Dagur - 28.04.1981, Blaðsíða 4

DAGUIR
Útgefandi: ÚTGÁFUFÉLAG DAGS
Skrifstofur: Tryggvabraut 12, Akureyri
Ritstjórnarsímar: 24166 og 23207
Sími auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaðamaður: ÁSKELL ÞÓRISSON
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Niðurtalningin
heldur áfram
Framsóknarflokkurinn hefur lagt á
það megináherslu í stjórnarsamstarf-
inu, að staðið verði við þau markmið,
að verðbólgan fari ekki yfir 40% á ár-
inu. Bent hefur verið á æskilegar
leiðir í þessum tilgangi og má nefna í
því sambandi tillögur sem samþykkt-
ar voru og fram komu i stjórnmála-
ályktun miðstjórnar Framsóknar-
flokksins fyrir skömmu. Nú hefur rík-
isstjórnin lagt fram frumvarp, þar sem
fjallað er um verðlagsmál, lækkun
vörugjalds og aukna bindiskyldu
innlánsstofnana. Meginmarkmið
þessa frumvarps er það, að beita
nauðsynlegu aðhaldi til að fram-
færsluvísitalan hækki ekki um meira
en 8 af hundraði 1. júní næstkomandi.
Þetta er einn liðurinn í niðurtalningu
verðbólgunnar, en öllum má vera
Ijóst, að frekari aðgerðir verða að
koma til, enda er nú unnið að undir-
búningi þeirra.
í þessu frumvarpi er gert ráð fyrir
því, að verðhækkanir verði ekki
leyfðar umfram brýnustu nauðsyn og
að hækkanir komí ekki til nema með
samþykki rfkisstjórnarinnar. Á næstu
dögum verður tekin ákvörðun um
það, hversu miklar þessar hækkanir
mega verða svo unnt verði að ná 40%
markinu. I frumvarpinu er gert ráð
fyrir miklum sparnaði í ríkisrekstrin-
um og að ríkisútgjöld lækki um 31
milljón króna. Þetta verði gert með
lægri framlögum til opinberra sjóða
og opinberra framkvæmda, heldur en
gert hafði verið ráð fyrir. Þá eru í und-
irbúningi breytingar á álagningaregl-
um og varðandi greiðslufrest á toll-
um. Fyrirhugað er að auka niður-
greiðslur, lækka vexti og lækka að-
flutningsgjöld á hátolluðum nauð-
synjavörum, til að nálgast 8% markið
1. júní. Til að auka aðhaldið í verð-
lagsmálum er gert ráð fyrir því í frum-
varpinu, að verðlagsstofnunin verði
virkari og völd hennar eru aukin. Til
að stemma stigu við þenslu í pen-
ingamálum er gert ráð fyrir hækkun á
bindisskyldu innlánsstofnana.
Það lá Ijóst fyrir, að ef ekki yrði
gripið til frekari aðgerða færi allt úr
böndunum að lokinni þeirri hertu
verðstöðvun sem gildir til 1. maí.
Ýmsar óumflýjanlegar verðhækkanir
munu koma til á næstunni, en með
þessum aðgerðum verður vonandi
hægt að halda áfram á niðurtalning-
arbraut. Það varalltaf vitað, aðtil þess
að unnt yrði að draga úr verðbólgunni
yrðu allir að leggja eitthvað af mörk-
um. Þær fórnir virðast ekki hafa verið
almenningi mjög þungbærar til
þessa, því lítið virðist hafa dregið úr
neyslunni og er nóg að benda á bíla-
innflutning og stóraukna aðsókn í
sólarlandaferðir því til stuðnings.
Ýmsar atvinnugreinar eiga nú í erfið-
leikum, en ef að líkum lætur vænkast
hagur þeirra á ný, þegar höfuðand-
stæðingur þeirra, sem er verðbólgan,
lætur undan síga.
Ingólfur Árnason:
Búfjáreigendur og
aðrir bæjarbúar
Viðtalið sem Gísli Sigurgeirsson
blaðamaður átti við mig í síðasta
mánuði og birt var í dagblaðinu
Vísi 30. mars s.l. hefur valdið mikl-
um úlfaþyt í stjórn Fjáreigenda-
félags Akureyrar eins og sjá má í
Vísi og Degi 14. apríl og í íslendingi
nokkru síðar.
