Dagur - 19.03.1982, Blaðsíða 4

ÚTGEFANDI: ÚTGAFUFÉLAG DAGS
SKRIFSTOFUR: STRANDGATA31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Flutningsráð
ríkisstofnana
í april 1972 var skipuð nefnd til að kanna stað-
arval ríkisstofnana og athuga hverjar breyt-
ingar komi helst til greina í því efni. Nefndin
kynnti sér alls 243 stofnanir og athugaði 157
þeirra sérstaklega. Nefndin skilaði áliti í októ-
ber 1975, þar sem lagt var til að flytja stofnanir
út á land og 12 deildir ríkisstofnana, setja á
laggirnar 36 útibú og efla 11 útibú sem fyrir
væru. Nefndin lagði til að stofnað yrði sérstakt
Flutningsráð ríkisstofnana, til að hafa yfirum-
sjón með þessari meiri háttar stjórnkerfisað-
gerð.
Nú eru brátt full tíu ár frá því nefndin um-
rædda var sett á laggirnar. Lítið sem ekkert
hefur gerst. Frumvarp um þetta efni hefur ver-
ið lagt fram á alþingi þrisvar sinnum og í fjórða
sinn nú á þessu þingi. Þingmenn landsbyggð-
arinnar ættu nú að taka saman höndum og
koma þessu þjóðþrifamáli í gegn um þingið og
krefjast þess síðan, að farið verði að vinna að
þessum málum. Stofnanaflutningur í talsverð-
um mæli er þjóðhagslega nauðsynlegur, auk
þess sem það er sjálfsagður réttur íbúa lands-
byggðarinnar að fá aukna hlutdeild í því opin-
bera kerfi, sem hefur aðsetur sitt á höfuðborg-
arsvæðinu.
Lítil atvinnuppbygging hefur verið í landinu
að undanförnu og eru ástæður til þess ýmsar.
Fjármagnskostnaður hefur aukist gífurlega,
þannig að menn leggja ógjarnan í miklar fjár-
festingar. Þetta hefur meðal annars komið
niður á byggingastarfsemi á Akureyri og
víðar. Á höfuðborgarsvæðinu er hins vegar
miklu meira en nóg að starfa fyrir iðnaðar-
menn. Og hver skyldi ástæðan vera? Skýringin
liggur að stórum hluta til í því, að þangað fer
fjármagnið, sem aflað er um allt land, og það
fer meðal annars í að byggja upp opinberar
þjónustustofnanir í Reykjavík.
Meðal þeirra verkefna sem Flutningsráði
ríkisstofnana er ætlað að hafa samkvæmt
frumvarpinu, er að veita umsögn eða gera til-
lögur um staðaval nýrra ríkisstofnana og taka
staðsetningu alls ríkiskerfisins til endurskoð-
unar með reglulegu millibili, t.d. einu sinni á
hverjum áratug. Þá á Flutningsráðið að annast
heildarskipulagningu og yfirumsjón með
flutningi ríkisstofnana. Samkvæmt frumvarp-
inu eiga alþingi og einstök ráðuneyti að leita
umsagnar ráðsins, áður en ákvarðanir eru
teknar um staðaval nýrra ríkisstofnana eða
breytingu á staðsetningu eldri stofnana.
Ráðið skal leita umsagnar nokkurra aðila, þar
á meðal Sambands íslenskra sveitarfélaga og
Landshlutasamtaka sveitarfélaga.
Hér er gott mál á ferðinni - mál sem tekur
langan tíma að hrinda í framkvæmd, svo ein-
hverju nemi - og því er tímabært að fara að
samþykkja lagafrumvarpið um Flutningsráð
ríkisstofnana, sem hefur verið 10 ár í undir-
búningi.
Sigurdnr Oli Brynjólfsson hæjarfiilltnii
Iðnþróimar-
félag Eyja-
Ij arðarby ggða
Samvinnustarf í Eyjafirði er
löngum tekið sem dæmi um
góðan ávöxt sem samtök
manna geta borið. Manna
sem búa við ólíkar aðstæður á
margan hátt en eiga sameig-
inlegra hagsmuna að gæta.
Styrkur þessara eyfirsku sam-
taka hefir meðal annars verið
í því fólginn að hagsmunir
einstaklinga og einstakra
svæða hafa verið metnir sem
hagsmunir heildarinnar en
jafnframt hafa hagsmunir
heildarinnar verið metnir sem
hagur einstaklinga á félags-
svæðinu.
Nú þegar flestum er augljós
sú staðreynd að gera verður
sérstakt átak til eflingar
atvinnulífi á Eyjarfjarðar-
svæðinu, ekki eingöngu ein-
um stað til framdráttar heldur
heildinni, þá er ekki óeðlilegt
að menn leiði hugann að hinu
vel heppnaða samvinnustarfi
og leiti þar nokkurrar fyrir-
myndar.
Það eru því áreiðanlega
mjög margir sem binda vonir
við stofnun Iðnþróunarfélags
Eyjafjarðarbyggða sem verið
hefir afllengi í undirbúningi
og heldur stofnfund sinn nú
um helgina. Öllum sveitarfé-
lögum á svæðinu er boðið að
gerast aðilar að félaginu
ásamt kaupfélögum og nokkr-
um öðrum félögum og væri
æskilegt að aðilar gætu orðið
úr innstu dölum til ystu nesja.
Það er almenn skoðun
manna hér að efling Eyja-
fjarðarsvæðisins sé sá kostur
sem líklegastur sé til að skapa
mótvægi við Faxaflóasvæðið
og þar með að tryggja að
nokkru jafnvægi í byggð
landsins.
Nú, þegar fyrir liggja spár
um verulega fjölgun vinnu-
fúsra handa á svæðinu næstu
árin, verður að vinna að efl-
ingu atvinnulífsins svo að
Eyjarfjarðarsvæðið geti
Sigurður ÓIi Brynjólfsson
áfram boðið uppvaxandi
æskufólki upp á bjarta og
glæsta framtíð þar sem fengist
er við skemmtileg viðfangs-
efni.
Þó að brýnt sé að bæta
stöðu núverandi atvinnu-
rekstrar ekki síst iðnaðarins,
sem hefir átt við tvíþætta erf-
iðleika að etja, þá er jafn-
framt augljóst að kanna verð-
ur hagkvæmni nýiðnaðar
margskonar, svo sem frekari
úrvinnslu landbúnaðar-og
sjáfarafurða, lífefnaiðnað og
orkufreks iðnaðar af ein-
hverju tagi. Og eins og að lík-
um lætur mun athugun iðn-
þróunarfélagsins fyrst og
fremst beinast að mögulegum
nýiðnaði. Það er því vanda-
samt verk sem framundan er
hjá væntanlegri stjórn og
starfsmönnum fyrirtækisins.
Það þarf áreiðanlega bæði
hugkvæmni og áræði en um-
fram allt þekkingu og góð
sambönd. Ekki er nema eðli-
legt að líta á stofnframlög sem
áhættufé sem að einhverju
leyti getur tapast en að sjálf-
sögðu vænta menn að aðrir
þættir beri þann vöxt að
nokkru sé hættandi.
Að lokum eru bornar fram
óskir að upp rísi ábatasamar
atvinnugreinar eða fyrirtæki
Eyjafjarðarbyggðum til
styrktar og að samhugur og
samheldni geti jafnan orðið
um það sem í verður ráðist.
%
4 - DAGUR -19. mars 1982