Dagur - 24.02.1983, Blaðsíða 8
RAFGEYMAR
í BfLINN, BÁTINN, VINNUVÉUNA
VEUIÐ RÉTT
MERKI
187
rúmlesta
bátur til
Hríseyjar
Útgerðarfélagið Njörður hf.,
sem er að meirihluta til í eigu
KEA, hefur fest kaup á Ólafi
Magnússyni EA 250, 187 rúm-
lesta bát smíðuðum í Noregi
árið 1960. Seljandi er Valtýr
Þorsteinsson hf. en það fyrir-
tæki gerir út Þórð Jónasson EA
350 og rekur frystihúsið
Norðursfld hf. á Seyðisfirði.
Ólafur Magnússon EA 250
verður í framtíðinni gerður út frá
Hrísey og að sögn Vals Arnþórs-
sonar, kaupfélagsstjóra þá verður
skipið búið til togveiða á næstunni
en báturinn verðureinnig notaður
til línuveiða og hefur auk þess
kvóta til síldveiða ef svo ber
undir. Valur Arnþórsson sagði að
aðalástæðan fyrir því að ráðist var
í þessi kaup væri sú að afkastageta
frystihússins í Hrísey hafi hvergi
nærri verið fullnýtt, en vonast er
til þess að þessi bátur bæti þar úr
og tryggi saman með Snæfellinu
sem Utgerðarfélag KEA gerir út,
jafnt framboð hráefnis til frysti-
hússins í Hrísey.
Ólafur Magnússon EA 250 er
mjög vel búinn tækjum og fylli-
lega sambærilegur við hvaða bát
af sömu stærðargráðu í dag.
Konurfunda
Á fundi hjá kvennaframboðinu á
Akureyri fyrir nokkru var ákveð-
ið að kanna grundvöll fyrir sér-
stöku kvennaframboði á Norður-
landi-eystra við næstu Alþingis-
kosningar.
í framhaldi af þessum fundi var
ákveðið að halda kynningarfundi
í kjördæminu, á Húsavík á laug-
ardaginn og á Dalvík á sunnudag.
Frá afhendingu Ólafs Magnússonar EA 250 - Sigurður Jóhannesson, fúlltrúi og Valur Arnþórsson, kaupfélags-
stjóri,Hreiðar Valtýsson, hjá Valtý Þorsteinssyni hf. og Jóhann Þór Haiidórsson, útibússtjóri KEA í Hrísey.
_____________________________________________Mynd: ESE
Fiskikassar til Nýja-Sjálands:
Vonum að f ramhald verði á
sölu á þennan markað
„Við erum að vona að fram-
hald verði á sölu á þennan
markað ef vel tekst til,“ sagði
Gunnar Þórðarson fram-
kvæmdastjóri Plasteinangrun-
ar h.f. i stuttu spjalli við Dag.
Plasteinangrun h.f. er nú að af-
greiða 11 þúsund 70 Iítra físki-
kassa til N-Sjálands og sagði
Gunnar að þessi markaður væri
nýr og því gæti orðið um
framhald á þessu að ræða.
„Verðmæti þessara kassa sem
við erum að afgreiða núna er tæp-
ar fjórar milljónir króna, og fer
megnið af þessum kössum í verk-
smiðjuskip sem verið er að breyta
í frystiskip,“ sagði Gunnar. Hann
sagði einnig að hár flutn-
ingskostnaður væri ekki svo
mikið atriði í þessu sambandi, því
samkeppnisaðilar á þessu sviði
væru aðallega í Noregi og því ekki
mikill munur á flutningskostnað-
inum.
Gunnar tjáði Degi að fram-
leiðslutími á þessum 11 þúsund
kössum væri um tveir mánuðir.
Mun helmingurinn verða sendur
af stað í næstu viku og afgangur-
inn eftir 4-5 vikur. Varðandi út-
flutning á fiskikössum til annarra
landa sagði Gunnar að til Græn-
lands hefðu verið seldir 7500 kass-
ar sem hefðu verið afgreiddir í
nóvember og janúar, einnig væri
alltaf um einhverjar sölur að ræða
til Noregs, Kanada og Færeyja.
Þess má að lokum geta að N-
Sjálendingar hafa einnig pantað
þrjár kassaklær og kassalosara frá
Vélsmiðjunni Odda á Akureyri.
Sauðárkrókur:
Ofremd-
arástand
á sjúkra-
húsinu
Sauðárkróki 23. febrúar.
Röntgenmyndatækin á sjúkra-
húsinu á Sauðárkróki biluðu á
síðasta ári og síðan hefur verið
ófremdarástand í þeim málum í
bænum. Sjúklingum hefur orð-
ið að vísa til Akureyrar og
Reykjavíkur til myndatöku.
