Dagur - 15.07.1986, Qupperneq 3

15. júlí 1986 - DAGUR - 3
Ungur Sauðkrækingur:
Hyggur á ræktun
verðmætra
fisktegunda
Ungur Sauðkrækingur, Guð-
mundur Ingólfsson, hefur uppi
áform um innflutning á seið-
um verðmætra Miðjarðarhafs-
tegunda og hyggst í framhaldi
af því reisa fískeldisstöð á
Sauðárkróki sem hann hefur
þegar fengið úthlutað lóð
undir.
Hrísey:
Snæfellið
aflar vel
og næg
atvinna
í eynni
„Skipið gengur vel eftir
þessa bráðabirgðaviðgerð
sem framkvæmd var í vor og
hefur afli verið góður,“
sagði Jóhann Þ. Halldórs-
son útibússtjóri í Hrísey um
Snæfell EA.
Eins og fram kom í vor varð
skipið fyrir alvarlegri vélarbil-
un og var um tíma haldið að
það yrði frá veiðum um lengri
tíma. Bráðabirgðaviðgerð fór
fram og hefur skipið aflað vel
síðan það komst til veiða á ný.
Frá því í byrjun maí hefur
skipið aflað 766 tonna og eru
menn að vonum ánægðir með
það í Hrísey.
Afli annarra báta hefur ver-
ið þokkalegur, sem þýðir að
vinna í frystihúsinu hefur ver-
ið stöðug og góð. Nægur
mannafli hefur verið í Hrísey í
sumar við fiskvinnuna.
Ekkert er enn ákveðið varð-
andi viðgerð og breytingu á
Snæfellinu og sagði Jóhann að
það mál væri enn í athugun.
gej-
Guðmundur telur að afkoma
fiskeldis á íslandi muni ráðast
mikið af því hvernig til tekst með
ræktun verðmætari fisktegunda
hér á landi. Guðmundur hefur
undanfarin ár lagt stund á líf-
fræðinám við háskólann í Kaup-
mannahöfn, með eldi á seiðum
sjávarfiska sem sérgrein. Nú sem
stendur er hann að vinna að loka-
verkefni sem fjallar um gull-
brama, en það er einmitt önnur
þeirra fisktegunda sem Guð-
mundur hefur hug á að rækta hér
á landi. Hinn fiskurinn er hinn
svokallaði vartari. Verð á þessum
tegundum er 500-700 krónur
kílóið og lágmarksstærð fiskanna
er 250 grömm og er stærð þeirra
miðuð við að þeir passi beint á
diskinn.
Guðmundur telur að hin miklu
náttúrlegu gæði landsins verði
að nýta sem best og til þess sé
ræktun verðmætra fisktegunda
mjög vænlegur kostur. Aðal-
vandamálið varðandi orkukrefj-
andi fiskeldi, sem ræktun á verð-
mætum fisktegundum svo sann-
arlega er, sagði hann vera mjög
hátt raforkuverð. „Ef litið er á
tilhneigingu þeirra, sem stunda
fiskirækt í dag, til að framleiða
sitt eigið rafmagn sjálfir og hins
vegar á þá staðreynd að mikil
umframraforka er til í landinu þá
hlýtur öllum að vera ljóst að það
ástand er óviðunandi. Það verður
að koma til pólitísk ákvörðun, í
þá átt, að fiskirækt njóti sömu
kjara, hvað raforkuverð varðar,
og stóriðja í landinu. Þó fiskirækt
noti aldrei rafmagn í því magni
sem stóriðja gerir þá er þetta
spurning um að hægt sé að byggja
upp atvinnuveg í smáum eining-
um og sem víðast á þeim svæðum
þar sem jarðhiti er til staðar,“
sagði Guðmundur Ingólfsson.