Ég vil hér á eftir skýra mál mitt
og færa fram rök gegn sauðfjár-
haldi og ótakmarkaðri hrossaeign í
lögsagnarumdæmi Akureyrar.
Það land sem Akureyrarbæ á er
eign allra bæjarbúa og ég tel að það
eigi að nýta á þann hátt að það
verði sem flestum til ánægju, en
ekki bara nokkrum sauðfjár- og
hestaeigendum. Ég hef undanfarin
ár fylgst með hvernig farið er með
landið. Þar sem áður voru lyngmó-
ar eru nú rótnagað og jafnvel
uppblásið land, þar sem áður var
hægt að ganga sér til skemmtunar
eru nú gaddavírsgirðingar sem
teppa allar leiðir.
Það sjónarmið mitt sem fram
kom í Vísisviðtalinu er ekki nýtt,
því ég hef notað hvert tækifæri sem
ég hef fengið til að gagnrýna stefnu
bæjarstjórnar í þessu máli. Fyrir
fimm árum sóttu hestamenn um
spildu úr landi Lögmannshlíðar til
beitar, Eg sótti um sömu spildu og
lofaði jafnframt að friða spilduna,
en leyfa öllum mönnum aðgang að
henni sem það vildu. Ég var ekki í
hestamannafélagi, því taldi meiri-
hluti bæjarstjórnar mig ekki verð-
ugan þess að fá þetta land á leigu.
Á bæjarstjórnarfundi í október-
mánuði 1976 talaði ég máli mínu
og leyfi ég mér hér með að birta
hluta úr þeirri ræðu:
„Ég þarf ekki aö skýra fyrir bœj-
arfulltrúum hvaö góð umgengni við
landiö er mikils virði. Landið okkar
er á mörkum hins byggilega heims er
stundum sagt, þá er merking orðsins
byggilegur sú hvort hœgt sé að
stunda hér landbúnað með þeim
hœtti sem gert hefur verið í þœr 11
aldir sem búseta hefur verið hér.
Ég held að úttekt á gróðurlendinu
myndi sýna okkur að við rányrkjum
landið og ef til vill aldrei eins aug-
sýnilega og nú síðustu áratugina.
Gróðurlendið dregst saman hraðar
og hraðar. Jarðvegseyðing í sumum
byggðarlögum er orðin það mikil að
auðvelt hlýtur að vera að timasetja
Ingólfur segir m.a. aó ágangur búfjár — þ.e. kinda og hesta — á beitiland sé alltof mikill og að jarðvegseyðing sé
svo hröð að með nútímatækni megi eflaust timasetja hvenær jarðvegurinn í beitilöndum landsmanna verði allur
fokinn á haf út.
með þeirri tcekni sem við ráðum yfir
hvenœr jarðvegurinn í Jiinum svo-
kölluðu beitilöndum verður allur
fokinn á haf út. Hvað verður þá um
hin rœktuðu svœði þegar foksand-
urinn hefur greiðan veg niður í
byggð? Saga okkar greinir frá slíkri
eyðingu byggðar hér í okkar lands-
hluta og ekki fjarri okkar fagra bœ.
Bœndastéttin hefur afsökun hún
hefur orðið að þreyja þorrann og
góuna og nú síðustu ár tekið þátt í
lífsgœðakapphlaupinu. Einnig hafa
bœndur verið frekar hvattir en lattir
til að breyta búnaðarháttum úrrœkt-
unarbúskap sem kúabúskapur
óneitanlega er, í sauðfjár- eða
hrossabúskap og nú síðast í holda-
nautarœkt og þar með að auka
ennfremur álagið á beitUandið sem
menn og höfuðskepnur hafa ekki
annað en séð hversu vafasamtþaðer,
ég vildi segja vitlaust, að hér skuli
vera framleitt kjöt til útflutnings til
þjóða sem búa við allt önnur og betri
landfrœðileg skilyrði en við. Menn
hrósa sér fyrir hrossaútflutning.
