Dagur - 03.10.1985, Blaðsíða 6

6 - DAGUR - 3. október 1985
3. október 1985 - DAGUR - 7
„Já, ég fór auövitað í Atlavík.
Það var mikið fjör og mikið sukk
en mér ofbauð nú samt ekki."
- Hvernig heldurðu að félags-
lífið verði hér í vetur?
„Það verður örugglega fínt. Ég
hef mikinn áhuga á leiklist og
vona að það sé einhver leiklistar-
starfsemi í vetur.“
- Að lokum, ertu búin að redda
þér jarðfræðibók?
„Nei, það er nefnilega það, ég
er ekki búin að redda mér jarð-
fræðibók."
Við vonum að Bryndís verði virk
í LMA (Leikfélagi MA) í vetur.
Magnús Orri Haraldsson.
Æskulýðsráð
með fjölbreytt
starf í vetur
Umsjónarmenn ALLS langaði til
að fræðast um hvað væri á döfinni
í vetrarstarfi æskulýðsráðs. í þeim
tilgangi mæltum við okkur mót við
Orra Haraldsson, starfsmann í
Dynheimum, og báðum hann að
segja frá því helsta sem framund-
an væri.
„Æskulýðsráð verður með fjöl-
breytt starf í vetur, sennilega fjöl-
breyttara en nokkru sinni áður. í
sumar voru Dynheimar lokaðir í
tvo mánuði vegna stækkunar.
Neðri hæðin var tekin í notkun og
þar er nú komin eins konar kaffi-
stofa sem opin verður milli kl. 14
og 18 alla virka daga í vetur.
Þarna geta unglingarnir hist eftir
skóla, rabbað saman og jafnvel
unnið að heimaverkefnum. í vetur
er ætlunin að halda böll á hverju
föstudagskvöldi fyrir módel 71 og
eldri og þá verður þarna sjoppa."
- Hvað með námskeið og
klúbba?
„Það er búið að auglýsa eftir
leiðbeinendum á ýmiss konar
námskeið s.s. leiklistarnámskeið,
Ijósmyndanámskeið og snyrti-
námskeið en það fer svo eftir
áhuga hvort þau verða haldin og
hvort þau verða hér í Dynheimum,
í Glerárskóla eða Lundarskóla.
Síðan fara þeir sem mestan
áhuga hafa á t.d. leiklistinni í Leik-
klúbbinn Sögu sem í fyrra var
hvaö öflugastur í starfinu. Af öðr-
um klúbbum má nefna húsklúbb
sem sér um viðhald húsnæðisins
og ýmsar nýjungar og starfsklúbb
sem vinnur á böllum. Með því að
vinna 10 tíma í þessum klúbbum
geta unglingarnir fengið frímiða á
ball.“
Að lokum sagði Orri að að-
gangseyrir á böll yrði sá sami og í
fyrra eða 150 krónur og vonaðist
til að sem flestir tækju þátt í starf-
seminni í vetur.
ALLT þakkar Orra fyrir upplýs-
ingarnar.
Texti: Eggert Tryggvason og Helga Björk Eiríksdóttir - Myndir: Gísli Tryggvason
ALLT í
vetrarbyrjun
Þessa dagana standa yfir um-
fangsmiklar breytingar á lífi mikils
hluta landsmanna. Hér er aðal-
lega um að ræða okkur unga fólk-
ið sem á undanförnum vikum höf-
um veriö aö færa okkur af vinnu-
markaðinum í skólana sem nú eru
allir byrjaðir. Síðastur fór í gang
elsti skóli á Norðurlandi, MA, sem
var settur á sunnudaginn var.
Nú á næstu dögum munu mikl-
ar breytingar verða á bæjarlífinu,
til hins betra. Nýtt líf mun færast í
Miðbæinn og bæinn allan, ýmiss
konar íþrótta- og félagsstarfsemi
fer í gang á vegum skólanna eða
auk þess sem starf æskulýðsráðs
verður kynnt. ALLT spyr líka í dag
og að þessu sinni er það um atriöi
sem gæti varðað nemendur
flestra skóla. Hugmyndin er að
þessi spurning verði fastur liður í
þættinum og að spurt sé um hluti
sem eru ofarlega á baugi í það og
það skiptið.
