Dagur - 09.11.1982, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSÍMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÓRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Kjördæmamálið
Framsóknarmenn bæði í Norðurlandskjör-
dæmi eystra og vestra hafa lagst gegn fjölgun
þingmanna og kom það fram á kjördæmis-
þingum framsóknarmanna í báðum kjördæm-
um. í ályktun sem samþykkt var á kjördæmis-
þingi framsóknarmanna í Norðurlandi vestra
sem haldið var á Húnavöllum 24 október sl.
var því beint til þingmanna Framsóknar-
flokksins og væntanlegs flokkþings að lögð
verði rík áhersla á að alþingismönnum verði
ekki fjölgað frá því sem nú er.
„Þingið telur að ekki komi til greina að
fækka kjördæmakjörnum þingmönnum frá því
sem nú er og bendir á að mögulegt er að
breyta reglum um úthlutun uppbótarsæta í
fjölmennustu kjördæmunum. Þó mega engin
tvö samliggjandi kjördæmi hljóta meira en zh
hluta þingmanna, “ eins og segir í ályktun frá
kjördæmisþingi framsóknarmanna í Norður-
landi vestra.
Framsóknarmenn í Norðurlandskjördæmi
eystra fjölluðu einnig um kjördæmamálið með
eftirfarandi hætti: „Þingið leggur áherslu á
vandaða og alhliða endurskoðun stjórnar-
skrárinnar sem mæli fyrir um mannréttindi og
meðferð valds í þjóðfélaginu — höfuðmarkmið
grundvallarlaga. Mannréttindi ráðast af
mörgum þáttum. Vægi atkvæðisréttar er það
eitt af mörgu, en ýmis aðstaða til áhrifa og
mótunar lífskjara er afdrifarík.
Kjördæmisþing getur stutt breyttar reglur
um úthlutun uppbótarþingsæta er jafni tölu-
legan atkvæðisrétt, en leggur jafnhliða ríka
áherslu á öfluga landsbyggðarstefnu er jafni
augljósan aðstöðumun manna á landinu með
víðtæku félagslegu og efnahagslegu jafnrétti.
Kjördæmisþing styður hugmyndina um eina
málstofu á Alþingi. “
Það er eftirtektarvert að eini stjórnmála-
flokkurinn í landinu sem nefnt hefur jöfnun
annarrar aðstöðu jafnframt jöfnun atkvæðis-
réttar er Framsóknarflokkurinn. Það er stað-
reynd sem ekki verður hrakin að íbúar lands-
bygíjðarinnar búa við allt aðra og lakari að-
stöðu til áhrifa í þjóðfélaginu. Aðgangur þeirra
að valdastofnunum þjóðfélagsins er miklum
mun ógreiðari en þeirra sem búa á höfuðborg-
arsvæðinu. Það er mikill misskilningur að ætla
að öll mál ráðist á Alþingi og þó að atkvæði
íbúa landsbyggðarinnar hafi vegið meira í
þingkosningum en þeirra sem búa á suðvest-
urhorni landsins hefur það ekki dugað til að
rétta hlut hinna fyrrnefndu. Framsóknarflokk-
urinn er eina stjórnmálaaflið í þjóðfélaginu
sem barist hefur fyrir því að rétta hlut íbúa
landsbyggðarinnar. Það sýnir sig enn og aftur
að eina raunhæfa landsbyggðarstefnan kem-
ur frá Framsóknarflokknum - landsbyggðar-
stefna sem miðar að því að rétta hlut þeirra
sem verr eru settir í þjóðfélaginu, koma á meiri
jöfnuði í þjóðfélaginu.
Fjölgun þingmanna á Reykjavíkur- og
Reykjanessvæðinu ein sér, án jöfnunar ann-
arrar aðstöðu, eykur ójöfnuðinn í þjóðfélaginu.
4 -p DAGUR - 9. növember 1982
Betri vegir
fleiri slys
Á undanförnum árum hafa
orðið miklar breytingar til
þess betra í vegamálum Þing-
eyinga. Sérstaklega á þetta
við um árið í ár. Bundið slitlag
var lagt á veginn frá Húsavík
og allt suður fyrir brúna á
Skjálfandafljóti, ef undan er
skilinn vegarstubbur við
Laxamýri.
Það er í sjálfu sér mikið fagn-
aðarefni að fá nýja og góða vegi
og margt jákvætt um það að
segja. Því miður eru neikvæðar
hliðar á þessu máli líka. Það er
dapurleg staðreynd að eftir því
sem vegirnir batna fjölgar þeim
sem slasast í umferðinni. Þetta
kom meðal annars fram í samtali
við Þröst Brynjólfsson yfirlög-
regluþjón á Húsavík.
Þröstur ságði að ökuhraðinn
þokaðist sífellt upp á við undir
öllum skilyrðum. Alvarlegum
umferðarslysum hefur fjölgað
mikið. Fleiri eru fluttir á sjúkra-
hús og þeir eru meira slasaðir en
áður. Sama er að segja um öku-
tækin sem eyðileggjast og
skemmast í auknum mæli.
