Dagur - 05.12.1983, Blaðsíða 2

2 - DAGUR - 5. desember 1983
Ertu farin(n) að
hugleiða jólin?
Krístín Waltersdóttir:
Ég geri það, bý mig undir þau
á sem einfaldastan máta.
Hólmfríður Ólafsdóttir:
Já, já, fyrir löngu. Ég kemst
ekki hjá því í starfi mínu sem
kennari að vinna mikið með
börnum og þá er alltaf verið
að tala um jólin.
Jón Hólmgeirsson:
Maður gerir það annað slagið.
Áslaug Sigurjónsdóttir:
Smávegis, það er þetta venju-
lega.
„Hótelið okkar er heill
heimur út af fyrir sig“
— segir Emil Guðmundsson hótelstjóri á Hótel Loftleiðum
Þjónusta og samskipti við gesti
okkar, ásamt lifandi og
ánægjulegum samskiptum við
mitt ágæta starfsfólk hér á
hótelinu gerir starfið fjölbreytt
og skemmtilegt, sagði Emi!
Guðmundsson, hótelstjóri á
Hótel Loftleiöum, í samtali við
Dag.
Margir Norðlendingar, sem
gista höfuðborgina t.d. í helgar-
ferðum, velja Hótel Loftleiðir og
þeir sem koma þar einu sinni
velja Loftleiðir gjarnan aftur. Og
hvenær sem er sólarhringsins má
búast við að rekast þar á Emil
Guðmundsson, hótelstjóra, því
ósjaldan kemur hann við á hótel-
inu utan vinnutíma til að ganga
úr skugga um að gestirnir hafi
það gott.
Emil er Akurnesingur að upp-
lagi og er og verður eflaust alltaf
Skagamaður inn við beinið.
Hann fór ungur til sjós, en hóf
síðan störf á Keflavíkurflugvelli.
Síðan fór hann til Loftleiða og
starfaði við flugafgreiðslu félags-
ins á Reykjavíkurflugvelli til að
byrja með. Eftir það sá Emil um
söluskrifstofu Loftleiða í Lækjar-
götu, en síðan fór hann út á völl
aftur og tók þar við vaktstjórn í
flugafgreiðslunni. Enn flutti Emil
sig um set og nú alla leið til
Kaupmannahafnar, þar sem
hann var stöðvarstjóri hjá Loft-
leiðum í 6 ár, fram til ársins 1966.
Þá var búið að opna hótelið og
Emil kom heim og tók þar við
móttökustjórn og síðan varð
hann aðstoðarmaður hótelstjóra.
Frá 1979 hefur Emil verið hótel-
stjóri. Eiginkona Emils er Sigur-
björt Gústavsdóttir frá Vest-
mannaeyjum og þau eiga tvo
uppkomna syni.
„Hótelstjórastarfið er mjög lif-
andi,“ sagði Emil, „það er alltaf
eitthvað að gerast, þannig að
maður hefur í nógu að snúast all-
an daginn. Raunar er maður allt-
af í kapphlaupi við tímann.
Við erum yfirleitt með í gangi
Emil Guðmundsson hótelstjóri.
dagskrár fyrir gestina, þannig að
þeir hafi alltaf eitthvað við að
vera og má segja að Loftleiðir sé
eina hótelið í Reykjavík sem
stendur fyrir slíku. Við erum
með þjóðakynningar, sælkera-
kvöld, víkingakvöld, sjávarrétta-
kvöld og kjötkvöld, svo eitt-
hvað sé nefnt. í desember verður
fjölbreytt dagskrá hér hjá okkur
með aðventukvöldi 4. desember,
norskum dögum 9.-10. desem-
ber, Lúsíukvöldi 11. desember og
jólapakkakvöldum 17. - 18. des-
ember. Þessi kvöld eru ekki hvað
síst ætluð okkar ágætu gestum
utan af landi og meðal þeirra
hafa landshlutakvöldin okkar
verið vinsæl. Við höfum verið
með Vestfirðingakvöld, Aust-
firðingakvöld og svo auðvitað
Skagamannakvöld. Við reynum
líka að halda Norðlendinga-
kvöld, en það gekk ekki. Mér var
þá sagt, að ég hefði veðjað á
rangan hest.