Áður en við snúum okkur að
innmatnum finnst okkur umsjónar-
mönnunum af meðfæddri kurteisi
viðeigandi að biðjast afsökunar á
smávægilegum mistökum við
frumburðinn.
Nú er bara að finna skó við hæfi.
annarra, það verður virkilega
gaman að lifa. Árviss umskipti
verða á íþróttahegðunarmynstri
(nýyrði) landsmanna, þar á meðal
okkar sveitamannanna norðan
heiða. Fótboltinn hættir að rúlla
eins og við segjum stundum á
knattspyrnumáli, knattspyrnu-
menn, frjálsíþróttamenn o.fl.
leggja skóna á hina frægu hillu.
Þetta ætti þó allt að vera í lagi
með hilluna því handboltamenn
meðal annarra eru búnir að taka
sína skó niður og ef einhvern tíma
fer að snjóa fara víst nokkrir níð-
þungir skíðaklossar af hillunni
líka. Sem sagt nú er bara að finna
skó við hæfi og skella sér í íþrótt-
irnar.
Eftir vinnu sumarsins er alltaf
gaman að hitta gömlu skólafélag-
ana og ekki síður að kynnast nýj-
um því hingað eru nú komnir
nemendur víðs vegar af landinu,
flestir í VMA eða MA. Nemar í
þessum skólum eru nú fleiri en
nokkru sinni áður. Eflaust eru líka
flestir orðnir þreyttir á líkamlegri
vinnu sem þeir hafa stundað í
sumar og bíða nú spenntir eftir
því að kennarar fái þeim verkefni
sem leyst eru á annan hátt,
þ.e.a.s. með þessum fáu gráu.
( þessum öðrum þætti ALLS er
spjallað við nokkra nemendur um
lífið og tilveruna í sumar og vetur
Þannig var að á öllum þeim
myndum þar sem tveir komu við
sögu tókst okkur af mikilli snilld að
snúa myndatextunum öfugt. Hlut-
aðeigandi eru beðnir velvirðingar
á þessu og vonandi hefur þetta
ekki valdið þeim miklum erfiðleik-
um í lífinu.
979
ALLT
SPYR
999
■ ■ ■
Haukur Harðarson
trúnaðarmaður BSRB:
- Nú hefur BSRB sagt
upp samningum s/num
við ríkið frá áramótum.
Áttu von á því að þá komi
til verkfalls?
„Já, alveg eins. Það
kæmi mér alls ekkert á
óvart ef til verkfalla kæmi.
Að öllum líkindum verða
settar fram kröfur um
verulega launahækkun og
auk þess einhvers konar
verðtryggingu og það
verður ekki auðvelt að fá
samningamenn ríkis-
Við verðum
í H-inu í vetur
í Miðbænum varð ekki þverfótað
fyrir kaupóðum menntskælingum
(mánudagur 30/9) og er það
ástæðan fyrir einhæfu vali okkar
á viðmælendum.
í anddyri Útvegsbankans náð-
um við tali af tveimur MA-busum,
Lilju Ágústsdóttur og Jónínu
Hauksdóttur frá Akureyri.
- Hvernig höfðuð þið það í
sumar?
„Það var frekar leiðinlegt og
veðrið var ógeðslegt. Við vorum á
frystihúsinu og það var bara
sæmilegt."
- Þið virðist frekar daufar í
sambandi við sumarið, gerðuð þið
ekkert skemmtilegt?
„Jú, við fórum náttúrlega í Atla-
vík og það var æði, Stuðmenn
voru æðislegir og Skriðjöklar voru
frábærir, mikið betri en Special
Treatment frá Húsavík. En það
var ógeðslegt sukk þarna.“
- Hvernig finnst ykkur MA?
„Þetta er örugglega góður skóli,
það brakar og brestur í honum
öllum, og maður hefur heyrt að fé-
lagslífið sé gott. Svo er fullt af
sætum strákum þar."
- Lentuð þið í góðum bekk?
„Ja, við verðum í H-inu.“
(Það má skilja þetta á ýmsa
vegu.)
Lélegt
kaup
i sumar
I Gagganum hittum við tvo hressa
stráka í 9. bekk, þá Halldór og
Ragnar.
- Hvernig líst ykkur á veturinn?
