stjórnin.
Kvenfélagið Hlíf, heldur aðal-
fund sinn í Amaróhúsinu
miðvikudaginn 28. jan. 1981
kl. 20.30. Venjuleg aðal-
fundarstörf. Mætið vel og
stundvíslega og takið með
ykkur nýja félaga. Stjórnin.
Sjónarhæð. Almenn samkoma
n.k. sunnudag kl. 17.00.
Drengjafundir á Sjónarhæð
á laugardögum kl. 13.30.
Sunnudagaskóli í Glerár-
skóla kl. 13.35 og í Lundar-
skóla kl. 13.30. Verið hjart-
anlega velkomin.
Hjálpræðisherinn. Sunnudag-
inn 1. febr. kl. 13.30 er
sunnudagaskóli og kl. 17.00
almenn samkoma. Mánu-
daginn 2. febr. kl. 16.00 er
heimilissamband og kl.
20.30 hjálparflokkur. For-
ingjarnir stjórna og tala.
Kristniboðshúsið Zíon. Sunnu-
daginn 1. febrúar sunnu-
dagaskóli kl. 11 f.h. Öll börn
velkomin. Samkoma kl.
20.30. Ræðumaður Bogi
Pétursson. Allir velkomnir.
AUGLÝSIÐIDEGI
Stofnfundur félags
um jafnréttismál
Um nokkurt skeið höfum við,
nokkrar konur á Akureyri, unnið
að undirbúningi á stofnun félags
um jafnréttismál, og er ákveðið, að
stofnfundur skuli haldinn þann 1.
febr. að Hótel K.E.A. kl. 14.00-
17.00.
Ófriður í aðsigi
eftir dr. Þór Whitehead
Rit um samskipti Islendinga
við Hitlers-Þýskaland og
önnur stórveldi á árunum
fyrir stríðið
Almenna bókafélagið hefur sent
frá sér mikla bók eftir dr. Þór
Whitehead um samskipti íslend-
inga við Hitlers-Þýskaland og önn-
ur stórveldi á tímabilinu frá því
Hitler komst til valda 1933 og þar
til styrjöldin braust út síðsumars
1939. Bókin nefnist Ófriður í aðsigi
og er fyrsta bindi í miklu ritverki
eftir dr. Þór um ísland í síðari
heimsstyrjöld, sem fjallar um „sögu
íslands í nánum tengslum við
heimssöguna á einhverjum mestu
örlagatímum síðari alda,“ eins og
segir m.a. í kynningunni:
„Þjóðverjar gáfu okkur því nán-
ari gaum sem nær dró ófriðnum, og
valdsmenn þar sendu hingað einn
af gæðingum sínum, SS-foringjann
dr. Gerlach, til að styrkja hér þýsk
áhrif. í Reykjavík starfaði deild úr
þýska nasistaflokknum, og var
henni stjórnað frá Berlín.
íslenskum stjórnvöldum var
ljóst, hvað var á seyði, en gátu lítið
aðhafst, enda stóðu þeir andspænis
kreppu og markaðshruni, sem
Þjóðverjar reyndu að notfæra sér.
Þau leituðu á náðir stórvelda, sem
voru þeim skapfelldari en Hitlers—
Þýskaland, en róðurinn var þung-
ur.
Bókin sem og ritverkið í heild er
byggð á tíu ára rannsóknum höf-
undar á heimildum, er varða ís-
land, í mörgum löndum, bréfum,
leyniskýrslum og viðtölum við er-
lent og íslenskt fólk, sem þátt tók í
atburðum eða stóð nærri þeim.
Mun margt af því sem bókin upp-
lýsir sannarlega koma lesendum á
óvart.“
Ófriður í aðsigi er 368 bls. með
mörgum myndum. Bókin er unnin í
Prentsmiðjunni Odda og Sveina-
bókbandinu.
AUGLYSIÐ í DEGI
Allar konur eru hvattar til að
sækja fundinn, jafnt þær sem
áhuga hafa á jafnréttismálum, og
hinar sem ekki hafa hugleitt þau
mál til þessa. Kaffiveitingar verða
framreiddar og við gætum barn-
anna á meðan.
