Dagur - 21.08.1985, Síða 1

GULLSMIÐIR
, SIGTRYGGUR & PÉTUR
' AKUREYRI
TRÚLOFUNAR-
HRINGAR
AFGREIDDIR
SAMDÆGURS
68. árgangur
Akureyri, miðvikudagur 21. ágúst 1985
91. tölublað
Rjómabragð
af mjólkinni
- sem reyndist svo alls ekki vera neinn rjómi
- Það er rétt, það var rjóma-
bragð af mjólkinni frá okkur
þennan dag, en það var ekki
vegna þess að hún væri feitari
heldur en venjulega, heldur
vegna mannlegra mistaka við
gerilsneyðingu,“ sagði Júlíus
Kristjánsson hjá Mjólkursam-
lagi KEA, í samtali við Dag.
Góð veiði
í Hofsá
Talsvert bar á því í síðustu
viku, að neytendur skiluðu
mjólkurfernum, sem skv. stimpl-
un voru á síðasta söludegi
20. ágúst. Töluðu þeir um að
rjómabragð væri af mjólkinni og
starfsfólk Dags sannfærðist um
að það voru engin ósannindi.
Ástæðan fyrir rjómabragðinu var
sú, að mjólkin var gerilsneydd
við 90°C í staðinn fyrir 75°C. Við
þetta brotnar eggjahvítan niður í
mjólkinni og af því verður rjóma-
bragð. Að sögn Júlíusar hefur
mikið af þessari mjólk verið skil-
að inn, því fólk kunni ekki við
þetta rjómabragð af mjólkinni
sinni. - GS
Á mánudaginn var spiluð ein lengsta golfhola landsins. Það voru nokkrir félagar í GA, sem slógu upphafshögg á
miðju gólfi Slippstöðvarinnar, þar sem var teigur á fyrsta golfvelli félagsins. Síðan léku þeir upp á völl númer tvö,
við Þórunnarstræti, og síðan upp að Jaðri. Hér tekur Smári Garðarsson fyrsta höggið. Hann lék þessa holu best,
eða á 50 höggum. Mynd: KGA.
- rúmlega 900
laxar komnir á land
Veiöi í Hofsá í Vopnafirði hef-
ur gengið mjög vel eftir því
sem Bragi Vagnsson á Bustar-
felli sagði. Það hafa veiðst um
900 laxar fram að þessu á laxa-
svæðinu, og um 20 á silunga-
svæðinu. Sá stærsti sem komið
hefur úr ánni er tæp 20 pund.
Allt árið í fyrra náðust á land
180 laxar, svo það má segja að
góður fjörkippur hafi komið í
ána. Bragi taldi marga samverk-
andi þætti ráða því að veiðin hef-
ur glæðst svo mikið. Nefndi hann
átumagn í sjó, tíðarfarið í fyrra,
hlýindi sjávar, seiðafjölda í ánni
og margt fleira. Bragi nefndi að
Færeyingum hefði gengið illa að
veiða lax úr sjó í vetur og gæti
það haft áhrif.
Síðast en ekki síst hafa Vopn-
firðingar sleppt seiðum á ólax-
genga hluta árinnar og er talið að
það hafi gert mikið fyrir ána.
-gej
Jón fékk
heiðure-
kross ÍSÍ
í 50 ára afmælishófi Golf-
klúbbs Akureyrar sem haldið
var um síðustu helgi voru
mcnn heiðraðir fyrir störf í
þágu klúbbsins og íþróttar-
innar eins og venja er við slík
tækifæri.
Jón G. Sólnes var einn þeirra
sem hlutu gullmerki Golfklúbbs
Akureyrar. Þá afhenti Sveinn
Björnsson forseti íþróttasam-
bands íslands Jóni heiðurskross
ÍSÍ sem er æðsta viðurkenning
er þau samtök veita. Aðeins
einu sinni áður hefur kylfingur
orðið þess heiðurs aðnjótandi
en það var Páll Ásgeir Tryggva-
son sendiherra og fyrrverandi
forseti Golfsambands íslands.
gk--
„Feit og góð loðna“
- sem veiðst hefur sunnan 68. breiddargráðu
Enn sem komið er hafa aðeins
tvær verksmiðjur fengið loðnu
af miðunum við Jan Mayen,
Sfldarverksmiðja ríkisins á
Raufarhöfn og loðnubræðsla
Hraðfrystihúss Eskifjarðar hf.
Eins og fram kom í fréttum um
helgina bjóða Síldarverksmiðjur
Akureyri:
Ný sundlaug
fyrir bömin?
