Dagur - 15.05.1986, Blaðsíða 2

2 - DAGUR — 15. maí 1986
viðtal dagsins.
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR, 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavík), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðarL
Prófmál sem má ekki tapast
Á fundi stjórnar Fjórðungssambands Norðlendinga fyrir
skömmu var skýrsla Hagvangs h.f. um kosti og galla þess
að flytja Byggðastofnun til Akureyrar kynnt. Á fundinum
ítrekaði fjórðungsstjórn þau rök sem færð hafa verið fyrir
því að stofnunin skuli staðsett á Akureyri.
í skýrslu Hagvangs er tekið fram að skýrslan sé unnin
í samræmi við markmið verkefnisins og í henni sé ekki að
finna endanlegt svar við því hvort flytja eigi Byggðastofn-
un til Akureyrar. Þegar skýrsla Hagvangs er skoðuð kem-
ur í ljós að hún er vart til þess fallin að vera grundvöllur
ákvarðanatöku. í skýrslunni kemur það sjónarmið mjög
oft fram, þegar lagt er mat á gildi þess að flytja Byggða-
stofnun norður, hver áhrifin á bæjarlífið á Akureyri verði.
Hvað landið í heild varðar telur Hagvangur velgengni
Byggðastofnunar best tryggða með áframhaldandi veru í
Reykjavík. Bent er á óhagræði Sunnlendinga og Vestlend-
inga að sækja til Akureyrar en ekki minnst orði á óhag-
ræði Norðlendinga og annarra íbúa landsbyggðarinnar að
sækja suður. Minna má á að 3-5 flugferðir eru á dag milli
Akureyrar og Reykjavíkur auk þess sem samskipti með
fjarritum ættu að bæta úr brýnustu samskiptaþörf á full-
nægjandi hátt. Þannig má lengi metast um hagræði og
óhagræði.
Sú röksemd sem fram kemur í skýrslunni að erfiðara sé
fyrir stjórnarmenn að sækja fundi á Akureyri hlýtur að
miðast við að stjórnarmenn séu allir alþingismenn eða
búsettir á höfuðborgarsvæðinu. Slík röksemdafærsla er
nánast brosleg og ekki sæmandi fyrirtæki á borð við
Hagvang.
Flutningur Byggðastofnunar til Akureyrar er prófmál
um flutning stofnana til landsbyggðarinnar. Allir sem til
þekkja vita að að starfsemi Byggðastofnunar varðar
málefni landsbyggðarinnar og þó einkum landshluta fjar-
læga höfuðborginni en henni er ekki ætlað að gegna þjón-
ustuhlutverki á höfuðborgarsvæðinu. Það er því eðlilegt
að starfsemin verði flutt nær starfsvettvangi sínum en nú
er. Stofnunin heyrir ekki undir daglega stjórn ráðherra
eða ráðuneytis og er með sjálfstæða fjáröflun. Dagleg
samskipti við stofnlánasjóði og aðrar lánastofnanir eru
vegna ráðgjafar og gagnkvæmra upplýsinga og því eru
ekki yfirþyrmandi ástæður til nábýlis við höfuðborgina.
Með flutningi út á land getur sú þjóðfélagshyggja sem er
að baki landsbyggðarstefnu haft aukin áhrif á þá starfs-
menn er koma til með að vinna að byggðamálum m.a.
vegna eigin búsetuhagsmuna þeirra. Þetta er veigameira
sjónarmið en margur hyggur. Hér er ekki verið að halda
því fram að áhugaleysis gæti í störfum starfsmanna
Byggðastofnunar. Hitt er þó ljóst að þau viðfangsefni
sem þeir fást við eru þeim ekki nærtæk í daglegri lífsbar-
áttu og vafalaust ekki huglæg utan afmarkaðs vinnutíma.
Þetta myndi breytast ef starfslið væri í umhverfi þar sem
byggðavandans er að leita.
Verði það tækifæri ekki notað sem nú er fyrir hendi
missa menn trú á því að tilfærsla valdakerfisins sé mögu-
leg eftir þeim leikreglum sem landsbyggðarfólk hefur
sætt sig við hingað til. Þetta er því alls ekki mál Norðlend-
inga eða Akureyringa einna. íbúar annarra landshluta
vita að ef tekst að koma Byggðastofnun til Akureyrar
verður eftirleikurinn hægari fyrir þá að sækja sín mál.
Flutningur Byggðastofnunar er tvímælalaust prófmál -
mikilvægt prófmál - og því máli megum við ekki tapa.
BB.
- segir Kristín Sveinsdóttir, sem sæti á í undirbúningsnefnd
fyrir hundasýningu á Akureyri
30. maí næstkomandi verður
haldin fyrsta hundasýningin á
Akureyri, en slik sýning hefur
verið árlegur viðburður í
Reykjavík undanfarin ár.
Undirbúningsnefnd hefur unn-
ið mikið starf fyrir þessa sýn-
ingu, einn af meðlimum henn-
ar er Kristín Sveinsdóttir.
