Dagur - 29.01.1981, Blaðsíða 5
Útgefandi: ÚTGÁFUFÉLAG DAGS
Skrifstofur: Tryggvabraut 12, Akureyri
Ritstjórnarsímar: 24166 og 23207
Sími auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaðamaður: ÁSKELL ÞÓRISSON
Augl. og afgr.: JÓHANN KARL SIGÚRÐSSON
Prentun: Prentverk Odds Björnssonar hf.
Húsnæðismál
Fjórðungssjúkra-
hússins
á Akureyri
Síðan árið 1954 eða í nær 27 ár hefur
húsnæði Fjórðungssjúkrahússins á
Akureyri ekki aukist svo nokkru nemi.
Á sama tíma hefur orðið mikil fólks-
fjölgun á þjónustusvæði sjúkrahúss-
ins og sjúklingum hefur auk þess
fjölgað af öðrum orsökum. Sem dæmi
má nefna, að á árabilinu 1965-1975
fjölgaði innlögðum á sjúkrahúsið um
hvorki meira né minna en 85%. Á
þessum árum þrefölduðust röntgen-
og aðrar rannsóknir á sjúkrahúsinu,
göngudeiidarstarfsemi þess fjórfald-
aðist og starfs- og iæknalið þess tvö-
til þrefaldaðist. Þessi gífurlega aukn-
ing varð á aðeins þriðjungi þess
tímabils, sem framkvæmdaleysið í
húsnæðismálum hefur staðið. Lætur
þá nærri hvernig húsnæðismál Fjórð-
ungssjúkrahússins á Akureyri standa
ídag.
Fyrir átta árum var tekin sú ákvörð-
un að fullgera myndarlegar viðbygg-
ingar við sjúkrahúsið á 8 til 9 árum.
Þær ættu því að vera fullgerðar í dag,
en ennþá er varla búið að steypa upp
helming þessara viðbygginga. Nú er
ástandið orðið þannig, að sjúkra-
húsin í Reykjavík hafa ríflega þrefalt
meira rými á hvern íbúa heldur en
Fjórðungssjúkrahúsið á Akureyri, að
meðtöldum Kristneshæli, Lækna-
miðstöðinni og Heilsuverndarstöð
Akureyrar. Sjúkrahúsið á Húsavík
hefur nær tvöfalt rými á við sjúkra-
húsið á Akureyri og sömu sögu er að
segja um sjúkrahúsið á Sauðárkróki.
Samt leita sjúklingar hvaðanæva af
Norðurlandi þjónustu hjá Fjórðungs-
sjúkrahúsinu á Akureyri, því það hef-
ur að hluta verið deildasjúkrahús fyrir
önnur læknishéruð á Norðurlandi,
auk þess að vera almennt sjúkrahús
fyrir Akureyri, Eyjafjarðarsýslu, Dal-
vík, Ólafsfjörð, þrjá vestustu hreppa
S.-Þingeyjarsýslu og hefur auk þess
þjónað Þórshafnar- og Vopnafjarðar-
læknishéruðum vegna flugsam-
gangna þangað.
Sjúkrahúsið á Akureyri hefur orðið
mjög hart úti í húsnæðismálum.
Þrengsli eru þar hvarvetna mikil og
vinnuaðstaða slæm af þeim sökum.
Má reyndar furðu sæta að sjúklingar
sem þangað þurfa að leita Ijúka upp
einum munni um þá ágætu þjónustu
og aðhlynningu sem þar er veitt, þrátt
fyrir þrengslin. Má þakka það nær
einvörðungu frábæru starfsliði Fjórð-
ungssjúkrahússins á Akureyri.
Það er sanngirnis- og réttlætismál
að eitt þróað sérdeildasjúkrahús sé
staðsett úti á landi, auk þess sem það
er þjóðhagslega hagkvæmt og þýð-
ingarmikill þáttur í almannavörnum
landsins. Fjórðungssjúkrahúsið á
Akureyri er best til þess fallið að sinna
þessu verketni, en til þess að svo
megi verða er nauðsynlegt að koma
þeim byggingum sem nú eru hálfkar-
aðar í notkun. Það er sjálfsögð krafa
að því verki verði flýtt sem frekast er
kostur.
