Dagur - 07.11.1985, Síða 2
2 - DAGUR - 7. nóvember 1985
mrnrn
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 360 Á MÁNUÐI
LAUSASÖLUVERÐ 35 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
FRÉTTASTJÓRI:
GYLFÍ KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRÍMSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ueiðart________________________________
Jafnrétti
til menntunar
í ályktun um menntamál sem samþykkt var á
kjördæmisþingi framsóknarmanna í Norður-
landskjördæmi eystra segir:
Jafnrétti til menntunar án tillits til búsetu er
eitt af grundvallaratriðum byggðastefnunnar.
Þingið fagnar stofnun og rekstri Verkmennta-
skólans á Akureyri og beinir því til þingmanna
flokksins að sjá til þess að framkvæmdir við skól-
ann haldi áfram með eðlilegum hraða.
Þingið fagnar því að ákveðið hefur verið að
framkvæma þá stefnu sem framsóknarmenn í
Norðurlandskjördæmi eystra hafa lengi barist
fyrir og kjördæmisþing framsóknarmanna hafa
margsinnis ályktað um, að hefja háskólakennslu
á Akureyri á næsta ári. Gífurleg fjölgun háskóla-
stúdenta kallar á fjölbreyttara námsframboð
sérstaklega tengt atvinnulífinu. í þessu sam-
bandi má nefna styttra tækninám tengt tölvu-
iðnaði, verslun og framleiðsluiðnaði. Nýjar
styttri námsleiðir og upphafsnám hefðbundinna
námsleiða má með þjóðhagslegum ávinningi
byggja upp á Akureyri og létta þannig á gífur-
legri byggingarþörf Háskóla íslands í Reykjavík.
Auknu námsframboði á Akureyri tengist
nauðsyn á meira heimavistarrými, þar með tald-
ir hjónagarðar. Með byggingu heimavista fyrir
alla nemendur á framhaldsskólastigi býðst
æskufólki dreifbýlisins húsnæði á hagstæðari
kjörum og jafnar námsaðstæður nemenda á
landinu.
Að efla
einn stað
Á kjördæmisþingi framsóknarmanna í Norður-
landi eystra var einnig samþykkt ályktun um að
efla Akureyri sem mótvægi við höfuðborgar-
svæðið, auk þess sem lögð var á það áhersla að
aðrir staðir á Norðurlandi verði ekki afskiptir.
Það er ljóst að í nútímaþjóðfélagi hefur þéttbýli
á borð við Reykjavík mikið aðdráttarafl vegna
öflugrar þjónustustarfsemi og blómlegs menn-
ingarlífs, sem þar getur þrifist. Til að ná út á
land starfsemi sem ella myndi öll lenda í Reykja-
vík, er því nauðsynlegt að efla einn stað, sem
vegna stórbættra samgangna á Norðurlandi get-
ur auðveldlega orðið Akureyri.
Sé pólitískur vilji fyrir hendi geta stjórnvöld á
skömmum tíma hrundið slíkri þróun af stað með
staðsetningu opinberra stofnana á Akureyri.
Mestu skiptir þó aukin samvinna Norðlendinga í
því að ná aukinni þjónustu og nýjum tækifærum
í iðnaði út á land.
_v/ðfa/ dagsins.
'
- Rætt við Egil Olgeirsson, formann stjórnar Dvalarheimilis aldraðra á Húsavík
Eins og fram hefur komið í
fréttum, gangast fimm landssam-
bönd fyrir fjársöfnun um næstu
helgi, undir kjörorðinu „Æskan
þakkar fyrir sig“. Fé því sem safn-
ast verður varið í þágu aldraðra.
Farið er fram á að skólabörn ann-
ist söfnunina og í leiðinni skapast
tækifæri til að kynna ungu fólki
þjónustu við aldraða. Söfnunin fer
fram á þann hátt að unglingarnir
ganga í hús og bjóða penna til
sölu, og kostar penninn kr. 100.
