Dagur - 18.03.1982, Page 1

TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
65. árgangur
Akureyri, fimmtudagur 18. mars 1982
31. tölublað
„Það má segja að það hafi
gengið þokkaiega að halda veg-
inum opnum í vetur,“ sagði
Valdimar Steingrímsson Óiafs-
firði, í samtali við Dag, en
Valdimar hefur umsjón með
veginum fyrir Ólafsfjarðar-
múla.
„Það er misjafnt hve mörg
snjóflóð falla á veturna, en það
líður aldrei vetur án þeirra.
Stærsta snjóflóðið í vetur kom á
dögunum. Það var um 10 metrar á
hæð og 70 til 90 metrar á breidd.
Aðeins einu sinni hef ég mælt
stærra snjóflóð síðan vegurinn var
byggður. Annars hefur veturinn
ekki verið sérstaklega snjóþung-
ur.
Á vorin, þegar frost er að fara
úr jörðu, er svo alltaf eitthvað um
grjóthrun og það kemur fyrir að
snjóflóð falli þótt aðeins sé að
finna snjó í giljunum."
Að lokum var Valdimar spurð-
ur álits á því hvort ekki væri brýnt
að fá jarðgöng á þessum slóðum,
og leggja niður Múlaveginn.
Valdimar sagði að það væri sín
skoðun að það bæri að gera þessi
göng, og benti á að Vegagerð
ríkisins væri búin að gera frumat-
hugun á hugsanlegum stað, en
enn er ekki búið að taka neina
ákvörðun þar að lútandi.
Getraunin
Þeir, sem taka þátt í getraun Dags
og Samvinnuferða-Landsýnar,
eru beðnir um að senda lausnina á
hverri spurningu strax til Dags,
þar sem dregið er um aukavinn-
inga vikulega. Lausnirnar sendist
til Dags, í umslagi merkt: Dagur,
ferðagetraun, Strandgötu 31, 600
Akureyri.
Stofna Iðnþróunarfélag Eyiafjarðabyggða:
Mun stuðla að iðn-
þróun við Eyjafjörð
Á laugardagsmorguninn verð-
ur stofnfundur Iðnþróunarfé-
lags Eyjafjarðarbyggða hald-
inn á Hótel KEA. Umrætt fé-
lag verður í hlutafélagsformi,
og að sögn Helga M. Bergs
bæjarstjóra, mun ekki vera til
samskonar félag hér á landi.
„Tilgangur félagsins er sá að
stuðla að iðnþróun á Eyjafjarðar-
svæðinu með skipulegri leit að
hagkvæmum fjárfestingartæki-
færum á sviði iðnaðar og hafa
frumkvæði að stofnun slíkra fyrir-
tækja í samvinnu við aðra,“ sagði
Helgi M. Bergs, þegar Dagur
ræddi við hann í gær. „Það kemur
ekki í Ijós fyrr en á stofnfundinum
hve margir vilja gerast félagar í
fyrirtækinu. Akureyrarbær hefur
þegar ákveðið að leggja fram 400
þúsund krónur og Verkalýðsfé-
lagið Eining hefur ákveðið að
vera með, sömu sögu er að segja
um Kaupfélag Eyfirðinga.“
Aðspurður sagði Helgi að mörg
sveitarfélög við Eyjafjörð hefðu
sýnt fyrirhuguðu félagi áhuga.
Bæjarstjórarnir í Ólafsfirði og á
Dalvík voru í undirbúnings-
nefndinni ásamt Helga og Val
Arnþórssyni kaupfélagsstjóra.
Hlutafé var ákveðið tvær milljón-
ir, en samkvæmt stofnsamningi
var ekki gert ráð fyrir að bjóða
meira út en eina milljón á þessu
stigi.
Lækkun
fast-
eigna-
skatts á
Akureyri
„Um árabil hafa verið í gildi á
Akureyri reglur um Iækkum
fasteignaskatts af eigin íbúð
hjá efnalitlum elli- og örorku-
Iífeyrisþegum,“ sagði Sigurð-
ur ÓIi Brynjólfsson, bæjar-
fulltrúi í samtali við Dag. Á
bæjarstjórnarfundi sl. þriðju-
dag var rætt um nýjar viðmið-
unartölur og voru þær sam-
þykktar.
