Dagur - 18.05.1982, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM,: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Samstarf Eyfirðinga
í viðtali við Sigurð Óla Brynjólfsson, efsta
mann á lista framsóknarmanna á Akureyri,
segir hann m.a.: „Nú er mikið rætt um stóriðju
eða ekki stóriðju við Eyjafjörð. Það er einn
hlutur sem alltaf vill gleymast í þessari um-
ræðu. Hann er sá að Akureyrarbær á sjálfur
ekkert land undir orkufrekan iðnað. . . Þess
vegna legg ég mikla áherslu á að samstarf um
skipulag og landnýtingu Eyjafjarðarsvæðisins
verði styrkt og þannig lagður grundvöllur að
sameiginlegri stefnu öllum íbúum svæðisins í
hag. Það er mín skoðun að Eyfirðingar verði að
leggja áherslu á að hér rísi upp iðnaður sem
nýtir orku, sem við komum til með að fram-
leiða, en það verður að nást gott samkomulag
um það hvers konar iðjuver verður reist,“
sagði Sigurður Óli Brynjólfsson um þetta
atriði.
Landsbyggðin og
kosningar
Um næstu helgi verður kosið um það hverjir
eigi að hafa forystu um málefni sveitarfélaga
næstu fjögur árin. Á öllum þéttbýlisstöðum í
Norðurlandskjördæmi eystra hafa framsókn-
armenn haft þessa forystu á kjörtímabilinu
sem nú er að ljúka. Víðast hafa verið miklar
framfarir og full atvinna þrátt fyrir óhagstæðar
ytri aðstæður. Enginn þjóð í Vestur-Evrópu
hefur búið við jafn gott ástand þessi ár og við
íslendingar. í þeim þjóðlöndum sem íhalds-
öflin hafa ráðið hefur atvinnuástandið verið
verst og óréttlætið þar af leiðandi verst. Fram-
sóknarflokkurinn setur það ofar öðrum stefnu-
málum sínum að gripið sé til allra tiltækra ráða
til að koma í veg fyrir atvinnuleysi hvar sem er
í landinu. Með því að kjósa lista framsóknar-
manna strika menn um leið undir kröfuna um
fulla atvinnu og gera sitt til að við henni verði
orðið.
í þeim kosningum sem nú fara í hönd er
kosið um það hvort breyting verður á í megin-
atriðum, hvort horfið verði frá því að byggja
upp atvinnulífið á félagslegum grundvelli, eða
hvort horfið verður til viðreisnarástands sjálf-
stæðismanna og krata, þegar algjör stöðnun
ríkti á landsbyggðinni. Hvarvetna á Norður-
landi eystra snýst kosningabaráttan um það
hvort framsóknarmenn hafa áfram forystu í
framfarasókn landsbyggðarinnar, verða eftir
kosningar í þeirri aðstöðu að geta framfylgt
og haldið uppi þeirri baráttu og meginstefnu-
máli sínu.
Sigur Framsóknarflokksins í komandi kosn-
ingum er sigur norðlenskra byggða.
4 - DÁGUR-18: maí 1982
Til stjórnar foreldrasamtakanna á Akureyri:
Meginþröskuldur
í uppbyggingu
dagvista er
öfugsnuið
rekstrarfyrirkomuiag
í 50. tbl. Dags birtir stjórn for-
eldrasamtakanna á Akureyri
opið bréf til frambjóðenda og
bæjarstjórnar Akureyrar og
er í bréfinu vikið að félags-
málaráði Akureyrar. Sá þátt-
ur bréfsins þarfnast leiðrétt-
ingar.
1. Ranglega er haldið fram, að
félagsmálaráð hafi ekki mark-
að sér stefnu í dagvistarmál-
um. Rétt er, að á fundi sínum
10. jan. 1979 samþykkti fé-
lagsmálaráð Akureyrar
„Stefnumótun í félagsmálum“
þar sem „ráðið leitast við að
skilgreina almenn markmið
og í samræmi við þau, verk-
efnin, sem ráðið hyggst beita
sér fyrir á kjörtímabilinu“.
Stefnumótun þessi var gefin
út í fjölriti. Þar er fjallað um
stefnumótun ráðsins í dagvist-
armálum (s. 4 til og með 6) og
meðal annars sett fram áætlun
um það, hvernig og hvenær
meintri dagvistarþörf á Akur-
eyri verði fullnægt. Þetta
plagg fékk hver sem hafa vildi
ókeypis, það var rækilega
kynnt, mig minnir í öllum
bæjarblöðum, a.m.k. eitt
blaðanna birti dagvistar-
kaflann í heilu lagi, það hefur
mjög oft verið vitnað til þess,
bæði í ræðu og riti, bæði á Ak-
ureyri og utan. Það er leitt, ef
svo veigamikið málsgagn hef-
ur alveg farið framhjá for-
eldrasamtökunum.
