Dagur - 12.05.1981, Blaðsíða 1

IMGUR
64. árgangur Akureyri, þriðjudagur 12. maí 1981 37. tölublað
E^^gswB3æt«^agssiigBS3as-aHi^3SEM«»i8^g^^-----------------
TRULOFUNAR-
HRINGAR
AFGREIDDIR
SAMDÆGURS
GULLSMIÐIR
, SIGTRYGGUR & PÉTUR
' AKUREYRI
HJALTEYRI LIFNAR VIÐÁNÝ
- ÞAR SEM ÁÐUR VAR KALLAÐ DRAUGAÞORP ER NÚ AÐ BYGGJAST
UPP ATVINNUSTARFSEMI OG BÚIÐ ER I ÖLLUM HÚSUM NEMA EINU
„Þetta er allt í áttina hjá okkur
og hér er vaxandi búseta.
Menn eru að sjálfsögðu mjög
ánægðir með þessa þróun og
þeir sem búa á Hjalteyri una
yfirleitt glaðir við sitt,“ sagði
Ingimar Brynjólfsson, oddviti í
Arnarneshreppi við Eyjafjörð í
viðtaii við Dag, en sem kunn-
ugt er tilheyrir Hjalteyri þeim
hreppi.
Hjalteyri hefur lítið verið í
fjölmiðlum að undanförnu og er
af sem áður var, þegar Hjalteyri
var á hverri forsíðunni af annarri
í Reykjavíkurblöðunum. Þá var
ekki verið að fjalla um hægfara/
en jákvæða þróun eins og nú á sér
stað á Hjalteyri, heldur kaup eins
banka á hluta af byggðarlagi,
hálfgerðu draugaþorpi. Hrepp-
urinn keypti síðan af bankanum
og undir það síðasta hafa
einstaklingar keypt af hreppnum
og nú er svo komið, að búið er í
öllum húsum á Hjalteyri nema
einu. íbúarnir eru 62 að tölu. Það
er ekki langt síðan enga atvinnu
var að hafa á Hjalteyri, nema
sjósókn. Nú er þetta að breytast.
„Fiskverkun hófst hér í júlí í
fyrra er útibú Kaupfélags Eyfirð-
inga á Dalvík hóf að kaupa fisk til
verkunar hér og einnig að flytja
hingað hráefni til þurrkunar.
Fyrst var þetta skreiðarverkun, en
í febrúar s.l. hófst hér saltfisk-
verkun. Nú er jöfnum höndum
unnið við að verka í skreið og salt.
Þegar mest hefur verið að gera,
hafa unnið við fiskverkunina 12
manns og auk þess var vinna við
að koma upp skreiðarhjöllum.
Það má eiginlega segja, að engin
atvinnustarfsemi hafi verið rekin
hér síðan 1966, þegar Kveldúlfur
hætti hér rekstri, en félagið var
með umfangsmikla fiskverkun,
ekki síst síldarsöltun. Þó má
nefna að einstaka sjómenn hafa
verkað sinn eigin fisk og K.Jóns-
son og Co leigði um nokkurn tíma
gömlu verksmiðjuhúsin til
geymslu á síld og skapaðist þá
vinna fyrir 2-3 menn við að ann-
ast hana,“ sagði Ingimar oddviti.
„Þá má nefna, að KEA kom á
fót hér verslun um miðjan des-
ember í fyrra. Hún er talvert not-
uð af heimamönnum og fólk
kemur líka úr sveitinni til að
versla hér. Ef hins vegar allir úr
sveitinni versluðu hér þá væri
mikil verslun. Verslun hófst hér
1880 og var sem sagt endureist
einni öld síðar, eftir að hafa legið
niðri í 2-3 ár. Verslunin er opin í
tvo tíma fyrir og tvo tíma eftir
hádegi og ein húsmóðir á staðn-
um annast reksturinn. Verslunin
er í húsi sem hreppurinn á og
nefnist Mikligarður og stendur
uppi á brekkunni," sagði Ingimar
Brynjólfsson.
Hann nefndi einnig, að fjórar
trillur væru nú gerðar út frá
Hjalteyri, auk 10 tonna báts, sem
fór suður á vertíð. Nokkuð hefur
verið um að smábátar frá Akur-
eyri hafi lagt upp afla á Hjalteyri.
Aflabrögð voru léleg frá áramót-
um og fram í mars, en glæddust
mikið í apríl. Það sem gerir lönd-
un og fiskverkun mögulega eru
nýlegar hafnarframkvæmdir, en
að þeim hefur verið unnið í þrjú
Segja má, að stóriðja hafi verið
rekin á Hjalteyri þegar fiskverk-
unin stóð í sem mestum blóma.
Nú hafa menn sýnt Hjalteyri áh-
uga með annars konar stóriðju í
huga, þ.e. orkufrekan iðnað.
