Dagur - 06.06.1983, Blaðsíða 9
Nokkrir af starfsmönnum í Kjarna.
sérstakt í tísku hér á landi. En á
Norðurlöndunum er alls konar
óklippt blómstrandi Iimgerði í
tísku. Það byggist á því að lim-
gerðið fær að vaxa meira óhindr-
að og óklippt auk þess sem allar
línur eru orðnar meira boga-
dregnar, þ.e.a.s. limgerðið er
gróðursett meira í óreglulegum
formum og ekki eingöngu notað
sem girðing eða skjólveggur.“
- Hvað um meðferð og hirð-
ingu á limgerði?
„Þetta óklippta blómstrandi
fær að vaxa tiltölulega frjálst en
brekkuvíðinn og Alaskavíðinn
þarf að klippa og þá þannig að
limgerðið sé klippt mjóst efst og
breikki niður. Það er gert bæði
vegna birtu á sumrin og snjó-
þunga á veturna."
- Geta allir klippt limgerðið
sitt sjálfir?
„Margir geta það ágætlega en
aðrir eru ekki eins leiknir og ættu
því að leita til garðyrkjumanna
bæði varðandi þessar klippingar
og aðra ráðgjöf sem gæti komið
sér vel.“
# Hann þarfnast
mikillar
næringar
- Ef við snúum okkur að trján-
um Tryggvi. Hvað er vinsælast í
þeim efnum?
„Reynir og ösp eru þær teg-
undir sem mest eru í görðum
eldri hverfa hér í bæ. Enda eru
það þær tegundir sem mest er
spurt um. Reyniviður er mjög
harðger en hann þarfnast mikillar
næringar og ætti fólk að taka
færri tré af honum. Reyndar má
segja það sama um öspina sem er
allsráðandi og ætti fólk líka að
hafa það í huga að kaupa ekki of
mikið af henni. Öspin er fallegt
tré og fljótvaxið og verður stór og
ætti fólk að reyna að sjá fram í
tímann er það setur niður þessi
tré í garðinum hjá sér.“
- En hvað um að setja fleiri en
eina tegund saman?
Tryggvi Marinósson, garðyrkjumaður.
„Það hefur ekki reynst vel.
Tré eru svo mismunandi og þurfa
misjafna umönnun, þurfa mis-
mikið pláss og birtu. Síðan ætti
fólk að athuga staðsetningu trjáa
og runna að hafa tré ekki of ná-
lægt hvort öðru, ekki of nærri
húsveggjum, ekki of nálægt gang-
stéttum og lóðamörkum."
- Hvaða tré kcma þá fleiri til
greina?
„Birki hefur rey.xst vel. Eins
erum við að gera tilraunir með
fleiri tegundir og leita að trjám
sem henta vel óg eru ekki of stór.
Þar má nefna gráelri sem við
erum að reyna núna, sú tegund
lofar góðu. Er harðgerð, stærðin
er viðráðanleg, svipað og birki og
hefur fallegt vaxtarlag og ber fal-
leg blöð.“
- Hvaðan fáið þið plöntur til
uppeldis?
„Margt ræktum við sjálfir hér
í Kjarna,“ segir Tryggvi. „Annað
fáum við frá Lystigarði Akureyr-
ar og Grasagarði Reykjavíkur.
Við höfum mikið og gott sam-
starf við báða þá staði. Þetta
byrjar venjulega á því að þeir
kaupa inn til landsins fræ eða
plöntur í tilraunaskyni. Ef það
gengur vel fáum við síðan plönt-
ur til áframhaldandi tilrauna sem
síðan leiðir oft til þess að við setj-
um á markað nýja tegund."
# Jafnvel
það eina
hér á landi
- Geturðu nefnt dæmi um slíka
nýja tegund?
„Tréð sem er á Ráðhústorgi.
Það heitir selja, fallegt tré en af-
skaplega erfitt að fjölga því. En
það tré lofar góðu og standa von-
ir til að það geti orðið framtíðar-
tré hér í bænum. Ég get iíka
nefnt dæmi um fáséð tré hér í bæ.
Við höfum nýlega fundið nýjar
tegundir sem við vissum ekki að
voru til hér. Það eru gráösp og
kirsuberjatré sem jafnvel er það
eina hér á landi. Að sjálfsögðu er
reynt að fá af þessum trjám fræ
og græðlinga hjá viðkomandi eig-
endum og oftast gengur það vel.“
- Hvaða tegundir eru mest
seldar hjá ykkur hér í Kjarna?
„Ætli við seljum ekki mest af
blágreni, broddfuru og dverg-
furu. Það er varla að við önnum
eftirspurn. En þau tré eru dýrari
því þau eru dýrari í framleiðslu
og svo gerir fólk of miklar kröfur
um að þau tré líti út eins og sýnd
eru í bókum en það tekur tíma
fyrir tré að ná slíku vaxtarlagi og
þau tré sem eru hálf rengluleg í
æsku ná oftast fallegu lagi,“ sagði
Tryggvi Marinósson, garðyrkju-
maður, í lok samtalsins.
er hjá okkur.
14 gerðir lokuð hjól
17 gerðir opin hjól
4 gerðir rúlluhjól
7 gerðir sjóveiðihjól
17 gerðir fluguhjól
Alls 59 gerðir af hjólum.
Ef þetta er
ekki úrval,
hvað er þá
úrval?
w
Eyfjörð
Hjalteyrargötu 4, sími 25222
Flugkennslan komin í fullan gang.
Getum enn bætt við nemendum.
Flugskoli Akureyrar,
flugstöð, Akureyrarflugvelli, sími 22000
Steinar Steinarsson, flugkennari, heimasími 25565.
Stefán Friðleifsson, flugkennari, heimasími 21945.
Oskatistinn
Vönduð vara - Hagstætt verð
Afgreiðslutími er yfirleitt 4 vikur
en í sumum tilfellum ef varan er ekki til á lager
þá tekur það lengri tíma.
Fæst á Hótel Akureyri sími 2 25 25
Verð kr. 50.- Sendum í póstkröfu.
6. júní 1983 - DAGUR - 9