Dagur - 07.03.1986, Blaðsíða 10

r-poppsíðan
10 - DAGUR - 7. mars 1986
ísland veröur nú í fyrsta sinn
virkur þátttakandi í Söngva-
keppni sjónvarpsstöðva í Evr-
ópu, sem fram fer í Björgvin 3.
maí nk. Undirbúningur fyrir
þátttöku íslands er vel á veg
kominn. Mikill áhugi var fyrir
samkeppni, sem sjónvarpið efndi
til um gerð sönglags, sem yrði
framlag íslands til keppninnar,
og bárust alls 287 lög. Af þeim
hafa verið valin tíu lög í íslensku
úrslitakeppnina. t>au verða kynnt
í fimm sjónvarpsþáttum. Hinn
fyrsti þeirra verður á dagskrá
föstudaginn 7. mars kl. 22.00 en
hinir verða síðan fluttir 8., 9., 11.
og 12. mars. Tvö lög verða kynnt
í hverjum þætti.
Þátttaka íslenska sjónvarpsins
í þessari söngvakeppni er ekki
einvörðungu merkt nýmæli í sögu
Ríkisútvarpsins heldur verður
þetta jafnframt mikilvæg land-
kynning. Þátttökuríkin verða 20
og áætlað er að um 600 milljónir
manna fylgist með beinni útsend-
ingu norska sjónvarpsins frá
keppninni í maí nk.
Landskeppni um
verðlaunalag
Aðurnefndir kynningarþættir ís-
lensku laganna verða hver um sig
12 mínútur að lengd. f þeim
verða lögin kynnt af Jónasi R.
Jónssyni, en þau verða leikin af
15 manna Stórsveit sjónvarpsins,
undir stjórn Gunnars Þórðarson-
ar og Þóris Baldurssonar. Hljóm-
sveitina skipa margir kunnustu
hljóðfæraleikarar landsins.
Söngvarar verða Björgvin Hall-
dórsson, Pálmi Gunnarsson,
Erna Gunnarsdóttir og Eiríkur
Hauksson. Gunnar og Þórir út-
settu fimm lög hvor. Stjórna þeir
flutningi þeirra í þáttunum fimm
og í undanúrslitakeppninni, sem
sjónvarpað verður beint úr sjón-
varpssal laugardaginn 15. mars
nk. kl. 20.55.
í undanúrslitakeppninni verð-
ur íslenska lagið valið, sem sent
verður til Björgvinjar í loka-
keppni, en þar verður það flutt af
íslenskum listamönnum. Norsku
sigurvegararnir, Bobbysocks sem
sigruðu í söngvakeppninni fyrir
ári með laginu „La det svinge“,
koma til íslands í boði Ríkisút-
varpsins og Flugleiða, gagngert
til að koma fram í íslensku
undanúrslitakeppninni.
Fjórir erlendir
kynningarþættir
Hvert þátttökuland lætur gera
sérstaklega myndband með sigur-
lagi sínu og annast breska ríkisút-
varpið BBC dreifingu á þeim til
þátttökulandanna. Þetta efni
verður flutt í sjónvarpinu í fjór-
um 25 mín. þáttum dagana 20.,
22., 25. og 27. apríl nk.
íslenski kynningarþátturinn
Þegar íslenska sigurlagið hefur
verið valið, verður búinn til stuttur
myndbandsþáttur til kynningar á
því. Sá þáttur mun hafa verulegt
gildi sem landkynningarþáttur
sem hundruðir milljóna manna
um allan heim munu sjá, eins og
fyrr greinir. Landkynning af
þessu tagi hlýtur að verða mikil-
vægur stuðningur við útflutnings-
verslun og ferðaiðnað þjóðarinn-
ar. Kynningartækifæri sem þetta
býðst íslendingum nánast aldrei.
Ekki verður tekin ákvörðun um
gerð myndbandsins fyrr en ljóst
er hvaða lag verður valið vinn-
ingslag íslands.
Söngvakeppni í Björgvin
Hámarki nær svo söngvakeppnin
í beinni sjónvarpsútsendingu
norska sjónvarpsins frá Björgvin
3. maí nk. Eftir að vinningslagið
hefur verið valið, verður ákveðið
hvaða íslenskir listamenn fara
þangað til að flytja það í keppn-
inni. Reikna má með að mestur
hluti þjóðarinnar muni fylgjast
með þessari dagskrá, þar sem ís-
land er nú með í fyrsta sinn.
