Dagur - 06.06.1984, Blaðsíða 9

6. júní 1984- DAGUR-9
Tekst KA aðleggja
þá röndóttu?
- KA mætir KR á föstudagskvöldið
„Þessi ieikur við KR verður
auðvitað erfiður eins og allir
leikir í 1. deildinni, það virðast
allir geta unnið alla, styrkleiki
liðanna er það svipaður,“
sagði Stefán Gunnlaugsson
formaður knattspyrnudeildar
KA er við ræddum stuttlega
við hann um leik KA og KR
sem fram fer á föstudagskvöld.
„Ég er því hóflega bjartsýnn
eins og fyrir alla leiki,“ sagði
Stefán. „Pessi leikur verður að
vinnast inni á vellinum, þar er
það baráttan sem gildir og stór
orð í fjölmiðlum duga skammt
þegar á hólminn er kornið."
KR er í efri hluta deildarinnar
og hefur ekki tapað leik hingað
til. Liðið hefur einn sigur að baki
og þrjú jafntefli og er með 6 stig.
KA er hins vegar með 5 stig, með
einn sigur og tvö jafntefli og eitt
tap.
Handboltalið KA og Þórs:
Ekki búið
að ráða
þjálfara
Þótt nokkrír mánuðir séu til
stefnu þar til vertíð handknatt-
leiksmanna hefst eru forráða-
menn félaganna víða farnir að
huga að ráðningu þjálfara fyrir
næsta vetur. Þannig hefur t.d.
verið skýrt frá því að flest liðin
í 1. deild séu búin að ráða
þjálfara.
Fundur hjá
KA-mönnum
Stjórn handknattleiksdeildar KA
boðar leikmenn m.fl. til fundar
nk. laugardagsmorgun kl. 10.30
og er áríðandi að sem flestir
mæti. Fundurinn verður í KA-
herberginu í Lundarskóla.
Kvenna-
knatt-
spyma
Fyrsti opinberi kvennaleikur-
inn í knattspyrnu á Akureyri á
þessu keppnistímabili verður
háður á Þórsvelli í kvöld kl. 20
og leika þá Þór og KA.
Þessi leikur er í Vormóti KRA
og verður fróðlegt að sjá hvernig
liðin koma undirbúin til leiks, en
bæði taka þau nú þátt í 1. deild
kvenna í sumar.
Fimmta umferðin í 1. deild
hefst í kvöld með tveimur
leikjum, Akranes og Valur
leika á Akranesi og Þróttur og
Víkingur í Laugardal.
Þriðji leikur umferðarinnar
verður svo háður annað kvöld og
mætast þá Fram og Þór í Laugar-
„Þjálfaramálin eru í athugun
hjá okkur og við höfum leitað
nokkuð víða fyrir okkur,“ sagði
Jóhann Karl Sigurðsson formað-
ur handknattleiksdeildar KA er
við ræddum við hann.
„Við höfum m.a. talað við
Danann Jan Larsen sem hefur
þjálfað hjá okkur áður en hann
er samningsbundinn í Danmörku
og kemst ekki hingað þrátt fyrir
að hann hafi áhuga á því.“
- Verða miklar mannabreyt-
ingar í KA-liðinu?
„Nei ekki sýnist mér það. Það
er ljóst að þeir hætta að keppa
Sigurður Sigurðsson og Jóhann
Einarsson og hugsanlega Magnús
Gauti markvörður. Friðjón Jóns-
son kemur heim frá Danmörku
og spilar með okkur næsta vetur
en um aðrar breytingar veit ég
ekki. En það er alveg ljóst að við
förum ekkert út í það að kaupa
til okkar leikmenn."
„Það er ekkert að frétta af
þessum málum hjá okkur,“ sagði
Ólafur Jensson formaður hand-
knattleiksdeildar Þórs.
“Við eigum eftir að halda
aðalfund og mér finnst rétt að sú
stjórn sem þar tekur við annist
þessi ráðningarmál.“
- Er Guðjón Magnússon inni í
myndinni sem þjálfari áfram?
„Ég tel æskilegt að talað verði
við hann og að hann verði feng-
inn til að þjálfa liðið ef hann hef-
ur áhuga á því.“
- Verða einhverjar manna-
breytingar hjá ykkur?
„Mér er ekki kunnugt um það,
hvorki að nokkur muni hætta eða
að við munum fá liðsauka.“
dalnum. Gengi þessara liða hefur
verið fremur dapurt það sem af
er mótinu, og því mikið í húfi fyr-
ir liðin að standa sig vel annað
kvöld. Það má því búast við
hörkuleik annað kvöld í Laugar-
dalnum.