Jafnvel er mér sagt að menn haldi
stóð hér í bœjarlandinu með út-
flutning í huga. Eyðingarmáttur eins
hests er mér sagt að sé á við 8-10
kinda. Ég tel sjálfsagt að bœjar-
stjórn stuðli að heilbrigðri tóm-
stundaiðju bœjarbúa en að stuðla að
eyðingu gróðurlendis. SEM ER
SA MEIGN OKKA R mun ég aldrei
standa að. “
Ég endaði þessa ræðu þannig:
„Þetta land sem hér er rœtt um
þ.e. Lögmannshlíð er dœmigert land
sem friða þarf algjörlega í mörg ár
og breyta þannig uppblásnum þúfu-
enn getað eytt. Ef þið góðir bcejar-
fulltrúar leiðið hugann að þessum
málum, hafið augun opin þegar þið
ferðist um landið þá getið þið varla
Ingólfur Árnason.
Náttúruvernd á Akureyri:
Merk sýning í Náttúru-
gripasafninu út maímánuð
í tilefni af 30 ára afmæli safnsins
„Tilgangurinn með sýningu
þessari er fyrst og fremst sá, að
kynna Akureyringum næsta um-
hverfi sitt, sýna þeim fjöibreytni
þess og fegurð og hvaða mögu-
leika það býður til verndunar á
lítiö spilltu náttúrufari eða til
eðlilegrar umsköpunur í sam-
ræmi við eðli landsins og þarfir
nútímans. Ekki varð þó hjá því
komist að sýna einnig myndir af
ýmsu sem miður fer í bænum eða
umhverfis hann, í þeirri von að
það verði til að vekja menn til
umhugsunar og endurbóta.
Þegar allt kemur til alls er
umhverfi Akureyrar furðu fjöl-
breytt og auðugt af lífi og munu
fáir bæir á landi hér geta státað
af sambærilegu umhverfi. Þessi
staðreynd færir okkur hinsvegar
þann vanda á hendur, að fara vel
með þetta land og forðast van-
hugsaðar framkvæmdir sem leitt
geta til varanlegra örkumla á
landi eða lífi“
Þannig er m.a. komist að orði í
sýningarskrá um sýninguna:
Náttúruvernd á Akureyri, er nú
stendur yfir í sýningarsal Náttúru-
gripasafnsins á Akureyri, Hafnar-
stræti 811. hæð, en hún var sett upp
í tilefni af 30 ára afmæli safnsins.
Upphaflega varð þessi sýning til í
tengslum við umhverfiskönnun,
sem fram fór í lögsagnarumdæmi
Akureyrar sumarið 1980 og fyrst
sett upp í Menntaskólanum s.l.
haust á aðalfundi SUNN (Samtök
um náttúruvernd á Norðurlandi).
Þetta er veggspjaldasýning, alls
21 spjald. Hvert spjald tekur til
umfjöllunar ákveðinn bæjarhluta,
og eru um 10 myndir að jafnaði á
hverju spjaldi. Þær eru flestar
teknar af Helga Hallgrímssyni
forstöðumanni safnsins s.l. sumar.
Hver mynd er númeruð og með
aðstoð sýningarskrárinnar er auð-
velt að lesa sér til um þær. Mynd-
irnar eru mjög fjölbreytilegar og
má sem dæmi nefna; landslags-
myndir, svipmyndir af byggingum,
garðagróðri, villugróðri og fuglalífi
í bænum. Tvö síðustu spjöldin bera
yfirskriftina: Þarf þetta að vera
svona. Þar eru sýndar myndir af
ýmsu sem miður hefur farið í bæj-
arlandinu, og er það sannarlega
þörf áminning til okkar Akureyr-
inga, sem gjarnan viljum státa af
því að búa í einum fallegasta bæ
landsins.
Ástæða er til þess, að hvetja Ak-
ureyringa og nærsveitamenn að
skoða sýninguna, bæði vegna þess
að hún bendir á þá fjölbreytni og
fegurð í bæjarlandinu, sem ýmsir
hafa örugglega farið á mis við, en
einnig vekur hún okkur til um-
hugsunar um það hvað betur hefði
mátt fara í samskiptum okkar við
bæjarlandið. Sýningin er jafnframt
æskileg til kennslu í samfélags-
fræðum og auðvelt er að útbúa
verkefni í tengslum við hana, en
ætlunin er að lána hana í skóla
næsta haust.
Sýningin verður opin út maí
mánuð á sunnudögum kl. 13-15, en
hægt er að skoða hana á öðrum
tímum eftir samkomulagi við safn-
vörð. (JGJ).
