Dagur - 06.06.1984, Blaðsíða 12
Akureyri, miðvikudagur 6. júní 1984
EIRRÖR -TENGI @ S
SMURKOPPAR ® I
Tveir aðilar vilja
íbúðalóðir fyrir aldraða
Tveir hópar aldraðra borgara
á Akureyri leita nú eftir samn-
ingum við bæjaryfírvöld um
lóðir undir íbúðir. Annars veg-
ar er það Félag aldraðra en
hins vegar einstaklingar sem
vilja byggja slíkar íbúðir.
Skipulagsstjóra hefur verið fal-
ið í samráði við byggingafull-
trúa að leiða þetta mál til lykta
fyrir hönd bæjarins.
Félag aldraðra hefur viðrað
hugmyndir um fimm hugsanleg
byggingasvæði: í nágrenni Hús-
stjórnarskólans, á svæði sunnan
og austan Víðilundar, svæðið á
milli Skógarlundar og Hjalla-
lundar, svæðið vestan Mýrarveg-
ar og norðan Akurgerðis eða lóð-
ina vestan lögreglustöðvarinnar.
Að sögn Stefáns Reykjalín
sem á sæti í byggingarnefnd Fé-
lags aldraðra þá má líta á þessa
röð sem óskalista félagsins.
Bjarni Reykjalín, arkitekt hefur
farið með þessi mál fyrir félagið í
viðræðum við skipulagsnefnd en
samkvæmt upplýsingum Finns
Birgissonar, skipulagsstjóra þá
hafa engar ákvarðanir verið tekn-
ar í málinu.
- Við höfum verið að ræða
þær hugmyndir sem komið hafa
fram og miðað við að aðalskipu-
lag breytist ekki þá kemur í raun-
inni aðeins eitt svæðið sem nefnt
er til greina kemur undir íbúða-
byggingar. Það er svæðið milli
Skógarlundar og Hjallalundar.
Ef hins vegar er litið á þessar
íbúðir aldraðra sem stofnun þá
gætu svæðin við Hússtjórnarskól-
ann og vestan lögreglustöðvar-
innar komið til greina, sagði
Finnur Birgisson, en samkvæmt
upplýsingum hans er stefnt að
því að taka ákvörðun um stað-
arvai innan fárra vikna.
Varðandi hina umsóknina
sagði Finnur að skipulagsnefnd
væri nú að kanna hvort hægt væri
að sameina þessa hópa um sam-
eiginlegan byggingarstað en
niðurstöður lægju ekki fyrir
ennþá. - ESE
Bæjarráð Akureyrar:
Mælt með kaupum
á vélarrúmshermi
í kjölfar ferðar þriggja manna
nefndar til Noregs til að athuga
gildi vélarrúmshermis til
kennslu á vélstjórnarbraut
Verkmenntaskólans á Akur-
eyri hefur skólanefnd orðið
sammála um að kaupa skuli
slíkan hermi og bæjarráð hefur
lýst sig sammála því að æski-
legt væri að kaupa slíkt tæki.
Áætlað kaupverð er 2-2,5
milljónir norskra króna, eða 8-10
milljónir íslenskra króna, án að-
flutningsgjalda, en gert er ráð
fyrir að þau fáist felld niður.
Skólanefndin hyggst sækja um
sérstaka fjárveitingu til Alþingis
að upphæð 7,5 milljónir sem
komi til útborgunar á næstu
þremur árum. Ennfremur verður
leitað stuðnings tryggingafélaga,
útgerðaraðila, stéttarfélaga og
annarra sem hag hafa af þessum
tækjakaupum, en gert ráð fyrir
að Akureyrarbær tryggi greiðslu
þess sem á vantar. HS
Stööugt
unnið að
athugunum
„Það er ekkert nýtt að frétta af
því máli,“ sagði Sæmundur
Guðvinsson blaðafulltrúi Flug-
leiða er við ræddum við hann
um fyrirhugaða endurnýjun á
innanlandsflugflota fyrirtækis-
ins.
Talið er að tvær gerðir flugvéla
komi aðallega til greina, ný teg-
und af Fokker og ítölsk vél sem
tekur áiíka marga farþega. Sæ-
mundur sagði að stöðugt væri
unnið að athugunum varðandi
þetta mál, en hugsanlega gæti
ákvörðun tafist eitthvað vegna
þess að fyrirtækið þarf að fara að
huga að kaupum á vélum vegna
Bandaríkjaflugsins. Þar ganga í
gildi nýjar reglur um hávaða-
mengun um næstu áramót og þær
vélar sem Flugleiðir nota nú í það
flug verða á bannlista um ára-
mótin.
Sæmundur sagðist reikna með
að endurnýjunin á innanlands-
flugflotanum myndi fara fram á
stuttum tíma þótt ekki væri víst
að allar vélarnar kæmu í einu.
Hann sagði að það væri dýrt að
liggja með varahluti í tvær gerðir
flugvéla. Ekki er talið að nein
vandkvæði verði á því að selja
þær fjórar Fokker-vélar sem nú
eru notaðar í innanlandsflugið.
Blóm barín augum í bakgarði í Brekkugötu! Mynd: KGA.
María Bára HiJmarsdóttir, 100. sjúkraliðinn frá GA, tekur við prófskírtcini
sínu úr hendi Sverris Pálssonar skólastjóra. Mynd: KGA.
