Dagur - 25.10.1985, Blaðsíða 7

25. október 1985 - DAGUR - 7
Organisti
í 130 ár
- Frá veislu til heiðurs
Friðriká Jónssyni og Unni Sigurðardóttur
Friðrik Jónsson varð sjötugur þann
20. september. Hann er nú búsettur
á Húsavík, en er fæddur á Halldórs-
stöðum í Reykjadal og þar er hann
uppalinn. Friðrik bjó síðan á Hall-
dórsstöðum fram til 1970.
Ungur stundaði Friðrik nám hjá
Páli ísólfssyni í tvo vetur og drjúgur
hluti af lífsstarfi hans hefur verið í
þágu tónlistarinnar. Friðrik er org-
anisti og kórstjóri við sex kirkjur; að
Þverá í Laxárdal, Einarsstöðum í
Reykjadal, Lundarbrekku í Bárð-
ardal, Nesi og Grenjaðarstað í
Aðaldal og Ljósavatni í Kinn. Auk
þessa hefur Friðrik leyst af sem org-
anisti við fleiri kirkjur, m.a. var
hann organisti og kórstjóri við
Húsavíkurkirkju um eins árs skeið.
Síðastliðið laugardagskvöld héldu
kórarnir hans Friðriks honum mikla
veislu að Ýdölum í Aðaldal. Sr. Sig-
urður Guðmundsson, vígslubiskup á
Grenjaðarstað, var veislustjóri.
Hann sagði m.a. að Friðrik hefði nú
þegar verið kórstjóri og organisti í
130 ár, þegar saman er lagður starfs-
tími hans við allar kirkjusóknirnar.
Friðrik og konu hans, Unni Sigurð-
ardóttur, voru afhentar góðar gjafir
og blóm, auk þess sem þeim bárust
þakkir og kveðjur í bundnu sem
óbundnu máli í tilefni af þessum
tímamótum. Á þriðja hundrað
manns sátu veisluna og þegar Þráinn
Þórisson stjórnaði fjöldasöng leyndi
sér ekki að í salnum var mikill fjöldi
góðra söngmanna.
Nokkrir félagar úr Harmonikufé-
lagi Þingeyinga léku syrpu af lögum
eftir Friðrik í útsetningu Karls
Adólfssonar. Þá sungu kórarnir sem
einn samkór undir stjórn Friðriks
lög eftir hann. Úlrik Ólafsson ann-
aðist undirleik í nokkrum laganna
og Sigurður sonur Friðriks söng ein-
söng í einu þeirra. Þormóður
Ásvaldsson, Þráinn Þórisson, Páll H.
Jónsson og Jón Jónsson frá
Fremstafelli fluttu ræður. Kom fram
í máli þeirra mikill hlýhugur í garð
Friðriks og Unnar og rifjað var upp
ýmislegt frá fyrri tíð. Meðal annars
að Friðrik lék fyrir dansi á nikkuna
um áratuga skeið, allt frá því að
hann var um 15 ára gamall. Að lok-
um var stiginn dans og það var
Friðrik gerði samkór úr ölluni
kirkjukórunum og stjómaði honum
af röggsemi.
Friðrik sem fór fyrstur á sviðið með
nikkuna, en síðan komu félagar úr
Harmonikufélaginu.
Friðrik flutti þakkarávarp þeirra
hjóna og sagði þá m.a.: „Eg stend
ekki undir þessu, ég hef ekki unnið
til þess að eiga svona mikið skilið,
eins og gert hefur verið fyrir okkur
hér. Ég tek mér í munn orð Gunn-
ars á Hlíðarenda, er hann sagði við
Njál: „Góðar þykja mér gjafir
þínar, en ennþá meira met ég vin-
áttu þína.“ Ég met vináttu ykkar
svo mikils, mér finnst svo vænt um
ykkur öll. Mér hefur stundum dottið
í hug, að ef ég hefði ekki verið í
þessu starfi, hefði ég ekki kynnst
öllu þessu góða fólki, sem ég hef
kynnst gegnum árin.“ IM/GS
Afmælisbarnið fékk margar góðar gjafir.
Nú fer hver að verða síðastur að kaupa spjöld
getur nú komið einhvem næstu daga.
Kaupið því spjöld um helgina.
Blaöabingo K.A.
Ný númer:
1-28 og G-52
Sölustaðir: Essó Trvggvabraut
Yeganesti
Shell v. Mýrarveg
Ennfremur verða spjöld seld úr bifreiðinni
í göngugötunni í dag frá kl. 14-18.
Vinningur Skódi að verðmæti 193.000 kr.
; //. , ^
////
Skódi við íslenskar aðstæður.