Til þess að starfsemin geti orðið
sem fjölbreyttust, er nauðsynlegt að
sem flestar konur verði með, og
stjómmálaskoðanir skipta ekki
máli.
Ekki er gert ráð fyrir, að þátttak-
endur þurfi að kunna að halda
ræður, þar sem ætlunin er að
frjálslegar samræður og hópastörf
verði meginform fundarins.
Rétt er að gera örstutta grein
fyrir þeim markmiðum, sem við
stefnum að. Fundargestir munu
síðan fjalla um tillögur okkar og
hafa möguleika á að koma á fram-
færi sínum eigin hugmyndum og
óskum þar að lútandi.
Jafnrétti kynjanna í reynd er
okkar fjarlæga markmið, og að-
ferðir til að stuðla að því verður
meginverkefni félagsins.
Gert er ráð fyrir, að starfsemin
verði tvíþætt. Annars vegar verði
fjallað um misrétti í okkar nánasta
umhverfi, og reynt að hafa áhrif í
jafnréttisátt. Hins vegar verði fjall-
að um vandamál konunnar sjálfrar,
og reynt að stuðla að uppbyggingu
sjálfstrausts og sjálfsvitundar hjá
þeim, er þess leita, í þeim tilgangi
að nýta betur þá hæfileika, sem í
þeim búa.
Við viljum stuðla að betra
mannlífi fyrir alla. Komið, hlustið
og hugleiðið og látið í ljósi skoðanir
ykkar. Undirbúningshópur.

Austurhlið F.S.A. — séð með sterkri aðdráftarlinsu. Mvnd: áþ.
Bygging sjúkrahússins
er mikið öryggismál
í greinargerð læknaráðs Fjórð-
ungssjúkrahússins á Akureyri,
sem birt var í DEGi fyrir
skemmstu, er á skýran hátt vak-
in athygli á brýnni nauðsyn þess
að fá fullnaðargerð þjónustu-
byggingar og tengiálmu sjúkra-
hússins viðurkennda sem eitt af
SOLUAUKNING
Á árinu 1980 jókst heildarsala
hjá Iceland Seafood Corpor-
ation í Bandaríkjunum um 6 af
hundraði í magni en um 9 af
hundraði miðað við verðmæti,
talið í dollurum. Nam heildar-
salan 91,6 millj. dollara á móti
84,1 millj. árið áður.
Tæplega helming þessarar veltu
er að rekja til fiskrétta sem fram-
leiddir eru í fiskréttaverksmiðju
fyrirtækisins vestra, en rúmlega
helmingur á rætur sínar að rekja til
fiskflaka, skelfisks og annarra
frystra sjávarafurða sem seldar eru
veitingahúsum og öðrum notend-
um vestra eins og þær koma frá ís-
landi, þ.e. unnar og pakkaðar hér
heima á þann hátt sem markaður-
inn óskar eftir.
Sala á freðfiskmarkaði í Banda-
ríkjunum dróst nokkuð saman á s.l.
ári.
Ráðstefna um landbúnað
og atvinnulíf í sveitum
Þingflokkur og frainkvænidastjórn
Framsóknarflokksins gangast fyrir
ráðstefnu, sem her yfirskriftina
„Landbúnaðurinn og atvinnulíf í
sveitum“. Ráðstefnan verður haldin
að Rauðarárstíg 18 dagana 13. og
14. febrúar n.k.
Tilgangurinn með ráðstefnunni
er að ræða hvernig efla megi at-
vinnulíf í sveitum og hvernig nýjar
búgreinar og önnur atvinnustarf-
semi er líklegust til að festa rætur í
sveitum landsins. Jafnframt er ætl-
unin að ræða hvaða aðgerðir eru
líklegar til að slíkt átak geti orðið að
veruleika.
