Dagur - 27.01.1981, Page 8
RAFGEYMAR
í BÍLINN, BÁTINN, VINNUVÉLINA
VEUIÐ RÉTT
MERKI
Vinna að
hefjast við
heildarskipu-
lag hafnar-
mannvirkja
Nú er að hefjast vinna við
heildarskipuiag hafnarmann-
virkja við Akureyri, þ. e. allt
frá Höephnersbryggju að
Krossanesi. Verkfræðiskrif-
stofu Sigurðar Thoroddsen
hefur verið falið að annast
fyrsta áfanga þessa verks,
þ.e. gagnasöfnun, en sú vinna
gæti tekið um hálft ár.
Að sögn Guðmundar Sigur-
bjömssonar, hafnarstjóra á Ak-
ureyri, eru skiptar skoðanir um
það, hvort nokkurt heildar-
skipulag hafi yfirleitt verið til
fyrir hafnarsvæði Akureyrar og
allavega væri ekkert samþykkt
skipulag til.
Guðmundur sagði að heild-
arskipulagið væri unnið í sam-
vinnu við skipulagsnefnd og
Vita- og hafnamálastofnun. Að
lokinni gagnasöfnun yrðu gerð-
ar yfirlitsmyndir og ákveðin
framkvæmdaröð og síðan yrðu
hannaðir einstakir þættir
skipulagsins.
Miðað við fjárveitingar eins
og þær eru núna má gera ráð
fyrir að hér sé á ferðinni margra
ára og jafnvel áratuga fram-
kvæmdir. Það eina sem ákveðið
hefur verið í hafnarmálum á
Akureyri er framlenging lönd-
unarkants í suður við Ú. A.
Kanturinn verður lengdur með
stálþili, samkvæmt niðurstöð-
um módelprófana, og er gert
ráð fyrir að kostnaðurinn við
kantinn nemi um 400 milljón-
um gkr. á verðlagi í dag. Fjár-
veiting til verksins er hins vegar
ekki nema 100 milljónir. Hafist
verður handa við verkið í sum-
ar.
Heildarskipulagið mun taka
til vöruhafnar, fiskihafnar og
smábátahafnar. Guðmundur
sagði, að eitthvað yrði dregið að
fylla alveg upp í Höephner, en
fljótlega yrði að hefjast handa
við smábátahöfn. Þá væri annar
áfangi vöruhafnar ofarlega á
lista, en fyrsti áfangi er sunnan á
Oddeyri, eins og kunnugt er. Þá
sagði Guðmundur að færi að
koma að því að eitthvað þyrfti
að gera í Krossanesi, þar sem
færi fram fisklöndun, auk olíu-
og sementsflutninga.
HEITT VATN
í GLERÁRDAL
Jarðborinn Ýmir hefur nú verið
við boranir fyrir Hitaveitu Ak-
ureyrar við Glerá skammt ofan
við malbikunarstöðina og í síð-
ustu viku kom borinn niður á
vatn á um 100 metra dýpi. Er það
í fyrsta sinn sem vatn finnst með
borunum í Glerárdal, en þar
hefur verið borað fjórum sinnum
áður, fyrst 1930 og síðast 1964.
Ekki er það nú mikið vatn sem
úr holunni kemur, eða um 5
sekúndulítrar af 56° heitu sjálf-
rennandi vatni. Hver dropi heita
vatnsins er hins vegar dýrmætur og
má sem dæmi nefna það, að væri
þetta vatn hitað í nýju kyndistöð-
inni upp í 80 gráður, væri hægt að
kynda meðþví lOOstóreinbýlishús.
Jarðfræðingar hafa talið, að á
þessum slóðum mætti fá allt að 40
sekúndulítrum af 70° heitu vatni.
Borað verður dýpra með Ými,
eða á 250-300 metra dýpi, og
reiknað er með að borinn skeri
misgengi og þá væntanlega vatns-
æð á um 180 m dýpi. Er líklegt að
það komi betur í ljós í þessari viku,
hversu vænleg þessi hola og svæðið
eru. Þetta er ekki vinnsluhola,
heldur tilraunahola, en hugsanlegt
er að bora vinnsluholu á sama stað.