NIELS Á LUND:
Fátt er mikilvægara hverju byggðarlagi en traust búseta
íbúanna. Margt er það sem stuðlar að slíkri byggðafestu
og má sem dæmi nefna trygga atvinnu, opinbera þjónustu,
öruggar samgöngur o. fl. Einn þátturinn frá mínum bæj-
ardyrum séð, og ekki sá veigaminnsti er samvinna íbú-
anna.
Á Norður- og Norðausturlandi er mikið um samvinnu-
rekstur með kaupfélögin í broddi fylkingar. Nú eiga sér
stað miklar umræður meðal samvinnumanna um land
allt. Því er ekki úr vegi að fara nokkrum orðum um
uppbyggingu og eðli kaupfélagsskaparins og þá jafnframt
að bera saman samvinnurekstur og önnur rekstrarform.
Níels Á. Lund.
Hvernig stuðla kaup-
felögin að byggðafestu?
Hvaða hag hef ég af
því að vera
félagsmaður?
Hvert kaupfélag er sérstakt fé-
lag rétt eins og íþrótta- eða ung-
mennafélag, sem að standa
frjálsir einstaklingar. Kaupfélög-
in starfa eins og önnur sam-
vinnufélög eftir reglum sem
kenndar eru við smábæinn Roch-
dale í Englandi. Þær voru fyrst
settar fr.am árið 1844 og standa
enn í dag lítið eða óbreyttar. í
fyrstu grein Rochdalereglanna er
kveðið svo á að öllum skuli vera
frjáls aðild að félaginu. Það er því
enginn skyldugur að gerast
félagsmaður í kaupfélagi, og
heldur er engum meinaður að-
gangur að þeim. í annarri grein
Rochdalereglunnar segir að í
hverju félagi skuli vera lýðræðis-
leg stjórn þ.e. hver maður eitt at-
kvæði, án tillits til verslunar við
félagið eða fjármagns, sem hann
kann að eiga þar inni. Þetta
tryggir í raun að hver einstakur
félagsmaður er jafnrétthár, hvort
sem hann er ríkur eða fátækur,
gamall eða ungur, óbreyttur eða
formaður félagsins. Mér finnst
rétt að benda á þessar einföldu
grundvallarreglur, því svo virðist
vera að jafnvel félagsmennirnir
sjálfir átti sig ekki allir á þeirn.
Það er oft að þeir sem að gagn-
rýna kaupfélögin hvað mest og
finna þeim flest til foráttu eru
sjálfir félagsmenn með full rétt-
indi í félaginu, en mæta svo ekki á
boðaða fundi eða þá að þeir taka
þar ekki til máls. En deildar-
fundir og aðalfundir kaupfélag-
anna eru einmitt vettvangur
skoðanaskipta félagsmanna.
En þá er von að ýmsir spyrji:
„Hvaða hag hef ég af því að vera í
kaupfélagi?“ Þessari spurningu
var svarað eitt sinn svo af vitrum
manni: „Hagur einstaklingsins er
hjóm eitt, samanborið við hag
fjöldans." Þessi orð eru að mínu
mati fullkomlega sönn. Ef við lít-
um á eitthvað dæmigert kaup-
félag og berum það saman við
einkarekstur kemur mismunur
skýrt í ljós.
Langflest íslenzku kaupfélögin
eru svokölluð „blönduð félög“, þ.
e. eru jöfnun höndum með
neyzluvöruútvegun og afurða-
sölu, auk margs konar þjónustu
ogjafnvel iðnaðarframleiðslu.
Búseturöskun veldur vandræð-
um hvar sem hún á sér stað, ekki
síst í fámennum héruðum eða
sýslum þar sem mikil byggða-
röskun getur haft varanlegar af-
leiðingar til hins verra.
Hver er þáttur
kaupfélaga
í byggðafestu?
Kaupfélögin eiga miklu meiri
þátt í byggðafestu á hverjum stað
en menn gera sér grein fyrir í
fljótu bragði. Ég vil nefna nokkur
atriði í því sambandi.
Það fyrirtæki sem kaupfélag
setur á fót, hvort sem það er við
iðnað eða annað, þýðir í raun og
veru að félagsmennirnir á
kaupfélagssvæðinu ákveða að
setja viðkomandi fyrirtæki á
laggirnar. Það verður síðan ekki
lagt niður né rekstur þess
stöðvaður gegn vilja félags-
manna, nema utanaðkomandi
aðilar verði þar að verki.