„Alveg stórkostiega."
- Hvað gerðuö þið í sumar?
„Við unnum báðir á KA-vellin-
um. Það var lélegt kaup og ekkert
gaman.“
- Og hvert fóruð þið um versl-
unarmannahelgina?
„Ég hjólaði inn í Leyningshóla,"
sagði Halldór.
„Ég fór bara suður,“ sagði
Ragnar að endingu.
Rosa puð
hjá vatnsveitunni
Á leiðinni í Verkmenntaskólann
(gamla Iðnskólann) rákumst við á
Lalla busa úr MA.
„Ég vann hjá vatnsveitunni í
sumar og það var rosa puð - ekki
fyrir hvítan mann að vinna þar.“
- Hafðirðu mikið upp?
sjóðsins til að ganga að
þessu. Þetta gætu orðið
mikil átök.“
- Áttu von á að þetta
verkfall, ef að því verður,
komi niður á skólastarfi á
svipaðan hátt og verkfall-
ið í fyrravetur?
„Þetta er dálítið flókiö
mál. Hjá kennurum er um
að ræða tvö stéttarfélög.
Hið íslenska kennarafé-
lag, HÍK sem er aðili að
Bandalagi háskólamanna,
BHM sem hefur ekki verl:-
fallsrétt og Kennarasam-
band íslands, KÍ sem nu
hefur sagt sig úr BSRB.
Sú úrsögn gengur í gildi
um áramót og þá missir
KÍ bæði verkfalls- og
samningsrétt. Þannig að
ef skólastarf stoppar
vegna verkfalls þá verður
það ekki vegna kennara
heldur einhvers annars
starfsfolks t.d. húsvarða.
Ég held því að svar mitt
sé það að ég á von á verk-
falli hjá BSRB um áramot
Lilja og Jónína.
Ragnar og Halldór.
„Ég hafði slatta upp
68.000.“
- Fórstu eitthvað um
armannahelgina?
, svona
verslun-
„Ja, ég fór bara suður að leika
mér.“
- En hvernig líst þér á MA og
veturinn í heild?
„MA er örugglega ágætur skóli
og veturinn verður ábyggilega
fínn, en annars ætla ég að reyna
að sofa eins mikið og ég get.
- Hvaö ertu að gera í kvöld?"
(Rétt er að geta þess að Helga
tók viðtalið.)
Lalll busi.
en tel ekki að það komi
niður á skólastarfi.“
ALLT þakkar Hauki fyrir
greinargóð svör og vonar
að hann hafi rétt fyrir sér
varðandi skólana.
Haukur Harðarson.
trunaðarmaður BSRB.
Bryndís Sigurðardóttir.
Hef mikinn
áhuga á leiklist
Á heimavist MA drógum við unga
snót, Bryndísi Sigurðardóttur frá
Blönduósi, niður í kjallara og
píndum hana með nokkrum
spurningum.
- Hvað gerðir þú skemmtilegt í
sumar?
„Ja, skemmtilegt, ég vann á
frystihúsi á Skagaströnd. Það var
nú ekkert sérstakt."
- En þú hlýtur að hafa lyft þér
eitthvað upp um verslunarmanna-
helgina.
Okkur vantar fleiri
vinnandi hendur
„í atvinnumálum ber hæst
byggingu nýs frystihúss. Það
hefur verið takmark okkar í
nokkur ár að koma upp nýju
húsi en það gamla sem Jökull
hf. átti var ákaflega óhag-
kvæmt og nánast útilokað að
láta það bera sig þess vegna.
Þar að auki var það komið á
undanþágu á ýmsum sviðum
og því annað hvort að leggja
mikið fjármagn í endurbygg-
ingu og breytingar eða byggja
nýtt og það varð ofan á.“
Það er Gunnar Hilmarsson,
sveitarstjóri á Raufarhöfn, sem
hefur orðið í samtali við Dag.
Hann var næst spurður um nýja
húsið, hvort það yrði mikið hús.
„Sjálft frystihúsið er 1800 fer-
metrar en auk þess er viðbygging,
250 fermetra hús fyrir starfs-
mannaþjónustu og skrifstofu.“
- Og hvenær hefst svo vinna í
þessu húsi?