Því má bæta við að stofnun
áðurnefnds fiskeldisfyrirtækis er
ekki á döfinni alveg á næstunni
þar sem Guðmundur hefur í huga
að afla sér enn frekari starfsþjálf-
unar á þessum vettvangi. Hann
sagðist vonast til þess að bygging
þessarar stöðvar, ef af yrði, gæti
nýst til kennslu við skólana, aðal-
lega Bændaskólann á Hólum og
Fjölbrautaskólann á Sauðár-
króki. -þá
Akureyri:
Malbikunarfram-
kvæmdir ganga vel
Malbikunari'ramkvæmdir
ganga vel á Akureyri aö sögn
Gunnars Jóhannssonar verk-
fræöingar hjá Akureyrarbæ.
Undanfarið hefur verið unnið
við malbikun gangstétta í
Byggðum og Mýrum og eru
þær framkvæmdir vel á veg
komnar.
Búið er að malbika Vestur- og
Múlasíðu og unnið að undirbún-
ingi malbikunar Borgarbrautar,
en það er lengsta gatan sem mal-
bikuð verður á Akureyri í sumar.
Fyrirhugað er að malbika Borg-
arbrautina í þessari viku.
Malbikunarstöðinni verður
lokað vegna sumarleyfa þann 25.
júlí og sagði Gunnar að fyrir
þann tíma eigi vinnu við Borgar-
braut og Norðurgötu að vera
lokið.
Að sumarfríum loknum verður
unnið við Dalbraut, að Lunda-
skóla og einnig götu að verk-
smiðjum SÍS frá Glerárgötu.
Yfirlögn á eldri götum er að
mestu lokið, að sögn Gunnars.
-mþþ
„Hann stendur sig vel gamli Fergusoninn.“ Búi Ármannsson vinnur við heyskapinn á sumrin þrátt fyrir ofnæmið.
Mynd: gej-
„Hef ofnæmi fyrir
hænum og heyi“
- segir Búi Ármannsson í heyskap í Ytri Haga
„Nei, ég er ekki bóndinn,“ segir
ungur maður á gamalli Fergu-
son dráttarvél. Hann var að
tæta hey á túnskika sem til-
heyrir jörðinni Götu í
Árskógshreppi. Sjálfur á hann
heima í Syðri-Haga, sem er
„handan“ þjóðvegarins eins
og margir segja á Norðurland-
inu. Þar býr hann ásamt for-
eldrum sínum og systur. Bær-
inn Gata fór í eyði um miðjan
6. áratuginn og tiheyrir nú
jörðinni Syðri-Haga.
Ungi maðurinn á dráttarvél-
inni heitir Búi Ármannsson og
segist vera heima í sveitinni á
sumrin. „Annars vinn ég í Hrísa-
lundi á Akureyri á veturna og lík-
ar það vel.“
- Ætlarðu kannski að taka við
búinu að Syðri-Haga þegar fram
líða stundir?
„Ég reikna ekki með því. Ég er
nefnilega einn af þeim sveita-
ntönnum og öðrum sem hafa
ofnæmi fyrir ryki og heyi. Að
vísu hef ég ofnæmi fyrir hænum
líka, en það er svo hlægilegt að
maður segir það ekki.“ Og nú
hlær Búi.
- Ertu þá ákveðinn í því að
fara ekki út í búskapinn?
„Já, það er ég, enda kemur
það eiginlega ekki til greina hjá
mér að verða bóndi, þrátt fyrir
þetta ofnæmi.“
- Hvert stefnir hugurinn þá?
„Ég er alveg óráðinn. Undan-
farna vetur hef ég verið í öld->
ungadeild MA og vonast til þess
að klára það eftir einhver ár. Að
vísu féll ég í frönsku í vor, en það
er ekkert hættulegt, því ekkert
liggur á. Ég reikna með því að
klára skólann á næstu 3 árunt eða
svo.“
- Er sláttur byrjaður hjá ykk-
ur að einhverju marki?