Að sögn Friðriks J. Friðriks-
sonar, héraðslæknis á Sauðár-
króki, hefur skort fjárveitingu til
að klára húsnæði í nýrri heilsu-
gæslubyggingu við sjúkrahúsið
svo hægt sé að setja upp ný rönt-
genmyndatæki sem búin eru að
liggja í kössum í nýbyggingunni í
marga mánuði. Læknar og sjúkra-
hússtjórn hafa hvað eftir annað
hamrað á ráðamönnum um auka-
fjárveitingu en lítið gengið. Frið-
rik sagði að innan skamms væri
væntanlegur maður til að setja
upp tækin en það verk tæki líklega
þrjár til fjórar vikur. Ekki væri
seinna vænna að úr þessum mál-
um rættist, sagði Friðrik J. Frið-
riksson að lokum.
-ÓJ
Hundrað ára byggð
í Ólafsfjarðarhorni
Á þessu ári eru 100 ár liðin síð-
an byggð fór að myndast í Ól-
afsfjarðarhorni þar sem Ólafs-
fjarðarkaupstaður stendur nú
og vinnur sérstök undirbún-
ingsnefnd að ýmsum verkefn-
um af því tilefni.
Á fundi nefndarinnar nýlega
var því beint til bæjarstjórnar að
öllum gömlum fundargerðabók-
um og öðrum samsvarandi heim-
ildum sem til næst og varða Ólafs-
fjörð verði safnað á einn öruggan
geymslustað, t.d. bókasafnið og
þessar heimildir flokkaðar og
skráðar.
Þá var því einnig beint til bæjar-
stjórnar að þess verði farið á leit
við Rotary-klúbb Ólafsfjarðar að
hann skipuléggi og skrái mynda-
safn það sem Jón Frímannsson
lagði drög að og stefnt verði að
því að halda sýningu á safninu á
þessu ári.
Að sögn Jóns E. Friðrikssonar,
bæjarstjóra á Ólafsfirði, hefur
þess verið farið á leit við Friðrik
Olgeirsson að hann skrifi sögu
staðarins fram á okkar daga. Þá
upplýsti bæjarstjórinn einnig að
ekki væri stefnt að miklum há-
tíðahöldum í bænum á þessu ári
þar sem hér væri ekki um afmæli
kaupstaðarins að ræða.
Frá Ólafsfirði.
# Víðaerhart
r r m
i ari
Það kreppir víða að í þjófélag-
inu þessa dagana og víst að
fjármál eru víða erfið viður-
eignar. Þetta hefur m.a. lýst
sér í þvi hversu mikið þarf að
skera niður opinberar fram-
kvæmdir á mörgum stöðum. í
fundargerð Bæjarráðs Sauð-
árkróks frá 10. febrúar er sagt
frá því að á fundinn hafi mætt
Sýsluráð Skagafjarðarsýslu
og hafi á fundinum verið
rædd ósk Öldrunarnefndar
Skagafjarðar um fjárframlag
þessara aðila 1983. Óskaði
nefndin eftir þvi að framlag
frá Sauðárkrókskaupstað og
Skagafjarðarsýslu næmi 1.5
millj. frá hvorum aðila. Aðilar
á þessum fundi voru hinsveg-
ar sammála um að framlagið
skyldi vera 60 þúsund frá
hvorum aðila. Og þá er víst
komið að Öldrunarnefndinni
að skera niður fyrirhuguð
verkefni sín.
# Þeirgrenja
eftir vatni
Mikill þorsti virðist hrjá
heimsbyggðina þessa dag-
ana ef marka má frétt Tímans
sl. þriðjudag. Þar er viðtal við
Hrein Sigurðsson „vatnsút-
flutningsmann“ á Sauðár-
króki og segir hann að „það
sé grenjað eftir vatni bæði í
Bandaríkjunum og Evrópu."
Einhver hlýtur þorstinn að
vera fyrst þeim aðferðum er
beitt, en sennilega koma
grenjurnar fyrir lítið. Hreinn
upplýsti nefnilega í sama við-
tali að það væri „tappi í kerf-
inu“ svo ekki væri hægt að
hefja þennan útflutning. Þessi
tappi mun ekki vera í vatns-
pökkunarkerfinu heldur í
ríkiskerfinu. Bandaríkjamenn
og Evrópubúar verða því víst
að láta sér nægja að grenja
um sinn, eða þar til tekst að
losa tappann svo vatnið getí
farið að streyma.
# Meinlokur
eða
sárabætur
Maður nokkur kom á dögun-
um inn i lyfjabúð og bað um
„meinloku". Afgreiðslustúlk-
an varð hvumsa við, sem eðli-
legt var, enda ekki vön að
rétta viðskiptavinunum
meinlokur yfir afgreiðslu-
borðið. Hún hváði því og þeg-
ar maðurinn endurtók beiðn-
ina og bað um „meinloku“
sagðist hún hreinlega ekki
skilja hann. „Hvað er þetta
kona,“ sagði maðurinn. „En
eigið þið þá til sárabætur?“ -
Ekki gekk afgreiðslustúlk-
unni betur að skilja hvert
maðurinn var nú að fara og
botn fékkst ekki í málið fyrr en
maðurinn hafði viðurkennt
ósigur sinn og beðið um
plástur.