„Það er nú öllu erfiðara að
segja til um en einhvern tíma
vetrar 1986-’87 ef ekki koma upp
frekari tafir, það er verið að ljúka
við að steypa upp veggi núna
þannig að vonandi verður húsið
fokhelt á þessu ári. Kannski er
það bjartsýni að það taki ekki
nema ár að ljúka smfðinni eftir
það en við erum bjartsýnis-
menn.“
- Og hverjir standa svo að
þessari byggingu?
„Jökull hf. sem í raun er
hreppurinn en hann á nær 95%
hlutafjár, var lengi búinn að
reyna að fá fjármagn til þess að
byggja en kröfur lánastofnana
um eigið fjárframlag heima-
manna gerðu það vonlaust. Þess
vegna var sú leið farin að stofna
nýtt hlutafélag hér um fiskvinnsl-
una og er kaupfélagið á staðnum
stærsti hluthafi auk sveitarfélags-
ins. Einnig er Kaupfélag Lang-
nesinga stór hluthafi og ber sér-
staklega að virða það framtak til
atvinnuuppbyggingar í Norður-
Þingeyjarsýslu, þó ekki sé það ná-
kvæmlega á þeirra félagssvæði.
Þessir aðilar ásamt nokkrum ein-
staklingum á Raufarhöfn stofn-
uðu síðan Fiskiðju Raufarhafnar
sem keypti hið gamla frystihús
Jökuls og byggir nýja húsið.“
- Verður Jökull hf. þá lagður
niður?
„Nei Jökull hf. verður með
óbreyttan rekstur þar til að nýja
húsið er tilbúið og eftir það verð-
ur Jökull hf. hreint útgerðarfyrir-
tæki, en Jökull á auk Rauðanúps
40% í Útgerðarfélagi Norður-
Þingeyinga sem á Stakfellið.”
- Svo þið hafið fjárfest austur
á Þórshöfn líka?
„Já og nei, við höfum fjárfest í
skip og afla þess fyrst og fremst.
Hins vegar heyrist manni stund-
im að Þórshafnarmenn eigi
togarann einir en það er nú önn-
ur saga og ekki tilbúin enn til
prentunar.“
- Eitthvað er fleira en fiskur á
Raufarhöfn?
„Það er ýmislegt fleira, en ekki
er þó hægt að skilja við fiskinn án
þess að minnast á loðnuna, hún
er jú fiskur. Hjá okkur hófst
bræðsla um 20. ágúst og verði
ekkert stopp á henni stefnir hugs-
anlega í bestu vertíð hér frá upp-
hafi, enda kominn tími eftir tvö
loðnubrestsár.
En það er fleira en fiskur og
sem betur fer hefur orðið veruleg
aukning á ýmissi þjónustu hér
síðasta árið eða svo.
Kaupfélagið reið þar á vaðið
með því að opna hér trésmíða-
verkstæði og bakarí en hvorugt
var hér áður.
Þá stofnuðu hér tveir ungir
menn bifreiðaverkstæði sem tók
til starfa í sumar og virðist ætla
að dafna vel, en einnig vantaði
hér slíkt verkstæði þó furðulegt
sé.
Loðdýrabændur í Norður-
Þingeyjarsýslu stofnuðu félag um
fóðurvinnslu og hefur félagið Æti
hf. reist hér myndarlegt stál-
grindahús til þeirrar vinnslu sem
er þegar hafin.
Þá stofnaði hér ungur maður
hellusteypu í sumar, ekki stórt
fyrirtæki en leysir ákveðna þörf.“
- Það virðist eftir þessu vera
nóg að gera á Raufarhöfn?
„Sem betur fer hefur verið næg
atvinna hér síðan frystihúsið fór
af stað í vetur eftir brunann og
meira en það, okkur vantar fleiri
vinnandi hendur. Auk þess sem
við höfum minnst á áður þ.e.
togaraútgerð, frystihús, loðnu-
bræðslu o.fl. þá eru hér tvö minni
fiskvinnslufyrirtæki, sem m.a.
huga að síldarsöltun, sauma-
stofa, verslun o.s.frv. Undirstað-
an er og verður samt sjórinn og
vinnsla sjávarafla. Sú atvinnu-
grein er að mínu viti að rétta úr
kútnum eftir nokkur mjög erfið
ár. Þess vegna á Raufarhöfn
bjarta framtíð fyrir höndum ef
rétt er á haldið."
