Dagur - 14.12.1982, Blaðsíða 3

2000 jólatré úr Suður-Þingeyjarsýslu í stofur landsmanna
Bændaskógar
eru í siónmáli
Ný
hljómplata
með tveim
lögum
eftir Karl
Jónatansson
Ný hljómplata er væntanleg á
jólamarkaðinn einhvern næstu
daga. Þar er á ferð 2ja laga
plata, bæði lögin eftir Karl
Jónatansson. Karlakór Akur-
eyrar syngur bæði lögin og
undirleik annast tíu manna
hljómsveit undir stjórn Karls.
Annað lagið er Bóndavalsinn
með ljóði Jónasar Friðriks
Guðnasonar. Höfundum þótti
tími til kominn að bændurnir
eignuðust sinn vals og þó fyrr
hefði verið. Hitt lagið tileinkar
höfundur æskustöðvum sínum,
Akureyri og nágrenni með róm-
antísku ljóði eftir Einar Kristjáns-
son frá Hermundarfelli. Þessi lög
litu dagsins ljós fyrir nokkrum
árum en vegna framtaksleysis hef-
ur dregist að koma þeim til al-
mennings segir höfundur. Trú-
lega hefðu bæði hafnað í rusla-
körfunni ef sonur Karls, Jónatan,
hefði ekki sýnt sig í að vera föður-
betrungur með framtakssemi.
Það sem mælir með plötunni, sem
heppilegri tækifærisgjöf er auk
gæða efnis og flytjenda, hressileg-
ur söngur bændastéttarinnar, því
flest eigum við rætur að rekja til
sveitarinnar. Hvað Akureyrar-
marsinum viðkemur höfðar hann
óneitanlega meira til Eyfirðinga
búsettra og burtfluttra. Platan
er unnin í Stúdíó Bimbó og er-
lendis.
Um 2000 jóiatré úr Suður-
Þingeyjarsýslu verða Ijósum
prýdd í stofum landsmanna um
þessi jól. Trén verða seld í
Þingeyjarsýslu, Eyjafírði og í
Reykjavík. Skógrækt ríkisins
selur um 1200 tré sem að mestu
eru fengin úr Þórðarstaða-
skógi, Vaglaskógi og Ystafells-
skógi. Þá selur Skógræktarfé-
lag Þingeyinga um 400 tré, sem
fengin eru úr Fessselsskógi.
Einnig selja tveir bændur í
Kinn jólatré, þeir Sigurður
Marteinsson og Friðgeir Jóns-
son í Ystafelli. Þau tré eru feng-
in úr Ystafellsskógi. Þessar
upplýsingar fengum við hjá
Friðgeiri bónda í Ystafelli sl.
sunnudag.
Hann sagði að langmestur hluti
þessara jólatrjáa væri rauðgreni.
Hinsvegar sagði hann að stefnt.
væri að því að koma upp trjáteg-
undum sem væru barrheldnari en
rauðgrenið, s.s. blágreni, stafa-
furu og þin (eðalgreni). Friðgeir
var spurður hvort hann teldi að
skógrækt gæti orðið atvinnugrein
á íslandi.
„Hún er það þegar og á eftir að
vaxa stórlega. Starfsemi Skóg-
ræktarfélags Þingeyinga hefur
aukist mikið síðustu árin. Hún
byggist mest á sölu jólatrjáa sem
hægt er að auka verulega. Enn
sem komið er eru flest trén flutt
inn, en það á eftir að breytast.
Bændaskógar eru í sjónmáli. Eftir
þá reynslu sem fengin er af heimil-
isreitum er sýnilegt að þeir eiga
fullan rétt á sér. Auk þess getur
rétt nýting birkiskóganna gefið
umtalsverða atvinnu.
Ég vil. í því sambandi benda á
að til landsins er nú flutt mikið
af svokölluðum grillkolum, sem
hægt er að framleiða hér heima.
Þá er hægt að nýta birkið í staura
og allskyns smíðavið."
- Það hafa margir kvartað
undan því að jólatrén hafa misst
barrið löngu áður en jólin eru
liðin. Hvað vilt þú segja um það?
„Já, það er rétt þetta hefur
stundum verið vandamál. Þetta
fer mikið eftir því hvernig sumar-
ið er. Si. sumar var mjög gott og
útlit er fyrir að trén verði með
betra móti í ár. Nú er það orðinn
fastur liður í starfsemi skógrækt-
armanna að bera köfnunarefnis-
áburð á trén, en áburðurinn eykur
barrheldni trjánna verulega.
Hinsvegar vil ég benda á að það er
hægt að eyðileggja öll tré með
rangri meðferð. Það má t.d. ekki
taka trén úr kulda og frosti og
setja þau beint inn í hlýja stofuna.
Það verður að þíða þau upp áður.
Best er að geyma trén í kulda,
jafnvel frosti, en varast að það
næði um þau kaldir vindar. Þegar
þau eru svo tekin inn er best að
þíða þau upp í vatni, t. d. setj a þau
í baðkar og sprauta yfir þau köldu
vatni. Aður en þau eru sett niður
þarf að skera neðan af stofninum
með beittum hníf, til að opna sog-
æðar trésins. Ekki má saga neðan
af stofninum með sög, því þá
merjast æðar og lokast, og tréð
getur ekki drukkið. Best er að láta
þau standa í vatni eðan í fötu með
sandi í og vökva þau reglulega.“
Kynnist
grænmetistorginu
Þar veljið þið ávextina og
grænmetið við ykkar hæfi.

Kjörbúð KEA
Sunnuhlíð
|H
Nú borgar sig að líta inn!
Aldrei meira, glæsilegra
né fjölbreyttara úrval
★ FOT
★ JAKKAR
★ FRAKKAR
★ BUXUR
★ SKYRTUR
★ PEYSUR
★ HANSKAR
KREDITKORT
VELKOMIN
Herradeild
sími23599
★ SLOPPAR
★ NÁTTFÖT
★ STAKKAR
★ BINDI
★ KVEN-
SKÍÐAGALLAR
KVEN-SKÍÐA-
SAMFESTINGAR
LEÐURJAKKAR
14. desember 1982 - DAGUR - 3