Leikurinn á föstudagskvöld
sem verður að öllum líkindum á
grasvelli KA kl. 20 verður án efa
mjög spennandi og vonandi
styðja Akureyringar vel við bak-
ið á sínum mönnum.
Stefán Gunnlaugsson.
STAÐAN
Einn leikur var í 2. deild íslands-
mótsins í knattspyrnu í fyrra-
kvöld. UMFN vann þá Einherja
1:0 og eftir þann leik er staðan
sem hér segir:
FH 4 3 10 11:3 10
Völsungur 4 3 0 1 7:3 9
UMFN 4 3 0 1 5:2 9
Skallagr. 4 12 1 6:6 5
KS 2 110 4:1 4
Víðir 4 112 3:6 4
ÍBV 3 0 3 0 4:4 3
ÍBÍ 4 10 3 6:9 3
Tindastóll 4 10 3 3:12 3
Einherji 3 0 0 3 1:4 0
STABAN
Einn leikur var í b-riðli 3.
deildar í gærkvöld, Leiftur og
Valur frá Reyðarfirði léku í
Ólafsfirði.
Heimamenn sigruðu með
einu marki gegn engu og var
það skorað af Hafsteini Jak-
obssyni á 30. mínútu. Leiftur
hafði gífurlega yfirburði í
leiknum gegn slöku liði Vals,
en mörkin létu á sér standa.
Annars vekur það athygli að
6 af þeim 8 leikjum sem lokið
er í riðlinum hafa endað með
jafntefli, en staðan er nú þessi:
Magni 3 1 2 0 4:2 5
Leiftur 2 110 2:1 4
Austri 3 0 3 0 3:3 3
Þróttur N. 2 0 2 0 3:3 2
Huginn 2 0 2 0 3:3 2
HSÞ 2 0 2 0 2:2 2
Valur 2 0 0 2 0:3 0
Þórsarar
mæta Fram
Steingrímur Birgisson KA-maður hefur leikið vel með liði sínu að undan-
förnu. Tekst honum að skora gegn KR?
Tvö glæsimörk
á Húsavík
- er Völsungur vann Tindastól
í Bikarkeppninni - KS vann Vask
Tvö draumamörk Völsunga
nægðu þeim á Húsavík í gær-
kvöld til þess að slá Tindastól
út úr Bikarkeppni KSÍ.
Heimamenn voru mun betri
aðilinn í leiknum og hefðu átt
skilið sigur, en kornungur
markvörður í liði Tindastóls
bjargaði liði sínu frá stærra
tapi.
Jónas Hallgrímsson skoraði
fyrra mark Völsunga á síðustu
sekúndum fyrri hálfleiks, fékk
þá sendingu fyrir markið og tók
boltann viðstöðulaust og hann
söng í netamöskvunum. Síðara
mark leiksins skoraði hinn stór-
efnilegi leikmaður Svavar Geir-
finnsson frá vítateigshorni.
Þrumuskot hans fór í þverslána
á fjærhorni marksins og inn. Ekki
slorlegt mark það.
Mótherjar Völsunga í næstu
umferð verða leikmenn KS sem í
gærkvöld unnu Vask 2:0 á Akur-
eyri. Þeir lentu þar í nokkru basli
og mörkin tvö komu ekki fyrr en
um miðjan síðari hálfleik, og má
skrifa þau að verulegu leyti á
markvörð Vasks. Sævar Guð-
jónsson skoraði það fyrra og
Baldur Benónýsson það síðara.
Vilt þú
læra tennis?
Tennisáhugamenn á Akureyri
hafa samið við Svisslendinginn
Christian Staup urn að verða
með kennslu í bænum og mun
hún standa yfir frá fimmtudegi
í þessari viku og fram á sunnu-
dag.
Staup hefur getið sér mjög gott
orð sem þjálfari i þessari íþrótt,
og á námskeiðið hjá honum eru
allir velkomnir hvort sem þeir
eru lengra komnir í íþróttinni
eða hafa áhuga á að byrja undir
leiðsögn góðs þjálfara.
Innritun á námskeiðið stendur
yfir og eru þeir sem hafa áhuga á
að vera með beðnir að hafa sam-
band við Hauk í síma 25346 á
daginn og 22473 á kvöldin eða
Hörð í síma 21223 á daginn og
21261 á kvöldin. Námskeiðið
verður á vellinum við sundlaug-
ina.
Námskeið
hjáÞór
Leikja- og íþróttanámskeið Þórs
og knattspyrnuskóli félagsins
hefjast 12. júní. Innritun stendur
yfir þessa dagana í síma 21539 kl.
16-20 og lýkur á föstudag.