2. Foreldrasamtökin sendu
félagsmálaráði bréf, dagsett
15. okt. 1981, með fyrirspurn
um framtíðarstefnu ráðsins í
uppbyggingu dagvista. Því er
ranglega haldið fram, að „við
þessu bréfi hafi ekkert svar
borist enn“. Rétt er, að dag-
vistarfulltrúi Félagsmála-
stofnunar Akureyrar mætti á
aðalfund foreldrasamtakanna
og hélt erindi, þar sem hann
fyrir hönd ráðsins, gerði grein
fyrir stefnunni í uppbyggingu
dagvista. Leitt er, ef það fór
framhjá stjórn foreldrasam-
takanna. Svo að öllu sé hins
vegar til skila haldið, þá hefði
verið betri kurteisi að svara
bréfi þessu fyrr. Það færist
undirrrituðum til skuldar,
ekki félagsmálaráði. Ástæða
þess er, að þegar bréfið barst,
í okt. var ráðið að byrja að
undirbúa tillögur sínar til fjár-
hagsáætlunar í þessum mála-
flokki. Þar til þeim undirbún-
ingi er lokið, var örðugt að
gera sæmilega grein fyrir
næstu skrefum í dagvistarmál-
um. Þau urðu í rauninni ekki
Jón Bjömsson.
ljós fyrr en bæjarstjórn nýver-
ið endanlega samþykkti fjár-
hagsáætlun fyrir árið 1982,
svo sem öllum er kunnugt. Er-
indi þessu hefur því verið
svarað, það var gert seint, af
fyrrnefndri ástæðu, og hér
með er beðið afsökunar á því.
3. í bréfi foreldrasamtakanna
segir ranglega „Um stefnu í
rekstri og innra starfi dagvista
hefur afar fátt sést frá Félags-
málaráði . . .“ Á liðnu kjör-
tímabili lét félagsmálaráð fara
fram „könnun á innra starfi
dagvistarstofnana ásamt skil-
greiningu á markmiðum
þeirra“. Niðurstaða þeirrar
könnunar var gefin út í bókar-
formi upp á 54 síður. Bókinni
var víða dreift, ef það mætti
vekja umræðu. Meðal annars
var stjórn foreldrasamtak-
anna afhent ein 200 eintök -
eða voru það 250 eintök? - til
dreifingar eða sölu, samtök-
unum til ágóða. Leitt þykir
mér, ef bók þessi hefur farið
framhjá stjórn foreldrasam-
takanna, en þar er margt at-
hyglisvert sagt um innra starf
dagvista. Þá þykir mér sömu-
leiðis leitt, ef önnur umræða
um innra starf og rekstur dag-
vista á vegum ráðsins hefur fa-
rið framhjá foreldrasamtök-
unum. Þau mál eru til stöðug-
rar umfjöllunar hjá ráðinu og
starfsmönnum þess. Ýmislegt
hefur líka verið á seyði í þess-
um efnum nú að undanförnu,
sem vafalítið væri forvitnilegt
fyrir foreldrasamtökin að
kynna sér, úr því það hefur
ekkert af því frétt hingað til,
ég vil nefna: breytta opnun-
artíma dagvista, sveigjanleg-
an dvalartíma barna, nýjung-
ina sex tíma vist á leikskóla,
undirbúningstíma fóstra,
þriggja ára þakið, breytt inn-
ritunarfyrirkomulag, nýjar
leiðir í stjórnun, nýjung í
hönnun dagvista o.m.fl.
4. Þá er í bréfinu agnúast út í
stefnuskráratriði einhvers
stjórnmálaflokks, það að
„beita aðhaldi í rekstri“ dag-
vistarstofnana, og réttilega
bent á, að það eitt sé engin
lausn. Hitt er heldur engin
lausn, að láta eins og rekstur
sveitarfélaga sé fjárhagslega
vandræðalaus fyrir sveitarfé-
lögin. Hið sanna er, að rekstr-
arfyrirkomulag dagvista er
svo öfugsnúið, að það er fyrir
löngu orðið meginþröskuld-
urinn í uppbyggingu þeirra,
miklu meiri heldur en meintur
illvilji einhverra stjórnmála-
flokka. Dagvistun fyrir öll
börn er nánast óhugsandi, sé
ekki gerð breyting á lagafyr-
irmælum um rekstur dagvista/
tekjustofna sveitarfélaga. Því
fyrr sem einhver, foreldra-
samtök eða stjórnmálaflokk-
ur, kemur á framfæri breyt-
ingu hér á, því betra, það er
ólíkt gagnsamara en að karpa
um jafnsjálfsagðan hlut og
það, að aðhaldi skuli beitt í
rekstri.
Ég held að markmið for-
eldrasamtakanna og félags-
málaráðs gagnvart málefnum
barna séu næsta áþekk. Báðir
aðilar ættu í samvinnu að geta
einbeitt sér að þeim markmið-
um. Vonandi hefur hvorugt
þessara opnu bréfa áhrif þar
á.
Jón Björnsson,
félagsmálastjóri.