Dagur - 02.11.1984, Blaðsíða 12

12 - DAGUR - 2. nóvember 1984
„Það dugir ekki að vera
með neinn barlóm í krepp-
unni, menn verða bara að
meta aðstæður og haga sín-
um rekstri samkvœmt því.
Og við höfum ekki þurft að
kvarta, því við höfum haft
miklumeiraen nógaðgera
og það eru næg verkefni
framundan. “
Þetta sagði Jónas Sigurjóns-
son, framkvæmdastjóri hjá
Valsmíði hf. á Akureyri, en
fyrirtækið varð 10 ára í gær.
Jónas stofnaði trésmíðaverk-
stæðið 1974 í samvinnu við
KánnafrorÉTW okkar
bestu sckanem
segja Jónas
Sigurjónsson og Guðmundur
Kristjánsson, eigendur Valsmíði, sem átti 10 ára afmæli í gær
kí/l ' ‘'r // Ff Hl
Björn Stefánsson ber sig fagmannlega að verki. Elín Gísladóttir mun vera fyrsta konan sem tekur Magnús Árnason ,,finiserar“ framlciðsluna.
„sveinspróf“ í húsgagnasmíði á Akureyri.
Heimi Jónasson og Sigurð F>or-
geirsson. Þeir félagar keyptu
verkstæðið af Torfa Leóssyni,
en þar var í rauninni um að
ræða einn angann af gönilu og
góðu Valbjörk. Valsmíði dafn-
aði vel og fljótlega kom Ragnar
Ármannsson inn í fyrirtækið
sem samstarfsmaður Jónasar.
Upphaflega störfuðu aðeins
tveir menn á verkstæðinu, en
fyrirtækið dafnaði vel undir
stjórn Jónasar og Ragnars,
þannig að á t'imm ára afmæli
þess störfuðu um 9 manns á
þess vegum. Eftir lát Ragnars
Ármannssonar gerðist Guð-
mundur Kristjánsson meðeig-
andi Jónasar og þeir félagar
hafa átt gott samstarf við upp-
byggingu fyrirtækisins; þeir
hafa verið samhentir í rekstrin-
um, þannig að nú á 10 ára af-
mælinu starfar Valsmíði í nýju
rúmgóðu húsnæði við góðan
vélakost.
• Reksturinn hefur
gengið vel
„Já, reksturinn hefur gengið
þokkalega, þó hann hafi verið
sveiflukenndur eftir aðstæðun-
um í þjóðfélaginu hverju sinni,"
sagði Jónas. „Upphaflega var
um að ræða húsgagnafram-
leiðslu og megnið af framleiðsl-
unni fór í verslanir í Reykjavík.
En eftir að innflutningur á hús-
gögnum var gefinn frjáls má
segja að rekstrargrundvellinum
hafi verið kippt undan þessari
framleiðslu. Ekki þó vegna þess
að framleiðsla okkar stæðist
ekki samanburð við innfluttu
húsgögnin, heldur vegna þess
að húsgagnasalar gátu leyst inn-
fluttu húsgögnin út úr tollvöru-
geymslu eftir því sem þau
seldust. í framhaldi af því tóku
þeir upp þá stefnu, að panta eitt
og eitt stykki frá innlendum
framleiðendum, en það dæmi
gekk ekki upp. Það hefði orðið
til þess að verkstæðin hefðu
þurft að standa uppi með lager-
inn og þann fjármagnskostnað
sem slíku fylgir.“
- En hvað var þá til ráða?
„Við ákváðum að fara út í
framleiðslu á einhverju sem
hægt væri að selja beint til not-
andans og byrjuðum á eldhús-
innréttingum og einnig vorum
við í samstarfi við Haga um
tíma. Síðar þróaðist þetta út í
að við fórum að framleiða aðrar
innréttingar í híbýli manna,
eins og hurðir, baðinnréttingar,
hilluskilrúm og annað í þeim
dúr.“
- Og hvernig hefur gengið?
„Okkur hefur gengið vel og
okkar framleiðsla hefur fallið í
góðan jarðveg," svaraði Guð-
mundur. „Við höfum ekki gert
mikið af því að auglýsa, en
ánægðir viðskiptavinir eru bestu
sölumennirnir. Þannig höfum
við smíðað innréttingar fyrir
heilu ættirnar. Við höfum lagt
áherslu á að gera viðskiptavini
okkar ánægða og orðspor okkar
hefur síðan gengið frá þeim til
ættingja, vina eða nágranna.
Þannig eru dæmi þess að við
höfum smíðað innréttingar fyrir
einhvern íbúa á tiltölulega fá-
mennum þéttbýlisstað, sem síð-
an hefur orðið til þess að við
höfum farið þar hús úr húsi.
Þannig erum við búnir að smíða
innréttingar í 11 hús í Hrísey og
núna erum við að byrja á
Hauganesi," sagði Guðmundur.
• Gerum föst verðtilboð
- Hvernig takið þið á móti
þeim sem koma inn og eru að
„spekúlera"?