Ef viðkomandi fyrirtæki væri í
einkaeign er alltaf sú hætta fyrir
hendi að eigandinn flytji burtu
eða hætti rekstri af öðrum ástæð-
um, hvort sem héraðsmenn
vilja það eða ekki. Viðkom-
andi einstaklingur getur haft
æmar ástæður til að vilja hætta
rekstri fyrirtækisins. Þar gætu
komið til persónulegir hagsmunir
hans s. s. heilsuleysi, aldur,
sundrun fjölskyldu eða skóla-
ganga barna svo eitthvað sé nefnt.
Ef þessi einstaklingur flytur úr
héraðinu flytjast einnig með
honum miklir fjármunir úr hér-
aðinu. Fjármagn kaupfélaganna
flyst hins vegar aldrei burtu, þar
sem eigendurnir eru heima-
mennirnir sjálfir. Þetta sýnir Ijós-
lega þann mun sem er á því hvort
fyrirtæki er í einkaeign eða í eigu
kaupfélags.
Kaupfélögin eru undir stjórn
heimamanna, og þar með fjár-
magn þeirra. Stjórnarmennirnir
þekkja því oft miklu betur en
einstakir bankastjórar hvar skór-
inn kreppir, og lána því oft til
framkvæmda, jafnvel til ein-
staklinga sem eiga í samkeppni
við kaupfélögin. Að þeirra mati
eru þessar framkvæmdir nauð-
synlegar fyrir viðkomandi stað.
Má nefna sem dæmi kaup á
vörubílum, bátum og síðast en
ekki síst lán til bygginga íbúðar-
eða atvinnuhúsnæðis. I raun
þýðir þetta að félagsmennirnir
sem vel eru stæðir hjálpa ein-
staklingum til að koma fótum
undir sig.
Sá liður í starfsemi kaupfélag-
anna og þau eru hvað þekktust
fyrir, neyzluvöruútvegunin, í víð-
um skilningi, stuðlar einnig að
byggðafestu.
Kaupfélögin verzla með þá
vöru sem félagsmennirnir vilja og
þurfa, oft án tillits til þess hvort
varan skilar hagnaði í sölu eða
ekki.
Sama vöruverð á
öllu félagssvæðinu
Þetta þjónustuhlutverk
kaupfélaganna leggur þeini
miklar skyldur á herðar. í dag er
vöruúrval svo mikið í landinu, að
vonlaust er að hvert kaupfélag
geti verið með nema brot af þeim
vörutegundum sem á markaðn-
um eru. Því heyrast raddir sem
þessar: „Það er aldrei neitt til í
þessu helvítis kaupfélagi" eða „er
þetta ekki kaupfélagið?“, ef
ferðamaðurinn spyr eftir ákveðn-
um hlut sem ekki er til. í þessum
efnum er ætlast til meira af
kaupfélaginu en einkaverzlun-
inni. Það rífst enginn yfir því að
kaupmaðurinn á horninu, eða
„Stórkaup h. f.“ skuii ekki eiga
skeifur, hnífa í sláttuvél, hænsna-
bygg, nærföt á 2ja ára, eða hand-
4.DAGUR
Sýnum fóstrum samstöðu
íslJndsnicistarar í Íshokkí 1980
Vélfryst skautasvell
7939-1948 skrifar:
Skautaíþrótt er vinsæl hjá mörg-
um og árangur hjá skautafélagi
Akureyrar var mjög góður á síð-
asta ári miðað við þær aðstæður,
sem það hefur, en hún er til
skammar fyrir þá sem stjórna því
fjármagni, sem íþróttafélögin fá
til að koma sér upp aðstöðu til
íþróttaiðkana.
Nú er það undir þeim háu
herrum hjá Í.B.A. komið og þeim
bæjarfulltrúum, sem stjórna
þessum bæ, hvort þessi íþrótt eigi
að leggjast niður og láta þá sunn-
anmenn hirða af okkur íslands-
meistarabikarinn og bæjarfélags-
bikarinn, sem hefur verið leikið
um undanfarin ár.
Nú skora ég á þá sem stjórna
hjá Í.B.A. og Akureyrarbæ að
fara nú að vakna og koma upp
vélfrystu skautasvelli sem fyrst.
