Dagur - 05.09.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 120 Á MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Hjörleifur bauð
Alusuisse 9,5 mills
Viðskipti íslendinga við Alusuisse hafa mikið
verið í sviðsljósinu undanfarin ár og verið eitt
helsta áróðursmál Alþýðubandalagsins.
Alla sína ráðherratíð var Hjörleifur Gutt-
ormsson að berjast við Alusuisse um hækkað
raforkuverð til álversins í Straumsvík þótt
menn deili raunar um hvort barátta Hjörleifs
væri háð í alvöru eða hvort hann væri ein-
ungis að byggja upp áróðursstöðu fyrir Al-
þýðubandalagið, alla vega náði hann engum
árangri, raforkuverðið til álversins var jafn
lágt daginn sem hann fór úr ráðherrastólnum
og daginn sem hann settist í hann.
Framkoma iðnaðarráðherrans fyrrverandi í
álmálinu var ekki sannfærandi og raunar
furðuleg með köflum. Ótímabærar yfirlýsing-
ar, lítt grundaðir sleggjudómar og tíð skoð-
anaskipti hleyptu stífni í málið og samninga-
nefnd sem Hjörleifur skipaði fékk alls ekki að
taka þátt í samningaviðræðum; í þeim fengu
einungis að taka þátt rauðleitir riddarar Hjör-
leifs konungs.
Að lokum fór svo að fulltrúi Framsóknar-
flokksins, Guðmundur G. Þórarinsson, sagði
sig úr samninganefndinni. Guðmundur mat
stöðuna á þeim tíma þannig að mögulegt
væri að hefja alhliða samningaviðræður við
Alusuisse m.a. um orkusölusamninginn,
samning sem í reynd hefur engin endurskoð-
unarákvæði og þá þegar mætti fá fram veru-
lega hækkun á orkuverðinu sem fyrsta skref í
þá átt. Því miður var ekki hlustað á þetta mat
Guðmundar og Hjörleifur hélt áfram gönu-
hlaupi sínu.
Á morgun hefst í Zurich viðræðufundur
með fulltrúum Alusuisse. Er jafnvel búist við
því að samkomulag náist við svissneska auð-
hringinn.
Og um hvað verður samið?
Á þessari stundu er ekki mögulegt að segja
til um það en búast má við að aðalatriði sam-
komulagsins verði hækkað orkuverð sem
fyrsta skref og ákvörðun um að hefja alhliða
samningaviðræður þ.e. nákvæmlega það sem
Guðmundur G. Þórarinsson sagði að mætti
ná fram fyrir nær ári. Hefur þetta ár kostað ís-
lenska þjóðfélagið milljónatugi og ráðherratíð
Hjörleifs Guttormssonar hefur alls kostað
hundruð milljóna vegna þessa atriðis eins
því það er næsta víst að ef rétt hefði verið á
málunum haldið mátti ná svipuðum samning-
um fram seint á síðasta áratug.
Og gaman verður að sjá hvernig Hjörleifur
Guttormsson bregst við ef byrjunarhækkun
sú sem nú næst á rafmagnsverðinu verður 9,5
mills eða hærri í ljósi þess að vorið 1982 var
Hjörleifur tilbúinn að selja álhringnum raf-
magn á 9,5 mills, en fann um það leyti þef af
komandi kosningum, sneri við blaðinu og
fórnaði íslenskum hagsmunum til að geta
notað álmálið á áróðurshringekju Alþýðu-
bandalagsins! H. Ingib.
Örvar þenur nikkuna í upptökusalnum,
Mynd: KGA
„Nikkan stendur
alltaf fyrir sínu“
„Ég er að taka hérna upp 14
laga plötu,“ sagði Orvar
Kristjánsson harmonikuleik-
ari er við slógum á þráðinn til
hans í Studío Bimbó fyrir
helgina, en þar var Örvar
ásamt fleiri mönnum að vinna
við upptöku á nýrri plötu.