- En ekki er tilveran þarna hjá
ykkur einungis vinna?
„Ekki er það nú alveg, en hitt
er tilfellið að þegar mikið er að
gera þá vill oft verða minna úr
tómstundunum.
Það sem við höfum lagt mikla
vinnu í undanfarin ár er aðstaða
til tómstunda og íþrótta. í fyrra
tókum við í notkun hér mjög full-
komna yfirbyggða sundlaug og í
sama húsi útbjuggum við ágæta
heilsurækt sem hefur upp á flest
að bjóða. Þar er tækjasalur,
ljósaböð, gufubað og hvíldarher-
bergi og þar er m.a. kaffi á könn-
unni og setustofa.
í sumar komu Raufarhafnarbú-
ar öðru stórmáli í höfn þegar
ungmennafélagið Austri kom
upp, með aðstoð sveitarfélagsins
sem og flestra íbúa þess, myndar
Gunnar Hilmarsson, sveitarstjóri.
legum frjálsíþrótta- og fótbolta-
velli sem var formlega vígður um
miðjan ágúst. Áður hafði Austri
þurft að leika sína heimaleiki
annars staðar þar sem löglegur
völlur var ekki til hér og segja má
að engin aðstaða hafði verið fyrir
frjálsar íþróttir. Mega nú ná-
grannar Austra fara að vara sig.“
- Átti Raufarhafnarhreppur
ekki afmæli í ár?
„Jú sveitarfélagið varð 40 ára á
þessu ári og héldum við upp á
það með ljósmyndasýningu. í
sömu viku og við vígðum íþrótta-
völlinn. Við sýndum þarna hátt
í hundrað myndir úr bæjarlífinu
sl. 40-50 ár og að sjálfsögðu var
þar mikið úr síldinni sem von
var. Þessi sýning þótti takast
mjög vel, um 300 gestir skrifuðu í
gestabók en margir komu þó oft
til þess að rifja upp gamla daga.
Á þessari sýningu lágu líka
frammi skipulagsuppdrættir af
opnum svæðum í bænum sem
Halldór Jóhannsson, landslags-
arkitekt á Akureyri er að vinna
að og við hyggjumst vinna eftir á
næstu árum.“
- Ég man eftir vísu um Rauf-
arhöfn sem gefur ekki fagra
mynd af staðnum.
„Já ég kannast við hana líka,
en vonandi verður hún bráðlega
hrein öfugmælavísa a.m.k. ef íbú-
ar hér halda áfram því fegrunar-
starfi sem í gangi hefur verið
undanfarin ár. Það er mikið verk
að hreinsa til eftir þá peninga-
menn sem komu með síldinni til
þess að mala gull, en skildu svo
allt draslið eftir þegar hún hvarf.
Bæjarstæðið hér er fallegt frá
náttúrunnar hendi en það sem
okkur vantar mest er góð gróður-
mold sem við verðum að flytja
langt að. En það gerum við og þú
skalt sjá til, eftir svona'T-S ár
verður Raufarhöfn einhver fal-
legasti bær á landinu."
- En hver eru svo helstu verk-
efnin framundan önnur en að
fegra bæinn?
„Atvinnumálin eru að sjálf-
sögðu alltaf stór mál en þar fyrir
utan vil ég nefna hafnarfram-
kvæmdir sem eru afar brýnar.
Þrengsii mikil og skortur á við-
leguplássi. Það gera sér e.t.v.
ekki margir grein fyrir því hvað
mikið fer um þessa höfn á einu
ári t.d. reikna ég með að á annað
hundrað þúsund tonn fari um
hana á þessu ári og það eru ekki
margar hafnir á landinu sem geta
státað af slíkri umferð en það
fjármagn sem við höfum fengið
til framkvæmda er hins vegar í
öfugu hlutfalli við þau verðmæti
sem hér eru sköpuð.
Nú annað stórt mál er varanleg
gatnagerð, þó nokkuð hafi rniðað
þá erum við samt á eftir í þeim
málum og verðum að gera
betur."
Hið nýja frystihús að rísa.
- Rætt við Gunnar Hilmarsson, sveitarstjóra á Raufarhöfn