þeytara, en kaupfélögin fengju
ádrepu ef þessar vörur vantaði.
Hvað vöruverð áhrærir þá hafa
sum kaupfélögin sett sér það að
markmiði að vera með sama
vöruverð á öllu félagssvæðinu, án
tillits til fjarlægðar frá höfuð-
stöðvunum.
Þetta er réttlætismál, en auð-
vitað standa þarna kaupfélögin
illa að vígi gagnvart samkeppnis-
aðila sem er staðsettur á stærsta
staðnum og getur boðið vöruverð
niður bæði vegna lítils flutnings-
kostnaðar og fjölda viðskipta-
vina, þ.e. hann tekur ungann úr
egginu en lætur kaupfélaginu
eftir að sjá um óarðbæru þjón-
ustuna. Þessi óarðbæra þjónusta
kemur fram í ýmsum myndum.
Það eru mörg kaupfélög sém
halda úti hótelrekstri, vöruflutn-
ingum, bifreiðaverkstæðum svo
eitthvað sé nefnt, án þess að þessi
fyrirtæki skili hagnaði. Félags-
mennirnir vita að þessi þjónusta
er nauðsynleg fyrir byggðalagið í
heild, og því borga þeir með
henni með arði sínum. Enginn
einstaklingur myndi halda uppi
svona þjónustu sem rekin væri
með halla. Hann hvorki gæti það
né vildi.
í fámennum byggðalögum
veltur það á samtakamættinum
innan héraðsins hvort hægt er að
ráðast í stórframkvæmdir s.S:
togarakaup, frystihúsabyggingu
eða iðnaðarframleiðslu.
Kaupfélögin eru vettvangur fyrir
sameiginlegt átak. Dæmin sýna
að þau ásamt hreppsfélögunum
og eða einstaklingum, hafa verið
að gera stórátak sem einstaklingi
væri ofviða.
Loks má nefna að öll
kaupfélögin stuðla að menning-
arlífi í einni eða annarri mynd.
Fyrir utan sína félagsstarfsemi
sem oft er mikil, styrkja þau ung-
menna- og íþróttaféiag, menn-
ingarsjóði, skógrækt o. fl. með
fjárstuðningi eða á annan hátt.
Hér að framan hef ég rakið í
stórum dráttum hvernig eðli
kaupfélaganna er og hvers virði
traust kaupfélag er hverri byggð.
Ekkert félag er sterkara en þeir
einstaklingar sem að því standa.
Með því að sýna kaupfélögunum
viðskiptatryggð og taka virkan
þátt í félagsstarfsemi þeirra og
uppbyggingu, sem við höfum rétt
til sem félagsmenn, stuðlum við
að aukinni þjónustu af þeirra
hálfu, auknum umsvifum í at-
vinnumálum og með því styrkj-
um við okkar eigin félagsskap og
okkar byggðalag.
Foreldri barns í Lundarseli skrifar:
Vegna uppsagnar fóstra, og yfir-
vofandi lokunar dagvistarstofnana,
fór ég að velta fyrir mér starfi og
launakjörum fóstra. Ég viðurkenni
að það hafði ég ekki gert fyrr, og
þykir mér miður að þetta ástand
þyrfti til.
Ég þykist viss um að fjöldi for-
eldra stendur í sömu sporum og ég
ef til lokunar kemur. Hvað á að
gera við börnin á meðan foreldrar
vinna? Ég er nefnilega hrædd um
að flestum foreldrum verði á, að
hugsa fyrst og fremst um að komast
í vinnu, en þannig fór fyrir mér. Sú
hugsun nær skammt, því aðeins er
rúm fyrir einn, inn í dæmið vantar
bæði barnið og fóstruna.
Væntanlega geta allir verið sam-
mála um, að við viljum aðeins það
besta fyrir börn okkar, og að þær
kröfur verði að gera til dagvistar-
stofnana að þær ræki uppeldis-
hlutverk sitt eins vel og framast er
hægt.
En hvað er fólgið í þessu orði:
„uppeldishlutverk“? Það er ekki
auðvelt að gera sér grein fyrir því
hver áhrif dvöl á dagvistarstofnun
hefur á uppeldi barns, enda ekki
ætlunin hér að fjalla um uppeldis-
hlutverkið sem slíkt, heldur langar
mig til að hvetja foreldra til þess að
athuga betur hve mikil ábyrgð
hvílir á herðum fóstra. Fóstrur eru
menntaðar til þess starfs að skapa
bömum á dagvistarstofnunum
bestu möguleg skilyrði til að
þroskast sem einstaklingar í sam-
félagi við aðra. Ekki lítil ábyrgð
það.