6•DAGUR
börðum í blómlendi, þarna var gott
berjaland á œskuárum mínum,
þangað sóttu bœjarbúar berja-
uppskeru ár hvert, þá var landið
hóflega beitt og það er hart að þurfa
að segja það, að eftir að það kemst i
eigu bœjarins líkist það meira flagi
en gróðurlendi. Góðir bœjarfuUtrúar
lofið okkur sauðlausu og. stóðlausu
bœjarbúum að nýta þetta land. “
Svo mörg voru þau orð sem ég
flutti fyrir daufum eyrum í bæjar-
stjórn í októbermánuði 1976 og þá
geta menn séð að þessi afstaða er
ekki nýtilkomin.
Stjórn Fjáreigendafélagsins telur
að ég ýki búfjáreign bæjarbúa. Ég
skal viðurkenna að ég leitaði
hvorki til skattstjóra né forða-
gæslumanns um tölu sauðfjár,
hana fékk ég annarsstaðar. Hitt
fullyrði ég að Glerárdalur stendur
að heita má opinn búpeningi ná-
grannasveitarfélaganna. Um leið
og stefnt verði að því að verja bæj-
arlandið fyrir ágangi búfjár, fjár-
eigenda og hestamanna, mun ég
verða þess eindregið hvetjandi að
girt verði til fjalls á mörkum bæj-
arlandsins og nágrannasveitar-
félaganna.
Stjórn Fjáreigendafélagsins talar
um fáheyrðan atburð í bæjarstjórn
Akureyrar þegar felld var tillaga
frá jarðeignanefnd um leyfisveit-
ingu til tveggja einstaklinga um
búfjárhald, Skilja má á grein þeirra
að þeir véfengja rétt bæjarstjórnar
til sjálfstæðrar ákvarðanatöku í
þessu máli, þeir misskilja reglu-
gerðina og starfssvið einstakra
nefnda sem starfa á vegum bæjrar-
stjórnar.
I fyrstu grein „Reglugerðar um
búfjárhald í lögsagnarumdæmi
Akureyrar" segir:
„Tilgangur reglugerðar þessarar
er að stemma stigu við óhóflegu
búfjárhaldi innan lögsagnarum-
dœmis Akureyrar og tryggja að
gróðurlendi bœjarins verði ekki
spillt. Skal reglugerð þessi endttr-
skoðuð í siðasta lagi 1982 með tilliti
til þess, hvort rétt sé að takmarka
búfjárhald enn frekar. “
Og í annarri grein sömu reglu-
gerðar stendur:
„Búfjárhald (nautgripa, hrossa,
svína, sauðfjár, geita, alifugla) er
óheimilt innan lögsagnarumdœmis
Akureyrar nema með sérstöku leyfi
bœjarstjórnar. “
Ég held að þessar greinar taki af
öll tvímæli um rétt bæjarstjórnar til
að fjalla um þessi mál og ákveða
hverju sinni hvort leyfi til búfjár-
halds er veittt eða ekki.
Fjáreigendur segja að ég hafi
vantalið tekjur bæjarsjóðs af
búfjárhaldi, þar sem ég hafi ekki
talið túnaleigur með, þetta er rétt,
en ég taldi heldur ekki fjármagns-
kostnað sem bærinn ber af þeim
landakaupum sem gerð hafa verið
á undanförnum árum og það
leigugjald sem fæst fyrir túnin er
aðeins lítill hluti af eðlilegri land-
leigu. Rétt er að bæjarbúar viti um
þessar áætluðu tekjur af túnaleigu
en þær eru heilar kr. 15.000,-
Ég hef leitt hjá mér að ræða
þjóðfélagslegan þátt þessarar tóm-
stundaiðju. Á sama tíma og stjórn-
völd og bændasamtökin eru að
reyna að takmarka landbúnaðar-
framleiðsluna svo minnka megi út-
flutning landbúnaðarafurða á gjaf-
verði, stuðlar bæjarstjórn Akureyr-
ar að búfjárhaldi með fjárframlög-
um. Hvað ætli skattgreiðendur
greiði mikinn styrk til stjórnar
Fjáreigendafélagsins þeirra Vík-
ings Guðmundssonar, Sverris Her-
mannssonar, Árna Magnússonar,
Jóns Sigfússonar og Gunnsteins
Sigurðssonar í formi útflutnings-
bóta? Á síðasta bæjarstjórnarfundi
sem haldinn var 31. mars s.l. var
samþykkt að kjósa þrjá menn til að
endurskoða búfjárreglugerðina. Ég
vænti þess að við þá endurskoðun
ráði heilbrigð skynsemi og að
hagsmunir allra bæjarbúa verði í
heiðri hafðir. Einnig vænti ég þess
að náttúrufræðingar verði hafðir
með í ráðum og leiðbeini bæjar-
stjórn í þessu mikilvæga máli.
