Dagur - 20.08.1984, Blaðsíða 1

Dagur - 20.08.1984, Blaðsíða 1
MIKIÐ URVAL GULLSMIÐIR l SIGTRYGGUR & PÉTUR AKUREVRI 67. árgangur Akureyri, mánudagur 20. ágúst 1984 94. tölublað - Hreppsnef nd Grýtubakkahrepps hefur samþykkt áskorun til stjómvalda Hreppsnefnd Grýtubakka- hrepps hefur samþykkt áskorun til stjómvalda um að næsta stóriðjufyrirtæki verði byggt á Eyjafjarðarsvæðinu, svo framarlega að rannsóknir leiði í Ijós að lífríki héraðsins stafi ekki hætta af væntan- legum rekstri þess. Bókun þessi var samþykkt á fundi í hreppsnefndinni 15. ágúst sl. og orðrétt er hún þannig: „Hreppsnefnd Grýtubakka- hrepps skorar á stjórnvöld að hraða svo sem hægt er rannsókn- um og öðrum 'undirbúningi vegna hugsanlegs álvers við Eyjafjörð. Einnig er hlutast til um að næsta stóriðjufyrirtæki á íslandi verði byggt á Eyjafjarðarsvæðinu, svo framarlega að rannsóknir leiði í ljós að lífríki héraðsins stafi ekki hætta af væntanlegum rekstri þess." „Kvótakerfið verður endurskoðað í haust" - það hafa ekki allir nýtt sinn kvóta af fyrirhyggju segir Steingrímur Hermannsson forsætisráðherra „Það er engin trygging fyrir því að uppbótarkvóti fáist á einstaka stað, og mjög ólíklegt reyndar, því það myndi koll- varpa hlutfallinu milli staða. Það verður því að fara fram heildarendurskoðun á kvóta- kerfinu. Sýni sú endurskoðun fram á að ástand þorskstofns- ins hafi verið vanmetið eða að heildaraflamagninu hafi ekki verið náð, þá er hugsanlegt að aukið aflamagn verði leyft." Þetta sagði Steingrímur Her- mannsson, forsætisráðherra, þeg- ar Dagur bar undir hann horfur í atvinnumálum sjávarútvegsins, þar se,m margir togarar og bátar eru búnir eða að verða búnir með kvótann. Atvinnuleysi blasir því við á næstunni verði ekkert gert. „Það hefur alltaf verið um það rætt, að kvótinn yrði endurskoð- aður í haust," sagði Steingrímur. „Þá verður það gert með tilliti til ástands þorskstofnsins og hvað hefur nýst af þessum kvóta yfir landið í heild. Hins vegar vek ég athygli á því að kvótakerfið í heild var unnið í mjög nánu sam- starfi við hagsmunaaðila. Ég fæ því ekki séð hvernig í ósköp- uhum einstaka stöðum verður veittur viðbótarkvóti. Það yrði þá að koma yfir allt landið og þá vaknar spurningin; þolir þorsk- stofninn það. Eru menn þá hættir að hafa áhyggjur af honum? Og ég verð að segja það, að mér finnst kvótinn ekki hafa verið nýttur af fyrirhyggju á öllum stöðum. Menn áttu að gera 'sér grein fyrir því, að það er engin trygging fyrir því að viðbótar- kvóti fáist." - En ef forsendur eru ekki til staðar, þannig að hægt sé að leyfa meiri afla, verða menn þá að þrauka atvinnuleysið fram á næsta ár? „Síst af öllu vil ég mæla með því, en eins og ég sagði, hvað halda menn um þorskstofninn? Erum við að eyða honum eins og haldið var fram af mörgum í vetur? Eða eru menn hættir að hafa áhyggjur af því?" - Þú vilt meina að hægt sé að þrauka atvinnuleysi með lang- tímasjónarmið í huga? „Já, það getur vel verið, en þessi mál verða að bíða endur- skoðunar á kvótakerfinu í haust. Inn í þá endurskoðun kemur væntanlega einnig atvinnuástand á hverjum stað," sagði Stein- grímur Hermannsson. - GS. Slappað af í Miðbænum. Mynd: KGA Alltum íþróttir heígarinnar -Opna þurrafúi í okkar húsum bls.8 Hlutafélag um seiða- og laxeldi stofnað í Kelduhverfi: Alvarleg tilraun gerð til laxeldis í fersku vatni - Eimskipafélag íslands og Samband íslenskra samvinnufélaga hluthafar „ Já það er rétt að Eimskipa- félag íslands og Samband ís- lenskra samvinnufélaga hafa skráð sig fyrir stórum hlut í þessu nýja félagi, en stofn- fundur hefur ekki verið hald- inn ennþá. Við höfum verið að vinna að hlutafjársöfnun með- al heimamanna og hreppanna fyrir austan og fleiri aðilar koma þar inn í," sagði Þórhall- ur Björnsson fyrrverandi kaupfélagsstjóri á Kópaskeri í samtali við Dag. Þórhallur er einn af eigendum jarðarinnar Krossdals í Keldu- hverfi, en þar eru aðstæður taldar henta mjög vel til fiskeldis. Parna er jarðhiti sem er forsenda fyrir slíku, og við spurðum Þórhall að hvaða tegund fiskeldis hið nýja félag hygðist einbeita sér. „Það er seiðaeldi og jafnframt ætlum við að gera alvarlega til- raun með að ala lax í sláturstærð í fersku vatni. Slík tilraun hefur ekki verið gerð í neinni alvöru hér á landi ennþá. Það er jú vitað að lax lifir í fersku vatni, en hvort það borgar sig að ala hann upp í sláturstærð í því vatni er ekki ljóst, hvort hann vex jafn hratt við slíkar aðstæður og t.d. í volg- um sjó. Þetta er hlutur sem okk- ur finnst tilvinnandi að kanna til hlítar." - Hvernig hefur hlutafjár- söfnun gengið? „Það er óhætt að segja að hún hafi gengið vel og þegar hafa safnast um 5 milljónir króna. Málið hefur fengið góðar undir- tektir heimamanna, enda er sam- dráttur í öllum þessum hefð- bundna búskap. Þegar svo er þurfa menn að bregðast við og leita nýrra leiða og það er því eðlilegt að menn horfi vonaraug- um til nýjunga eins og þess sem við ætium að kanna." - Þess má geta að áformað er að halda stofnfund fyrirtækisins í lok september eða í október, og á næstunni er fyrirhugað að hefja byggingaframkvæmdir í Krossdal. „Það verður ekkert gert nema koma einhverju upp og málið er komið það langt að það er farið að huga að bygginga- framkvæmdum. Við erum komn- ir í kapphlaup við veturinn, það veit enginn hvenær hann kemur og því ekki séð fyrir endann á því hver vinnur það kapphlaup," sagði Þórhallur. gk-.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.