Hjá hverjum er fasteigna-
skatturinn lækkaður? Um það
gilda ákveðnar reglur, en það er
starfsfólk Skattstofunar sem
ákveður hverjir eiga rétt á lækk-
un og miðar við nýjasta skatt-
framtalið. Fólk þarf því ekki að
sækja um lækkun, hún kemur
sjálfkrafa hjá þeim sem falla
undir settar reglur. Sem dæmi
má geta þess að fasteignaskattur
fellur að fullu niður hjá einstakl-
ingum með tekjur allt að 2.250
umfram upphæð, sem svarar til
lífeyris með tekju-
tryggingu, hann fellur einnig
niður hjá hjónum með tekjur
allt að 4.500 umfram upphæð,
sem svarar til lífeyris með tekju-
tryggingu. Hámark skuldlausar
eignar má vera 800 þúsund.
Röskar 3 milljónir
á einum degi
„Þetta fólk var að greiða gjald-
fallin fasteignagjöld og útsvar.
Eg geri ráð fyrir að þennan dag
hafi innheimst um 3,3 milljónir
króna, sem er gott,“ sagði Rafn
Hjaltalín, bæjargjaldkeri. Á
mánudag var gjalddagi og
myndaðist löng biðröð á bæjar-
skrifstofunni og var myndin hér
að ofan tekin skömmu fyrir lok-
un skrifstofunnar.
Rafn sagði að Akureyringar
væru skilvisir og tók fram að það
væri mikið þakkarefni þeim sem
störfuðu við innheimtuna. „Fólk
er farið að nota sér vaxtatímabilið
til hins ítrasta og af þeirri ástæðu
er mikið að gera síðasta daginn.
Svona ástand myndast í hverjum
mánuði í eina þrjá daga í senn, en
síðasti dagurinn er verstur. Seinni
hluta ársins lagast ástandið
nokkuð, því þá er fólk búið að
greiða fasteignagjöldin og víða
eru útsvör innheimt hjá kaup-
greiðanda.“
Það kom fram hjá Rafni að álag
á starfsfólk skrifstofunnar væri
mikið þegar Akureyringar
flykkjast þangað til að greiða
gjöldin sín. „Við erum fáliðuð og
eigum erfitt með að sinna svona
toppum, auk þess húsrýmið sem
er ekki mikið,“ sagði Rafn.
Mikil ös var i afgreiðslunni.
Sæluvika Skagfiróinga hefst á laugardaginn:
„Hef lagt áherslu á
að lífga upp á hana“
„Sæluvikan var orðin það fast-
mótuð að það var ekki hægt að
bregða út af, án þess að menn
yrðu vel varir við það. í fyrra
var ákveðið að gera breytingar
á þessari Sæluviku, en þegar á
reyndi var ekki mjög mikill vilji
fyrir hendi, menn eru nefnilega
fastheldnir á forna siði,“ sagði
Ólafur Jónsson framkvæmda-
stjóri Sæluvikunnar, í samtali
við Dag.
Sæluvikan hefst á laugardaginn
og verður mikið um dýrðir á
Sauðárkróki í röska viku. Ólafur
sagði að von væri á tugum gesta
víðsvegar að af landinu og til að
auðvelda fólki að komast, bjóða
Flugleiðir 30% „Sæluvikuaf-
slátt“.
„Við byrjum á laugardag með
Lúðrasveit Kópavogs klukkan 3.
Þann dag verður einnig kvik-
myndasýning og dansleikur um
kvöldið. Þessi sæluvika verður í
fjölbreyttara lagi, en ég hef lagt
mikla áherslu á að lífga upp á
hana. Nú verða t.d. tvær miðnæt-
ursýningar á leikritum og dans-
leikur á þriðjudegi verður felldur
niður,“ sagði Ólafur og bætti því
við að hann vonaðist til að sjá sem
flest andlit á Sauðárkóki um
Sæluvikuna.