Dagur - 14.01.1982, Blaðsíða 1

TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
65. árgangur
Akureyri, fimmtudagur 14. janúar 1982
4. tölublað
Mikil aukning í notkun strætisvagna á Akureyri:
Fluttu 10% bæjarbúa á
hverjum degi í desember
Farþegafjöldi hjá Strætisvögn-
um Akureyrar nær fimmfald-
aðist frá upphafi síðasta árs til
áramóta. Samfara fjölgun far-
þega hefur aksturstími á leið-
unum lengst til muna, og svo
virðist t.d. að það taki nú allt að
10 mínútum lengri tíma en áður
að aka leiðir 3 og 5. í skýrslu
Stefáns Baldurssonar, for-
stöðumanns SVA, kemur einn-
ig fram að nú er vaxandi þrýst-
ingur á aukinn akstur í Síð-
uhverfi. Stjóm SVA telur
nauðsynlegt að keyptur verða
a.m.k. einn nýr vagn á þessu
ári. „Öðru vísi verður vart hægt
að sinna strætisvagnaakstri um
öll hverfi bæjarins, svo og lög-
boðnum skólaakstri“.
Jóhannes Sigvaldason, stjórn-
arformaður SVA, sagði að í upp-
hafi síðasta árs hefðu farþegar
með vögnum SVA verið um 300
að meðaltali á dag. Fjöldi farþega
steig jafnt og þétt á árinu og í lok
þess var svo komið að vagnarnir
fluttu að meðaltali 1300 manns á
dag. „M.ö.o. ökum við 10%
bæjarbúa á hverjum degi “, sagði
Jóhannes, „sem er mun meira en
við gerðum ráð fyrir í upphafi“.
Tekjur SVA eru að sjálfsögðu
mun meiri en ráð var fyrir gert og
sagði Jóhannes ljóst að SVA
myndi skila rekstrarafgangi.
Fyrirtækið fékk á síðasta ári 980
þúsund í rekstrarstyrk frá Akur-
eyrarbæ og hefur stjórn SVA nú
beðið um 26% hækkun í rekstrar-
styrk fyrir 1982. Beiðni um kaup á
nýjum vagni er ekki inn í fram-
angreindum tölum, en talið er að
nýr vagn kosti hátt í tvær milljónir
króna. Ef nýr vagn bætist við flota
SVA verða ýmsar breytingar
gerðar á akstursleiðum vagnanna,
en Jóhannes taldi hæpið að far-
þegafjöldi ykist til mikilla muna
frá því sem nú er.
SVA hefur nú yfir að ráða
tveimur nýlegum Mercedes Benz
vögnum, einum Mercedes Benz
árg. 1971 og einum Volvo árg.
1961. Allsendis er óvíst hve lengi
síðast taldi vagninn fær að aka um
götur bæjarins því hann er orðinn
hrumur og fyrirsjáanlegur við-
gerðarkostnaður á honum. Sömu
sögu er að segja um vagninn frá
1971.
fjall
Sjá bls. 5
Þó að útgáfustarfsemi Dags sé komin ■ fullan gang í nýjum húsakynnum við Strandgötuna, er enn ýmislegt ógert. Ham-
arshöggin dynja í bland við ritvélaglamrið og þessir tveir, Héðinn Jónasson og Skapti Hannesson, sjást hér blanda
málningu á gólflnu þar sem væntanlegt afgreiðsiuborð verður, eftir að nýr inngangur hefur verið tekinn í notkun.
^ Mynd: áþ.
Arangurs-
rik borun
á Glerárdal
Að undanförnu hefur Narfi
verið að bora á Glerárdal og er
nú kominn á u.þ.b. 600 metra
dýpi. Að sögn Þorsteins Sig-
urðssonar, tæknifulltrúa Hita-
veitu Akureyrar, hefur vatn
aukist í holunni undanfarna
daga og er nú komin í um 20 Itr/
sek. af 50 til 60 stiga heitu vatni.