Við skólaslit Gagnfræðaskól-
ans á Akureyri 2. júní var 100.
sjúkraliðinn útskrifaður frá
skólanum og jafnframt sá síð-
asti. Þetta var María Bára
Hilmarsdóttir frá Ólafsfírði.
Framhaldsdeildir skólans hafa
nú verið innlimaðar í Verk-
menntaskólann, sem tók form-
lega til starfa 1. júní, og Gagn-
fræðaskólinn verður nú þriggja
ára grunnskóli, viðtökuskóli
nemenda að lokinni barna-
fræðslu, eins og á árabilinu
1934-1949.
Áður en þessi breyting kom til
var Gagnfræðaskólinn næst-
stærsti framhaldsskóli landsins
utan Reykjavíkursvæðisins og
aðeins MÁ fjölmennari. Sl. vetur
voru kennarar alls 75 og þar af 33
stundakennarar. Nemendur skól-
ans í vetur voru samtals 867. Ell-
efu sjúkraliðar luku prófi á sl.
vetri, þriggja ára verslunarnámi
luku 26 og almennt verslunarpróf
tóku 36. Átján luku 2ja ára námi
á uppeldissviði og 15 á heilbrigð-
issviði. Þá þreyttu 140 nemendur
samræmt grunnskólapróf og varð
árangur langt yfir meðaltali yfir
landið og nokkurn veginn eins og
hjá Reykjavíkurskólunum.
Frá því GA varð að samræmd-
um framhaldsskóla 1977 hafa 93
útskrifast af uppeldissviði, 169
eftir 2ja ára verslunarnám og 85
með 3ja ára verslunarnám að
baki og auk þess 100 sjúkraliðar,
eins og áður sagði. Þetta kom
m.a. fram í skólaslitaræðu Sverr-
is Pálssonar, skólastjóra, en nán-
ar er sagt frá henni á bls. 4. HS
Gagnfræðaskóli Akureyrar:
100. og síðasti
sjúkraliðinn
utskrifaður
MSIIll I
„Það er nú varla hægt að spá í
þetta því það eru svo litlar
breytingar sjáanlegar. Horfur
eru á hægviðri eða austan golu
næstu dagana og gæti orðið
skýjað af og til fyrir norðan.
Austanáttina herðir svolítið á
föstudag, en dregur úr því aftur
á laugardag. Hún ætti svo að
ná sér aftur á strik á sunnudag.
Þið megið búast við mjög góðu
veðri,“ sagði þessi bráð-
skemmtilegi veðurfræðingur
sem var á vakt í morgun.
# Krafla áfram
blótsyrði
Skýrslan sem Dagur dró fram
I sviðsljósið um hag-
kvæmnisathuganir á Kröflu-
virkjun, sem leiddu í Ijós að
virkjunin er með hagkvæm-
ustu virkjunarkostum í land-
inu í dag og eina leiðin til að
láta Kröflu greiða skuldir sín-
ar niður sé að auka afl
hennar, því meira því betra,
hefur vakið mikla athygli
norðanlands. Þó Krafla hafi
sýnt fram á það á undanförn-
um árum að hún hefur nánast
bjargað byggðalínunni og
þó að mjög jákvæðar upplýs-
inar hafi nú komið fram um
framtíð virkjunarinnar, virð-
ast menn áfram ætla að berja
höfðinu við steininn. Krafla
skal áfram fá að verða blóts-
yrðl á ísiensku máli og blóra-
böggull íslenskra efnahags-
mála. Það er svo þægilegt að
geta kennt einhverju um ófar-
irnar í efnahagsstjórn.
# Málverkin
og Krafla
Það furðulegasta við þetta
mál er þó e.t.v. þögn Reykja-
víkurblaðanna. Þau geta
andskotast út af einhverjum
málverkum sem formanni
stjórnar Landsvirkjunar voru
gefin, en þeim dettur ekki í
hug að athuga hvort Lands-
virkjun eigi að fá Kröflu að
gjöf í skjóii þeirra blekkinga
að hún sé ónýtt drasl, efnskis
virði og án nokkurrar framtíð-
ar. Þeim dettur heldur ekki í
hug að kanna hvaða áhrif það
gæti haft á framtíð fólksins
sem starfar víð og tengist
starfsemi Kröfluvirkjunar ef
gefist verður upp. Þau fjalla
um stórkostlega gufuvirkjun
og risafiskeldi á Reykjanesi og
ýjað er að flutningi véla frá
Kröflu þangað suður á sama
tíma og möguleikar Kröflu
eru ónýttir. Reykjavíkurblöð-
In eru eins og stjórnmála-
mennirnir, hrædd við hug-
takið Krafla. Þetta sýnir eins
og fjölmargt annað að lands-
byggðin þarf að efla sín eigin
blöð og gera þau áhrifameiri.
# Skrifstofu-
fárviðri
Já, 24 gráður mældist hitinn
á Akureyri (gær á opinberum
mælum. Vísast hefur orðið
nokkru heitara og einn gestur
sundlaugarinnar tjáði okkur
að þar hafi hitinn mælst 33
gráður á mæli - og sá hafi
verið í skugga. Svona veður
kalla menn gjarnan skrif-
stofuóveður eða skrifstofu-
fárviðri og ætti skýring á
hugtakinu að vera með öllu
óþörf.