„Við byrjum á því að sýna
þeim þau sýnishorn sem við eig-
um hér á verkstæðinu,“ og nú er
það Jónas sem verður fyrir
svörum. „Nú, ef viðkomandi
hefur áhuga gerum við teikn-
ingu, jafnvel tvær - aðra eftir
óskum viðskiptavinarins en
hina samkvæmt okkar hug-
myndum ef svo ber við að horfa
og við bjóðum fast verð. Síðan
getur verið að teikningarnar
breytist eitthvað, nýjar hug-
myndir komi frá viðskiptavinin-
um eða þá að hann vill nýta sér
einhverja af okkar tillögum.
Við leggjum áherslu á að hafa
teikningarnar greinilegar, þann-
ig að það fari ekkert á milli
mála hvað við erum að fara að
smíða. Við viljum sem sagt vera
öruggir um að viðskiptavinurinn
fái það sem hann ætlar sér. En
þá þarf hann líka að vera með
það á hreinu hvað hann vill,“
segir Jónas.
En nú eruð þið í harðri sam-
keppni við innflutning, sem
margir innréttingasmiðir hafa
gagnrýnt hart. En er það ekki
samt sem áður staðreynd, að
innflutningurinn hefur orðið
ykkur til góðs að mörgu leyti.
Þið hafið aðlagað ykkur aðstæð-
um, fengið hugmyndir frá er-
lendu framleiðendunum og
unnið að hagræðingu við fram-
leiðsluna til að vera samkeppn-
isfærir í verði?
„Já, það er alveg rétt, sam-
keppnin hefur gefið okkur gott
aðhald og reynst okkur holl
lesning að mörgu leyti,“ svaraði
Guðmundur þessari spurningu.
„Með innfluttu innréttingunum
hefur t.d. komið ýmiss konar
búnður til þæginda, eins og út-
dregnir skápar og ýmiss konar
grindur í skápa, svo eitthvað sé
nefnt. En í okkar tilboðum
reiknum við ekki með slíkum
búnaði í óhófi, en miðum við
óskir hvers og eins þegar frá
samningum er gengið. Sumir
eru ekki hrifnir af þessu, en aðr-
ir vilja hafa alla skápa útdregna
og rennibrautir á öllu og þá fá
þeir það. En auðvitað verður
slíkur munaður til þess að inn-
réttingin verður dýrari.“
• Gerum allt klárt
fyrir eldamennskuna
- En hvað hafið þið fram yfir
innflytjendur?
„Fyrst og fremst tel ég að við
bjóðum góða þjónustu," svar-
aði Jónas. „Við höfum verið svo
heppnir að hafa hjá okkur mjög
góða fagmenn, sem skila vinnu
sem viðskiptavinirnir eru
ánægðir með. Auk þess fylgjum
við innréttingunum á staðinn og
setjum þær upp. Við skiljum
ekki við eldhúsinnréttinguna
fyrr en allt er tilbúið fyrir elda-
mennskuna og viðskiptavinur-
inn er ánægður. Auk þess get-
um við fylgst með hvernig eitt
og annað reynist í notkun og
bætt úr því sem þarf.“
- Hvernig er „línan“ í eld-
húsinnréttingum núna?
„Ljóst er allsráðandi, beyki
eða hvítar innréttingar, ýmist
lakkaðar eða með plasti,“ svar-
aði Guðmundur, og í framhaldi
af því var hann spurður um fur-
una. „Jú það er talsvert um
furu, en hún er erfið, ekki síst
vegna þess að það er erfitt að
fá góða massíva furu hér á
landi. Þar að auki er hún mjög
viðkvæm og er fljót að láta á
sjá þar sem mikið mæðir á.
Áuðvitað smíðum við úr furu
fyrir þá sem vilja, en við reyn-
um að gera viðskiptavininum
ljóst út í hvað hann er að fara.
Við höfum nefnilega rekið okk-
ur á að fólk rekur upp stór augu
þegar það uppgötvar hvað furan
er viðkvæm."
Að lokum voru Jónas og
Guðmundur spurðir um hvert
væri erfiðasta Ijónið sem hefði
mætt þeim í þau ár sem þeir hafa
rekið Valsmíði. „Verðbólgan",
svöruðu þeir báðir einum rómi.
Þeir sögðu að reksturinn hefði
verið erfiður á meðan hún var sem
mest, vegna þess að efnið hækk-
aði verulega í verði við hverja
sendingu og viðskiptavinirnir
áttu einnig í erfiðleikum með að
standa í skilum. Ástandið hefði
hins vegar verið mjög gott að.
þessu leyti undanfarna mánuði.
Þannig sögðust þeir Jónas og
Guðmundur ekki hafa þurft að
hækka verð framleiðslunnar
frá því í júlí í fyrra þar til í
haust. En hver er galdurinn við
að byggja upp traust fyrirtæki?
„Það hefst ekki nema með
mikilli vinnu þeirra sem að
fyrirtækinu standa og þá þurfa
eigendurnir ekki að reikna með
því að fá alltaf útborgað á til-
settum degi. Með því móti og
með traustu starfsfólki er þetta
hægt, en þá þarf líka að koma
til gott samstarf við kúnnana og
því láni höfum við átt að fagna,“
sögðu þeir félagar í lok samtals-
ins. - GS
Starfsmcnn hjá Valsmíði hf.: Elín Gísladóttir, Jónas Steingrímsson, Magnús Árnason, Jónas Sigurjónsson, Björn
Stefánsson og Guðmundur Kristjánsson.