Dagur - 18.05.1982, Blaðsíða 1

MIKiÐ
ÚRVAL AF
SKARTGRIPA-
SKRÍNUM
GULLSMIÐIR
SIGTRYGGUR & PÉTUR
AKUREYRI
65.árgangur
Akureyri, þriðjudagur 18. maí 1982
53. tölublað
Boðað hefur verið tíl nauðung-
aruppboðs hjá Jökli h.f. á
Raufarhöfn 25. maí n.k. Mun
það raunar ekki í fyrsta skipti á
síðustu mánuðum sem slíkt
uppboð vofir yfir, en þeim hef-
ur til þessa verið frestað.
Eins og kunnugt er hefur rekst-
ur Jökuls h.f. gengið erfiðlega
undanfarið og stöðvast t.d. í 2-3
mánuði í fyrrahaust. Prátt fyrir
nokkra fyrirgreiðslu í vetur virðist
nú stefna í sömu erfiðleikana
aftur hjá fyrirtækinu.
Kosninga-
og skemmti
fundur
B-listans
að Hótel
K.E.A.
Framsóknarflokkurinn á Ak-
ureyri gengst fyrir kosninga-
og skemmtifundi að Hótel
KEA n.k. fimmtudagskvöld
kl. 20,30..
Ýmislegt verður þar til
skemmtunar. Hinn landskunni
háðfugl Ómar Ragnarsson
skemmtir af alkunnri snilld, fé-
lagar úr harmonikuklúbbnum
leika og nemendur úr Tónlistar-
skólanum ieika.
Jón Sigurðarson, Úlfhildur
Rögnvaldsdóttir og Sigfríður
Angantýsdóttir flytja stutt
ávörp. Boðið verður upp á
ókeypis kaffiveitingar. Áður er
skemmtunin hefst mun Lúðra-
sveit Tónlistarskólans leika fyrir
framan hótelið, en fundarstjóri
á þessum mikla fundi framsókn-
armanna verður Hjörtur Eiríks-
son.
Skorað er á alla að mæta, en
vakin er sérstök athygli á því að
hér er um skemmtun fyrir alla
fjölskylduna að ræða.
Sigurður Jóhannesson:
Bærinn greiðir 1.5 millj.
kr. meira en honum ber
Fyrir þetta fé væri hægt að byggja dagvistarrými fyrir 60
börn á hverju 3ja ára tímabili
Eitt meginatriðið í stefnu fram-
sóknarmanna við bæjarstj-
órakostningarnar á Akureyri er
að áfram verði haldið þeirri
framkvæmdarstefnu sem ríkt
hefur, en aðhalds verði gætt í
öllum rekstri bæjarins. I um-
ræðum í sjónvarpssal á sunnu-
daginn gerði Sigurður Jóhann-
esson, annar maður á lista
flokksins, þetta að umræðuefni
og tók dæmi, sem lýsir þessari
meginstefnu ákaflega vel.
Sigurður Jóhannesson sagði:
„Þessu til skýringar skal ég nefna
eitt dæmi. 270 börn njóta dagvista
í leikskólum bæjarins, en sam-
kvæmt skýrslu félagsmálaráðs er
talið að foreldrar 300 barna bíði
þess að fá úrlausn fyrir sín börn.
Vegna þessa 270 dagvistarplássa
greiðir Akureyrarbær á árinu
1982 þrjar og hálfa milljón króna,
þ.e. einni og hálfri milljón króna
meira en bænum ber að greiða
samkvæmt lögum. Pað er því búið
að skapa niðurgreidda forrétt-
indaaðstöðu fyrir þá, sem hafa
verið svo heppnir að njóta þessar-
ar þjónustu. Niðurgreiðslan getur
í vissum tilfellum verið réttlætan-
leg, en ef bæjarfélagið gæti notað
þessa umframpeninga til upp-
byggingar, þá væri t.d. hægt að
byggja fyrir þá dagvistarrými fyrir
60 börn á hverju þriggja ára tíma-
bili.“
Stefna framsóknarmanna er
með öðrum orðum sú, að þeir sem
nota þjónustu sem bærinn hefur
byggt upp, eigi að greiða fyrir
hana í einhverju samræmi við
raunverulegan kostnað, svo meiri
peningum megi veita til uppbygg-
ingar og framkvæmda. Þetta á
ekki hvað síst við um þjónustu
sem langt er frá því að fullnægja
raunverulegum þörfum.
A sunnudaginn var sýning á vinnu nemenda í Glerárskóla. Þarna mátti sjá fagurlega gerðar vinnubækur, smíðisgripi
og útsaumaða púða svo að eitthvað sé nefnt. Fjöldi fólks heimsótti Glerárskólann sl. sunnudag, en þar tók áþ. þessa
mynd aftveimur námsmeyjum.
Nauðungar-
uppboð á
Jöklihf.?
Kosninga-
útvarp
Sigurður Óli Brynjólfsson:
„Leggjum verk okkar
undir dóm bæjarbúa“
„Við framsóknarmenn
leggjum verk okkar undir dóm
bæjarbúa og göngum bjartsýnir
tíl kosninga, bjartsýnir á að
fólk meti framkvæmdastefnu
okkar. Við treystum bæjarbú-
um til að halda áfram að byggja
upp öflugt og þroskavænlegt
samfélag og væntum trausts
þeirra og stuðnings við stefnu
okkar, til að svo megi verða“,
segir Sigurður Óli Brynjólfs-
son, efsti maður á lista fram-
sóknarmanna m.a. í stuttu við-
tali, sem birtist í opnu blaðsins í
dag.
Varðandi atvinnumálin segir
Sigurður m.a., að meginmálið sé
að viðhalda bjartsýni og framfara-
vilja fólksins sjálfs. Það megi ekki
koma því svo fyrir, að hræðslu-
áróður valdi því að menn sjái eng-
ar lausnir nema aðfengnar frá
öðrum. „Við höfum það mikið
álit á Akureyringum og Eyfirð-
ingum, að það sé ekki ofverkið
þeirra að vinna sig upp úr þeim
örðugleikum sem nú eru um sinn
og raunar hefur allt of mikið verið
gert úr“.
Varðandi orkufrekan iðnað
segir Sigurður m. a. að við verðum
að vera þátttakendur í nýtingu
orkunnar. „Það er einn sá hlutur
sem alltaf vill gleymast í þessari
umræðu. Hann er sá, að Akureyr-
arbær hefur sjálfur ekkert land
undir stóran orkufrekan iðnað.
Mér finnst það neðan við lág-
markskurteisismörk við nágranna
okkar, ef Akureyringar láta sem
þeir geti og eigi að ráðstafa landi
þeirra undir slíkan atvinnurekst-
ur. Þess vegna legg ég mikla
áherslu á, að samstarf um skipu-
lag og landnýtingu Eyjafjarðar-
svæðisins verði styrkt og þannig
lagður grundvöllur að sameigin-
legri stefnu öllum íbúum svæðis-
ins í hag“.
Sjá nánar í opnu.
í kvöld, þriðjudagskvöld, verður
kosningaútvarp með frambjóð-
endum allra flokka sem bjóða
fram til bæjarstjórnarkosninga á
Akureyri. Utsendingunni verður
skipt í þrjá hluta, fyrst fær hver
listi 8 mínútur til umráða fyrir
framboðsræður, síðan verður
beint fjórum spurningum til hvers
lista, sem þeir síðan svara. í lokin
hefur hver listi 5. mín. til ráðstöf-
unar fyrir framboðsræður.
Utvarpað verður á miðbylgju í
gegnum endurvarpsstöðina í
Skjaldarvík.