Egill Olgeirsson er formaður Dval-
arheimilis aldraðra sf. á Húsavík en
hvaða félagsskapur er það?
„Dvalarheimili aldraðra er sjálfs-
eignarstofnun í eigu þrettán hreppa í
Þingeyjarsýslum, frá Raufarhöfn að
austan til Ljósavatnshrepps að
vestan.
Félagið var stofnað 1976 til að
koma upp og starfrækja heimili fyrir
aldraða á félagssvæðinu, og stuðla að
bættri öldrunarþjónustu. Dvalar-
heimilið Hvammur hefur verið byggt
á Húsavík. Þar dvelja í dag 48 íbúar
en 90 eru á biðlista. í fyrrahaust var
hafist handa við byggingu sjö búsetu-
réttaríbúða, verða þær væntanlega
afhentar um áramót. í þeim íbúðum
er rými fyrir 14 íbúa.“
- Hvar er þörfin fyrir fjármagn
brýnust í dag?
„Nefndin sem stendur fyrir þessari
fjársöfnun kom til okkar hjá dvalar-
heimilinu og óskaði eftir ábendingu
um í hvað best væri að verja því fé
sem safnað yrði.
Þó við getum nefnt ótal hluti sem
brýnt er að kaupa eða leggja fé til,
þá er í okkar huga brýnast að greiða
niður skuldir vegna byggingar
Hvamms. Okkur finnst að við eigum
erfitt um vik að hefja framkvæmdir
annars staðar á félagssvæðinu meðan
félagið getur ekki staðið við þær
skuldbindingar sem það hefur tekið
á sig.“
- Getur þú nefnt tölur í þessu
sambandi?
„Félagið er með ógreiddar skuldir
vegna byggingarinnar upp á 23 millj-
ónir í dag. Framlag sveitarfélaganna
sem eru eignaraðilar er fjórar og hálf
milljón í ár.
Við erum með í vanskilum um
eina milljón sem við sjáum ekki fram
á að geta borgað á þessu ári. Þetta
eru of háar tölur til að ýta á undan
sér án þess að finna einhvern flöt á
því. Hvernig greiða eigi skuldirnar.
Við höfum sótt af auknum þunga til
Framkvæmdasjóðs aldraðra, í þeirri
von að fá þar úrlausn en það hefur
ekki tekist. Því er mjög brýnt að fá
aðstoð heimamanna. Þörfin á auk-
inni uppbyggingu er svo mikil en við
verðum að ná niður þessum skuldum
áður en framkvæmdir við næsta
áfanga hefjast."
- Hvað er á döfinni hjá ykkur
næst?
„Sveitarfélög sem eru í félaginu
hafa óskað eftir uppbyggingu á sínu
svæði, það má nefna Kópasker,
Raufarhöfn og Mývatnssveit, en þar
eru engir möguleikar að byrja meðan
staðan er þessi. Hér höfum við ein-
göngu rætt um vistunarmál, en fram
þarf að fara könnun á þörf fyrir
heimilishjálp og heimahjúkrun til að
létta af vistunarþörfinni. Ákveðið er
að hefja dagvistun í Hvammi um ára-
mót og verður 6-8 aðilum gefinn
kostur á þeirri þjónustu. Kannaðir
verða möguleikar á einhvers konar
viðbyggingu við Hvamm. Hugsan-
lega kæmu þar til búseturéttaríbúðir
og eru menn fyrst og fremst að hugsa
um að fá sem mest fyrir sem minnsta
peninga. En viðbygging yrði ódýrari
en sjálfstæðar einingar.
Við viljum koma upp sem bestri
þjónustu fyrir aldraða. En í augna-
blikinu er félagið ekki í stakk búið til
stórframkvæmda. Það þarf að leita
annarra leiða, að fólkið leggi sjálft
fram peninga eða fjármagn komi úr
opinberum sjóðum, en því miður
hafa þeir ekki verið okkur hliðhollir
til þessa.“ - IM
ÍJ
N
O
■
M
A
N
U
o
A
G
U
R