Miklar kröfur á að gera til fóstra.
Það er því brýnt að menntun þeirra
og störfum sé búin aðstaða til að
standast þessar kröfur eins vel og
unnt má verða. Fóstrunám tekur 3
ár og má sennilega ekki styttra vera
en það skýtur skökku við í þjóð-
félagi, sem metur launakjör í sam-
ræmi við gildi starfsgreinar að
fóstrustarfið er með lægst launuð-
umstarfsgreinum í þessu landi. Það
er einkennilegt gildismat á starfi
fóstra.
Foreldrar barna á dagvistar-
stofnunum, sýnum fóstrum sam-
stöðu i kjarabaráttu þeirra, því á
þann hátt tryggjum við best að
börnum okkar séu búin eins góð
uppeldisleg skilyrði meðan á dag-
vistun stendur, og hægt er.
Guðmundur Sæmundsson:
Hagsmunir féstra eru
hagsmunir foreldra
Hverjar eru raunverulegar kröfur
fóstra, sem nú eiga í kjaradeilu
„besta vin verkafólksins" — Akur-
eyrarbæ? Svarið er: Að fá aðstöðu
til að hugsa sem best um börnin á
dagheimilunum og leikskólunum.
Erum við foreldrar — innan eða
utan dagvistarstofnana —! á móti
því? Það mætti halda það. Að
minnsta kosti höfum við ekki gert
mikið til að styðja við bakið á þeim
í baráttu þeirra. Það er skömm að
því.
Fóstrur hætta störfum um n.k.
mánaðarmót, nema gengið verði
verulega til móts við kröfur þeirra.
Prelátar bæjarins yppta bara stór-
mannlegum og vel klæddum öxl-
um sínum og er víst sama um allt
heila klabbið. Þegar röntgentæknar
voru í kjaradeilu við bæinn, mæltist
vorum vísa bæjarstjóra svo, að
honum væri nokk sama hvort hann
dræpist röntgenmyndaðuri eða
ekki. Megum við eiga von á svip-
uðu svari nú, — að bæjarstjóranum
sé sama, hvort börnin í bænum
hírist ein heima eða séu á barna-
heimilum, á meðan foreldrarnir
vinna?
Kröfur fóstra eru réttlátar, —
hækkun úr 11. í 14. launaflokk, og
að þeim verði reiknaðar 10 undir-
búningsstundir á viku vegna starfs
síns (svipað og t.d. kennarar hafa).
Foreldrar verða nú að fara að láta í
sér heyra. Styðjum kröfur fóstra og
hellum okkur yfir skilningssljóa
angurgapa stjórnmálaflokkanna í
bæjarstjórn og bæjarráði. Það er
þeim að kenna, ef foreldrar standa
uppi ráðalausir 1. febrúar og kom-
ast ekki til vinnu, vegna þess að
dagvistarstofnanir verði lokaðar.
Hvernig væri þá að senda þeim
reikninga fyrir vinnutapi af þeirra
völdum?
Fóstrustarfið er örugglega, mjög
vandasamt starf — eða hvað getið
þið ímyndað ykkur? Fóstrunám
tekur þrjú ár að loknu stúdents-
prófi. En hvers vegna er það þá
svona illa borgað? Hvers vegna
leyfa pólitísku ístopparnir í bænum
sér þá að virða kröfur þeirra ekki
viðlits? Ætli skýringin sé ekki ein-
föld? Fóstrustarfið er dæmigert
„kvennastarf", og því á það að vera
illa borgað, að áliti sviðahausanna í
bæjarráði. Þetta er nú jafnréttis-
hugsjónin þeirra í framkvæmd. Er-
'jm við sammála henni?
Séum við ósammála misrétti
kynjanna, —séum við sammála því
að búa eigi sem best að börnum
okkar á dagheimilum og leikskól-
um, — séum við sammála því að
bæta þurfi kjör fóstra, — hvers
vegna sýnum við þá stuðning okkar
við þær ekki í verki?
