Dagur - 15.09.1986, Síða 8
8 - DAGUR - 15. september 1986
Nauðungaruppboð
sem auglýst var i 131., 138. og 145. tbl. Lögbirtingablaðsins
1985 á fasteigninni Seljahlíð 7 b, Akureyri, þinglesinni eign
Margrétar Völu Grétarsdóttur, fer fram eftir kröfu Trygginga-
stofnunar ríkisins á eigninni sjálfri föstudaginn 19. september
1986, kl. 16.30.
Bæjarfógetinn á Akureyri.
Nauðungaruppboð
sem auglýst var í 95., 99. og 102. tbl. Lögbirtingablaðsins
1985 á fasteigninni Skólastíg 5, Akureyri, þinglesinni eign
Unnar Björnsdóttur o.fl. fer fram eftir kröfu Gunnars Sólnes
hrl. á eigninni sjálfri föstudaginn 19. september 1986, kl.
16.45.
Bæjarfógetinn á Akureyri.
Nauðungaruppboð
annað og síðasta á Stórholti 9, neðri hæð, Akureyri, þingles-
inni eign Birgis Antonssonar, fer fram eftir kröfu Tómasar Þor-
valdssonar hdl. og Gunnars Sólnes hrl. á eigninni sjálfri föstu-
daginn 19. september 1986, kl. 16.00.
Bæjarfógetinn á Akureyri.
Nauðungaruppboð
sem auglýst var í 46., 52. og 58. tbl. Lögbirtingablaðsins 1986
á fasteigninni Norðurgötu 57, Akureyri, þinglesinni eign Sana
hf. fer fram eftir kröfu Byggðastofnunar á eigninni sjálfri föstu-
daginn 19. september 1986, kl. 15.00.
Bæjarfógetinn á Akureyri.
Nauðungaruppboð
sem auglýst var í 46., 52. og 58. tbl. Lögbirtingablaðsins 1986
á fasteigninni Holtagötu 9, Akureyri, talinni eign Sigurjóns
Jónssonar o.fl. fer fram eftir kröfu Tryggingastofnunar ríkisins
á eigninni sjálfri föstudaginn 19. september 1986, kl. 14.30.
Bæjarfógetinn á Akureyri.
Nauðungaruppboð
sem auglýst var í 46., 52. og 58. tbl. Lögbirtingablaðsins 1986
á fasteigninni Helgamagrastræti 44 n.h., Akureyri, þinglesinni
eign Margrétar Ketilsdóttur, fer fram eftir kröfu Gunnars Sól-
nes hrl., á eigninni sjálfri föstudaginn 19. september 1986, kl.
14.15.
Bæjarfógetinn á Akureyri.
Nauðungaruppboð
sem auglýst var í 46., 52. og 58. tbl. Lögbirtingablaðsins 1986
á fasteigninni Hamragerði 6, Akureyri, þinglesinni eign Árna
Jónssonar, fer fram eftir kröfu Verzlunarbanka Islands og
bæjarsjóðs Akureyrar á eigninni sjálfri föstudaginn 19. sept-
ember 1986, kl. 14.00.
Bæjarfógetinn á Akureyri.
Nauðungaruppboð
sem auglýst var í 46., 52. og 58. tbl. Lögbirtingablaðsins 1986
á fasteigninni Furulundi 15 a, Akureyri, þinglesinni eign Hreins
Hrafnssonar o.fl. fer fram eftir kröfu Gunnars Sólnes hrl. og
Péturs Guðmundssonar hdl. á eigninni sjálfri föstudaginn 19.
september 1986, kl. 13.45.
Bæjarfógetinn á Akureyri.
Turnfálki við Kolbeinsey:
Aldrei áður svo
norðarlega
A hverju ari gerist það að
fuglar villast hingað norður til
íslands frá heimkynnum sínum
á meginlandi Evrópu. Þetta er
sjaldgæfara með ránfugla en
aðra fugla en þó eiga þeir það
einnig til að leggjast í slík
ferðalög. Fyrir tveimur árum
fannst fjallvákur fyrir norðan
land og einnig hefur Græn-
landsfálki, sem er afbrigði af
íslandsfálka, fundist hér á
Norðurlandi.
Sá ránfugl sem oftast villist
hingað til lands er turnfálki en
hann lifir annars aðallega í skóg-
lendum Evrópu, Asíu og N.-
Ameríku. Turnfálki er mun
minni en íslenski fálkinn, heldur
stærri en smyrillinn en ljósari að
lit.
Um daginn gerðist það að skip-
verjar á Sæunni ÓF 7 frá Ólafs-
firði, gómuðu turnfálka allt norð-
ur við Kolbeinsey, um 60 sjómíl-
um norðan við land og 30 sjómíl-
um norðan Heimskautsbaugs.
Axel Asgeirsson einn skipverja
segir að fuglinn hafi sest á bátinn
hjá þeim er þeir voru að veið-
um. Atti hann mjög í vök að
verjast fyrir ágangi múkka og
skúms sem létu ófriðlega. Virtist
hann því feginn að geta tyllt sér.