Ingimar var spurður hvernig
Hjalteyringum litist á það:
„Við fengum erindi frá staðar-
valsnefnd, eins og fjölmörg önnur
sveitarfélög, og höfum svarað því
til, að við séum til viðræðu um
málið.“
Fjölmenni
tók á móti
Kolbeinsey
Þegar Kolbeinsey ÞH 10 sigldi inn á
höfnina á Húsavík biðu fjölmargir
bæjarbúar á bryggjunni til að fagna
hinu nýja og glæsilega skipi, en
Slippstöðin á Akureyri afhenti
skipið í heimahöfn á sunnudag. AU-
margir gestir fóru með skipinu frá
Akureyri til Húsavíkur, þ.á.m.
nokkrir þingmenn kjördæmisins.
Sóknarprestur þeirra Húsvíkinga
blessaði og bað skipinu farsældar og
nokkur ávörp voru flutt við mót-
tökuathöfn á bryggjunni, þar sem
lúðrasveit lék. Um kvöldið hélt
bæjarstjórn Húsavíkur hóf fyrir
gesti og áhöfn og kom m.a. fram í
ræðu Bjarna Aðalgeirssonar, bæj-
arstjóra, að tilkoma skipsins yki
mjög atvinnuöryggi á Húsavík og
gert væri ráð fyrir að það yki
sjávarafla sem þar kæmi á land um
40%. Fjölmargar ræður voru fluttar
og luku menn lofsorði á skipið og
allan frágang þess.

rHVMia'
Hér sést hluti þeirra Húsvfkinga sem fögnuðu komu Kolbeinseyjar á sunnudag. Mynd: H.SV.
Bundið slitlag á 50 kílómetra
milli Akureyrar og Húsavíkur
— samkvæmt Vegaáætlun til næstu þriggja ára
Nú hefur verið gengið frá tillög-
um um skiptingu á vegafé og
vegaáætlun mun verða lögð
fram næstu dagana. Samkvæmt
áætluninni er gert ráð fyrir þó
nokkurri aukningu bundins slit-
lags á Norðurlandi, þó mörgum
finnist eflaust að hraðar mætti
vinna að þeim málum. Það sem
einkum vekur athygli í þessari
áætlun er það, að á næstu þrem-
ur árum, að þessu ári meðtöldu,
er gert ráð fyrir að leggja bundið
slitlag á helming leiðarinnar
milli Akureyrar og Húsavikur,
eða á um 50 kílómetra.
Á þessu ári verða lagðir 10
kílómetrar af bundnu slitlagi á Að-
aldalsveg, frá Tjörn og norður, en
eins og áður sagði eiga 50 km að
vera komnir með bundið slitlag á
leiðinni milli Akureyrar og Húsa-
víkur árið 1983.
Af öðrum helstu framkvæmdum
í vegamálum á Norðurlandi eystra
má nefna, að stefnt er að því að
ljúka við veginn um Víkurskarð á
næstu fjórum árum og ljúka á við
Sléttuveg, svonefndan hafísveg, á
næsta sumri.
Aðrar helstu framkvæmdir við
lagningu bundins slitlags eru þær,
að ljúka á við að leggja á veginn
milli Dalvíkur og Akureyrar á
næstu þremur árum, auk kaflans
frá Dalvík að Hóli, sem er um einn
kílómetri að lengd. Á þessu ári
verður lagt bundið slitlag á rum-
lega 9 kílómetra langan kafla á
Dalvíkurveginum.
í ár verður hafist handa við
lagningu bundins slitlags sunnan
Akureyrar frá flugvelli að vega-
mótum og síðan frá vegamótum að
Hvammi og Teigi að Kristnesvegi.
Samtals eru þetta um tveir
kílómetrar. Á áðurnefndu þriggja
ára tímabili verður lagt bundið
slitlag á rösklega 5 kílómetra lang-
an kafla á Hörgárdalsvegi og þá má
nefna það, að árið 1982 á að leggja
bundið slitlag á 4,5 km í þéttbýlinu
í Mývatnssveit og þar um kring.
Auka f ram-
leiðsluna
á frönskum
kartöflum
Nú er verið að athuga mögu-
leika á því að auka veru-
lega afköst kartöfluverk-
smiðjunnar á Svalbarðseyri.
Frönsku kartöflunum, sem
þar eru framleiddar, hefur
verið tekið mjög vel og hefur
verksmiðjan ekki undan að
framleiða, að sögn Svein-
bergs Laxdals, fréttaritara
Dags á Svalbarðseyri.
Sveinberg sagði, að undan-
farið hefði verið unnið á tveim-
ur vöktum í sextán tíma á sól-
arhring, þ.e. frá klukkan 7 á
morgnana til klukkan 11 á
kvöldin. Auk þess befur verið
unnið á einni vakt á laugardög-
um. Sjö manns starfa á hvorri
vakt, auk fjögurra við frystingu
og pökkun, þannig að verk-
smiðjan hefur skapað verulega
atvinnu á staðnum. í ráði er að
koma við meiri sjálfvirkni við
frystinguna og pökkunina.
Sveinberg sagði, að þegar á
heildina væri litið hefði starf-
semin gengið betur en bjartsýn-
ustu menn hefðu átt von á.
Markaðurinn hefði tekið vör-
unni vel og kartöflurnar hefðu
dugað vel til þessarar fram-
leiðslu.
AUGLÝSINGAR OG ÁSKRIFT: 24167 - RITSTJÓRN: 24166 OG 23207