Dagur - 02.02.1982, Blaðsíða 4

ÚTGEFANDI: ÚTGÁFUFÉLAG DAGS
SKFIIFSTOFUFI: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SÍMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Næg atvinna tryggð
fyrir alla landsmenn
Öflugt atvinnulíf og næg atvinna fyrir alla
landsmenn. Hjöðnun verðbólgu. Trygging
kaupmáttar. Þetta eru höfuðmarkmið ríkis-
stjórnarinnar í efnahagsmálum. Þessi höf-
uðmarkmið eru hin sömu og lögð voru fram í
efnahagsáætlun frá 31. desember 1980 og á
liðnu ári tókst að ná þessum markmiðum í
stærstum dráttum. í þessari nýju efnahags-
áætlun segir m.a.:
„Langvarandi samdráttur í efnahagslífi
víða um heim gerir íslendingum erfiðara að
halda uppi nægri atvinnu. Þetta tókst þó á
nýliðnu ári og ríkisstjórnin mun áfram hafa
það að leiðarljósi við mörkun efnahagsstefn-
unnar, að tryggð verði næg atvinna fyrir alla
landsmenn. Ríkisstjórnin mun miða aðgerð-
ir sínar í efnahagsmálum við það, að þessu
höfuðmarkmiði verði náð.
Vegna ytri aðstæðna verður torsóttara en
í fyrra að ná stórum áfanga í hjöðnun verð-
bólgu. Á síðasta ári lækkaði verðbólgan eins
og að var stefnt úr um 60% sem hún hafði
verið undanfarin tvö ár, niður í um 40%.
Ríkisstjórnin hefur nú að nýju sett sér
markmið í efnahagsmálum, sem hún telur
raunhæf við núverandi aðstæður í þjóðar-
búinu. Stefnt verður að því, að verðbólgan
frá upphafi til loka ársins 1982 verði ekki
meiri en um 35% og að hraði verðbólgunnar
verði kominn niður í um 30% á síðari hluta
ársins.
Á liðnu ári tókst með hjaðnandi verðbólgu
að verja kaupmátt ráðstöfunartekna al-
mennings, en án sérstakra aðgerða í upp-
hafi ársins hefði kaupmátturinn rýrnað.
Ríkisstjórnin mun einnig á þessu ári leggja
áherslu á að verja kaupmátt eins og kostur
er.“
I ráðstöfunum ríkisstjórnarinnar eru síðan
taldar upp þær leiðir sem fara skal til að ná
þessum markmiðum. Meðal þeirra má nefna
viðræður við samtök launþega og aðra hags-
munaaðila atvinnulífsins um nýtt viðmiðun-
arkerfi í stað núverandi vísitölukerfis. Kapp-
kostað verður að bæta og jafna starfsskilyrði
atvinnuveganna með niðurfellingu gjalda
og aðgerðum til styrktar samkeppnis-
iðngreinum. Aðhald í peningamálum verður
aukið, ráðstafanir verða gerðar til að draga
úr erlendum lántökum og auka innlendan
sparnað á nýjan leik. í verðlagsmálum verð-
ur við það miðað að draga úr opinberum af-
skiptum af verðmyndun og auka sveigjan-
leika í verðmyndunarkerfinu. Þá verður
dregið úr verðlagshækkunum með lækkun
tolla og auknum niðurgreiðslum. Niður-
skurður verður gerður á ríkisútgjöldum og
sparnaður aukinn í rekstri ríkisins og stofn-
ana þess. Nefndar eru ýmsar fjáröflunarleið-
ir og athyglisvert er, að ríkisstjórnin mun
taka til sérstakrar athugunar vanda þeirra
sem í fyrsta sinn kaupa eða byggja eigið
íbúðarhúsnæði.
Ráostefna um
atvinnumál
á Norðurlandi
Dagana 5. og 6. febrúar nk.
verður haldin ráðstefna um
atvinnumál á Norðurlandi á
vegum Fjórðungssambands
Norðlendinga í samvinnu við
aðila vinnumarkaðarins.
Verður hún haldin í Félags-
miðstöðinni í Lundarskóla á
Akureyri og hefst kl. 20.00
þann 5. febrúar og daginn
eftir byrjar hún kl. 10.00 ár-
degis. Gert er ráð fyrir að
henni Ijúki milli kl. 17 og 18 þá
um daginn. Ráðstefnan er
boðuð sveitarstjórnum, at-
vinnumálanefndum, verka-
lýðsfélögum, samtökum
vinnuveitenda, framleiðslu-
fyrirtækjum svo og öðrum
sem hlut eiga að máli, en
áhersla skai lögð á að hún er
öllum opin.
Dagskrá ráðstefnunnar er
mjög fjölþætt. Hún verður hafin
með átta stuttum framsöguer-
indum um ástand atvinnumála í
fjórðungnum í dag. Verða þar
kynntar niðurstöður atvinnu-
málakönnunar Fjórðungssam-
bands Norðlendinga, niðurstöð-
ur rannsóknar, sem gerð hefur
verið á vegum Kjararannsókn-
arnefndar, einnig verða erindi
um þörfina á nýjum atvinnu-
tækifærum á Norðurlandi og er-
indi um atvinnuleysisskráningu í
fjórðungnum. Þá munu fulltrúar
aðila vinnumarkaðarins skýra
frá viðhorfum sínum til stöðu
atvinnumálanna.
Síðari dagur ráðstefnunnar
hefst með þrem erindum um
nýjungar sem ætla má að aukið
geti fjölbreytni í atvinnulífinu.
Kynntur verður þáttur iðnhönn-
unar í framleiðslu, sagt frá nýj-
ungum í fiskiðnaði og fjallað um
úrvinnslu úr áli.