Vilhelm G. Steindórsson að athuga vatnshitann. Á innfelldu myndinni er borinn
Ýmir. Mynd: H.Sv.
Ágreiningur
um eina
hæð
tafði verkið
í þrjú ár!
Loks er búið að leysa ágrein-
ing sem uppi var um byggingu
heilsugæslustöðvar á
Blönduósi. Heilsugæslustöð-
in verður hjá Héraðshælinu.
Ágreiningurinn snerist um
það hvort heilsugæslustöðin
skyldi verða 2 eða 3 hæðir.
Hið opinbera hélt fram kost-
um 2ja hæða húss með
bráðabirgðaþaki, en heima-
menn kröfðust þess að húsið
yrði 3 hæðir. Deilurnar höfðu
tafið byggingu hússins um
ein 3 ár að sögn heimildar-
manns Dags.
Ef að líkum lætur verður
hægt að hefjast handa við
byggingu heilsugæslustöðvar-
innar á þessu ári. Á sínum tíma
var áformað að þessi bygging
yrði gerð um leið og viðbót við
sjúkrahúsið á Sauðárkróki. Eins
og fyrr sagði hefur ágreiningur-
inn tafið bygginguna um 3 ár og
þótti mörgum að mál væri að
hefjast handa.
Kviknar í
15 bílum
„Að jafnaði erum við kallaðir út
til að slökkva í 10 til 15 bílum á
ári. Eldsupptökin eru venjulega
útleiðsla í rafmagni.“ sagði
Tómas Búi Böðvarsson,
slökkviliðsstjóri, en í s.l. viku
kviknaði í nýlegum fólksbll í
Lækjargötu. Bíllinn er ónýtur.
Eldurinn kviknaði í mælaborði
þegar eigandinn var að ræsa bíl-
inn. Eldsupptök eru talin vera af
völdum rafmagns.
Tómas hvatti bifreiðaeigendur
til að nota ekki stærri öryggi en gert
er ráð fyrir og fylgjast náið með
rafkerfinu. Brunatrygging er inni-
falin í kaskótryggingu, en einnig er
hægt að fá hana sérstaklega. Þar að
10 til
árlega!
auki er rétt að hafa lítið slökkvitæki
í bílnum. Tómas sagði að slíkt tæki
hefði að vísu verið í bílnum sem
brann í s.l. viku, en það dugði ekki
til að slökkva eldinn. Hins vegar
nægðu slík tæki í flestum tilfellum.
Bændaklúbbs-
fundur um ull og
gærur
Bændaklúbbsfundur verður að
Hótel KEA mánudaginn 2. febrúar
n.k. og hefst kl. 21.00 Framsögu-
maður verður Hjörtur Eiríksson,
forstjóri Iðnaðardeildar SÍS, og
ræðir hann um ull og gærur með
tilliti til þarfa iðnaðarins.
Engar uppsagnir hjá Sana
„Mannskapurinn er hér alveg í
lágmarki og það hefur ekki
komið til tals að segja neinum
upp. Salan er heldur minni í öli
á Reykjavíkurmarkaðinum, en
sala á okkar drykkjum hér fyrir
norðan er nokkuð jöfn,“ sagði
Gunnar Kr. Finnbogason, fram-
kvæmdastjóri Sana h/f. Gunnar
sagði ennfremur að þar sem verð
á Pepsi Cola og Miranda hefði
verið lækkað, en Sana hefur
urnboð fyrir þessar tegundir fyr-
ir norðan, hefði fólk fremur
snúið sér að þeim en t.d. Coka
Cola.
„Við erum með lægra verð en
margir drykkir eru seldir á, sem
koma að sunnan. Fólk er farið að
athuga verðið og verðlækkun segir
strax til sín,“ sagði Gunnar. „En
það er reynsla mín að salan fer al-
veg eftir veðrinu. I kuldaköstum
eins og um helgina dettur salan
niður.“
Eins og fyrr sagði hefur sala á öli
frá Sana á Reykjavíkurmarkaði
heldur dregist saman eins og hjá
reykvískum ölframleiðendum.
