Dagur - 13.07.1983, Blaðsíða 2
Hefurðu ferðast mikið um
ísland?
Björg Friðriksdóttir:
- Já, ég hef gert það. Ég hef
farið á Vestfirði og um Aust-
urland. Ég ferðast á hverju
ári.
\
HH
Olga Albertsdóttir:
- Svolítið, ég hef farið hring-
veginn og er að fara til Vest-
mannaeyja.
M
Gréta Ágústsdóttir:
- Já, það má segja það. Ég
hef farið á Vestfirði þrætt
Austfirði og Norðurland en ég
eftir að skoða Snæfellsnes
þó ég hafi komið þar.
Sveinn Jóhannesson:
- Nei, ég er reyndar að fara í
mína fyrstu ferð á næstunni.
Ég ætla yfir Kjöl, síðan til
Vestmannaeyja og þaðan
Austfirði til baka heim.
Sigríður Vilhjálms:
- Ég hef nú ekki gert það, ég
fer kannski eina viku á ári. I
sumar fer ég í sumarhús í
Borgarfirði.
Maðurinn er fæddur og uppal-
inn á Sauðárkróki. Hann átti
þar góða æsku að eigin sögn;
dundaði sér við prakkarastrik
eins og flestir góðir krakkar.
Jú, hann fór að læra eins og
aðrir, gekk í barnaskóla,
gagnfræðaskóla og síðan fór
hann í Samvinnuskólann á
Bifröst. Jón Edvald Friðriks-
son heitir hann og er bæjar-
stjóri í Óiafsfirði.
- Sú spurning vaknar, ef menn
segjast hafa gengið í Samvinnu-
skólann; ertu framsóknarmaður?
Jón svarar: „Já, ég er það, al-
veg gallharður, og ekkert að
leyna því. Hins vegar er lítið líf í
pólitíkinni hér í Ólafsfirði.
Kannski af því menn vinna svo
mikið, að lítið tóm gefst til póli-
tískra hugleiðinga."
- Frá hinu pólitíska; hvað
gerðir þú eftir Samvinnuskólann?
„Þá fór ég heim á Sauðárkrók
og fór að vinna sem skrifstofu-
stjóri hjá Vegagerð ríkisins, og
var ég þar fram í árslok 1974. Þá
réði ég mig til Vopnafjarðar, sem
fulltrúa kaupfélagsstjóra.“
- Hvernig tóku Vopnfirðingar
á móti ungum manni frá Sauð-
árkróki til að verða fulltrúi kaup-
félagsstjóra ?
„Þeir tóku mjög vel á móti mér
og ég kunni mjög vel við mig
þann tíma sem ég var á Vopna-
firði. Þar var ég fram til ársins
1976, að ég flutti aftur heim til
Sauðárkróks og vann þar sem
bæjarritari fram til 1978.“
- Hefur pólitískur áhugi þinn
aldrei rekið þig út í framboð og
allt sem því fylgir.“
„Jú blessaður,“ segir bæjar-
stjóri á Ólafsfirði Jón E. Friðriks-
son. „Ég álpaðist eitt sinn út í
framboð og þá að sjálfsögðu fyrir
Framsóknarflokkinn. Þetta var í
bæjarstjórnarkosningunum á
Sauðáricróki 1978. Ég var 4.
maður á lista hjá flokknum. Það
var mjög skemmtileg reynsla að
fara út í þetta og það eru ótrúleg-
ustu hlutir sem koma til kasta
þeirra manna sem eru í pólitík-
inni.“
- Hver var svo árangurinn í
kosningunum?
„Hann var kannski ekki svo
slæmur þegar á allt er litið. Ég
komst að vísu ekki inn í bæjar-
stjórn, en þrátt fyrir það var
árangurinn ekki svo slakur, því
það vantaði ekki nema féin at-
kvæði til að ég kæmist inn.“
- Hefði þig langað í bæjar-
stjórnina?
„Ég er ekki svo viss um það
núna, þegar maður fer að skoða
þetta svona eftir á. En að vísu var
að því stefnt, svo maður hefði að
sjálfsögðu hellt sér út í þetta ef
kosningarnar hefðu farið á annan
veg.“
- En nú komst þú ekki í
bæjarstjórn á Sauðárkróki, hvað
gerðir þú þá í pólitíkinni?
„Ég sneri mér frá henni að
sinni og fór austur í Mývatns-
sveit, þar sem ég var sveitarstjóri
frá því eftir kosningar 1978. Það
var verulega góður tími. í Mý-
vatnssveit er mjög gott að búa og
fólkið sem þar býr er gott fólk,
reyndar eins og flest það fólk sem
ég hef haft saman við að sælda í
störfum mínum víða um land. En
sem sagt, í Mývatnssveit er mikið
menningarlíf og þar er gott að
vera.“
- Úr því það var svo gott að
vera í Mývatnssveitinni; hvers
vegna fórstu þá þaðan?
