Dagur - 05.12.1983, Blaðsíða 6

6 - DAGUR - 5. desember 1983
5. desember 1983 - DAGUR - 7
Ársþing K.S.Í:
Ellert var
endurkjörinn
EUert B. Schram var um helg-
ina endurkjörinn formaður
Knattspyrnusambands íslands
á ársþingi þess sem haldið var
á Húsavík. Reyndar var öll
stjórnin endurkjörin, og vara-
stjórn einnig nema að Ingvi
Guðmundsson kom inn fyrir
Sigurð Hannesson sem gaf
ekki kost á sér til endurkjörs.
Miklar umræður urðu á þinginu
um Aganefnd og starfsreglur
fyrir nefndina. Voru uppi mjög
skiptar skoðanir um fyrirkomu-
lag og starfsreglur nefndarinnar
og fór svo að lokum að málinu
var vísað til milliþinganefndar
þannig að óbreytt ástand verður
næsta keppnistímabil.
Samþykkt var að í Bikar-
keppninni skuli ávallt leikið til
þrautar nema í sjálfum úrslita-
leiknum. í kvennaknattspyrnu
var ákveðið að lengja leiktímann
og einnig að skipta í riðla í öllum
deildum. Samkvæmt þeim heim-
ildum sem við öfluðum okkur í
morgun verður t.d. fjölgað í 1.
deildinni og verða lið Þórs, KA,
Hattar frá Egilsstöðum og Súl-
unnar frá Stöðvarfirði í öðrum
riðlinum.
Fulltrúar á þinginu voru
óvenjufáir. Þannig sóttu t.d. að-
eins 29 fulltrúar þingið frá
Reykjavík af þeim 54 sem þar
höfðu rétt til þingsetu, og virðist
ljóst að mun lengra sé frá
Reykjavíkur til Norðurlands en
frá Norðurlandi til Reykjavíkur
þegar svona þing eru haldin og er
það víst ekkert nýtt.
Stórleikur
hjá Davíð
— nægði ekki gegn Ármanni
Snilldarmarkvarsla Davíðs
Haraldssonar í marki Þórs
nægði liðinu ekki til sigurs
gegn Ármanni í 3. deild Is-
landsmótsins um helgina, en
leikið var á Akureyri. Davíð
var í geysilegu stuði í markinu,
varði 20 skot, en félagar hans
náðu ekki að fylgja frammi-
stöðu hans eftir þvi Ármann
sigraði í leiknum 23:22.
Leikurinn var mjög jafn lengst
af, Þórsarar oftast yfir í fyrri hálf-
leik en þó leiddi Armann í hálf-
leik 10:9. í síðari hálfleiknum
héldu Þórsarar áfram að hafa
forustuna, þetta 1-3 mörk en
þegar langt var liðið á hálfleikinn
Armann upp
Ai
komst Armann
þeirra. Sigurmark
að hlið
rmenninga
kom 20 sek. fyrir leikslok er ein-
um Ármenninga var leyft að fara
inn úr horninu og Davíð sá ekki
við honum. Sannarlega biturt
fyrir Þór að tapa leiknum og
dýrmætum stigum á heimavelli.
Þau stig kunna að reynast dýr-
mæt þegar upp verður staðið.
Ef frammistaða Davíðs er
undanskilin var leikur Þórs slak-
ur og það var eins og allan bráttu-
vilja vanti í liðið. Mörk Þórs
skoruðu Sigurður Pálsson 10,
Guðjón Magnússon og Gunnar
Gunnarsson 4 hvor, Baldur
Hreiðarsson 2, Tómas Viðarsson
og Gunnar M. Gunnarsson 1
hvor. Markhæstir Ármenninga
voru bræðurnir Óskar og Þráinn
Ásmundssynir með 9 og 4 mörk.
Sigurður Pálsson um það bil að skora eitt af 10 mörkum sínum gegn Ár-
manni. Mynd: KGA.
Freyr Aðalsteinsson - vann Grétarsstyttuna fyrir besta árangur Akureyrings á mótinu. Freyr hefur sýnt
ótrúlegar framfarir og er nú að skipa sér í hóp bestu kraftiyftingamanna heims.
Glæsilegt Grétarsmót í Sjallanum
Kári bætti tveim
metum í safnið
Þór vann sætan sigur gegn ÍS í
1. deildinni í körfuknattleik
um helgina, en leikið var í
íþróttahöllinni á Akureyri.