Kristín var fengin í viðtal dags-
ins í dag til að fræða lesendur
örlítið um hvað þarna er á
ferðinni.
„Það er lengi búið að standa til
að halda sýningu hér fyrir norðan
og nú verður loksins drifið í
þessu. Á sýningarnar fyrir sunn-
an hefur alltaf verið fenginn er-
lendur dómari og sú sem kemur
núna er finnsk og heitir Gitta
Ringwall og mun hún koma hing-
að norður einnig. Guðrún Ragn-
ars Guðjónsen, formaður
Hundaræktunarfélags íslands
mun einnig koma á sýninguna.
Við höfum verið að ræða um það
að þetta sé óhentugur tími því
hundar ganga yfirleitt úr liárum á
vorin og eru þá ekki eins fallegir
og þeir geta verið, en það þarf að
panta dómara með árs fyrirvara
og það er því erfitt að ráða við
þetta.“
- Má koma með alla hunda á
þessa sýningu?
„Það hafa allir hreinræktaðir
hundar rétt á að koma á sýningu
af þessu tagi. Það eru margir sem
misskilja þessar sýningar, halda
að hundarnir þurfi að sýna ein-
hverjar kúnstir, en svo er ekki.
Það eru margir hræddir við að
koma með hunda sína, ef þeir
hafa t.d. aldrei verið í ól, eins og
flestir sveitahundar. Ég er búin
að hringja í marga hundaeigend-
ur og það eru margir sem bera
því við að hundurinn verði æstur
innan um aðra hunda, gelti og
slíkt. En það er ekkert að óttast
því það er fyrst og fremst vaxtar-
lagið sem er dæmt. Dómarinn
skoðar einnig feldinn og hreyf-
ingarnar. Það er hægt að sjá
hvort allt er í lagi með hundinn út
frá hreyfingunum. Hundur getur
verið haldinn einhverjum sjúk-
dómi sem sést á hreyfingum
hans.“
- Hvernig fer sýningin fram?
„Hundarnir eru látnir ganga og
skokka einn hring með eigendum
sínum eða þeim sem sýnir þá.
Síðan er stoppað hjá dómaran-
um, hann skoðar líkamsbygging-
una, lyftir upp skoltunum og skoð-
ar tennurnar. Þetta er allt og
sumt. Á sýningunni er keppt í
þremur flokkum. Það er hvolpa-
flokkur, í hann má koma með
hvolpa sem orðnir eru 6 mánaða.
Það er öldungaflokkur, í hann
fara hundar sem cru orðnir 7 ára
og eldri og síðan fara allir hinir í
einn flokk. Það er valinn falleg-
asti hundur í hverjum flokki og
síðan er valinn fallegasti hundur
sýningarinnar.
Ég efast um að þeir hundar
sem fara á þessa sýningu hafi ver-
ið sýndir áður eða fengið dóm,
nema eitthvað af poodle hundun-
um. Eigendur poodle hunda hér í
bænum hafa fengið hingað
danskan dómara til að dæma sína
hunda.“
- Hvernig hafa undirtektir
verið?
„Þær hafa verið nokkuð góðar.
Sumir hafa mikinn áhuga og aðrir
eru að hugsa sig um. Það er enn
hægt að láta skrá hunda á sýning-
una, en það eru að verða síðustu
forvöð því það þarf að senda
upplýsingar um hundana suður
þar sem verður útbúin sýningar-
skrá.
Ég vil hvetja alla eigendur
hreinræktaðra hunda til að vera
með, það er gaman að taka þátt í
þessu. Það er gott að hafa hund-
inn sinn dæmdan ef farið er út í
ræktun, það er orðið allt of mikið
af skyldleikaræktuðum hundum á
íslandi. Það er gott fyrir hunda-
eigendur að koma saman og ræða
ntálin og ég vona að sýningin
stuðli að hundamenningu í
bænum.
Það þarf að gera átak í hunda-
haldi í bænum. Það eru margir
mikið á móti hundahaldi í bæjum
og hugsa áreiðanlega sem svo að
hundaeigendum væri nær að
passa hunda sína en að rjúka upp
til handa og fóta og halda sýn-
ingu. Það er því miður allt of
mikið af lausum hundum, þeir
fara jafnvel í hópum um bæinn.
Það eru margir hræddir við
hunda og því skiljanlegt að þeir
séu á móti hundahaldi. Þeir sem
stunda það að hleypa hundum
sínum lausum, skemma mikið
fyrir hinum sem passa sína
hunda. Það getur auðvitað komið
fyrir alla að missa hundinn sinn
út, en það eru allt of margir sem
beinlínis hleypa hundunum laus-
um því maður sér mikið sömu
hundana á flækingi.
Foreldrar taka oft hvolpa sem
leikföng fyrir börn, en þetta eru
engin leikföng, fólk verður að
gera sér grein fyrir því. En
vandamálið er bara hver á að
gera eitthvað í þessum málum,
það bendir hver aðilinn á annan
og ekkert er gert.“ - HJS