Ég leiði hjá mér stóru orðin í
svari stjórnar Fjáreigendafélagsins
en er reiðubúinn til málefnalegrar
umræðu um þetta náttúruverndar-
og landnýtingarmál.
Bænadagana 1981,
Ingólfur Árnason.
Fundur hjá Jafnréftisfélaginu:
Skrifa konur öðruvísi
en karlar?
Eins og fram hefur komið af frétt-
um var félag um jafnréttismál
stofnað á Akureyri 8! febrúar s.l. og
hlaut það nafnið Jafnréttishreyf-
ingin. Félagar urðu þegar á stofn-
fundi rúmlega áttatíu talsins og
hefur síðan farið æ fjölgandi.
Félagið er öllum opið en enn sem
komið er eru konur í miklum
meirhluta. Þær eru á öllum aldri og
með hin margvíslegustu viðhorf til
þjóðmála. Þar eru fulltrúar hinna
ýmsu stétta og má m.a. finna hús-
mæður, bæði úr bænum og sveitum
nágrennisins, verkakonur, konur á
verslunar-, mennta- og heilsu-
gæslusviði.
Enda þótt hljótt hafi verið um
hreyfinguna eftir stofnfund er þar
ekki verkefnaskorti um að kenna,
þvert á móti er starfað af fullum
krafti ög unnið að skipulagningu og
innri uppbyggingu hreyfingarinn-
ar.
Aðalstarfið fer fram í fámennum
grunnhópum, sem hafa hver sitt
viðfangsefni en ræða jafnframt
mótun og starfsemi hreyfingarinn-
ar og jafnréttismál almennt. Sem
stendur eru átta grunnhópar starf-
andi en ekki eru allir félagar starf-
andi í grunnhóp. Hópstjórar
grunnhópa mynda stjórn hreyfing-
arinnar og er formaður Karolína
Stefánsdóttir.
Hötuðmarkmið hreyfingarinnar
er að skapa umræðu um jafnréttis-
mál og leita ástæðna fyrir misrétti
og hugsanlegra leiða til úrbóta.
Stuðla að auknu sjálfstrausti
kvenna með því að auka þekkingu
þeirra á sjálfum sér, vandamálum
sínum og þjóðfélaginu í heild.
Hvetja konur til að vera virkari
þátttakendur í umhverfismótun og
hasla sér völl til jafns á við karla og
þá hvort með sínum skilyrðum,
þannig að karlar endurmeti einnig
sitt hefðbundna hlutverk.
Hreyfingin hefur fengið til af-
nota húsnæði að Ráðhústorgi 3 (2.
hæð) og er þar opið á mánudags-
kvöldum frá kl. 20.30. Allt áhuga-
fólk um jafnréttismál er velkomið
þangað. Þar gefst fólki kostur á að
kynnast starfsemi hreyfingarinnar
og gerast félagar, þeir sem þess
óska Ragnheiður Benediktsdóttir
annast inntöku nýrra félaga og er
heimasími hennar 22509.
Einn þáttur starfseminnar eru
opnir fundir þar sem meiningin er
m.a. að grunnhópar kynni við-
fangsefni sín og er það liður í þeirri
stefnu hreyfingarinnar að kynna
starfsemi sína sem mest út á við.
Einnig verða þar tekin fyrir ýmis
málefni með framsöguerindum og
umræðuhópum og laugardaginn 2.
maí, kl. 15.00, verður slíkur opinn
fundur haldinn í Alþýðuhúsinu, þar
sem Helga Kress, bókmenntafræð-
ingur, flytur framsöguerindi. Er-
indið nefnist „Kvenleg reynsla og
kvenleg hefð í íslenskum bók-
menntum" og verður í umræðu-
hópum á eftir erindinu m.a. rætt
um hvort konur skrifi öðruvísi en
karlar og þá hvers vegna.
