Dagur - 08.03.1983, Blaðsíða 4
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 100 Á MÁNUÐI - LAUSASÖLUVERÐ 12 KR.
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: EIRÍKUR ST. EIRÍKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRIMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Þriggja mánaða
fæðingarorlof til
allra kvenna
Þrír þingmenn Framsóknarflokksins, þeir
Alexander Stefánsson, Ólafur Þ. Þórðarson og
Stefán Valgeirsson, hafa lagt fram á Alþingi
frumvarp til laga um breytingu á lögum um
fæðingarorlof og almannatryggingar. Með
frumvarpi þessu er gert ráð fyrir að lögleitt
verði fæðingarorlof fyrir allar konur og ef að
lögum verður fá heimavinnandi konur nú í
fyrsta skipti fæðingarorlof, sem er mikið og
brýnt hagsmuna- og réttlætismál.
I frumvarpinu er gert ráð fyrir að allar konur
sem forfallast vegna barnsburðar skuli eiga
sama rétt til þriggja mánaða fæðingarorlofs,
en á mismunandi launum, allt eftir atvinnu-
þátttöku. Gera má ráð fyrir að vandkvæðum
geti verið bundið fyrir ýmsa hópa kvenfólks að
sanna atvinnuþátttöku sína eða störf sem
meta mætti jafngild atvinnuþátttöku. Má sem
dæmi nefna sjómannskonur, konur bænda,
þær sem stunda nám með heimilisstarfi og
þær sem stunda atvinnurekstur. Gert er ráð
fyrir að tíminn og reynsla leiði í ljós hvernig
eðlilegast sé að meta hin einstöku störf og er
því gert ráð fyrir því að að ráðherra sé veitt
heimild til setningar reglugerðar um alla nán-
ari útfærslu að fenginni reynslu.
Landsbyggðamenn
allra flokka sameinist
Landsbyggðafólk er nú að vakna til vitundar
um hvaða áhrif væntanlegar breytingar á vægi
atkvæða til hagsbóta fyrir þéttbýlið á Reykja-
víkursvæðinu kunni að hafa fyrir strjálbýlið og
íbúa þess. Stjórnir flokksfélaga allra stjórn-
málaflokka í Önundarfirði hafa nýlega sent frá
sér ályktun um þetta mál sem er mjög á sömu
nótum og Dagur hefur barist fyrir undanfarið.
Er þessi samstaða þeirra Önfirðinga mjög til
fyrirmyndar og mættu fleiri láta frá sér heyra í
þessum efnum.
Það er svolítið sláandi eftir allt talið um sam-
stöðu flokkanna í þessu máli, að strax þegar
það kemur til umræðu á Alþingi skuli hver
þingmaðurinn af öðrum rísa úr sæti sínu og
mótmæla framgangi þess. Rökin eru mismun-
andi en flest á þann veg að eigi að verða breyt-
ing á vægi atkvæða þurfi jafnframt að jafna
þann gífurlega aðstöðumun sem ríkjandi er
milli íbúa höfuðborgarsvæðisins og strjálbýlis-
ins. Það nær ekki nokkurri átt að færa meira
vald til lítils landsskika suðvestanlands sem
þegar hefur allt of mikið vald. Brýnt er að
landsbyggðamenn allra flokka sameinist í
þessu mikilvæga máli.
4 - DAGUR - 8. mars 1983
Valþór Þorgeirsson, íþróttakennari, með nemendur sína I körfuknattlcik.
„Leikfimi hefur farið
meira út í bolta-
íþróttina á kostnað hefð-
bundinnar skólaleikfimi“
- segir Valþór Þorgeirsson, íþróttakennari í Glerárskóla
Valþór Þorgeirsson íþrótta-
kennari við Glerárskóla er 25
ára gamall frá Neskaupstað.
Hann hefur kennt við Glerár-
skóla undanfarin þrjú ár bæði
sund og leikfimi alls um 400
nemendum.
Hann útskrifaðist frá
íþróttakennaraskóla íslands á
Laugarvatni árið 1980.
- Hvernig byggir þú kennsluna
upp?
„Ég reyni að styðjast við
námskrá en þar við bætist skóla-
mót í hinum ýmsu greinum s.s.
boltaíþróttum, sundi, skíðum og
Pétur
fleira. Til þess að kennslan verði
markviss krefst hún undirbún-
ings.“ .
- Finnst þér íþróttakennsla í
skólum hafi farið of mikið út í
boltaíþróttir á kostnað leikfim-
innar?
- „Já mikið. Leikfimin hefur
farið meira út í boltaíþróttina á
kostnað hefðbundinnar skólaleik-
fimi. Þetta er bæði góð og slæm
þróun vegna þess að sérhæfni
íþróttarinnar hefur aukist og iðk-
andinn verður þess vegna að
stunda samhliða boltaíþróttir og
Ingvar
almenna leikfimi til þess að
standa betur að vígi.“
- Eru krakkarnir erfiðir í tím-
um og hvaða aldurshóp er
skemmtilegast að kenna?
„Þau eru kannski ekki erfið í
tímum en misjafnlega trekkt og
það má finna á nemendum þegar
frí og próf nálgast, þá eiga þau
erfitt með að einbeita sér. Mér
finnst skemmtilegast að kenna frá
6. bekk og upp í unglingadeildir.
Það er auðveldara að kenna þeim
eldri en þeim yngri vegna þess að
þau eru móttækari fyrir ábend-
ingum."
- Hefur þú sjálfur lagt rækt við
íþróttir?
„Ég hef stundað knattspyrnu,
sund og skíðaíþróttir en er að
mestu hættur að keppa á skíðum
en hef í stað þess snúið mér að
þjálfun út á Dalvík og eru þær æf-
ingar 5 sinnum í viku.“
- Hvernig finnst þér íþróttalíf-
ið hér í bænum?
„Mér finnst það gott vegna þess
að íþróttagreinum sem fólk
stundar hefur fjölgað. Þá höfðar
íþróttalífið til fleira fólks. En
vandamálið við keppnisíþróttirn-
ar er að það skortir fjármagn fyrst
og fremst vegna þess að allir sækja
fjármagn á sama staðinn. Það
mætti sýna íþróttafélögunum
meiri athygli í sambandi við ung-
lingastarfið vegna þess að íþrótta-
félögin eru mótandi í uppeldi ung-
linga.“
- Og að lokum, er starfið
skemmtilegt?
„Já starfið er líflegt og mikið að
gerast í kringum það.“
Viðtalið hér á síðunni er unnið af tveimur
piltum úr Glerárskóla sem voru hjá okkur
í starfskynningu. Þeir heita Ingvar
Guðjónsson og Pétur Guðmundsson.