Pað væru til Eyfirðingar, Ak-
ureyringar, Skagfirðingar og
Húnvetningar, en Norðlendingar
væru ekki til. Þess vegna hefði
enginn tekið þetta til sín. Mér
þótti þetta slæmt, því einn stærsti
kúnnahópurinn okkar er á Akur-
eyri og þar er eitt besta fólk sem
ég þekki - fyrir utan Skagamenn
náttúrlega. En ég er alveg ákveð-
inn í því að vera með Eyfirðinga-
kvöld áður en lýkur, sjá hvort
það virkar ekki betur. En eftir
áramót verðum við með villi-
bráðarkvöld, kjöthátíð og síld-
arævintýri.
- Nú er hótelið ykkar svolítið
út úr borginni. Hvað bjóðið þið
á móti?
„Við bjóðum bílaleigubíla á
mjög góðum kjörum og stræt-
isvagnaferðir eru á klukkutíma
fresti. Nú, stjórnendur Reykja-
víkurborgar voru búnir að lofa
okkur fjölgun á strætisvagnaferð-
um í vor, en þeir hafa nú ekki
staðið við það enn, en lofa úrbót-
um eftir áramót. Við erum með
sundlaug, sem ekkert annað
hótel býður upp á, vatnsnudd,
gufuböð, nuddara, snyrtistofu,
hárgreiðslustofu, rakarastofu og
minjagripaverslun svo eitthvað
sé nefnt. Við erum líka með
borðtennis, skíðaleigu, reið-
hjólaleigu, þegar hægt er að hjóla
og hótelgestir geta snætt hvort
heldur sem er á teríunni eða í
Blómasalnum. Hótel Loftleiðir
er því heill heimur út af fyrir sig.“
- Hvað gerir hótelstjóri í frí-
stundum?
„Starfið tekur nú mestan hluta
af mínum tíma, en þegar frí-
stundir gefast nota ég þær fyrir
fjölskylduna, ellegar þá að ég
bregð mér i gönguferð, oft með
Ormari Þór Guðmundssyni, arki-
tekt. Við göngum hér upp á hæð-
ir og hóla í nágrenninu og jafnvel
lengri gönguleiðir, t.d. frá Hval-
firði til Þingvalla,“ sagði Emil
Guðmundsson í lok samtalsins.
Fékk lánaða lukt
og hirti hana!
Dagur Hermannsson hringdi og
vildi koma eftirfarandi á fram-
færi:
Ég varð fyrir dálítið óskemmti-
legri reynslu á dögunum. Það var
þannig að þann 4. nóvember var
bankað upp á hjá mér í Hrísa-
lundi 2 og maður sem þar var að
verki bað mig um aðstoð við að
koma bíl sínum í gang fyrir utan.
Ég fór út með manninum og
við reyndum í sameiningu að
koma bílnum í gang, en það gekk
ekki. Stuttu síðar bankaði
maðurinn aftur og bað mig um
lukt. Vildi svo til að ég átti mjög
góða lukt sem ég lánaði honum.
Stuttu síðar þurfti ég að fara,
og bauðst í leiðinni til að aka
konu sem var í bíl mannsins, og
keyrði ég hana niður í Víðilund.
Var maðurinn að bauka með
luktina við bílinn þegar ég fór og
gekk ég út frá því sem vísu að
hann myndi síðar skila luktinni.
Það gerði sá ágæti maður hins
vegar ekki, og finnst mér slæmt
að hann skuli launa svona greið-
vikni mína við hann. Ég vil skora
á manninn að sjá sig nú um hönd
og skila luktinni, hann getur
varla verið ánægður með þá
„eign“ sína.
Geri hann það ekki, er mín
eina von að konan sem ég ók
niður í Víðilund gefi sig fram við
mig og láti mig vita hvaða maður
þetta var. Ég verð að setja traust
mitt á konuna gefi maðurinn sig
ekki fram.
Ég er að verða hálfþreyttur á
þessu, því viku áður en þetta
gerðist var stolið varadekki úr
skottinu á bílnum mínum. Finnst
mér ansi hart að sjá svona á eftir
eigum mínum.