Efni ráðstefnunnar er skipt í tvo
hluta. I fyrsta lagi er það „Núver-
andi staða landbúnaðarins“ og um
þann þátt flytja framsöguerindi Jón
R. Björnsson cand. acro., Guð-
mundur Stefánsson landbúnaðar-
hagfræðingur og Hákon Sigur-
grímsson framkvæmdastjóri. Hinn
hluti ráðstefnunnar nefnist „Nýjar
búgreinar og fjölgun atvinnutæki-
færa í sveitum“. Þar flytja fram-
söguerindi Sveinn Hallgrímsson
ráðunautur, sem talar um feldfjár-
rækt og möguleika til að auka
verðmæti í sauðfjárrækt, um iðnað
í sveitum ræðir Aðalgeir Bene-
diktsson ráðunautur og Bjarni
Einarsson framkvæmdastjóri. Um
fisksrækt ræðir Ari Teitsson ráðu-
nautur og Jón Kristjánsson fiski-
fræðingur, um skógbúskap talar
Hallgrímur Indriðason fram-
kvæmdastjóri, Árni G. Pétursson
talar um nýtingu hlunninda og um
loðdýrarækt tala þau Sigurjón Blá-
feld loðdýraráðunautur og Val-
gerður Sverrisdóttir húsfreyja á
Lómatjörn í Suður-Þingeyjarsýslu.
Jónas Jónsson búnaðarmálastjóri
flyturerindi sem hann kallar Fram-
tíð landbúnaðarins.
Á laugardaginn 14. starfa starfs-
hópar og þann dag verða umræður
og ályktanir gerðar.
Þessi ráðstefna er opin öllum
framsóknarmönnum, sem hafa
áhuga á að kynna sér þessi mál.
Þeir eru beðnir um að hafa sam-
band við starfsfólk skrifstofunnar
að Rauðarárstíg 18 hið fyrsta.
Fjórir árekstr-
ar um helgina
Síðasta helgi var fremur róleg að
sögn lögreglunnar á Akureyri. Alls
urðu fjórir árekstrar í bænum, en
allir voru árekstrarnir smáir og
enginn slasaðist f þessum umferð-
aróhöppum. Einn ökumaður var
tekinn uni helgina grunaður um
ölvun við akstur. Um helgina gisti
aðeins einn fangageymslur lögregl-
unnar.
þremur forgangsverkefnuin í
hcilbrigðisþjónustunni, ásamt
B-álmu Borgarspítalans og K-
byggingu Landsspítalans.
Forsendurnar eru ljósar og þær
eru þessar:
í fyrsta lagi má telja eðlilegt að
FSA þróist 1 sérdeildasjúkrahús og
verði jafnframt helsta varasjúkra-
hús landsins með tilliti til al-
mannavarna. Það er fyrst og fremst
húsnæðisskortur, sem háir því að
svo geti orðið.
í öðru lagi er Akureyri nánast
eini staðurinn utan höfuðborgar-
svæðisins þar sem þróað sérdeilda-
sjúkrahús gæti verið staðsett eins og
sakir standa. Því til viðbótar má
benda á, að slík ráðstöfun myndi
ótvírætt bæta hag og stöðu annarra
sjúkrahúsa á Norðurlandi og auka
öryggi og bæta mjög heilbrigðis-
þjónustu á Norðurlandi öllu.
I þriðja lagi má auðveldlega sjá,
að í umræðum um hugsanlegt
stórátak í iðnaðar- og orkumálum
verður ekki hjá því komist að velja
stórum iðnfyrirtækjum stað, þar
sem góð heilbrigðisþjónusta er
þegar fyrir hendi og hefur vaxtar-
möguleika með tilliti til þarfa nýrra
stórfyrirtækja. Fjórðungssjúkra-
húsið á Akureyri hefur þar besta
möguleika. Aðeins stórt átak í hús-
næðismálum skortir.
Þrátt fyrir margháttaða sérhæfða
þjónustu og fræðsluhlutverk á
heilbrigðissviði hefur FSA aðeins á
að skipa 1,1 rúmmetra húsnæðis á
hvern íbúa þjónustusvæðis, sam-
anborið við 3,7 rúmmetra sjúkra-
húsanna í Reykjavík.
Óhjákvæmilegt er að sjúkrahús-
ið á Akureyri þróist í sérdeilda-
sjúkrahús. 27 ára kyrrstaða í bygg-
ingarmálum þess hefur hins vegar
tafið þá þróun. Af öryggisástæðum
er hins vegar brýnt að skriður
komist á þau mál. Ella er hætt við
að frekari byggðaþróun tefjist.
6.DAGUR