Pallborðsumræður verða síð-
an með þátttöku þeirra sem
framsögu höfðu daginn áður.
Bjarni Aðalgeirsson, bæjar-
stjóri á Húsavík, formaður
Fjórðungssambandsins, setur
ráðstefnuna og slítur henni, en
fundarstjóri ráðstefnunnar
verður Helgi M. Bergs, bæjar-
stjóri á Akureyri, varaformaður
sambandsins.
Á undanförnum árum hefur
Fjórðungssamband Norðlend-
inga staðið fyrir að jafnaði einni
ráðstefnu á ári. Flestar tengjast
þær atvinnumálum fjórðungsins
á einhvern hátt og er þar
skemmst að minnast ráðstefnu
um orkubúskap og orkufrekan
iðnað, sem haldin var á vegum
sambandsins fyrir ári síðan. Nú
eru þó liðin tíu ár frá því að gerð
hefur verið heildarúttekt á
atvinnumálum á þennan hátt af
hálfu Fjórðungssambandsins.
Það út af fyrir sig er verðugt til-
efni þess að slík úttekt sé gerð
nú. En vissulega er tilefnið jafn-
framt annað og meira.
Síðustu tíu ár hefur orðið
mikil uppbygging á sviði
atvinnumála á Norðurlandi, sem
þýtt hefur að sæmilegt jafnvægi
hefur haldist í byggð fjórðungs-
ins í heild. Þessi uppbygging hef-
ur byggst á eflingu sjávarútvegs
og fiskvinnslu samfara yfir-
ráðum yfir fiskimiðunum og
stækkun fiskiskipastólsins. Nú
eru flestir fiskistofnar lands-
manna fullnýttir, og sumir raun-
ar ofnýttir, og fiskiskip af
sumum talin of mörg, þannig að
nú þarf breytta stefnu og ný ráð.
Þegar hefur orðið vart vetrar-
atvinnuleysis á Norðurlandi eins
og áður þekktist og því þurfa
Norðlendingar nú að hefja nýja
sókn í atvinnumálum, ef fyrr-
nefnt byggðajafnvægi á ekki að
raskast á ný.
Þessi ráðstefna er hugsuð sem
upphaf slíkrar sóknar í þeirri
von að með víðtækri samstöðu
Norðlendinga um úrlausnir á
vandamálum atvinnulífsins tak-
ist að snúa þeirri stöðnun og
jafnvel afturför, sem merkja má
á sumum tilfellum, upp í hag-
stæða þróun fyrir íbúa fjórð-
ungsins og landsmenn alla.
DAGSKRÁ:
Föstudagur 5. febrúar:
kl. 20.00: Setning ráðstefnunnar.
Bjarni Aðalgeirsson formaður
Fjórðungssambands Norðlend-
inga.
Kl. 20.10: Atvinnumál á Norður-
landi: Niðurstöður atvinnumála-
könnunar Fjórðungssambands
Norðlendinga - Pétur Eysteinsson
iðnráðgjafi Norðurlands. Þörfin á
nýjum atvinnutækifærum á
Norðurlandi - Sigurður Guð-
mundsson, Byggðadeild Fram-
kvæmdastjórnunar ríkisins. Kynn-
ing á meginniðurstöðum rannsókn-
ar Kjararannsóknarnefndar -
Sveinn Úlfarsson, Kjararannsókn-
arnefnd. Atvinnuleysisskráning á
Norðurlandi. Niðurstöður frá
Vinnumáladeild Félagsmálaráðu-
neytis kynntar - Guðmundur Sig-
valdason, Fjórðungssamband
Norðlendinga. Ástand og horfur í
almennum iðnaði - Hjörtur Eiríks-
son, vinnumálasambandi sam-
vinnufélaga. Ástand og horfur í
byggingavinnu - Ingólfur Jónsson,
Landssamband iðnaðarmanna.
Ástand og horfur í fiskvinnslu -
Árni Guðmundsson, Vinnuveit-
endasamband íslands. Viðhorf Al-
þýðusambands Norðurlands - Þóra
Hjaltadóttir, forseti.
Kl. 22.30: Almennar umræður og
fyrirspurnir.
Laugardagur 6. febrúar:
Kl. 10.00: Kynning á iðnhönnun. -
Ástþór Ragnarsson.formaður Iðn-
hönnunarfélags íslands.
Kl. 10.20: Nýjungar í fiskiðnaði -
Jónas Bjarnason, forstjóri Rann-
sóknarstofnunar fiskiðnaðarins.
Kl. 10.40: Úrvinnslaúráli-Ásgeir
Leifsson, rekstrarverkfræðingur
Iðntæknistofnunar íslands.
Kl. 11.00: Almennar umræður og
fyrirspurnir.
Kl. 12.00: Matarhlé.
Kl. 13.30: Pallborðsumræður.
Stjórnandi: Helgi M. Bergs bæjar-
stjóri. Þátttakendur: Þóra Hjalta-
dóttir forseti AN, Bjami Einarsson
framkvæmdastjóri, Árni Guð-
mundsson framkvæmdastjóri,
Sveinn Úlfarsson hagfræðingur,
Hjörtur Eiríksson framkvæmda-
stjóri, Þórleifur Jónsson fram-
kvæmdastjóri.
Kl. 15.00: Almennar umræður.
Kl. 17.30: Niðurstöður ráðstefn-
unnar og ráðstefnuslit: Bjarni
Aðalgeirsson.
Fundarstjóri ráðstefnunnar
verður Helgi M. Bergs, bæjarstjóri
Akureyri. Ráðstefnan verður hald-
in í Félagsmiðstöðinni í Lundar-
skóla á Akureyri.
4-QAGUR 2. febrúar s