„Ég sá þessa stöðu auglýsta og
sótti um. Ég var ekkert viss um
að ég fengi starfið. En þær vonir
sem ég gerði mér um starfið hér í
Ólafsfirði voru nær því sem ég
þekkti frá starfinu heima á Sauð-
árkróki. Mig langaði frekar að
vinna slík störf. En ég sakna þess
að vissu leyti að vera ekki lengur
í Mývatnssveitinni."
- Hvernig hefur þér svo líkað
hér í Ólafsfirði?
„Mér og mínum hefur líkað
mjög vel hér í Ólafsfirði. Þetta
hefur verið skemmtilegur tími.
En segja má, að uppbyggingin
hefði mátt verða örari. í Ólafs-
firði eru samgöngur stór hluti af
lífinu, eins og á öðrum sambæri-
legum stöðum. Og lélegar sam-
göngur eru dragbítur á uppbygg-
ingu þessara staða.“
- Hvað er þá til ráða?
„Ætli það sé ekki búið að tala
nóg um það. En líklega eru jarð-
göng eini raunhæfi kosturinn.“
- Frá jarðgöngunum að sjálf-
um þér; ertu fjölskyldumaður?
„Já, ég er fjölskyldumaður,
konan mín er Linda Nína Har-
aldsdóttir og við eigum tvö
börn.“
- Hvað um framtíðina; ætlar
þú og þitt fólk að setjast að í Ól-
afsfirði?
„Það er nú ekki meiningin.
Þrátt fyrir að okkur hafi liðið vel
hér, þá erum við nú á förum fljót-
lega, því ég hef sagt starfi mínu
lausu. Fjölskyldan hefur sett
stefnuna á heimabæinn aftur,
Sauðárkrók, og þar ætla ég að
fara að vinna við fyrirtæki föður
míns á staðnum.“
- Nú hefur þú farið víða á ekki
lengri tíma og unnið við opinber
embættisstörf. Af hverju ferðu
svona oft á milli staða?
„Já, ég hef farið víða, en ætli
það sé ekki vegna þess að þetta
er í blóðinu. Ég vil ekki vera of
lengi á hverjum stað. Þrátt fyrir
að ég hafi verið á þetta mörgum
stöðum er þessi embættisvinna
svipuð frá hverjum stað til
annars. Það er því tími til kom-
inn að söðla um og vinna hjá öðr-
um en hinu opinbera," sagði hinn
ungi og hressi bæjarstjóri í Ólafs-
firði, Jón E. Friðriksson, í lok
samtalsins.
Dynheimar:
Hættir Helgi?
- Já, segir Gunnar
Jónsson, formaður
æskulýsráðs
-
„Unglingur utan úr bæ“ skrifar:
Mér hefur borist það til eyrna að
Helgi Már Barðason hafi sagt
upp störfum hjá félagsmiðstöð-
inni í Dynheimum. í framhaldi af
því er mér spurn: Verður staðan
auglýst laus til umsóknar? Verð-
ur starfssvið þess sem ráðinn
verður það sama og nú er? Hver
verður framtíð Dynheima? Geta
unglingar hér í bæ haft einhver
áhrif á hver tekur við stöðunni.
Ég vona að ég sé svara verð.
Eða er þetta ekki félagsmiðstöð
OKKAR. Með fyrirfram þökk
fyrir birtinguna.
SVAR:
Dagur leitaði upplýsinga hjá
Gunnari Jónssyni, formanni
æskulýðsráðs. Hann sagði það
rétt að Helgi Már Barðason hefði
sagt upp störfum. Hann hættir 1.
september. Ekki hefur verið
ákveðið hvort staðan verði aug-
lýst. Hér er um hálft starf að
ræða en upphaflega var Helgi
ráðinn í fullt starf. Hann óskaði
síðan eftir að minnka við sig. Þá
var Steindór G. Steindórsson
ráðinn.
- Með nýjum mönnum koma
nýjar hugmyndir, sagði Gunnar
um framtíð hússins. Hann sagði
líkindi til að neðri hæðin yrði
opnuð, þó fjárveitingar séu ekki
handbærar til að innrétta hana.
En það yrði reynt að mála þar
veggi til að gera hæðina vistlegri,
þannig að hægt yrði að nýta hana
til einhvers. Gunnar útilokaði
ekki spilakassa. „Ég á ekki von á
að unglingar geti haft áhrif á
hvern bæjarstjórn ræður í þessa
stöðu, frekar en aðrir bæjarbúar,
að undanskildum þeim sem í
bæjarstjórn sitja,“ svaraði Gunn-
ar síðustu spurningunni. Hann
bætti því við að auðvitað gætu
unglingarnir látið vilja sinn í ljósi
með ýmsu móti en bein áhrif
gætu þeir ekki haft.
2 — DAGUR - 13; júlí; 1983