Dagur - 29.04.1982, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM,: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Nýja sókn á
traustum grunni
„Öflugt atvinnulíf er undirstaða allra fram-
fara. Þróttmikill rekstur samvinnumanna, ein-
staklinga og félagsrekstur bæjarbúa hefur
gert Akureyri að traustu bæjarfélagi með
mikla framtíðarmöguleika. Eyjafjarðarsvæðið
er ein heild og verður að skoða atvinnumálin í
ljósi þess.“ Þetta eru upphafsorðin í atvinnu-
málakaflanum í stefnuskrá framsóknarmanna
á Akureyri. Þar segir einnig m.a., að hlutverk
bæjarfélagsins sé að skapa aðstæður sem geri
atvinnuvegunum kleift að þrífast, en sveitar-
félagið eigi að öðru leyti ekki að taka beinan
þátt í rekstri fyrirtækja nema í sérstökum til-
vikum. Þá er gerð sú krafa til stjornvalda að
þau tryggi fyrirtækjum rekstrargrundvöll og
geri þeim þannig kleift að fjárfesta og auka
umsvif sín og þar með atvinnu.
Varðandi atvinnumál í framtíðinni telja
framsóknarmenn á Akureyri það höfuðatriði í
nýrri sókn í atvinnumálum, að þau fyrirtæki
sem þegar eru starfrækt í bænum nái að eflast
og auka umsvif sín. Bent er á að enn eru ónýtt-
ir fjölþættir möguleikar á aukinni úrvinnslu
landbúnaðar- og sjávarafurða og í því sam-
bandi er nefndur lífefnaiðnaður, til að vinna úr
slógi og öðrum úrgangi sláturdýra og sjávar-
afla. Fagnað er stofnun Iðnþróunarfélags
Eyjafjarðarbyggða og framsóknarmenn á
Akureyri munu beita sér fyrir könnun á mögu-
leikum í atvinnuuppbyggingu Akureyrar og
Eyjafjarðar. Á grundvelli slíkrar könnunar
verði síðan gerðar þær ráðstafanir sem tryggja
atvinnuöryggi íbúa svæðisins.
Það er fyrirsjáanlegt að á komandi árum
mun þjónusta ýmiskonar verða stærri þáttur í
atvinnulífi þjóðarinnar og telja framsóknar-
menn á Akureyri að þéttbýlisstöðum víða um
land beri sanngjarn hlutur í þeirri aukningu.
Þeir telja það réttlætiskröfu að ýmis opinber
þjónusta verði efld á Akureyri, t.d. með flutn-
ingi stofnana, nýjum menntastofnunum og
aukinni heilbrigðisþjónustu. Þá leggja fram-
sóknarmenn áherslu á bætta og aukna ferða-
mannaþjónustu og góðar samgöngur, svo
Akureyri geti gegnt hlutveki sínu sem þjón-
ustukjarni fyrir Norðurland.
Framsóknarmenn á Akureyri telja rétt að
innlend orka verði notuð til að efla atvinnulíf
og bæta enn afkomu á Eyjafjarðarsvæðinu. í
því sambandi vilja þeir að haft verði í huga, að
Eyjafjörður er vistfræðilega mjög viðkvæmt
i svæði og að ekki má stofna lífríki þess í hættu.
Þá verður að meta félagslega röskun vegna
framkvæmda og reksturs stórfyrirtækja og
kanna þarf þjóðhagslega hagkvæmni og hver
fjárhagslegur ávinningur Eyjafjarðarsvæðinu
er í slíkum fyrirtækjum.
Af þessu stutta yfirliti má ljóst vera, að
framsóknarmenn á Akureyri vilja byggja á
þeim trausta grunni sem þegar hefur verið
lagður í atvinnumálunum og efla það og auka
sem fyrir er, en flana ekki að neinu varðandi
orkufrek stóriðjufyrirtæki og taka ekki ákvörð-
un fyrr en vitað er hvað þar kynni að vera á
ferðinni.
Frá Dalvík.
„ Renna þarf fleiri
stoðum undir
atvinnulífið“
— segir Gunnar Hjartarson, sem skipar
baráttusætið á lista framsóknarmanna á Dalvík
Fyrir nokkru var birtur fram-
boðslisti framsóknarmanna
við bæjarstjórnarkosningarn-
ar á Dalvík. í þriðja sæti list-
ans og jafnframt baráttusæt-
inu er Gunnar Hjartarson
sparisjóðsstjóri. Hann fædd-
ist 16. október 1935 í Grinda-
vík, en fluttist til Akureyrar
fjögurra ára gamall. Hann
lauk prófi frá Samvinnuskól-
anum 1954 og starfaði síðan í
um 10 ár hjá Kaupfélagi Ey-
firðinga á Akureyri. Síðan í
Búnaðarbanka íslands á Ak-
ureyri, þar til hann tók við úti-
bússtjórastarfi Búnaðarbank-
ans á Hellu. í ársbyrjun 1979
hóf hann störf sem sparisjóðs-
stjóri í Sparisjóði Svarfdæla á
Dalvík.
- í starfi þínu sem sparisjóðs-
stjóri á Dalvík hefur þú komið í
nána snertingu við atvinnulífið.
Hvað finst þér um ástand mála í
þeim efnum?
„Atvinnumálin hafa verið í
nokkuð góðu lagi hér á Dalvík,
en hins vegar nokkuð einhæf.