Urslitin 81:73 Þór í vil, en í
leikhléi hafði ÍS yfir 34:32.
Þetta var fjórði heimaleikur
Þórs i deildinni og hefur liðið
sigrað í þeim öllum.
ÍS hafði frumkvæðið í byrjun
og komst í 8:4 en Þór svaraði
með 8 stigum og komst yfir 12:8.
Síðan var nokkuð jafnræði með
liðunum, staðan t.d. 18:18 og
26:26 en þá komst ÍS yfir 32:26.
Þórsarar náðu að laga stöðuna
fyrir leikhlé, þeir breyttu yfir í
maður gegn manni í vörninni og
meðan ÍS var að átta sig á því
jafnaði Þór 32:32 áður en Krist-
inn Jörundsson kom ÍS yfir rétt
fyrir leikhlé.
Allan fyrri hálfleikinn var eins
og einhvern neista vantaði í
Þórsliðið. ÍS leikur fremur hægan
bolta en það hentar Þór betur að
leika aðeins hraðar eins og kom í
ljós í síðari hálfleiknum. Þá náð-
ist upp mjög góð barátta í vörn-
inni og í kjölfar hennar hraðari
sóknarleikur. Þór skoraði 12:4 í
upphafi síðari hálfleiksins og
komst því yfir 44:38. Eftir það
hafði Þór forustuna, mesta 11 stig
er staðan var 68:57 og 7 mínútur
til leiksloka. Þá tók Kristinn Jör-
undsson þjálfari ÍS og leikmaður
sig til og fór að raða niður skot-
um sínum lengst utan af velli og
hann öðrum fremur jafnaði leik-
inn 71:71 og þrjár mínútur eftir.
En þá sýndu Þórsarar hvers þeir
eru megnugir, þeir tvíefldust í
vörninni og unnu lokakaflann
10:2 og leikinn þar með 81:73
sem fyrr sagði.
Þessi leikur var nokkuð köfl-
óttur hjá Þórsliðinu, slakir kaflar
í fyrri hálfleiknum en þó stígandi
í leik liðsins eftir því sem á leið.
Vörnin er oft góð hjá liðinu ef
baráttan næst upp, en ekkert
gengur ef hún gleymist. Sóknar-
leikurinn verður fjölbreyttari
með hverjum leik og liðið hefur
skorað að jafnaði um 80 stig í
leikjum sínum.
Að þessu sinni bar stórleik
Guðmundar Björnssonar hæst í
liði Þórs. Hann steig varla feil-
spor allan leikinn, var drjúgur í
vörninni og geysisterkur í sókn
þar sem hann brenndi einungis af
einu eða tveimur skotum og upp-
skeran 20 stig. Þá kom Jóhann
Sigurðsson mjög vel frá þessum
leik og sömuleiðis Jón Héðins-
son. Aðrir voru jafnir og liðs-
heildin stóð sig vel þegar mest á
reyndi.
Kristinn Jörundsson var bestur
leikmanna ÍS þótt þessi gamli
jaxl sé aðeins farinn að láta á sjá
með árunum. ÍS hefur nú tapað 6
stigum eins og Þór en Framarar
sem hafa forustu eru aðeins með
eitt tap - gegn Þór - en hafa unn-
ið marga leiki naumt. Þeir eru
því ekki ósigrandi.
Stig Þórs: Guðmundur Björnsson
20, Jón Héðinsson 16, Björn
Sveinsson og Konráð Óskarsson
12 hvor, Jóhann Sigurðsson 11,
Eiríkur Sigurðsson 10.
Stig ÍS: Kristinn Jörundsson 22,
Guðmundur Jóhannesson 17,
Ágúst Jóhannesson 16, Árni
Guðmundsson 14, Gunnar Jóa-
kimsson 4.
Kári Elíson, kraftiyftinga-
maður úr KA bætti um helgina
tveim nýjum Islandsmetum í
voldugt Islandsmetasafn sitt.
Metin setti Kári í bekkpressu
á Grétarsmótinu í kraftlyfting-
um sem haldið var í Sjallanum
á laugardag.