Eftir nokkrar tilraunir tókst þeim
að handsama fuglinn þar sem
hann var að rífa í sig fiskflak sem
að honum hafði verið rétt.
Fuglinn, sem er kvenkyns, var
hafður í kassa í fáeina daga en
síðan var hann sendur til Nátt-
úrufræðistofnunar. Á meðan á
dvölinni í kassanum stóð nærðist
hann m.a. á múkka og kom
þannig fram nokkrum hefndum.
Að sögn Erlings Ólafssonar
dýrafræðings er þetta fyrsti turn-
fálkinn sem þeir frétta af á þessu
ári og ekki er vitað til að þeir hafi
áður fundist svo langt fyrir norð-
an land. Fuglinn var við bestu
heilsu og var honum sleppt að
lokinni myndatöku og öðrum
formsatriðum. ET
r Hafspil:
Islensk útfærsla
Leikfélag Húsavíkur:
Tvö leikrit
sett upp
í vetur
„Hjá okkur verður allt í fullum
gangi í vetur og við ættum að
uppfylla allar þarfir fólks í
sambandi við Ieikhús,“ sagði
Anna Ragnarsdóttir, formaður
Leikfélags Húsavíkur, en leik-
félagið hefur ákveðið að taka 2
ólík verk til sýningar í vetur.
Haustverkefni leikfélagsins
verður nýtt íslenskt leikrit,
heilmikið síldarævintýri, sem
heitir „Síldin kemur og síldin
fer“. Er það eftir þær systur
Iðunni og Kristínu Steinsdætur.
Þetta er gleðileikur með
söngvum. Þar er mikið hopp og
hí og gaman á síldarplani. Það
endurspeglar síldarárin. Stefnt er
að því að hefja æfingar á verkinu
um eða upp úr 20. september.
Æfingar á „Ofureflið," sem
þýtt er af Karli Ágúst Úlfssyni,
munu hefjast í janúar. Þetta er
hádramatískt verk sem gerist við
dyr dauðans. Verkið fjallar um
þankagang fólks sem bíður
dauða síns. Mjög gott leikrit, að
sögn Nönnu. Leikstjóri verður
María Sigurðardóttir, sem m.a.
lék í „Beiskum tárum Petru von
Kant“. IM
Eitt af þeim fyrirtækjum sem
hafa fengið lán úr Fram-
kvæmdasjóði er Hafspil, sem
framleiðir spil í ýmsum
útfærslum. Þar er um íslenska
hönnun að ræða og er árangur-
inn slíkur að menn geta verið
vongóðir um framhaldið.
Eftirspurn er mikil, en nokkuð
árstíðabundin.
Hjá fyrirtækinu vinna sex
manns við framleiðslu á svo-
nefndum dráttarköllum, vökva-
drifnum borðstokksrúllum og
netaköllum, svo dæmi séu tekin.
Þessi tæki hjálpa sjómönnum
mikið þegar línan eða netin eru
dregin inn og koma að vissu leyti
í stað manna sem áður þurftu að
leggja á sig óþægileg störf. Þessi
tæki eru útfærð af Hreini Elliða-
syni og samstarfsmönnum hans
og hafa reynst mun betur en
innflutt, enda alger óþarfi að
flytja svona lagað inn, að sögn
Hreins, sem m.a. kynntist neta-
köllum í Noregi með þeim
afleiðingum að hann sá sig knú-
inn til að bæta um betur.
Hér er um að ræða spil með
öllum fylgihlutum og stýribúnaði.
Útfærslan tekur mið af öryggi
sjómanna og eru tækin ryðfrí,
þannig að endingin ætti að vera
góð.
Hreinn sagði horfurnar góðar í
þessari atvinnugrein. Mikið að
gera og margt óunnið. Þróunin
væri ör og stæðu íslendingar þar
mjög framarlega. SS
Húsvíkingar - Þingeyingar
41585
er símanúmer Ingibjargar Magnúsdóttur
blaðamanns Dags.
Skrifstofan er að Stóragarði 3.
Opið frá kl. 9-11 f.h.
Giftingarhríngur merktur E.D.
fannst í kartöflugarði
Ég var að taka upp úr kartöflu-
garðinum mínum og fann þá
giftingarhring í einu beðinu,“
sagði Gunnar Jóhannesson
verkfræðingur hjá Akureyrar-
bæ.
Gunnar og fjölskylda hans
hafa garð við Blómsturvelli og
hafa haft síðustu 3 ár. Giftingar-
hringurinn sem Gunnar fann er
ekki nýtískulegur að gerð og
heldur Gunnar að hringurinn hafi
Iegið nokkur ár í garðinum. í
hringinn eru grafnir stafirnir
E.D. Sá sem kannast við þessa
skammstöfun og saknar hringsins
hafi samband við Gunnar.