Hins vegar fór sala á nýja pilsnern-
um frá Sana fram úr áætlun til að
byrja með.
UPPSAGNIR I REYKJAVÍK
Búið er að segja upp mörgum
starfsmönnum Verksmiðjunnar
Vífilfells h.f. og yfirvofandi eru
uppsagnir hjá öðrum öl- og gos-
drykkjaframleiðendum í Reykja-
vík.
Að sögn forráðamanna verk-
smiðjanna hefur orðið umtals-
verður samdráttur í sölu á fram-
leiðslunni og gildir það bæði fyrir
öl og gos. Ríkisstjórnin hefur lof-
að að fara i saumana á þessu máli
og ætlunin er að kanna m.a. hvort
samdrátturinn er jafn mikill og
framleiðendurnir vilja vera láta.
Það hefur komið fram hjá verk-
smiðjueigendunum að þeir telja
vörugjaldið, sem sett var á um
áramótin, vera meginástæðuna
fyrir samdrættinum.
EME
!
• Þjóðlíf um
þjóðsögur
Þjóðlíf Sigrúnar Stefánsdótt-
ur hefur nú hafið göngu sína
á nýjan leik. Þau bregðast
ekki sjónvarpsáhorfendum
frekar en fyrri daginn Sigrún,
Valdimar Leifsson og þeirra
samstarfsfólk. Fyrsti þáttur-
inn fjallaði um þjóðsögur,
fiðlur og Gunnar Thor, eða
nægir e.t.v. að segja að hann
hafi fjallað um þjóðsögur og
fiðlur? Sumir segja nefnilega
að Gunnar sé að verða þjóð-
sagnapersóna í lifanda lífi.
0 Koparhlunk-
arnír
Sífellt fleiri kvarta undan 5
eyringnum nýja og sömu-
leiðis yfir 10 eyringnum.
Jafnvel þurfa menn að velta
fyrir sér 50 eyringnum. Eldra
fólk á erfitt með að greina
þessa peninga í sundur, en
menn hugga sig við það að
ekki getur liðið á löngu áður
en 5 eyringurinn verður tek-
inn úr umferð. Og sfðar.
# Birtið
happdrættis-
númerin
Lesandi hafði samband við
blaðið og bað aðstandendur
hinna ýmsu happdrætta, þ. e.
annarra en Happdrættis
Háskólans, SÍBS og DAS, að
birta vinningsnúmerin. Les-
andinn minntlst í þessu sam-
bandi á happdrætti Blindra-
vinafélagsins, en gat þess
jafnframt að þau væru fleiri
sem birtu ekki númerin
nægjanlega áberandi svo
þau færu ekkf fram hjá fólki.
0 Notuðu
skófluna
Það er kunnara en frá þurfí að
segja að snjór hefur verið
mikill á götum bæjarins að
undanförnu. Bíistjórar hafa
átt í erfiðleikum með að
komast áfram og oft hefur
mátt sjá langar raðir bíla og
marga bullsveftta bíistjóra
sem hafa verið að reyna að
koma biikkbeljunum áfram
með einhverju mótl. Mætur
Akureyringur sagði að hann
ætti ágæta skóflu, sem hann
geymdi gjarnan á tröppum
húss síns. Hann sagðist hafa
gaman af því að sjá bílstjór-
ana koma hvern á fætur öðr-
um og grípa skófluna, en það
kom oft fyrir að bílar festust
einmitt fyrir framan hús um-
rædds bæjarbúa. „Það kom
mér spánskt fyrir sjónir að
enginn þeirra, sem tók
skófluna og notaði hana, sá
ástæðu til að banka upp á og
biðja um hvort hann mætti fá
hana að láni. Þetta hefði ekki
komið fyrir hér áður fyrr,“
sagði Akureyringurinn.