í 75 kg. flokki háðu þeir Kári
og Haraldur Ólafsson, tvíþraut-
armaðurinn knái, skemmtilegt
einvígi. Þar sem Kári gengur ekki
heill til skógar eftir meiðsl átti
Haraldur möguleika á að slá
kappanum við. í upphafi leit líka
út fyrir að svo gæti orðið. Harald-
ur lyfti 225 kg í hnébeygju en
sökum meiðslanna varð Kári að
Iáta sér nægja 70 kg minni þyngd.
í bekkpressunni lyfti Haraldur
105 kg en Kári óð beint í íslands-
metin. Lyfti fyrst 165 kg og síðan
167.5 kg við ógurleg fagnaðarlæti
viðstaddra. í síðustu greininni
lyfti Kári svo 240 kg en Haraldur
200 kg og Kári varð því örugg-
ur sigurvegari. Lyfti alls 562.5 kg
en sá árangur nægði honum til
annars sætis í stigakeppni
mótsins.
Freyr Aðalsteinsson (82.5 kg),
undramaðurinn úr Þór sem sett
hefur 20 Akureyrarmet á árinu,
var heldur betur í essinu sínu á
mótinu. Freyr reif upp 250 kg í
hnébeygju, 160 kg í bekkpressu,
hvort tveggja Akureyrarmet og
átti síðan mjög góðar tilraunir
við 290 kg í réttstöðulyftu. Ef sú
þyngd hefði farið upp þá hefði
Freyr rofið 700 kg múrinn en það
tókst ekki að þessu sinni. Freyr
lyfti 270 kg og samtals 680 kg sem
er árangur á heimsmælikvarða.
Alls setti Freyr fjögur Akureyr-
armet á mótinu og árangur hans
nægði honum til sigurs í stiga-
keppninni. Flosi Jónsson var eini
keppandinn í 90 kg flokki. Lyfti
samtals 635 kg sem er nálægt
hans besta en Flosi á að geta gert
mikið betur á góðum degi.
í 100 kg flokknum var hörku-
keppni milli feðganna, Jóhannes-
ar Hjálmarssonar og Jóhannesar
M. Jóhannessonar. Gamli
maðurinn hefur líklega aldrei
verið eins sterkur og um þessar
mundir og hann sigraði strákinn
örugglega. Lyfti samtals 640 kg
þar af 240 kg í hnébeygju, (Akur-
eyrarmet) og 270 kg í réttstöðu-
lyftu, afrek sem enginn jafnaldri
hans og fáir yngri menn leika
eftir. Jóhannes yngri lyfti 620 kg.
„Undrabarn" kraftlyftinganna
á Akureyri, Konráð Jóhannsson
sem hefur æft lyftingar í eina sjö
mánuði, er að verða einn
skemmtilegasti keppnismaðurinn
hérlendis. Konni fór létt með 250
kg í hnébeygju og 262.5 í rétt-
stöðulyftu og samtals lyfti hann
617.5 kg. Ótrúlegur árangur eftir
ekki lengri æfingar.
Gestirnir á mótinu, Jón Páll
Sigmarsson, Hialti Úrsus Árna-
son og Torfi Ólafsson stóðu sig
allir frábærlega vel og t.a.m.
bætti Hjalti árangur sinn um ein
90 kg. Lyfti samtals 765 kg.
Torfi, eitt undrabarnið enn sem
komið hefur fram í íþróttinni,
aðeins 18 ára og um 140 kg á
þyngd lyfti 815 kg og Jón Páll fór
létt með 860 kg. Jón Páll sýndi
það og sannaði að hann er engum
líkur.
Kom beint á Grétarsmótið
frá Nýja Sjálandi þar sem hann
varð í öðru sæti í keppni sterk-
ustu manna heims og það var
ekki að sjá að hann væri búinn að
vera á ferðinni í eina fimm daga
fyrir mótið.
Guðmundur Bjðmsson kominn í skotfærí í leiknum gegn ÍS og í körfunni hafnaði boltinn. Mynd: KGA.

Jón Páll Sigmarsson sem kosinn var vinsælasti keppandinn í keppni sterk-
ustu manna heims á Njýja Sjálandi, sýndi áhorfendum í Sjallanum marga af
sínum bestu töktum. I einni hébeygjunni sprakk „stálbrókin“ og Jón Páll
snéri því bara upp í glens og dillaði afturendanum framan í áhorfendur.
Myndir: KGA
Góður sigur Þórs
gegn liði ÍS
Svavar Þór Guðmundsson á fullri ferð í flugsundinu.
