Dagur - 21.12.1982, Blaðsíða 15

Mikið verk framundan fá svæði félagsins:
„Ætlum að koma upp mini-golfi
af bestu gerð strax og snjóa
leysir og frost fer úr jörðu“
- segir Sigurður Oddsson formaður Þórs
„Það er búið að gera frum-
rannsóknir vegna félagsheimils-
ins svo sem jarðvegsrannsóknir,
og þá erum við farnir að ræða
fjármálin í sambandi við bygg-
inguna. Við héldum nýlegafund
um þetta mál og strax að honum
loknum var hafist handa við
teikningu hússins,“ sagði Sig-
urður Oddson, formaður Þórs,
er hann var inntur eftir því sem
næst væri á dagskrá af fram-
kvæmdum á íþróttasvæði félags-
ins.
Eins og menn muna var hinn
glæsilegi grasvöllur félagsins
tekinn í notkun sumarið 1980 -
og síðan hefur verið unnið að
undirbúningi frekari fram-
kvæmda á svæðinu. Að sögn
Sigurðar er nú einnig verið að
undirbúa tvo tennisvelli austan
við malarvöllinn. Mestum
undirbúningi er nú þegar lokið -
aðeins á eftir að keyra jöfnunar-
lagið og síðan að malbika. Sagði
Sigurður að vellirnir yrðu komn-
ir í gagnið sem fyrst í vor, helst í
maí.
En er ekki brýnt verkefni að
girða svæðið og loka því þannig
fyrir óþarfa umferð?
„Jú, það er vissulega mjög
aðkallandi mál að girða, en það
er einnig mjög dýrt. Ég veit ekki
hvenær við drífum okkur í það
verkefni. Það verður nú senni-
lega ekki næsta sumar, þar sem
nokkuð margtannaðliggurfyrir
að gera þá. Ég hef þegar nefnt
tennisvellina, og þá get ég nefnt
að við erum ákveðnir í að koma
upp mini-golfi á svæðinu í vor.
Við ætlum að hafa það austan
við malarvöllinn undir klöpp-
inni - fyrir norðan tennisvellina.
Við ætlum að koma þessu upp
eins fljótt og hægt er með vorinu
- strax og snjóa leysir og frost
fer úr jörðu. Við erum búnir að
ganga lengi með þessa hugmynd
í maganum, en hér er um að
ræða mini-golf af fullkomnustu
gerð.
Geturðu ekki sagt mér eitthvað
um fyrirhugaða byggingu félags-
heimilis?
„Húsið er áætlað um 700m2
að stærð og í því verður búnings-
aðstaða, þrekæfingarherbergi,
gufubað og hvíldarherbergi,
tveir litlir fundarsalir, sem hægt
verður að breyta í einn stóran,
stjórnarherbergi, jafnvel smá
kaffitería. Þetta eru svona þau
atriði sem mönnum hefur dottið
í hug, draumur okkar er sá að
um L- eða T- laga byggingu geti
orðið að ræða þar sem búnings-
aðstaðan yrði að fyrstu á einni
hæð, og kaffistofa og fundar-
salirnir yrðu í álmu sem yrði
tveggja hæða. Ef húsið yrði
skemmtilega staðsett væri
hugsanlegt að koma upp útiveit-
ingahúsi á þaki minni byggingar-
innar þar sem sitja mætti í skjóli
og fylgjast með leikjum.“
Hvað með svæðið norðan
grasvallarins, er ákveðið hvað um
þann blett verður?
„I svæðið fyrir norðan gras-
og malarvellina, alveg á milli
þeirra og Skarðshlíðar er mein-
ingin að koma upp gras æfinga-
svæði, sem verður u.þ.b. tveir og
hálfur til þrír hektarar.
Framkvæmdum viðþettahef-
ur það staðið fyrir þrifum að svæð-
ið þarf að slétta, plægja og síðan að
sá í það, en það er ekki hægt fyrr
en búið er að ganga frá dren-
lögnum frá hinum völlunum.
Við ætluðum að ráðast í það
verkefni í haust, en þetta er
mjög fjárfrekt fyrirtæki þannig
að við hættum við það. Megin
ástæðan fyrir því var sú að næsta
sumar á að hefjast handa við
byggingu sundlaugar við Glerár-
skóla og mun drenið úr henni
verða lagt á milli vallanna okkar
og út í Skarðshlíð, þannig að við
munum verða með í þeirri lögn.
Þetta verður sem sagt gert
næsta sumar, þannig að ekki
ætti að líða svo langur tími þar
til sáð verður í þetta æfinga-
svæði“, sagði Sigurður.