Helga er, sem kunnugt er, þekkt
fyrir rannsóknir sínar og skrif um
stöðu konunnar í íslenskum bók-
menntum og má þar til nefna bók-
ina „Draumur um veruleika" þar
sem Helga valdi nokkrar smásögur
íslenskra kvenna og ritaði inngang.
Gunnlaugur Magnússon frá Akur-
eyri sigraöi bæði í svigi og stórsvigi
í sjö ára flokki. Hann sést hér
ásamt Sigurði Jóhannssyni frá
(safirði til vinstri og Ólafi Halls-
syni frá Siglufirði til hægri. Mynd
Ó.Á.
Ólympfueldurinn tendraður á
Andrésar Andarieikunum. Mynd
Kristján.
js:
Þær unnu allar tvöfaldan sigur i
alpagreinum. Maria Magnúsdóttir
Akureyri fyrir miðju, Anna Sigrið-
ur Valdemarsdóttir frá Bolungar-
vík til hægri, og Sara Halldórs-
dóttir Isafirði til vinstri. Þær
kepptu i átta ára flokki. Mynd
Ó.Á.
Á fimmtudag, föstudag og laug-
ardag voru Andrésar-Andarleik-
arnir haldnir í Hlíðarf jalli. Þetta
var fjölmennasta skíðamót sem
haldið hefur verið þar, þátttak-
endur voru um 400 talsins.
Mótið fór í alla staði vel fram og
var skipulagning þess til fyrir-
myndar.
Úrslit urðu þessi:
SVIG:
7 ára drengir:
1. Gunnlaugur Magnússon A. 82.94
2. Ólafur Þ. Halldórsson S. 88.46
3. Sigurður Hólm Jóhannsson í. 88.98
7 ára stúikur:
1. Harpa Hauksdóttir A. 90.53
2. Sigríður Sigurðardóttir í. 92.43
3. Birna Ásgeirsdóttir H. 97.76
8 ára drengir:
1. Kristinn Björnsson Ó. 78.90
2. Arnar Bragason H. 79.59
3. Magnús Karlsson A. 85.68
8 ára stúlkur:
1. María Magnúsdóttir A. 83.44
2. Anna Sigríður Valdemarsdóttir B.
- 83.44
2. Anna Sigríður Valdemarsd. B. 83.52
3. Sara Halldórsdóttir í. 91.48
9 ára drengir:
1. Jón Ólafur Árnason í. 74.57
2. Vilhelm Már Þorsteinsson A. 77.34
3. Sigurbjörn Þorgeirsson A. 77.67
9 ára stúlkur:
1. Ása Þrastardóttir A. 82.98
2. Margrét Rúnarsdóttir í. 84.08
3. Hildur K. Aðalsteinsd. B. 84.89
10 ára drengir:
1. Jón Ingvi Árnason A. 71.44
2. Ólafur Sigurðsson í. 72.23
3. Árni Þór Árnason A. 76.74
10 ára stúlkur:
I. 1. Ásta Halldórsdóttir B. 80.70
2. Geirný Geirsdóttir R. 84.24
3. Birna Jenný Hreinsdóttir Ó. 87.01
II. ára drengir:
1. Kjetil Gjellerud NOR. 78.95
2. Ólafur Sigurðsson Ó. 81.13
3. Kári Ellertsson A. 82.23
11 ára stúlkur:
1. Hulda Svanbergsdóttir A. 85.71
2. Guðný Karlsdóttir D. 86.66
3. Kristín Hilmarsdóttir A. 89.10
12 ára drengir:
1. Hilmar Valsson A. 73.37
2. Birkir Sveinsson N. 76.57
3. Óttar Hreinsson B. 77.88
12 ára stúlkur:
1. Kare Anne B. Eriksen NOR. 76.68
2. Greta Björnsdóttir A. 80.93
3. Erla Björnsdóttir A. 81.44
STÓRSVIG:
7 ára drengir:
1. Gunnlaugur Magnússon A. 82.62
2. Stefán Þ. Jónsson A. 86.68
3. Sigurður Hólm Jóhannss. í 88.78
7 ára stúlkur:
1. Harpa Hauksdóttir A. 87.42
2. Þórdís Þorleifsdóttir I 99.82
3. Sigríður Sigurðardóttir í 100.12