Flutningur í hljóövarpi
Rás 2 flytur sérstakan kynningar-
þátt um söngvakeppnina fyrr og
síðar laugardaginn 8. mars kl.
14.00-16.00, og verða þar flutt
fyrstu tvö íslensku lögin. fslensku
lögin verða síðan flutt tvö í senn,
eftir að kynningarþættir þeirra
hafa verið fluttir í sjónvarpinu.
Þessi flutningur á Rás 2 verður í
sérstökum dagskrárliðum, sem
nánar verða auglýstir síðar. Þar
að auki verður vakin athygli á
keppninni með margvíslegum
hætti í dagskrá Rásar 2 í mars og
apríl. Erlendu keppnislögin
verða ennfremur flutt þar, strax
og kynning þeirra hefur farið
fram í sjónvarpinu.
Rás 1 samtengist sjónvarpinu
bæði í íslensku undanúrslita-
keppninni hinn 15. mars og í
lokakeppninni hinn 3. maí, þann-
ig að hægt verður að hlusta á
báða þættina um land allt.
Unnið er af fullum krafti að
undirbúningi keppninnar og
verður mjög vandað til alls frá-
gangs og ekki síður til útsending-
ar íslensku dagskrárinnar en
þeirrar erlendu.
Björn Björnsson og Egill Eð-
varðsson hjá Hugmynd hf. sjá
um skipulag, undirbúning og
framkvæmd söngvakeppninnar
fyrir Ríkisútvarpið.
Hljómsveitin Thompson Twins var
stofnuð í Sheffield á Englandi árið
1977. Sá sem átti mestan heiður af
því var tónlistarkennari sem hét
Tom Bailey og var hann jafnframt
„aðalmaður" hljómsveitarinnar.
Auk hans voru sjö aðrir í hljóm-
sveitinni, sem lék einhvers konar
blöndu af hippatónlist 7. og 8. ára-
tugarins og pönki. Sveitin gaf út
tvær hljómplötur sem vöktu litla
athygli og varð það til þess að
hljómsveitin leystist upp og eftir
urðu aðeins þrír meðlimir í Tomp-
son Twins, þau Tom Bailey, Alann-
ah Currie og Joe Leeway. Þau urðu
því að byrja aftur alveg frá grunni.
Þau vissu að tónlist hinnar upp-
runalegu T.T. átti ekki upp á pall-
borðið hjá almenningi og því urðu
þau að finna eitthvað nýtt og ferskt
sem myndi vekja athygli.
Um þetta leyti var pönkbylgjan
mjög að dala og ný stefna að ryðja
sér til rúms í poppinu, svokölluð
nýrómantík, þar sem útlit skipti síst
minna máli en tónlistin. Þau breyttu
því alveg um stíl, frá rifnum galla-
buxum og leðurjökkum í litskrúðug-
an fatnað og mjög svo frumlegar
hárgreiðslur. Einnig tóku þau alveg
nýja stefnu í tónlist. Pönkið höfðaði
ekki til þeirra lengur og var því gróf-
ur gítarsláttur látinn víkja fyrir létt-
um og fallegum „melódíum" frá
hljómborðum (synþesæsurum).
Árið 1983 gaf tríóið út sína fyrstu
breiðskífu sem hét „Quick step and
side kick“, og varð lagið „Love on
your side“ einna vinsælast af þeirri
plötu. En platan dugði til þess að
veita Thompson Twins þá athygli
sem þau þurftu. í Bandaríkjunum
voru þau sett í flokk með Duran
Duran og Culture Club og urðu því
ein af þeim hljómsveitum sem tók
þátt í hinni svokölluðu „innrás"
enskra poppara á bandaríska vin-
sældalista.
Thompson Twins hélt síðan í
heljarmikla tónleikaferð um heim-
inn og um haustið 1983 gáfu þau
svo út lagið „Hold me now“, sem
endanlega fleytti þeim á toppinn. í
kjölfarið fylgdi lagið „Doctor,
Doctor" og ný breiðskífa „Into the
gap“. Önnur vinsæl lög af þeirri
plötu voru „You take me up“ og
ekki síst „Sister of rnercy". Öll
þessi lög nutu töluverðra vinsælda
hér á (slandi.
Eftir útgáfu plötunnar fylgdu
endalausar hljómleikaferðir, sjón-
varpsviðtöl og blaðaviðtöl. Á
endanum höfðu þau fengið nóg.