Á virkum dögum eru aðeins
tveir lögregluþjónar á vakt í
Húsavíkurlögreglunni, sem
þýðir að annar þeirra verður að
sinna störfum á sjálfri lögreglu-
stöðinni, því ekki þykir það góð
latína að ekki sé hægt að ná til
lögreglunnar í síma. Hinn sem
er á vaktinni gegnir því störfum
úti við. Um helgar eru hinsvegar
þrír menn á vakt og geta þá tveir
gegnt störfum úti. Til þess að
radarmælingar séu löglegar þarf
tvo menn, svo radarmælingar á
vegum eru fyrst og fremst gerðar
um helgar, þegar tími er til.
Hinsvegar er það svo að helg-
arnar eru mesti annatími lög-
reglu vegna dansleikja og ann-
arra skemmtana, þannig að lítill
tími gefst til þess. Taldi Þröstur
æskilegt að verja meiri tíma til
mælinga og sagði máli sínu til
stuðnings að þrátt fyrir að þess-
um málum væri ekki sinnt sem
skyldi væru fleiri teknir fyrir of
hraðan akstur en áður.
Til að forvitnast betur um
störf lögreglunnar var Þröstur
beðinn að gefa okkur upp ein-
hverjar tölur og samanburð við
stöðuna, eins og hún var í byrjun
nóvember í fyrra. Það var auð-
sótt mál en þess ber að geta að
allar tölur sem eiga við um þetta
ár eru „grófar“, þar sem yfirlits-
skýrslur eru aðeins gerðar tvisv-
ar á ári, þ.e. um mitt ár og við
áramót. Samkvæmt því lítur
dæmið þannig út:
Skráð umferðaróhöpp í fyrra
116 á móti 128 í ár.
Ekkert dauðaslys varð í um-
ferðinni í fyrra, í ár eru þau orð-
in tvö.
Um þetta leyti í fyrra var búið
að taka 27 ökumenn grunaða um
ölvun við akstur en í ár eru þeir
orðnir 35, þar af tveir unglingar
á vélhjólum.
Það sem ef til vill er merkileg-
ast við þá ökumenn sem hafa
verið teknir grunaðir um ölvun i
ár er ekki fjöldinn sem slíkur,
þótt vissulega sé hann ærið um-
hugsunarefni. Nei, það er hinn
lági meðalaldur ökummann-
anna, sem reynist vera aðeins
24,8 ár!
Hvað ofbeldi í heimahúsum
viðkemur sagði Þröstur að það
virtist fara vaxandi og líkams-
árásum hefið fjölgað til muna.
Eftir alla þessa upptalningu,
sem varla getur talist jákvæð,
var Þröstur spurður hvort ekki
örlaði á glætu einhversstaðar.
Jú, svartnættið réði ekki alls-
staðar ríkjum, því alvarlegum af-
brotum, s.s. auðgunarbrotum
hefur fækkað í Þingeyjarsýslum
á þessu ári. p.B. - Húsavík.
Frá Húsavík.
Þroskahjálp á
Norðurlandi vestra
Félagið Þroskahjálp á Norður-
landi vestra var stofnað 4. sept-
ember sl. en stofnfundurinn var
haldinn í Sjálfsbjargarhúsinu á
Sauðárkróki.
Tilgangur félagsins er að berj-
ast fyrir réttindum og vinna að
málefnum þroskaheftra og
tryggja þeim fulla jafnréttisað-
stöðu á við aðra þjóðfélagsþegna.
Að vinna að því að komið verði
upp í sem flestum þéttbýlisstöð-
um á svæðinu þeirri þjónustu fyrir
þroskahefta sem ráð er fyrir gert í
lögum hverju sinni og að þroska-
heftum verði þannig veitt sem
best skilyrði til að ná þeim þroska
sem hæfileikar þeirra leyfa og
að starfsorka þeirra verði nýtt.
Og einnig að annast kynningu á
málefnum þroskaheftra með út-
gáfustarfsemi eða á annan hátt.
Félagar geta allir orðið sem
áhuga hafa á málefnum þroska-
heftra og þeir sem gerast félagar
fyrir áramót gerast stofnfélagar.
Á stofnfundinum var kosin
fyrsta stjórn félagsins og skipa
hana Jón Dýrfjörð formaður,
Halldóra Ragnarsdóttir ritari,
Kristján ísfeld gjaldkeri og annast
hann einnig tengsl við fjölmiðla,
Eymundur Þórarinsson varafor-
maður og Sigríður Höskuldsdótt-
ir meðstjórnandi.
Félaginu er skipt í fjórar deild-
ir. Halldóra Ragnarsdóttir er
aðalmaður Siglufjarðardeildar,
Eymundur Þórarinsson aðal-
maður Skagafjarðardeildar, Sig-
ríður Höskuldsdóttir aðalmaður
A.-Húnavatnsdeildar og Kristján
ísfeld aðalmaður V.-Húnavatns-
deildar.