8 ára drengir:
1. Kristinn Björnsson Ó. 81.41
2. Magnús Karlsson A. 85.36
3. Arnar Bragason H. 85.86
8 ára stúlkur:
1. María Magnúsdóttir A 81.71
2. Anna Sigríður Valdemarsd. B. 87.22
3. Sara Halldórsdóttir í 89.99
9 ára drengir:
1. Jón Ólafur Árnas. í. 75.90
2. Hannes Sigurðsson B. 79.53
3. Guttormur Brynjólfsson E. 40.55
9 ára stúlkur:
1. Kristín Sigurgeirsdóttir Ó. 85.80
2. Þórunn Pálsdóttir í. 88.06
3. Ása Þrastardóttir A. 88.75
10 ára drengir:
1. Jón Ingvi Ámason A. 107.28
2. Ólafur Sigurðsson í. 109.00
3. Símon Þór Jónsson B. 110.05
10 ára stúlkur:
1. Sólveig Gísladóttir A. 112.39
2. Ásta Halldórsdóttir B. 114.92
3. Geimý Geirsdóttir R. 117.88
11 ára drengir:
1. Jarle Gjedrum Lie NOR 96.36
2. Kjetil Gjellerud NOR 101.80
3. Kristinn D. Grétarsson í. 102.42
11 ára stúlkur:
1. Kristín Hilmarsdóttir A. 103.13
2. Þórdís Hjörleifsdóttir R. 105.55
3. Hulda Svanbergsdóttir A. 105.85
12 ára drengir:
1. Bjöm Brynjar Gíslason Ó. 101.95
2. Hilmir Valsson A. 102.84
3. Brynjar Bragason ó. 103.17
12 ára stúlkur:
1. Gréta Bjömsdóttir A. 106.09
2. Kari Anne B. Eriksen NOR 107.00
3. Kristín Ólafsdóttir R. 107.31
GANGA:
12 ára og yngri stúlkur: (1.5 km)
1. Dalla Gunnlaugsdóttir Ó 8.13
2. Birna Sigurðardóttir Ó. 8.18
3. Auður Erlendsdóttir í. 8.22
2 ára drengir: (2.5 km) 1
1. Ingvi Óskarsson Ó 11.12
2. Friðrik Einarsson ó. 11.29
3. Einar Hjörleifsson D. 11.40
11 ára drengir: (2 km)
1. Þórir Hákonarson S. 9.59
2. Jón Árnason Ó. 10.05
3. Bergur Gunnarsson Ó 10.28
10 ára drengir: (1.5 km)
1. Hlynur Jónsson Ó. 6.51
2. Sigurður Bjarnason Ó. 7.02
3. Guðlaugur Birgisson S. 7.36
9 ára drengir: (1 km)
1. Júlíus Sigurjónsson S. 5.41
2. Sigurður Oddsson í. 5.53
3. Kristinn Björnsson Ó. 5.57
12 ára drengir:
1. Brynjar Bragason
STÖKK:
12 ára drengir: stig
1. Brynjar Bragason Ó 216.9
2. Björn Brynjarsson Ó 206.1
3. Rúnar Kristinsson Ó 201.5
11 ára drengir: stig
1. Jón Arnarsson Ó. 203.1
2. Hafþór Hafþórsson S. 194.8
3. Ólafur Sigurðsson Ó. 188.8
10 ára drengir:
1. Kristinn Svanbergsson A. 183.4
2. Guðlaugur Birgisson S. 164.4
3. Jón Ingvi Ámason A. 163.1
9 ára drengir: stig
1. Grétar Björnsson Ó. 183.8
2. Sigurbjöm Þorgeirsson A. 182.7
3. Halldórs Bragason Ó. 181.5
Frjálsíþróttadeild KA hefur
undanfarin ár styrkt fjár-
hagsstöðu sína með því m.a.
að ganga í hús og safna tóm-
um flöskum, og hefur það
alltaf hlotið mjög góðar und-
irtektir hjá bæjarbúum.
f kvöld þriðjudag, miðviku-
dagskvöld og fimmtudagskvöld
hyggjast frjálsíþróttamenn
ganga í hús í bænum, og falast
eftir eftir flöskum. Allir munu
þeir verða vel auðkenndir í æf-
ingargöllum sínum. Bæjarbúar
eru hvattir til að taka vel á móti
þessu fólki og losa sig um leið
við tómu flöskurnar.
DAGUR•7