„Ég veit af fólki, sem kemur
ekki hingað í sund vegna þess
að það er svo mikið af börnum
hér sem yfirtekur Iaugina,“
sagði Haukur Berg, sund-
laugarstjóri, í samtali við Dag.
En til stendur að byggja barna-
laug á sundlaugarsvæðinu. Mun
hún væntanlega verða sunnan við
gömlu laugina. Það er hugmyndin
að börn sem vilja leika sér og
svamla í vatninu hafi þessa laug
fyrir sig, en gamla laugin verði
fyrir þá sem vilja synda sér til
heilsubótar. Barnalaugin verður
væntanlega 25x10 metrar. Heim-
ild er fyrir því að láta hanna laug-
ina og verður þá hægt að byrja á
byggingu hennar næsta sumar.
- Það fer svo eftir vilja bæjar-
yfirvalda, hvort ráðist verður í
þetta verkefni næsta sumar, sagði
Haukur. Hann gat þess
jafnframt, að þótt börnin væru
stundum fyrirferðarmikil, þannig
að fullorðnir veigruðu sér við að
fara í laugina, þá vildi hann endi-
lega að sem flest þeirra kæmu í
sund. Fyrirhuguð barnalaug væri
hins vegar langþráð viðbót,
þannig að enn fleiri geti notið
þess að iðka sundið. - gej
ríkisins loðnuseljendum 10%
hærra verð fyrir loðnuna en það
hámarksverð sem ákveðið var á
dögunum, en það virðist ekki
duga til að koma í veg fyrir að
flestir bátarnir sigli framhjá
Raufarhöfn og til Eskifjarðar.
Það bendir til að seljendur fái
betra verð á Eskifirði en ekki
hefur fengist staðfest í hverju sú
yfirborgun er fólgin.
Tólf bátar eru nú farnir til
þessara veiða og fjölgar þeim
smám saman. Það gæti því farið
að styttast í að verksmiðjurnar á
Siglufirði, Ólafsfirði og Krossa-
nesi fái loðnu til bræðslu og eins
eru Bolvíkingar að búa sig undir
vertíðina. Ekki verður opnað fyr-
ir veiðar sunnan 68. breiddar-
gráðu fyrr en 1. október en bæði
togarar og rækjubátar sem verið
hafa á veiðum djúpt undan Norð-
urlandi hafa fengið eitthvað af
loðnu í veiðarfærin og segja sjó-
mennirnir að það sé bæði feit og
góð loðna. Því hafa komið fram
kröfur um að Hafrannsókna-
stofnun sendi skip á þessar slóðir
til að mæla stofninn. í ljósi þeirra
niðurstaða sem úr þeirri rann-
sókn kæmu yrði síðan ákveðið
hvort ekki væn rétt að færa
mörkin eitthvað sunnar til að bát-
arnir þyrftu ekki að eyða olíu í að
sigla yfir loðnuna. -yk.
Fjórðungssjúkrahúsið á Akureyri:
Þyrluvöllurínn
undirbyggður
- en ekki til fjárveiting fyrir maibikinu
Allt útlit er fyrir að þyrlu-
völlurinn, sem er í byggingu
við Fjórðungssjúkrahúsið á Ak-
ureyri, verði ekki tilbúinn fyrr
en á næsta ári, þó ekki sé ann-
að eftir en að malbikn völlinn.
Bæjarstjórn Akureyrar gat
ekki fallist á að láta fram-
kvæma það verk, þar sem ekki
var gert ráð fyrir því á fjár-
hagsáætlun.
Gísli Ólafsson, fyrrverandi
yfirlögregluþjónn á Akureyri,
sem nú er fulltrúi Almannavarna
hér nyrðra, hefur haft veg og
vanda af undirbyggingu vallarins.
Honum hefur tekist að fá menn
til að vinna að því verki endur-
gjaldslaust. Gisli sagði að völlur-
inn væri tilbúinn fyrir malbikun,
en úr því gæti líklega ekki orðið
fyrr en á næsta ári, þegar veitt
hefur verið til þess fé á fjárhags-
áætlun. Það er því ekki útlit að
þyrluvöllurinn komi að gagni í
bráð.
- Það er mikið nauðsynjamál
fyrir stærsta sjúkrahúsið utan
Reykjavíkur, að hafa slíka að-
stöðu fyrir þyrlu. Þess vegna vil
ég konta á framfæri þakklæti til
allra þeirra fjölmörgu aðila, sem
sýnt hafa þessu máli skiining,
sagði Gísli Ólafsson. - gej