Þau voru örmagna og Tom Bailey
var orðinn nokkuð langt leiddur í
eiturlyfjaneyslu. Thompson Twins
tók sér því frí og fóru þau þrjú hvert
í sína áttina, Tom til Nepal þar sem
hann hélt til í munkaklaustri en hin
tvö fóru til S.-Ameríku. Þau komu
síðan aftur saman á árinu 1985 og
hljóðrituðu nýja plötu „Don't mess“
with Dr. Dream“ sem út kom
skömmu fyrir síðustu áramót. Lag
af þeirri plötu „King for a day“ nýtur
nú töluverðra vinsælda og er m.a. á
vinsældalista Rásar 2.
Auk plötuútgáfu hélt Thompson
Twins nokkra hljómleika og tók
m.a. þátt í „Live Aid“ tónleikunum
sl. sumar. Metnaður Thompson
Twins er að gera lög sem koma
fólki í gott skap og plötur sem slá í
gegn og enn sem komið er virðist
þeim ganga allt í haginn hvað þetta
varðar.
• Nancy Reagan, eiginkona
Bandaríkjaforseta, tók nú nýlega
þátt í gerð myndbands við lagið
„Stop the madness" ásamt hljóm-
sveitinni New Edition og Toju
Jackson. Lagið fjallar um það hví-
líkt böl eiturlyfjaneyslan er og hætt-
una sem henni fylgir.
• Hljómsveitin The Joboxers, sem
lítið hefur heyrst frá síðastliðin tvö
ár hefur nú endanlega lagt upp
laupana. Ekki hafa meðlimir hljóm-
sveitarinnar þó sagt skilið við tón-
listina því þrír þeirra leita nú log-
andi Ijósi að söngvara í nýja hljóm-
sveit.
• Norðmönnum gengur erfiðlega
að komast aftur niður á jörðina eftir
að Bobbysocks unnu „Evróvisjón"
og A-HA tríóið lagði heiminn að fót-
um sér. Og nýjustu fregnir herma
að enn muni verða bið á því að
Norðmenn nái sér niður því í kjölfar
A-HA eru nú komnar tvær nýjar
hljómsveitir sem þegar eru farnar
að láta að sér kveða á vinsældalist-
um. Þetta eru hljómsveitirnar „Fra
Lippo Lippi" og „2-Brave“. „Fra
Lippo Lippi" hefur nú þegar náð
töluverðum vinsældum með laginu
„Shouldn’t have to be like that“, en
„2-Brave“, sem reyndar þykir
minna svolítið á Wham, bíður
átekta eftir sínu tækifæri.
• Hljómsveitin Tears for Fears
hefur látið þau boð út ganga að árið
1986 muni þeir nota til að hvíla sig
og sinna fjölskyldum sínum. Þeir
ætla þó að gefa sér tíma til að
vinna að safnplötu með bestu lög-
um hljómsveitarinnar og hugsan-
lega einu eða tveimur nýjum
lögum. Platan á síðan að koma út
næsta haust, hugsanlega í okt-
óber.
• Man einhver eftir hljómsveit
sem hét ABC? Kannski man ein-
hver eftir plötunni þeirra „The lexi-
con of love“ og lögunum „Poison
arrow" eða „Tears are not
enough". Þessi lög voru mjög vin-
sæl fyrir á að giska þremur árum en
síðan hefur lítið heyrst í þeim
félögum. Þeir gáfu að vísu út aðra
plötu en hún þótti mun lakari en hin
fyrri. Þeir hafa reyndar notið tölu-
verðra vinsælda í Bandaríkjunum
en Bretar hafa haft frekar lítinn
áhuga á þeim. En nú stendur
eitthvað mikið til hjá þeim í ABC.
Þeir æfa stíft og gefa loforð um
nýja plötu síðar á árinu og segja
þeir að hún muni verða mjög í lík-
ingu við hina stórgóðu plötu þeirra
„The lexicon of love“.
• Allt frá því að Live Aid tón-
leikarnir voru haldnir hafa frægir
popparar keppst við að gera
góðverk. Það nýjasta er samtök
sem stofnuð voru í Bretlandi. Mark-
mið þeirra er að gera börnum sem
þjást af ólæknanlegum sjúkdómum
kleift að hitta uppáhaldspoppstjörn-
urnar sínar. Formaður samtakanna
er Paul Young.