„Þetta er svona líkt og við
höfum gert áður við Pálmi,“
sagði Örvar, en útgefandi plöt-
unnar er Pálmi Stefánsson í
Tóna-útgáfunni. „Þetta er ein-
göngu spiluð tónlist, gömlu
dansarnir sígildu, en lögin eru
eftir hina og þessa og okkur
Pálma. Það er líka gaman að
geta þess að Pálmi leikur sem
gestur á plötunni tvö lög. Þetta
er fyrst og framst harmoniku-
plata og fyrir þá sem hafa áhuga
á slíkri tónlist.“
- Er til mikið af íslenskum
harmonikuplötum?
„Já þó nokkuð, sjálfur hef ég
spilað inn á tvær slíkar og það
er talsvert til af þessu.“
- Hvernig hafa harmoniku-
plötur þínar gengið til þessa?
„Petta hefur gengið bara
býsna vel, og ég held að þær
hafi ekki „dánað.“ Það er alltaf
að stækka sá hópur sem hefur
áhuga á þessari tónlist og það
hefur verið ör þróun í þessu á
síðustu árum, ekki síst eftir að
harmonikuklúbbar fóru að
spretta upp víða um land. Ég
hef verið að spila mikið á dans-
leikjum og ég sé ekki annað en
að unga fólkið sé farið að hafa
gaman af þessari tónlist.“
- Þetta þótti á tímabili dálít-
ið lúðalegt hljóðfæri?
„Já því er ekki að neita, það
dró mjög mikið úr vinsældum
nikkunnar hjá unga fólkinu á
bítlatímabilinu. Það var eins og
nikkan fjaraði alveg niður fram
undir 1970. En síðan ég fór að
spila inn á plötur finnst mér sem
nikkan sé á uppleið."
- Hvenær byrjaðir þú að
spila á harmoniku?
„Ég hef verið svona sjö eða
átta ára þegar ég fór að fikta við
þetta. Bróðir minn átti harmon-
iku og ég var að fikta við hana
öllum stundum. Síðan seldi
hann hana og keypti aðra nýja
og ég hélt áfram að glamra á
þetta hvenær sem tækifæri
gafst. Ég spilaði á mínu fyrsta
balli heima á Hornafirði 14 ára.“
- Ert þú harmonikuleikari að
atvinnu?
„Nei, ég er það ekki, ég er
örugglega ekki nógu góður til
þess og held auk þess að það sé
ekki hægt að hafa nóg að gera
til þess að lifa á þessu.“
- Þú talaðir um að harmon-
ikan væri í sókn.
„Já, nikkan stendur alltaf
fyrir sínu og hefur alltaf gert
það í gegnum árin, við sjáum
það best á vinsældunum í Nor-
egi og Svíþjóð og auknum vin-
sældum hérna heima.“
Á plötunni leika þeir Örvar
og Pálmi eins og fyrr sagði, en
þar koma einnig við sögu Birgir
Karlsson gítarleikari, Finnur
Finnsson bassaleikari, Stein-
grímur Stefánsson trommuleik-
ari og Gunnar Gunnarsson sem
leikur á ýmis hljóðfæri svo ein-
hverjir séu nefndir.
Listaverkasýning í
íþróttahöllinni
María Jónsdóttir opnar í kvöld
kl. 20.30 listaverkasýningu í
anddyri íþróttahallarinnar á
Akureyri.
Þar mun María sýna ýmsa
muni sem hún hefur unnið úr ís-
lensku grjóti en einnig málar hún
á tré, flöskur, skeljar og margt
fleira. Sýning hennar er mjög
fjölbreytt og hefur hún vakið at-
hygli fyrir vandaða muni þar sem
hún hefur sýnt áður.
Sýningin hefst sem fyrr sagði
í kvöld, og stendur yfir til
sunnudags. Opið er hvern dag
frá kl. 14-18 og kl. 19-22.
4 - bÁGOR - 5. Séptértlber 1983