„Nei, hann er það ekki. Þessi
blettur sem ég er að tæta núna er
hálfgerð upphitun fyrir aðalslátt-
inn. Þetta er allt að bresta á.
Annars höfum við verið að
koma okkur upp sumarhúsi hér á
jörðinni, sem við ætlum að leigja
út fyrir ferðafólk. Það getur kom-
ið til okkar og fengið húsið í viku
í senn. Það hefur farið mikill tími
í að koma þessu öllu í stand, en
það er að klárast, svo heyskapur-
inn tefst ekki þess vegna.“
- Líkar þér vel í sveitinni?
„Já, mjög vel. Ég er hræddur
um að ég yrði brjálaður að vera í
bænum yfir sumarið,“ segir Búi
Ármannsson. gej-
Kennara vantar á Siglufirði:
Engin viðbrögð ef aug-
lýst er of snemma
- Um helmingur kennara við skólann síðasta vetur réttindalaus
„Við auglýstum í 7 stöður
kennara, en engar umsóknir
hafa borist,“ sagði Pétur
Garðarsson skólastjóri í
Grunnskólanum á Siglufirði í
samtali við Dag. I bókun
skólanefndar frá því í júní er
taliö að engin hreyfíng kæmist
á þessi mál fyrr en kjaradómur
hefði kveðið upp sinn úrskurð.
Samkvæmt úrskurði kjara-
dóms fá kennarar þriggja
launaflokka hækkun, en Pétur
taldi það síst mikið miðað við
það sem kennarar hefðu dreg-
ist aftur úr.
„Við erum ekkert farnir að
óskapast í auglýsingum ennþá,
það þýðir ekkert að auglýsa laus-
ar kennarastöður of snemma.
Reynsla okkar er sú að við fáum
engin viðbrögð ef auglýst er
snemma. Við höfum eytt tugum
þúsunda í auglýsingar, en ekkert
komið út úr því.“
í bókun skólanefndar kemur
fram að brýn ástæða er til að
ítreka fyrri ábendingar nefndar-
innar til bæjaryfirvalda að taka
ákvarðanir í sambandi við hús-
næðismál kennara, þar sem
óframkvæmanlegt er að ráða
kennara ef óvissuástand ríkir í
þeim málum. Pétur sagði að
ástand í húsnæðismálum væri
ekki slæmt nú, „okkur hafa verið
boðnar íbúðir til leigu. Ef við
fáum aðkomufólk sem vill ráða
sig i heila stöðu verður hægt að fá
íbúðir fyrir það,“ sagði Pétur. Að
sögn Péturs er einhver húsaleigu-
styrkur boðinn, en ekki er búið að
ákveða hversu mikill hann verður
fyrir næsta skólaár. Leiga á Siglu-
firði væri lág, þannig að kennarar
þyrftu sáralítið að borga fyrir
leiguíbúðir.
Á það er bent í bókun skóla-
nefndar að fastráðnir kennarar
séu að sýna á sér fararsnið. Pétur
sagði að einn af íþróttakennurun-
um við skólann væri á förum og
útlitið dökkt í þeim málum. Búið
er að kanna undirtektir þeirra
sem útskrifast úr íþróttakennara-
skólanum á Laugarvatni, en svo
virtist sem stór hópur þeirra ætl-
aði ekki til kennslu.
„Staðreyndin er sú að kennar-
ar sem hér hafa starfað í áratugi
eru farnir að líta í kringum sig
eftir öðrum störfum. Mönnum
finnst þeir bera lítið úr býtum eft-
ir að hafa kennt í 20 ár.“
Pétur sagði að við Grunnskól-
ann á Siglufirði hefðu starfað um
30 manns síðasta skólaár, þar af
nokkrir í hlutastörfum og við
stundakennslu. Af þeim hópi var
um helmingur réttindalaus. „Um
50% þeirra kennara sem kenndu
við skólann síðasta vetur voru rétt-
indalaus," sagði Pétur að lokum.
-mþþ