Þar á ég við að sjósókn og
vinnsla sjávarafurða hefur veitt
langflestumatvinnu. Núfrá ára-
mótum hefur hins vegar sigið á
verri hliðina vegna aflabrests
netabátanna. Framsóknarmenn
á Dalvík hafa löngum lagt á það
mikla áherslu að atvinnulífið
þyrfti að verða fjölbreyttara og
sú þróun sem orðið hefur í sjáv-
arútvegi styður þau sjónarmið.
Því er nú nauðsynlegt að renna
fleiri stoðum undir atvinnulífið
með aukinni fjölbreytni. Þó má
ekki gleyma því að Dalvíkingar
byggja sína afkomu fyrst og
fremst á sjávarfangi og því er
áframhaldandi uppbygging
hafnarmannvirkja forgangsmál
að mínu mati, því án góðrar
hafnaraðstöðu erum við illa
settir.
Stofnun Iðnþróunarfélgas
Eyjafjarðarbyggða ætti að geta
komið að liði við uppbyggingu
nýrra atvinnugreina, en það sem
Dalvíkingar geta gert sjálfir og
mig langar til að nefna er t.d.
bygging iðngarða, sem bæjarfé-
lagið gæti haft forustu um að
hrinda íframkvæmd. Mérdettur
í hug, að nýta mætti afgangsork-
una í hitaveituvatninu og bæta
þyrfti aðstöðu og auka atvinnu
sem tengist komum og móttöku
ferðamanna."
- Hvernig er ástand í hús-
næðismálum?
„Nú eru í byggingu 6 íbúðir á
félagslegum grundvelli og má
segja að slíkt fyrirkomulag hafi
reynst nokkuð vel til að bæta úr
húsnæðisþörfinni, sem alltaf er
fyrir hendi. Halda þarf áfram á
þessari braut, sérstaklega vegna
þess hve erfitt er orðið fyrir ungt
fólk að byggja yfir sig vegna
mikils fjármagnskostnaðar.
Jafnframt þarf bærinn að sjá til
þess að framboð á lóðum til
Gunnar Hjartarson.
íbúða- og atvinnuhúsnæðis sé
ávallt fyrir hendi og það hefur
reyndar verið í mjög góðu lagi. “
- Nú hef ég heyrt það, að
jafnvel Akureyringar eigi það til
að skreppa á skíði til Dalvíkur.
Er aðstaða til íþróttaiðkana í
góðu lagi á Dalvík?
„Á undanförnum árum hefur
bæjarfélagið stutt dyggilega við
uppbyggingu skíðaaðstöðu í
Böggvisstaðafjalli og það kom í
ljós, að um leið og aðstaðan kom
fór fólk að flykkjast á skíði. Nú
er hins vegar tímabært að snúa
sér að uppbyggingu fyrir aðrar
greinar íþrótta og á ég þar eink-
um við þrennt, þ.e. byggingu
sundlaugar, gerð grasvallar og
stækkun íþróttahúss. Þá tel ég
eðlilegt að bæjarfélgaið komi til
móts við óskir og þarfir hesta-
manna, en hestaíþróttin er sí-
vaxandi.'1
- Hverjar hafa verið helstu
framkvæmdir á vegum bæjarfé-
lagsins á því kjörtímabili sem nú
er að líða?
„Fyrir utan hefðbundnar -
framkvæmdir eins og varanlega
gatnagerð og fleira hefur verið
unnið að byggingu þriggja
mannvirkja sem eru elliheim-
ilið, heilsugæslustöðin og ráð-
húsið. Það er geysilega mikið í
fang færst að vinna að þessum
stórframkvæmdum öllum í einu,
en vel hefur tekist til og má segja
að allar þessar byggingar séu á
lokastigi. Brýnast er nú að ljúka
við elliheimilið, bæði vegna
þarfarinnar sem fyrir hendi er,
auk þess sem það væri vel viðeig-
andi á ári aldraðra.
Af öðrum málum langar mig
til að nefna, að nauðsynlegt er
að koma upp aðstöðu fyrir hin
ýmsu frjálsu félagasamtök í
bænum og við verðum alltaf að
hafa opin augun fyrir fegrun
bæjarins.
Þrátt fyrir geysimiklar fram-
kvæmdir er staða bæjarsjóðs vel
viðunandi. Við verðum eftir sem
áður að reyna að sníða okkur
stakk eftir vexti og það er því
brýnna, sem verr horfir í okkar
höfuðatvinnugreinum, sjávar-
útvegi og fiskvinnslu. Öll okkar
framtíð og áframhaldandi upp-
bygging er háð því að góð
atvinna haldist og því eru
atvinnumálin meginverkefni
komandi bæjarstjórnar."
- Sú saga gengur á götum úti
á Dalvík, að þú sért á förum úr
bænum. Hverju svarar þú því?
„Já, ég hef heyrt að þessi orð-
rómur gangi um bæinn, vafa-
laust tilkominn meðal pólitískra
andstæðinga. Þetta á enga stoð í
veruleikanum og þessi orðróm-
ur hefur komið upp eftir að ég
gaf kost á mér í 3. sætið á B-Iist-
anum.
Ég hef starfað hér í rúmlega
þrjú ár og líkað vel og hef ekki í
hyggju að breyta til. Ég skipa 3.
sætið á lista framsóknarmanna,
eins og ég sagði áðan, og ég vil
leyfa mér að skora á kjósendur á
Dalvík að sýna okkur það traust
að kjósa B-listann, þannig að við
fáum að minnsta kosti þrjá
menn kjörna, en litlu mátti
muna að við næðum því í síðustu
kosningum. Vænlegasta leiðin
til að tryggja áframhaldandi
uppbyggingu á Dalvík er að
kjósa lista framsóknarmanna.“
4 - DAGUR - 29. apríl 1982