Glæsilegt met
tm VI lirii im
ii|3 Dræorunum
12 ára piltur frá Akurcyri, Svavar Þór Svavar metið cr hann synti á 34,3 sek.
Guðmundsson, gerði góða ferð suður Þetta var elsta metið i sveinaflokki,
tii Reykjavíkur á dögunum, en þá orðið 9 ára gamalt.
keppti hann þar í Unglingameistara-
móti íslands í sundi og á Ármanns- Önnur Akureyrarmet Svavars
mótinu sem fram fór að því loknu. komu í 100 metra baksundi 1,21,90
Svavar gerði sér lítið lýrir og setti 4 mín. og í 200 metra buksundi 3,06,00
Akureyrarmet í ferðinni, og jafnframt mín. Bróðir hans Ármann keppti
eitt íslandsmet. einnig fyrir sunnan og hann setti þrjú
íslandsmetið kom í 50 metra fiug- Akureyrarmet. Synti 100 metra
sundi. Á unglingameistaramótinu skriðsund á 1,00,06 mín, 200 metra
jafnaði Svavar reyndar það met er skriðsund á 2,13,90 mín. og 400 metra
hann synti á 34,5 sek. en á Ármanns- skriðsund á 4,45,39 m»n. - Þeir eru
mótinu þar sem hann keppti við svo sannarlega efnilegir í sundlauginni
fyrrum handhafa metsins, Ákurnes- þessir tveir og eiga vafalaust eftir að
inginn kunna Inga Þór Jónsson bætti láta enn meira að sér kveða.
Þrjú
stig
fyrir
sigur
Merkasta samþykkt ársþings
Knattspyrnusambands íslands
sem haldið var á Húsavík um
helgina var án efa sú að næsta
keppnistímabi! skuli gefa þrjú
stig fyrir sigur í öllum deildum
íslandsmótsins.
Það voru Vals-menn sem báru
upp tillögu að þetta yrði tekið
upp í 1. deild og var það annað
árið í röð sem þeir lögðu haná
fyrir þing KSÍ. í fyrra var hún
felld, en nú hafði mönnum snúist
hugur. Tillagan var samþykkt
fyrir allar deildir þannig að
reikna má með líflegri sóknar-
knattspyrnu næsta sumar og er
það vel.
Það hefur verið haft á orði
undanfarin ár þegar áhorfendum
að knattspyrnuleikjum fór fækk-
andi að ein af ástæðunum væri
sú að allt kapp væri lagt á varn-
arleikinn, og var þessi „leikað-
ferð“ sögð komin frá þeim ensku
þjálfurum sem hér voru við störf.
Gengu þeir langt í því efni sumir
að láta „pakka“ í vörnina og
reyna að sækja með snöggum
upphlaupum þess á milli. En nú
sjá íslenskir knattspyrnuáhuga-
menn fram á það að boðið verði
upp á meiri sóknarknattspyrnu
og því hljóta þeir að fagna.
Víta-
kastið
varið
og Þór tapaði 19:20
Vítakast sem fór forgörðum er 15 sek.
voru til leiksloka varð Þór að falli er Þór
og ÍBV mættust í 2. deild kvenna um
helgina, en þar fóru einu taplausu liðin í
deildinni fram að því.
Leikur liðanna var mjög jafn og spenn-
andi, og á köflum vel leikinn af beggja
hálfu þótt nokkur taugaspenna setti mörk
sín á hann. í hálfleik var staðan 9:9 og er
ein mínúta var til leiksloka var jafnt
19:19.
Þá fékk ÍBV vítakast og komst yfir
20:19 og Þór fékk svo vítakast þegar 15
sek. voru til leiksloka sem fyrr sagði. Það
kom í hlut Þórunnar Sigurðardóttur að
taka það en markvörður IBV gerði sér lít-
ið fyrir og varði með tilþrifum. Sannar-
lega súrt fyrir stúlkurnar hjá Þór en þær
geta alveg unnið ÍBV í Eyjum og svo fara
tvö lið upp í 1. deild þannig að ekki er
ástæða til að leggja árar í bát.
Mörk Þórs skoruðu Sólveig Birgisdóttir
5, Inga Pálsdóttir 5, Þórunn Sigurðardótt-
ir 4, Sigurlaug Jónsdóttir 3, Anna Einars-
dóttir og Hanna Rúna Jóhannsdóttir eitt
hvor.