í upphaflegri áætlun var gert
ráð fyrir að bora allt að 1000
metra dýpi.Áframhaldiðræðst af
niðurstöðum mælinga. Ef nauð-
syn krefur er hægt að tengja þessa
holu við kerfi Hitaveitu Akureyr-
ar, með bráðabirgðaplastlögn.
Ekki hafa verið teknar ákvarðanir
í því máli.
Matvandur
„Látum þessa kappa í Lista-
hátíðarnefnd þá lönd og leið“
- segir Öm Þorsteinsson, sem á sæti í sýningarnefnd FÍM
„Línur varðandi þetta mál
skýrast vonandi næstu daga, en
það er ósk okkar í Félagi ís-
lenskra myndlistarmanna að
setja upp stóra myndlistarsýn-
ingu á Akureyri í tengslum við
Listahátíð í sumar,“ sagði Örn
Þorsteinsson, en hann á sæti í
sýningarnefnd FÍM.
„Þessi sýning, sem verður
nokkuð stór, er hugsuð sem okkar
framlag til Listahátíðar. Það er
ekki endanlega ákveðið hvernig
sýning þetta verður. Fyrst og
fremst er ætlunin að sýna úrval af
myndlistarverkum félagsmanna í
FIM og sýningarnefndin var búin
að ræða það, að æskilegast væri að
stefna að blandaðri sýningu með
ólíkum efnum og aðferðum.
Okkur fannst tími til kominn að
bjóða svona sýningu til Akureyr-
ar. Ákveðinn kjarni úr félaginu
fór til Akureyrar fyrir 10-12 árum
með sýningu og það má segja að
sýningin í sumar verði ekki ósvip-
uð þeirri sýningu sem sett var upp
þá.
Örn sagði það vel koma til
greina að fara með þessa sýningu
eða hluta hennar víðar um
Norðurland, þó enn ætti eftir að
ganga frá ýmsu áður en það gæti
orðið að veruleika. Ennfremur
sagði Örn að Helgi Bergs bæjar-
stjóri á Akureyri, hefði rætt við
menn frá Listahátíðarnefnd varð-
andi söng- eða tónleikahald, sem
hægt yrði að bjóða upp á um svip-
að leyti og sýning myndlistar-
mannanna stæði yfir. Er þá helst
verið að hugsa um að reyna að fá
hingað einhverja erlenda tónlist-
armenn sem sækja Listahátíð
heim.
„Það virtust vera einhver ljón f
veginum varðandi það að heim-
færa þessa sýningu á Akureyri
undir Listahátíð. Til þess að fá þá
margvíslegu fyrirgreiðslu sem
Listahátíð fær þyrfti sýningin í
rauninni að vera hérna í Reykja-
vík. En við höfum fullan hug á því
að fylgja þessu máli eftir og látum
þessa kappa þarna í Listahátíðar-
nefnd bara lönd og leið, ef þeir
geta ekki samþykkt þetta,“ sagði
Órn Þorsteinsson að lokum.
LJngur maður sem hefur á leigu
frystihólf í Frystihúsi KEA á
Akureyri, hefur tvívegis í vetur
fengið heimsókn þjófs í hólf
sitt.
í haust var brotist inn í hólflð
á þann hátt að klippa í sundur
net sem er i hugðinni, og var þá
stolið fjórum niðursöguðum
kjötskrokkum.
Þegar eigandi hólfsins ætlaði
síðan að fara í hólf sitt um jólin
og sækja þangað jólahangi-
kjötið sitt, kom hann að svo til
tómu hólfínu. Hafði verið
stolið úr því m.a. talsverðu af
hangikjöti, tveimur lærum,
þremur rúílupylsum og tveim-
ur frampörtum. Hinsvegar
hafði þjófurinn skilið eftir
hækla og rif, og er greinilegt að
þessi þjófur, sem væntanlcga
hefur gætt sér og sínum á
stolnu kjöti um jólin, er mat-
vandur maður og stelur ekki
hverju sem er.