Á myndinni sjást þeir Sigurður Lárusson og Pétur Sigurðason, en Pétur varð sá
fyrsti sem kjörinn var knattspyrnumaður Akureyrar, og þann eftirsótta titil fékk
Sigurður Lárusson nokkru síðar. Aðrir sem kjörnir hafa verið eru Gunnar Aust-
fjörð, Eyjólfur Ágústsson og Elmar Geirsson.
JUDO
Kepptu í Rvík
KJÖRINN
KNATT-
SPYRNU-
MAÐUR
AKUR
EYRAR?
Á laugardaginn kemur, kl.
13.00, býður Knattspyrnuráö
Akureyrar öllum keppendum
í knattspyrnu á Akureyri svo
og öllum áhugamönnum, til
verðlaunaafhcndingar í
Borgarbíói.
Þar verður öllum, sem urðu
Akureyrarmeistarar í knatt-
spymu, veittur verðlaunapen-
ingur, og einnig verður getið
úrslita í öðrum mótum. Þá
verður lýst kjöri knattspyrnu-
manns Akureyrar og fær hann
til varðveislu verðlaunagrip
gefinn af gullsmiðunum Sig-
tryggi og Pétri. Þá verður einnig
kvikmyndasýning.
Allir knattspyrnumenn og
áhugamenn eru velkomnir
meðan húsrúm leyfir.
Guðjón
kemur
Að sögn Gunnars Kárason-
ar formanns Knattspyrnu-
deildar KA er það nú af-
ráðið að Guðjón Guðjóns-
son úr Keflavík gangi til
liðs við KA menn í knatt-
spyrnu. Guðjón hefur spil-
að bakvarðastöðu í Kefla-
víkurliðinu með góðum ár-
angri. fþróttasíðan býður
Guðjón velkominn, og ósk-
ar honum velgengis með
sínu nýja félagi.
Um síðustu helgi var haldið í
Reykjavík fyrri hluti afmæl-
ismóts Júdósambands fs-
lands, og var það haldið í
íþróttahúsi Kennaraháskól-
ans. Keppt var í fimm flokk-
um karla.
Tveir keppendur frá Akur-
eyri kepptu á þessu móti í 60 kg
flokki. Vegna fjölda þátttak-
enda í þessum flokki var
keppendum skipt í tvo riðla.
Akureyringarnir sem kepptu á
þessu móti voru þeir Broddi
Magnússon og Guðmundur
Om Halldórsson, og kepptu
þeir í sitthvorum riðlinum.
Þeir Broddi og Guðmundur
kepptu síðan sarnan, og var þar
um rnjög spennandi viðureign
að ræða. Guðmundur náði
fljótlega fastataki á Brodda, en
Brodda tókst með miklu snar-
ræði að losa sig úr takinu, og
náði um leið fastataki á Guð-
mundi, sem Guðmundur síðan
náði ekki að losa, og vann þvi
Broddi þá viðureign.
Broddi glímdi síðan úrslita-
glímuna við Gunnar Jóhannes-
son UMFG og varð glíman
mjögspennandi. í þessari glímu
tókst hvorugum að ná sér í stig,
og urðu því dómarar að úr-
skurða hver hefði sigrað. Þeir
töldu Gunnar hafa sótt heldur
meira og var honum því
dæmdur sigurinn, en ekki voru
allir sáttir við þann dóm. Úrslit í
60 kg flokknum urðu því þau að
Gunnar Jóhannsson UMFG
sigraði, annar varð Broddi
Magnússon og Guðmundur
Öm Halldórsson í þriðja sæti.
Trimm
mót
Á sunnudaginn kemur þann 1. febrúar kl. 14.00 verður haldið mót
í skíðagöngu vestan og norðan við Skíðahótelið. Skíðaráð Ak-
ureyrar gengst fyrir mótinu og verður brautin ætluð fyrir alla
fjölskylduna, en hún verður ca 1.5 km á lengd. Skíðaráðið vonast
til að fá sem flesta þátttakendur á mótið, og þarna verður upplagt
fyrir alla fjölskylduna að keppa saman. Tími verður tekin af þeim
sem vilja í brautinni, og þátttakendur fá viðurkenningarskjal að
lokum. Þá verður einnig til sölu göngumerki Skíðasambandsins,
en það er „Skíðastjarnan“ svokallaða.
DAGUR.5